ᐊᑈᔅᑕᓇᒡ 11:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐛᔅ ᐅ ᓇᐸᐤ ᐸᕐᓇᐸᔅ ᓇᔅᒡ ᒋ ᑯᐃᔅᑯᑕᑎᓯᐤ, ᑭᔭ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᓱᒐᔨᑕᑯᓂᔪᐤ ᐅᑕᑈᑎᒧᐅᓐ᙮ ᐊᑯ ᒪᒃ ᐊᑐᐎᔅ ᒥᒐᑦ ᐃᔪᒡ ᑲ ᑕᑈᔭᔨᒪᒡ ᐅᑎᐸᔨᒋᒐᐤ ᒋᓴᓴ᙮

ᐊᑈᔅᑕᓇᒡ 11:24 Iomraidhean Croise

ᑎᐱᑦ ᐅᓂᑭᒧᐅᓇ 112:5

ᒥᔪ ᐃᔪᐤ ᐛᐸᑎᔨᐛᐤ ᒋᓴᐛᑎᓯᐅᓂᔪᐤ ᑭᔭ ᐊᐎᐃᐛᐤ: ᐃᑈᐧᑲᑎᓯᐅᓂᔪᐤ ᒋᔅᒋᓄᑕᐃᑯᐤ ᐅᑦ ᐃᑐᐅᓂᒡ

ᑎᐱᑦ ᐅᓂᑭᒧᐅᓇ 37:23

ᐊ ᐃᓯ ᑕᑯᔅᒐᔨᒋ ᒥᔪ ᐃᔪᐛ ᐅᔭᔨᑎᒻ ᑎᐸᔨᒋᒐᓱᐤ: ᒥᔽᔨᑎᒺᐤ ᒪᒃ ᐅᑦ ᐃᓯᑥᐅᓂᔪᐤ᙮

ᒪᑎᔪᐤ 12:35

ᐛᔅ ᑕᓐ ᐊ ᐃᓯ ᐊᔭᑦ ᐊᐛᓐ ᐅᐱᒪᑎᓯᐅᓂᒡ ᒋᑭ ᓄᑯᓂᔪᐤ᙮ ᐛᔅ ᐊ ᐃᓯ ᐃᔨᒥᑦ ᐊᐛᓐ ᐊᑯᑕ ᐛᒋ ᒋᔅᒐᔨᑕᑯᓯᑦ ᑕᓐ ᐊ ᐃᓯᑕᐊᑦ᙮”

ᒪᑎᔪᐤ 19:17

ᐊᑯ ᒋᓴᔅ ᒂ ᐃᑕᑦ, “ᒐᒂᓐ ᐛᒋ ᑯᒂᒋᒥᔨᓐ ᒐᒋ ᐎᑎᒪᑕᓐ ᒐᒂᓐ ᒪᔽᓯᒡ ? ᓇᒪ ᐊᐛᓐ ᑕᐤ ᓇᔅᒡ ᒐᒋ ᒥᔪ ᐃᑎᑦ, ᒥᒄ ᒋᓴᒪᓂᑐᐤ᙮ ᐛ ᐃᔭᐅᓇ ᑲᒋᒡ ᐱᒪᑎᓯᐅᓐ ᒥᓯᐛ ᓂᓇᐃᑕ ᐎᓱᐛᐅᓇ᙮”

ᓗᒃ 23:50

ᒋ ᑕᐤ ᒪᒃ ᐊᓐᑕ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ ᒍᑎᔭ ᐊᔅᒋᒡ, ᐊᕆᒪᑎᔭ ᐊ ᐃᓯᓂᐧᑲᑕᔨᒡ ᒍᐤ ᐅᑕᓇᔪᐤ ᐊᒋ ᐅᒋᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᓇᔅᒡ ᒋ ᒥᔽᔨᑕᑯᓱᐤ ᐅ ᓇᐸᐤ,

