ᐊᑈᔅᑕᓇᒡ 12:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐊᕈᑦ ᒪᒃ ᒋ ᐃᑎᓱᐛᐤ ᒐᒋ ᓇᓂᑐᐛᐱᒪᑭᓄᔨᒋ ᐱᑕᕋ, ᓇᒪ ᒪᒃ ᐅᒋ ᒥᔅᑯᐛᑭᓄᐅᔪᐛ᙮ ᐊᑯ ᐊᓐᒡ ᐊᓯᒪᑭᓂᓯᒡ ᑲ ᓂᓇᑭᑐᐛᔨᒪᒡ ᐱᑕᕋ ᒋ ᑯᒂᒋᒪᑭᓄᐅᒡ ᒐᒋ ᐎᑕᒡ ᑕᓐ ᐊᓐ ᑲ ᐃᔅᐱᔨᒡ, ᐊᑯ ᐊᕈᑦ ᑲ ᐃᑎᓱᐛᑕᑦ ᒐᒋ ᓂᐸᐊᑭᓄᔨᒋ ᐊᓂᔭ ᐊᓯᒪᑭᓂᓴ᙮ ᐃᔅᐱ ᒪᒃ ᐅᔭ ᑲ ᐃᑐᑐᐛᑭᓄᔨᒋ, ᐊᕈᑦ ᒋ ᓂᑭᑎᒻ ᒍᑎᔭ ᐊᔅᒋᔪᐤ, ᐊᑯ ᐊᓐᑕ ᓯᓴᕆᔭᒡ ᒂ ᐃᑐᑕᑦ᙮ ᐊᑯᑕ ᐊᓐᑕ ᑲ ᐎᒋᑦ᙮

ᐊᑈᔅᑕᓇᒡ 12:19 Iomraidhean Croise

ᒪᑎᔪᐤ 2:1

ᐸᑦᓕᔭᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒡ ᐊᑯᑕ ᑲ ᐃᔪᑦ ᒋᓴᔅ᙮ ᐊᕈᑦ ᒪᒂᒡ ᒋ ᒋᓴᐅᒋᒪᐤ᙮ ᒋᕈᓯᓕᒥᒡ ᒪᒃ ᒋ ᑎᑯᓯᓄᐅᒡ ᑲ ᑭᒐᑕᐛᔨᑕᒡ ᓇᐸᐅᒡ ᐛᐱᓄᑕᒡ ᐊ ᐅᑐᑕᒡ᙮

ᒪᑎᔪᐤ 2:13

ᐃᔅᐱ ᒪᒃ ᑲ ᔅᑐᑕᒡ ᐊᓐᒡ ᑲ ᑭᒐᑕᐛᔨᑕᑯᓯᒡ ᓇᐸᐅᒡ, ᐊᑯ ᐅᑎᐸᔨᒋᒐᐤ ᐅᑦ ᐊᓐᒋᓂᒪ ᒂ ᓄᑯᓯᔅᑕᑯᑦ ᒍᓯᑉ ᐅᐳᐛᒧᐅᓂᒡ ᐊ ᐃᑎᑯᑦ, “ᐊᕈᑦ ᒋᑭ ᐃᑎᓱᐛᐤ ᒐᒋ ᓇᓂᑐᐛᐱᒪᑭᓄᔨᒋ ᐊᓂᔭ ᐊᐛᓴ ᐊ ᐎ ᓂᐸᐊᑦ᙮ ᐅᓂ, ᒐ ᔅᑐᑕᐃᑥᐤ ᐊᓐ ᐊᐛᔅ ᑭᔭ ᐊᓂᔭᔪᐛ ᐅᑲᐎᔭ ᑭᔭ ᐃᒋᑉᑎᒡ ᒪᒃ ᐃᑎᓯᒧᒄ, ᐊᑯᑕ ᒐ ᑕᔭᒄ ᐸᑐᔅ ᐃᑎᑎᑯᒐ ᒐᒋ ᔅᑐᑕᔭᒄ᙮”

