ᐊᑈᔅᑕᓇᒡ 11:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒥᓯᐛ ᐸᐸᐃᒄ ᐊ ᑎᓯᒡ ᒂ ᐎᔭᔨᑕᒡ ᓱᒃ ᒐ ᐎᒋᐊᒡ ᑕᓐ ᐊ ᐃᓯ ᓂᑐᐛᔨᑎᒥᔨᒡ ᐊᓂᔭ ᐎᐧᑲᓂᓱᐛᐛ ᐊᓐᑕ ᒍᑎᔭ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 11:29 Iomraidhean Croise

ᒪᑎᔪᐤ 25:17

ᑭᔭ ᐊᓐ ᓂᔄᐤ ᒐᓯᐱᔪᐤ ᑲ ᒥᔭᑭᓄᐅᑦ, ᒥᓐ ᓂᔄᐤ ᒐᓯᐱᔪᐤ ᒋ ᒪᐅᒋᑕᐤ ᐊᓂᔭ ᓱᓇᔭᔪᐤ᙮

ᒠᓐ 2:2

ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᑭᔭ ᐎᔨᐛᐤ ᒋ ᐎᓴᒪᐊᑭᓄᐅᒡ ᐊᓂᔭ ᐊ ᓂᐳᐅᓇᓄᐎᒡ,

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 11:1

ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᐎᐧᑲᓂᓯᒪᐅᒡ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᒋ ᐸᑎᒧᒡ ᐊᓂᔭᔪᐤ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᑈᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 11:26

ᐃᔅᐱ ᒪᒃ ᒪᔅᑯᐛᑦ, ᒋ ᐸᓱᐛᐤ ᐊᓐᑕ ᐊᓐᑎᔭᑭᒡ᙮ ᑕᐱᔅᑯᓐ ᒪᒃ ᐊ ᓂᓯᒡ ᓇᔅᒡ ᐸᐃᒄ ᐱᐳᓇ ᒧᔅ ᒋ ᓂᔅᑐᓇᐅᒡ ᐊᓂᔭ ᐅᒪᒧᐊᔭᒥᐊᐛ ᒐᒋ ᒪᒧᐤ ᐊᔭᒥᐊᒡ ᑭᔭ ᒥᒐᑦ ᐊᓂᔭ ᒋ ᒋᔅᑯᑎᒧᐛᐅᒡ᙮ ᐊᑯᑕ ᒪᒃ ᐊᓐᑕ ᐊᓐᑎᔭᑭᒡ ᒪᐅᒡ ᓂᔅᑎᒻ ᙭ᔅᑎᔭᓂᒡ ᑲ ᐃᓯᓂᐧᑲᑕᑭᓄᐎᒡ ᐊᓐᒡ ᑲ ᑕᑈᔭᔨᒪᒡ ᒋᓴᓴ᙮

ᐊᑈᔅᑕᓇᒡ 13:52

ᐊᓐᒡ ᒪᒃ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᐊᓐᑎᔭᑭᒡ ᑲ ᑕᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᑭᔭ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 14:20

ᒥᒄ ᒪᒃ ᐃᔅᐱ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᑲ ᐛᔅᑲᑲᐳᔅᑐᐛᒡ ᐊᓂᔭ ᑈᓚ, ᒋ ᐅᓂᐤ ᐊᑯ ᒥᓐ ᑲᐤ ᑲ ᐱᒐᑦ ᐊᓂᔭ ᐅᑕᓇᔪᐤ᙮ ᒥᓐ ᒪᒃ ᐊᓂᔭ ᐎᔭᐱᓂᔨᒡ ᑈᓪ ᑭᔭ ᐸᕐᓇᐸᔅ ᐊᓐᑕ ᑎᕐᐱᒡ ᒋ ᐃᑐᑕᐅᒡ᙮

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᐊᑈᔅᑕᓇᒡ 24:17

“ᒥᒐᑐᐤ ᐱᐳᓇ ᓇᒪ ᓂ ᐅᒋ ᑕᓐ ᐊᓐᑕ ᒋᕈᓯᓕᒥᒡ᙮ ᐃᔅᐱ ᒪᒃ ᑲᐤ ᑲ ᑎᑯᓯᓂᔭᓐ ᐊᓐᑕ, ᓂᒋ ᐸᑕᐛᐅᒡ ᓂᑦ ᐃᔨᒥᒡ ᐱᔅᑎᓂᒐᐅᓂᔪᐤ ᐊᒋ ᒥᔭᑭᓄᔨᒋ ᐊᓂᔭ ᑲ ᒋᔅᑎᒪᑎᓯᔨᒋ, ᑭᔭ ᐊᔪᐤ ᓂᒋ ᓇᒋ ᐊᔭᒥᐊᓐ ᒐᒋ ᒥᑐᔅᑕᐊᒧᐅᒃ ᒋᓴᒪᓂᑐᐤ᙮