ᒠᓐ 7:12

ᒥᒐᑦ ᒪᒃ ᐊᐛᔪᐛ ᒋ ᐊᔨᒧᒥᑯᐤ ᐊᓐᑕ ᑲ ᑕᔨᒋ᙮ ᐱᔅᒐ ᐊ ᐃᔅᒋᔄᔨᒋ, “ᓇᔅᒡ ᑕᑈ ᒥᔽᔨᑕᑯᓱᐤ ᐅ ᓇᐸᐤ᙮” ᐊᑯ ᑯᑎᑲ ᐊ ᐃᔅᒋᔄᔨᒋ, “ᓇᒪ ᒥᔽᔨᑕᑯᓱᐤ, ᐎᔭᓯᒪᐤ ᐊᐛᔪᐛ᙮”

ᐊᑈᔅᑕᓇᒡ 11:21

ᒋ ᒥᔭᑭᓄᐎᒡ ᒪᒃ ᐅᑎᐸᔨᒋᒐᐛ ᐅᓱᐧᑲᑎᓯᐅᓂᔪᐤ, ᒥᒐᑦ ᒪᒃ ᐊᐛᓐᒋ ᒋ ᑕᑈᔭᔨᒪᐅᒡ ᑭᔭ ᒋ ᓇᓴᐛᐅᒡ ᐅᑎᐸᔨᒋᒐᐤ᙮

ᐊᑈᔅᑕᓇᒡ 2:4

ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 24:16

ᓱᒃ ᒪᒃ ᓂᓇᑭᑐᐛᔨᒥᓱᓐ ᒐ ᐊᑲ ᒋ ᒪᔭᔨᒥᒃ ᒋᓴᒪᓂᑐᐤ ᑭᔭ ᐃᔪᒡ ᒐᒋ ᐅᒋ ᒐᔅᑎᓇᐅᔭᓐ ᑯᐃᔅᒄ ᐊ ᐃᑎᔭᓐ᙮”

ᐊᑈᔅᑕᓇᒡ 5:14

ᐃᔭᐱᒡ ᒪᒃ ᐊᑐᐎᔅ ᒋ ᐊᑎ ᒥᒐᑐᐅᒡ ᐊᓂᔭᔪᐤ ᑲ ᑎᓯᒡ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ, ᑕᐱᔅᑯᓐ ᓇᐸᐅᒡ ᑭᔭ ᐃᔎᐅᒡ ᒋ ᐊᑎ ᑕᑈᔭᔨᒪᐅᒡ ᒋᓴᓴ᙮

ᐊᑈᔅᑕᓇᒡ 6:3

ᒋᔨᐛᐤ ᓂᐧᑲᓂᓯᑐᒄ, ᐅᑎᓇᐧᑯᒡ ᓂᔄᐅᑕᒡ ᓇᐸᐅᒡ ᐊᓐᑕ ᐊ ᑎᓯᔭᒄ ᐊᓐᒡ ᐊ ᒥᔽᒋᒪᑭᓄᐎᒡ ᐊᓂᔭ ᐅᒋ ᐊ ᑯᐃᔅᑯᑕᑎᓯᒡ ᑭᔭ ᓇᔅᒡ ᐊ ᑭᒐᑕᐛᔨᑕᒡ ᑭᔭ ᐊ ᓴᑭᔅᒋᓇᔅᑲᑯᒡ ᑲ ᐸᔭᒋᓯᔨᒋ ᐊᒐᒂ᙮ ᐊᐅᑯᓐᒡ ᐅᒡ ᒐ ᒥᔭᑯᒡ ᐅᔭ ᐊᑐᔅᒐᐅᓂᔪᐤ ᐊ ᓂᓇᑭᑐᐛᔨᒪᒡ ᑲ ᐸᐸᐃᑯᓯᔨᒋ ᐃᔎᐛ᙮