ᒪᑎᔪᐤ 2:16

ᐊᔅᒄ ᒪᒃ ᒪᒂᒡ ᐊᒋ ᐱᒪᑎᓯᑦ ᐊᕈᑦ ᐃᔅᐱ ᒐᔅᒐᔨᑕᐧᒃ ᐊ ᒋᐎᔭᓯᒥᑯᑦ ᐊᓂᔭ ᑲ ᑭᒐᑕᐛᔨᑎᒥᔨᒋ ᓇᐸᐛ ᒋ ᒥᔅᑎ ᒋᔄᓱᐤ᙮ ᐊᑯ ᒂ ᐃᑎᓱᐛᑦ ᒐᒋ ᓂᐸᐊᑭᓄᔨᒋ ᒥᓯᐛ ᑲ ᓂᓱᐳᓇᓯᔨᒋ ᑭᔭ ᐊᐛᓯᐎᔨᒋ ᐊ ᓇᐸᓯᐎᔨᒋ ᐊᐛᓴ ᐊᓐᑕ ᐸᑦᓕᔭᒥᒡ ᑲ ᑕᔨᒋ ᑭᔭ ᐛᔅᑲ ᐊᓐᑕ ᑲ ᑕᔨᒋ, ᐊᐅᒄ ᐅᔭ ᐛᒋ ᐃᑐᑐᐛᑦ ᐛᔅ ᐊᐅᑯᓐ ᒂᔄᓐ ᑲ ᐃᔅᐱᔅ ᐎᑎᒪᑯᑦ ᐊᓂᔭᔪᐛ ᑲ ᑭᒐᑕᐛᔨᑎᒥᔨᒋ ᓇᐸᐛ ᓂᓱ ᐱᐳᓇ ᐊᓐᑕ ᐅᑕᒡ ᐊᑯᑕ ᓂᔅᑎᒻ ᑲ ᐛᐱᒪᔨᒂᓂ ᐊᓂᔭ ᐅᒐᑭᑕᒂ᙮

ᐊᑈᔅᑕᓇᒡ 12:18

ᒥᓐ ᒪᒃ ᐎᔭᐱᓂᔨᒡ, ᓇᔅᒡ ᑕᑈ ᒋ ᑯᔅᑯᐱᔪᒡ ᑭᔭ ᒋ ᓴᒋᓱᐅᒡ ᐊᓐᒡ ᐊᓯᒪᑭᓂᓯᒡ ᐊᑲ ᒥᔅᑯᐛᒡ ᐊᓂᔭ ᐱᑕᕋ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

ᐊᑈᔅᑕᓇᒡ 12:4

ᐊᑯ ᐱᑕᕐ ᒂ ᒪᑯᓇᑭᓄᐅᑦ ᑲ ᒋᐸᐛᑭᓄᐅᑦ᙮ ᒪᒧᐤ ᐊᓱᑕᒡ ᑕᑐᓴᑉ ᒋ ᑎᓯᔪᐤ ᐊᓯᒪᑭᓂᓴ ᐊ ᓂᓇᑭᑐᐛᔨᒥᑯᑦ ᐊ ᒪᒥᔅᑯᑎᔅᑲᑐᔨᒋ᙮ ᓇᐤ ᒋ ᑎᓯᔪᐛ ᐸᐃᒂᐤ ᐊ ᓂᓇᑭᑐᐛᔨᒥᑯᑦ᙮ ᐊᕈᑦ ᒪᒃ ᒋ ᐃᑕᔨᑎᒻ ᒐᒋ ᓂᔅᑐᓇᑦ ᐊᓂᔭᔪᐛ ᐃᔪᐛ ᒋ ᒥᑯᓴᔨᒐ᙮ ᐊᑯᑕ ᑲ ᐃᑕᔨᑕᐧᒃ ᒐᒋ ᑎᐸᔅᑯᓇᑦ ᐱᑕᕋ ᐊᓐᑕ ᐊᓂᔭ ᒪᒂᒡ᙮

ᐊᑈᔅᑕᓇᒡ 12:6

ᐊᓂᔭ ᒪᒃ ᒪᔅᑕᔾ ᑕᐱᔅᑲᔨᒡ ᒐ ᑕᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑎᔅᑐᐎᒡ ᓂᓱ ᐊᓯᒪᑭᓂᓴ ᐊ ᑕᔨᒋ ᒋ ᓂᐸᐤ᙮ ᐊᓂᔭ ᒪᒃ ᐛᐸᓂᔨᒐ ᐊᑯ ᒋᐸ ᑎᐸᔅᑯᓇᑭᓄᐤ᙮ ᓂᔄᐸᒡ ᒪᒃ ᐃᓴᒂᔭᐱᔭ ᒋ ᒪᑯᐱᑕᑭᓄᐤ᙮ ᑭᔭ ᒋ ᑕᔪᐛ ᐊᓯᒪᑭᓂᓴ ᐊ ᑭᓄᔅᑯᐛᑐᐛᔨᒋ᙮

