ᐊᑈᔅᑕᓇᒡ 12:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮

ᐊᑈᔅᑕᓇᒡ 12:17 Iomraidhean Croise

ᑎᐱᑦ ᐅᓂᑭᒧᐅᓇ 146:7

ᐊ ᐃᓯ ᐎᔨᓱᐛᔨᑕᑯᓂᔨᒡ ᑲ ᐃᑐᑎᒧᐛᑦ ᑲ ᐊᔨᒥᐅᔨᒋ; ᑲ ᐊᓴᒪᑦ ᑲ ᓄᑕᐧᑭᑕᔨᒋ᙮ ᑎᐸᔨᒋᒐᓱᐤ, ᓴᓂᒧᐛᐤ ᑲᒋᐸᐛᑭᓄᐎᒋ:

ᑎᐱᑦ ᐅᓂᑭᒧᐅᓇ 66:16

ᐸᒋ ᓂᑐᒥᑎᐧᒄ, ᒥᓯᐛ ᒋᔨᐛᐤ ᑲ ᓇᓂᒋᔅᑐᐛᒄ ᒋᓴᒪᓂᑐᐤ, ᓂᑭ ᐎᑕᓐ ᒪᒃ ᑲ ᐃᑐᑐᐛᑦ ᓂᑦ ᐊᒐᒂ᙮

ᒪᑎᔪᐤ 10:23

ᓂᓇᐧᑲᒋᐃᑯᔭᒂ ᐸᐃᒄ ᐅᑕᓇᐤ, ᒋᑎᓯᒧᒄ ᐊᑯ ᐊᓐᑕ ᑯᑎᒃ ᐅᑕᓇᐤ ᒐ ᐃᑐᑕᔭᒄ᙮ ᑕᑈ ᒋᑦ ᐃᑎᓇᐛᐤ, ᓇᒪ ᐊᔅᒄ ᒥᓯᐛ ᒋᑭ ᐅᒋ ᐃᓯ ᐛᐎᑕᓇᐛᐤ ᒥᔽᒋᒧᐅᓐ ᐊᓐᑕ ᐅᑕᓇᐛ ᐃᔅᕋᐃᓕᒡ ᑲ ᑎᒂᒋ, ᓴᔅ ᒐ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:3

ᓇᒪᐎᔾ ᐊ ᐅᔭ ᑲ ᒥᔅᑎᑯᓇᐸᐎᔨᒋ ᒪᕆ ᐅᑯᓴ ? ᓇᒪᐎᔾ ᐊ ᐅᔭ ᐎᐧᑲᓂᓱᐛᐛ ᒋᒥᔅ, ᒍᓯᔅ, ᒍᑎᔅ ᑭᔭ ᓴᐃᒥᓐ ? ᓇᒪᐎᔾ ᐊ ᐅᑕ ᐎᒡ ᐃᔪᐛ ᑭᔭ ᐅᓯᒪ ?” ᐊᔪᐅᒄ ᐅᔭ ᑲ ᐃᓯ ᑯᒂᒋᒥᑐᒡ ᐛᔅ ᑕᐸ ᐅᒋ ᓇᐃᔅᑲᑯᐅᒡ ᑕᓐ ᑲ ᐃᑎᔨᒋ ᒋᓴᓴ᙮

ᓗᒃ 1:22

ᐃᔅᐱ ᒪᒃ ᐱᔭᒋ ᐎᐎᑦ ᓴᑲᕋᔭ ᓇᒪ ᐅᒋ ᐃᔨᒧᐤ᙮ ᐊᑯ ᐊᓐᒡ ᐃᔪᒡ ᑲ ᒋᔅᒐᔨᑕᒡ ᐛᐸᑎᔨᐛᐅᓂᔪᐤ ᐊᒋ ᐛᐸᑎᔭᑭᓄᔨᒋ ᐱᑎᑭᒥᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᒥᒄ ᒋ ᐃᓯᓂᔅᒐᐱᔪᐤ ᓴᑲᕋᔭ ᒐᒂᔪᐤ ᐊ ᐎ ᐃᔅᒋᔄᑦ ᐊᑲ ᑲ ᐅᒋ ᐃᔨᒥᑦ᙮