ᐊᑈᔅᑕᓇᒡ 4:34

ᓇᒪ ᒪᒃ ᐛᒋ ᐸᐃᒄ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᐅᒋ ᒋᔅᑎᒪᑎᓯᐅᒡ᙮ ᐛᔅ ᑕᑐᐤ ᐊᐛᓐ ᑲ ᑎᐱᔨᐛᐅᓯᑦ ᐊᔅᒋᔪᐤ ᑭᔭ ᒥᒋᐛᐱᔪᐤ ᒋ ᐊᑕᐛᒐᐤ᙮ ᒋ ᐸᑕᐅᒡ ᒪᒃ ᐊᓂᔭᔪᐤ ᓱᓇᔭᔪᐤ ᑲ ᐃᔅᐱᑲ ᑕᑈᔭᔨᒪᒡ ᒋᓴᓴ ᔅ ᐅᓯᑕᒡ ᐊᓂᔭ ᒐᒂᓇ ᑲᒋ ᐊᑕᐛᒐᒡ᙮

ᐊᑈᔅᑕᓇᒡ 6:1

ᐃᔅᐱ ᒪᒃ ᐊᑐᐎᔅ ᐊ ᐊᑎ ᒥᒐᑎᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᒍᐤ ᐃᔪᒡ ᑯᕆᒃ ᑲ ᐃᓯ ᐃᔨᒥᒡ ᒋ ᒥᒋᐱᔭᐊᐅᒡ ᐊᓂᔭᔪᐛ ᒍᐤ ᐃᔪᐛ ᐃᑉᕈᐤ ᑲ ᐃᓯ ᐃᔨᒥᔨᒋ ᐊᒋ ᐃᔅᒋᔄᒡ ᐊᓂᔭᔪᐛ ᑲ ᐸᐃᑯᓯᔨᒋ ᐃᔎᐛ ᐊᓐᑕ ᐊ ᑕᒡ ᐊᑲ ᐅᒋ ᐃᔅᐱᔅ ᐊᓯᒪᑭᓄᔨᒋ ᒥᒋᒥᔪᐤ ᐊᓂᔭ ᑲᒋ ᒪᑎᓂᒧᐛᑭᓄᔨᒋ ᑲ ᐸᐃᑯᓯᔨᒋ ᐃᔎᐛ ᐊᓯᑯᒻ ᒋᓯᑲᐛ᙮

ᐊᑈᔅᑕᓇᒡ 9:19

ᐃᔅᐱ ᒪᒃ ᑲᒋ ᒥᒋᓱᑦ, ᐊᑯ ᒥᓐ ᑲ ᐊᑎ ᒥᔪᐱᒪᑎᓯᑦ᙮ ᐛᐃᐱᔅᒋᔅ ᒋ ᐎᒋᒪᐤ ᓴᓪ ᐊᓂᔭ ᒋᔅᒋᓄᐊᒧᐛᑭᓇ ᐊᓐᑕ ᑕᒪᔅᑲᓯᒡ ᑲ ᑕᔨᒋ᙮

ᐊᑈᔅᑕᓇᒡ 9:25

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᓴᓪ ᐎᒐᐛᑭᓇ ᒋ ᐎᒋᐃᑯᐤ ᒐᒋ ᒋᑎᓯᒧᑦ ᐊᓐᑕ ᐅᒋ ᑕᒪᔅᑲᓯᒡ᙮ ᐊ ᐱᑯᓇᔭᔨᒡ ᐅᐱᒪᑎᒡ ᒋ ᐅᒋ ᐱᔅᑕᐱᒐᓇᑭᓄᐤ ᐅᑎᐱᐅᑎᔪᐤ ᐊ ᐊᐱᒋᑕᒡ᙮

1 ᑯᕆᓐᑎᔭᓇ 13:5

ᓇᒪ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᒪᔭᔨᒐᐤ᙮ ᓇᒪ ᒥᒄ ᐎᔾ ᐛ ᐃᑎᑦ ᐃᑐᐤ ᓯᔭᒋᐊᒂ ᐊᐛᔪᐛ᙮ ᓇᒪ ᐛᐧᑲᔅᑲᑯᐤ ᐊᐛᔪᐛ ᑭᔭ ᓇᒪ ᑭᓄᐛᔨᑎᒻ ᐊᓂᔭ ᑕᓐ ᑲ ᐃᓯ ᒋᔄᐃᑯᑦ ᐊᐛᔪᐛ᙮

ᑲᓚᓯᔭᓇ 2:10

ᒥᒄ ᐸᐃᒄ ᒐᒂᔪᐤ ᓂᒋ ᐱᑯᓴᔨᒥᑯᓇᓂᒡ᙮ ᓂᒋ ᓂᑐᐛᔨᒥᑯᓇᓂᒡ ᒐᒋ ᐛᐎᒋᐃᒥᒋᒋ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ ᑲ ᒋᔅᑎᒪᑎᓯᔨᒋ᙮ ᐊᐅᒄ ᒪᒃ ᐅ ᓇᔅᒡ ᑲ ᐃᑕᔨᑎᒥᐃᑯᔭᓐ ᒐᒋ ᐃᑎᔭᓐ᙮