ᐊᑈᔅᑕᓇᒡ 16:27

ᒋ ᐸᑯᐱᔪᐤ ᐊᓐ ᑲ ᓂᓇᑭᑐᐛᔨᑕᐧᒃ ᑲᒪᑯᓄᐛᓯᐅᒋᐛᐱᔪᐤ᙮ ᐃᔅᐱ ᐎᔭᐱᒪᑦ ᐊᓂᔭ ᔅᑐᐧᑭᓇ ᐊ ᔪᑕᑯᒋᓂᔨᒋ, ᒋ ᐃᑕᔨᑎᒻ ᒥᓯᐛ ᐊᓂᔭ ᑲ ᒋᐸᐛᑭᓄᔨᒋ ᐊᒋ ᒋᑎᓯᒧᔨᒋ᙮ ᐊᑯ ᑲ ᐎ ᓂᐸᐃᓱᑦ, ᒋ ᒥᓂᐱᑎᒻ ᐊᓂᔭ ᐅᓂᑐᐱᔪᐅ-ᒧᐧᑯᒪᓐ ᐊ ᐎ ᐊᐱᒋᑕᑦ ᐊ ᐃᔅᐱᔅ ᒥᔅᑎ ᓴᒋᓯᑦ᙮

ᐊᑈᔅᑕᓇᒡ 21:8

ᐊᑯ ᒪᒃ ᐎᔭᐸᒡ ᐊᑯ ᒂ ᔅᑐᑕᔭᒡ ᐊᓐᑕ ᐊᓐ ᐅᑕᓇᐤ ᓯᓴᕆᔭ ᒂ ᐃᓯᓂᐧᑲᑕᒡ ᑲ ᐃᑐᑕᔭᒡ᙮ ᐱᓕᑉ ᒪᒃ ᐊ ᐃᓯᓂᐧᑲᓱᑦ ᓇᐸᐤ ᐊᓐᑕ ᐊ ᑕᑦ ᐊᐅᒄ ᐅ ᐎᒋᒡ ᑲ ᐃᑕᐅᒋᑦ᙮ ᑲ ᑭᒐᔅᒋᒧᑦ ᒋ ᐃᑕᐱᑎᓯᐤ ᐅ ᐱᓕᑉ ᑭᔭ ᐊᐅᒄ ᐅ ᐸᐃᒄ ᐊᓐᒡ ᓂᔄᐅᑕᒡ ᑲ ᑎᓯᒡ ᑲ ᐅᑎᓇᑭᓄᐎᒡ ᒐᒋ ᓇᑕᒪᒐᒡ ᐊᓐᑕ ᐊᔭᒥᐊᐅᒋᐛᐱᒡ ᒋᕈᓯᓕᒥᒡ᙮

ᐊᑈᔅᑕᓇᒡ 25:13

ᐸᑎᒪ ᒪᒃ ᒥᓐ ᑯᑎᒃ ᒋᓴᐅᒋᒪᐤ ᐊᒃᕆᐸ ᐊ ᐃᓯᓂᐧᑲᓱᑦ ᑭᔭ ᐅᓯᒪ ᐳᕐᓂᔅ ᐊ ᐃᓯᓂᐧᑲᓱᔨᒋ ᒋ ᐸᒋ ᑎᑯᓯᓄᐅᒡ ᐊᓐᑕ ᓯᓴᕆᔭᒡ᙮ ᒋ ᐎ ᐸᒋ ᐛᒋᔭᒪᐅᒡ ᐊᓂᔭ ᒋᓴᐅᒋᒪᐛ ᐸᔅᑕᓴ᙮

ᐊᑈᔅᑕᓇᒡ 27:42

ᐊᑯ ᐊᓐᒡ ᐊᓯᒪᑭᓂᓯᒡ ᒥᓯᐛ ᑲ ᐎ ᓂᐸᐊᒡ ᐊᓂᔭᔪᐛ ᓇᐸᐛ ᑲ ᑭᓄᐛᔨᒪᒡ ᑲ ᒪᑯᓇᑭᓄᔨᒋ, ᐊᑲ ᑭᑈ ᓂᑐᐛᔨᒪᒡ ᒐᒋ ᒋᑎᓯᒧᔨᒋ, ᐛᔅ ᒋᐸ ᒋ ᐱᑭᔅᑐᐛᒂᔅᑯᑎᔪᐛ ᐊᓐᑕ ᓂᐱᒡ, ᑭᔭ ᐊᓐᑕ ᒐᒋ ᐃᓯ ᓇᑎᑭᒪᒥᔨᒋ᙮

ᐊᑈᔅᑕᓇᒡ 8:40

ᐱᓕᑉ ᒪᒃ ᐊᓱᑕᓯᒡ ᒋ ᐅᒋ ᑕᐤ, ᐊᑯᑕ ᐊᓐᑕ ᐅᒋ ᐊᓱᑕᓯᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓐᑕ ᒥᓯᐛ ᐅᑕᓇᐛ ᐱᐃᒻ ᑲ ᑎᑯᓯᐧᒃ ᓯᓴᕆᔭᒡ᙮