ᒠᓐ 10:40

ᐊᑯ ᒋᓴᔅ ᒥᓐ ᑲᐤ ᒂ ᐊᓱᑲᒪᐊᐧᒃ ᐊᓂᔭ ᒠᕐᑕᓐ ᓯᐱᔪᐤ᙮ ᐊᓐᑕ ᑲᒋ ᓯᑲᐃᑕᒐᔨᒡ ᒠᓇ ᐊᑯᑕ ᑲ ᐃᑐᑕᑦ᙮ ᐊᑯᑕ ᐊᓐᑕ ᑲ ᑕᑦ᙮

ᒠᓐ 11:54

ᐊᔪᐅᒄ ᒪᒃ ᐅᔭ ᐛᒋ ᐊᑲ ᐅᒋ ᑕᑦ ᒋᓴᔅ ᐊᓐᑕ ᐊ ᒥᒐᑎᓇᓄᐎᒡ ᐊᓐᑕ ᒍᑎᔭ ᐊᔅᒋᒡ, ᒋ ᔅᑐᑕᐤ ᐊᑯ ᐊᓐᑕ ᐸᐧᑯᑎᔅᑭᒥᑲᒡ ᒥᒋᒪ ᑲ ᑎᑯᓂᔨᒡ ᐅᑕᓇᔪᐤ ᐃᑉᕋᐃᒻ ᑲ ᐃᓯᓂᐧᑲᑕᔨᒡ ᐊᑯᑕ ᐊᓐᑕ ᑲ ᑕᑦ ᑭᔭ ᐅᒋᔅᒋᓄᐊᒧᐛᑭᓐ ᐊᑯᑕ ᑲ ᑕᔨᒋ᙮

ᒠᓐ 13:24

ᓴᐃᒥᓐ ᐱᑕᕐ ᒂ ᓇᒥᔅᑯᐛᔨᔅᑐᐛᑦ ᐊᓂᔭ ᒋᔅᒋᓄᐊᒧᐛᑭᓇ ᒂ ᐃᑕᑦ ᒐᒋ ᑯᒂᒋᒪᔨᒋ ᐊᐛᔪᐛ ᐊᓂᔭ ᑲ ᐊᔨᒧᒪᔨᒋ᙮

ᒠᓐ 7:1

ᒥᓐ ᐸᑎᒪ ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᓕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ, ᓇᒪ ᐎ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐃᑕᒐ ᐅᒋ ᐎ ᐃᑐᑕᐤ ᐛᔅ ᒋ ᒋᔅᒐᔨᑎᒻ ᐊᒋ ᐎ ᓂᐸᐃᑯᑦ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮

ᒠᓐ 8:59

ᐊᑯ ᑲ ᒪᒧᓴᒋᓇᒡ ᐊᓯᓂᔭ ᒐ ᐸᐱᒧᓯᓇᑕᐛᒡ᙮ ᒥᒄ ᒪᒃ ᒋᓴᔅ ᒋ ᑲᓱᔅᑐᐛᐤ ᐊᑯ ᑲ ᐎᐎᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 12:16

ᐃᔭᐱᒡ ᒪᒃ ᒋ ᑎᑥᐛᐃᒐᐤ ᐱᑕᕐ ᒋᐱᔎᒡ᙮ ᒐᒃ ᒪᒃ ᒂ ᔪᑕᓂᒧᐛᑭᓄᐅᑦ, ᐃᔅᐱ ᒪᒃ ᐎᔭᐱᒪᒡ, ᓇᔅᒡ ᑕᑈ ᒋ ᑯᔅᑯᐱᔪᒡ᙮

ᐊᑈᔅᑕᓇᒡ 12:18

ᒥᓐ ᒪᒃ ᐎᔭᐱᓂᔨᒡ, ᓇᔅᒡ ᑕᑈ ᒋ ᑯᔅᑯᐱᔪᒡ ᑭᔭ ᒋ ᓴᒋᓱᐅᒡ ᐊᓐᒡ ᐊᓯᒪᑭᓂᓯᒡ ᐊᑲ ᒥᔅᑯᐛᒡ ᐊᓂᔭ ᐱᑕᕋ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

ᐊᑈᔅᑕᓇᒡ 13:16

ᐊᑯ ᒪᒃ ᑈᓪ ᑲ ᐅᐱᑲᐳᐅᑦ, ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭ ᐃᔪᐛ ᒐ ᐊᑲ ᒋ ᒋᔅᑐᔨᒋ, ᒂ ᐃᔅᒋᔄᑦ, “ᓂᐧᑲᓂᓯᑐᒄ, ᑕᐱᔅᑯᓐ ᒋᔨᐛᐤ ᒍᐤ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᓂᑐᑐᐅᒄ᙮

ᐊᑈᔅᑕᓇᒡ 15:13

ᐃᔅᐱ ᒪᒃ ᑲᒋ ᐃᓯ ᑎᐸᒋᒧᔨᒋ, ᐊᑯ ᒋᒥᔅ ᒂ ᐱᓯᑯᑦ ᐊ ᐃᔅᒋᔄᑦ, “ᓂᑐᑎᒧᒄ ᒪ, ᓂᐧᑲᓂᓯᑐᒄ,

ᐊᑈᔅᑕᓇᒡ 16:40

ᐊᑯ ᒪᒃ ᑈᓪ ᑭᔭ ᓴᓂᔅ ᐊᓐᑕ ᐊᓂᔭ ᐃᔎᐛ ᓕᑎᔭᔨᒋ ᐊ ᑕᔨᒋ ᐊᑯᑕ ᒂ ᐃᑐᑕᒡ᙮ ᐊᑯᑕ ᐅᑕ ᐱᔅᒐ ᑲ ᑕᔨᒋ ᒋᐧᑲᓂᓯᓄᐛ ᑲ ᑕᑈᑎᒥᔨᒋ, ᐊᑯ ᒂ ᐃᔨᒪᐊᒡ ᒐᒋ ᐊᔨᒋᑲᐳᔨᒋ ᐊ ᑕᑈᑎᒥᔨᒋ᙮ ᐊᑯ ᒂ ᔅᑐᑕᒡ᙮

ᐊᑈᔅᑕᓇᒡ 19:33

ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ᐃᑕᔨᒪᑭᓄᐅᑦ ᐎᔾ ᑲ ᐃᑐᑕᐧᒃ ᐛᒋ ᒋᔄᓯᓇᓄᐎᒡ᙮ ᐊᑯ ᒂ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ᑕᑈᔨᒋ, ᐊ ᐎ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮

ᐊᑈᔅᑕᓇᒡ 21:18

ᒥᓐ ᒪᒃ ᐎᔭᐸᒡ ᓂᒋ ᓂᑐᐛᐱᒪᓇᓐ ᒋᒥᔅ ᒥᓯᐛ ᐊᓐᑕ ᐊ ᑎᓯᔭᒡ᙮ ᑈᓪ ᑭᔭ ᓂᒋ ᐎᒐᐅᑯᓇᓐ᙮ ᒥᓯᐛ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ ᒋ ᑕᐅᒡ ᐊᓐᑕ ᒋᒥᓴ ᐊ ᑕᔨᒋ᙮

ᐊᑈᔅᑕᓇᒡ 21:40

ᐊᑯ ᒂ ᐱᔅᑎᓂᑯᑦ ᐊᓂᔭ ᓂᑐᐱᔪᐅ-ᐅᒋᒪᐛ ᒐᒋ ᐃᔨᒥᑦ᙮ ᐊᑯ ᑈᓪ ᒂ ᑕᐧᑯᓯᑲᐳᐅᑦ ᐊᓐᑕ ᑕᑕᐧᑯᔅᑲᓇᓂᒡ᙮ ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭᔪᐛ ᐃᔪᐛ ᒐ ᐊᑲ ᒋ ᒋᔅᑐᔨᒋ᙮ ᐃᔅᐱ ᒪᒃ ᐊᑲ ᒐᔅᑐᔨᒋ, ᐊᑯ ᒂ ᐃᔨᒪᐊᑦ ᐃᑉᕈᐤ ᐊ ᐃᓯ ᐃᔨᒥᑦ᙮