ᐊᑈᔅᑕᓇᒡ 6:5

ᒥᓯᐛ ᒪᒃ ᒋ ᓇᐊᔨᑎᒧᒡ ᐊᓐᑕ ᐊ ᑎᓯᒡ ᐊᓂᔭ ᑲ ᐃᔅᒋᔄᔨᒋ ᐊᓂᔭᔪᐛ ᐊᑈᔅᑕᓇ᙮ ᐊᑯ ᑲ ᐅᑎᓇᑭᓄᐅᑦ ᔅᑎᐱᓐ᙮ ᔅᑎᐱᓐ ᒪᒃ ᐅᑕᑈᑎᒧᐅᓐ ᓇᔅᒡ ᒋ ᓱᒐᔨᑕᑯᓂᔪᐤ, ᑭᔭ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ᙮ ᑭᔭ ᐱᓕᐸ ᒋ ᐅᑎᓇᐅᒡ ᑭᔭ ᐳᕈᑯᕋᓴ, ᑭᔭ ᓂᑲᓄᕋ, ᑭᔭ ᑎᒧᓇ, ᑭᔭ ᐸᕐᒪᓇᓴ, ᑭᔭ ᓂᑯᓚᓴ᙮ ᐅ ᓂᑯᓚᔅ ᐊᓐᑕ ᐊᓐᑎᔭᒃ ᐎᔾ ᒋ ᐅᒋᐤ, ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒪᒃ ᒋ ᑕᑈᑎᒻ ᑕᓐ ᐊ ᐃᓯ ᑕᑈᑎᒥᔨᒋ ᒍᐤ ᐃᔪᐛ᙮

ᐊᑈᔅᑕᓇᒡ 6:8

ᔅᑎᐱᓐ ᒪᒃ ᐊᓐ ᐊᐛᓐ ᑲ ᓴᒋᔅᒋᓇᔅᑲᑯᑦ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᑭᔭ ᐅᓱᐧᑲᑎᓯᐅᓂᔪᐤ ᒋ ᐃᑕᔨᑕᑯᓱᐤ, ᒋ ᐃᑐᑎᒻ ᒪᒃ ᓂᓇᐧᑯᐤ ᒪᒥᔅᑲᒡ ᒐᒂᔪᐛ ᑭᔭ ᓂᓇᐧᑯᐤ ᒋ ᐃᓯ ᒪᒥᔅᑲᒡ ᐛᐸᑎᔨᐛᐤ ᐊᓐᑕ ᐃᔪᐛ ᐊ ᑕᔨᒋ᙮

ᐊᑈᔅᑕᓇᒡ 9:31

ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:15

ᐅ ᒪᒃ ᒪᓯᓇᐊᒪᑎᑯᒡ ᑎᑯᓇ ᒐᒂᔪᐛ ᐊᑲ ᓇᔅᒡ ᐅᒋ ᓇᑲᐎᔭᓐ ᒐᒋ ᒋᔅᒋᓱᒥᑎᑯᒡ᙮ ᒋᓴᒪᓂᑐᐤ ᓂᒋ ᒥᔨᒄ ᐅᒋᓴᐛᑎᓯᐅᓐ ᐅ ᒐᒋ ᐃᑎᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:7

ᓇᒪ ᐊᐛᓐ ᒋᐸ ᐅᒋ ᐎ ᓂᐱᔅᑎᒧᐛᐤ ᐊᐛᔪᐛ ᐊ ᑯᐃᔅᑯᑕᑎᓯᔨᒋ ᒥᒄ ᒪᒃ ᒥᔅᑯᒡ ᒋᐸ ᒋ ᐃᓯᓇᑯᓂᔪᐤ ᒐᒋ ᑕᑦ ᐊᐛᓐ ᐊ ᑯᒂᑕᔨᑕᐧᒃ ᒐᒋ ᓂᐱᔅᑎᒧᐛᑦ ᐊᐛᔪᐛ ᐊ ᒥᔪ ᐃᔪᐎᔨᒋ᙮