ᐊᑈᔅᑕᓇᒡ 28:15

ᐊᑯ ᐊᓐᒡ ᑲᑕᑈᔭᔨᑕᒡ ᐊᓐᑕ ᕈᒥᒡ ᑲ ᑕᒡ ᑲ ᐸᑕᒡ ᐊᒋ ᒥᓯᑲᐎᒋᑦ᙮ ᐱᔅᒐ ᐛᔪᐎᔅ ᒋ ᐅᑐᑕᐅᒡ ᐊᓐᑕ ᐊᓂᔭ ᐊᐱᔭᔅ ᑲ ᐃᓯᓂᐧᑲᑕᒡ ᑲᒋ ᒪᐅᒋᐃᑐᓇᓄᐎᒡ ᑭᔭ ᐱᔅᒐ ᐊᓐᑕ ᑲ ᓂᔅᑎᔨᒋ ᑲᒥᓇᓄᒋ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᑐᑕᐅᒡ ᐊ ᐎ ᐸᒋ ᓂᒋᔅᑯᔨᒥᒡ᙮ ᐃᔅᐱ ᒪᒃ ᑈᓪ ᐎᔭᐱᒪᑦ ᐊᓂᔭ, ᒋ ᓂᓇᔅᑯᒪᐤ ᒋᓴᒪᓂᑐᐛ, ᐛᔅ ᓇᔅᒡ ᒋ ᐅᐱᓂᑯᐤ ᐊᓂᔭ ᐊ ᐛᐱᒪᑦ᙮

1 ᑯᕆᓐᑎᔭᓇ 15:7

ᒋᒥᓴ ᒥᓐ ᒋ ᓄᑯᓯᔅᑐᐛᐤ᙮ ᒥᓯᐛ ᑭᔭ ᐊᓂᔭ ᐊᑈᔅᑕᓇ ᑲ ᐃᑕᐱᑎᓯᔨᒋ ᒋ ᓄᑯᓯᔅᑐᐛᐤ᙮

ᑲᓚᓯᔭᓇ 1:19

ᓇᒪ ᒥᒄ ᓂ ᐅᒋ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ᐛᐱᒥᒃ᙮

ᑲᓚᓯᔭᓇ 2:12

ᒪᐅ ᑲ ᐃᑎᑦ᙮ ᑲ ᑎᑯᓯᐧᒃ ᐊᓐᑕ ᐊᓐᑎᔭᑭᒡ ᓇᒪᐎᔾ ᒐᒂᔪᐤ ᐅᒋ ᐃᑕᔨᑎᒻ ᐊ ᐎᒋᒥᒋᓱᒪᑦ ᒪᓐ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑲ ᑕᑈᑎᒥᔨᒋ᙮ ᒐᒃ ᒋᒥᔅ ᒋ ᐸᒋ ᐃᑎᓴᐛᐤ ᐱᔅᒐ ᒍᐤ ᐃᔪᐛ ᑲ ᑕᑈᑎᒥᔨᒋ᙮ ᓇᔅᒡ ᐃᔭᒂ ᒋ ᐃᑕᔨᑎᒥᐃᑯᐅᒡ ᒍᐤ ᐊᔭᒥᐊᐅ ᐎᓱᐛᐅᓇ ᐅᒡ᙮ ᒥᓯᐛ ᐊᐛᔪᐛ ᑲ ᑕᑈᑎᒥᔨᒋ ᒋ ᐃᑕᐅᒡ ᒐᒋ ᒋᔅᒋᓄᐛᒋᔄᑭᓄᔨᒋ᙮ ᐱᑕᕐ ᒪᒃ ᒋ ᑯᔅᑕᐤ ᐅᔭ ᒍᐤ ᐃᔪᐛ ᐊᑯ ᓇᒪ ᒥᓐ ᐅᒋ ᐎᒋᒥᒋᓱᒪᐤ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮

ᑲᓚᓯᔭᓇ 2:9

ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ᒋᔅᑕᔨᒪᑭᓄᐎᒡ ᒋ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ᓂᓯᔭᒡ ᑲ ᐊᑎᒥᔅᑯᐎᔨᒥᒡ ᐅᒡ ᐊ ᓂᔅᑎᒡ᙮ ᐊ ᓄᑯᑕᔭᒡ ᐸᐃᑯᓄᒡ ᐊ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ᓂᔅᑯᒧᔭᒡ᙮ ᐸᕐᓇᐸᔅ ᐊ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐ ᐛᐎᑎᒧᐛᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:1

ᒋᒥᔅ ᓂᔾ, ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐊᐱᒋᐊᑭᓄᐛᐛ᙮ ᒥᓯᐛ ᓂ ᐛᒋᔭᒪᔪᐛ ᒋᓴᒪᓂᑐᐤ ᐅᑦ ᐃᔨᒪ ᐸᐱᐛ ᐊ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