ᐊᑈᔅᑕᓇᒡ 10:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᐎᔾ ᒋᓴᒪᓂᑐᐤ ᒋ ᐅᓂᔅᑲᓇᐤ ᑲ ᓂᔅᑐ ᒋᓯᑲᔨᒡ, ᑭᔭ ᒧᓴ ᒋᓄᑯᐊᐤ᙮

ᐊᑈᔅᑕᓇᒡ 10:40 Iomraidhean Croise

ᒠᓐ 14:22

ᒍᑎᔅ, ᓇᒪᔭᐤ ᐊᓐ ᐃᔅᑲᕆᔭᑦ ᑲ ᐃᓯᓂᐧᑲᓱᑦ, ᒋ ᐃᑕᐤ, “ᐅᑎᐸᔨᒋᒐᐤ, ᒐᒂᓐ ᐛᒋ ᐎ ᐃᑐᑐᐅᔭᒡ ᓂᔭᓐ ᒐᒋ ᒥᔪ ᒋᔅᒐᔨᒥᑕᒡ, ᐊᑲ ᒪᒃ ᐎ ᐃᑐᑐᐅᑥᐤ ᑯᑎᑭᒡ ᐊᐛᓐᒋ ᒐᒋ ᒥᔪ ᒋᔅᒐᔨᒥᔅᒡ ?”

ᐊᑈᔅᑕᓇᒡ 17:31

ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”

ᐊᑈᔅᑕᓇᒡ 2:24

ᒥᒄ ᒪᒃ ᒋᓴᒪᓂᑐᐤ ᒋ ᐅᓂᔅᑲᓇᐤ ᓂᐳᐅᓂᒡ ᐅᒡ᙮ ᒋ ᐎᐧᑯᒋᐊᐤ ᓂᐳᐤ ᐎᓯᒐᔨᑎᒧᐅᓂᒡ ᐅᒡ ᐛᔅ ᓇᒪ ᐅᒋ ᒥᒋᒥᓂᑯᐤ ᓂᐳᐅᓂᔪᐤ ᒋᓴᔅ᙮

ᐊᑈᔅᑕᓇᒡ 2:32

ᐊᑯ ᐱᑕᕐ ᒥᓐ ᒂ ᐊᑎ ᐃᔅᒋᔄᑦ, “ᒋᓴᒪᓂᑐᐤ ᒋ ᐅᓂᔅᑲᓇᐤ ᐅᔭ ᒋᓴᓴ ᓂᐳᐅᓂᒡ ᐅᒡ᙮ ᓂ ᒋᔅᒐᔨᑕᓇᓐ ᐅ ᐛᔅ ᓂᒋ ᐛᐱᒪᓇᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:4

ᐊᓂᔭᔪᐛ ᒪᒃ ᒋᓴᒪᓂᑐᐛ ᒋ ᐅᑯᓯᑐᑕᑯᐤ᙮ ᒋᓴᒪᓂᑐᐛ ᒪᒃ ᐊᒋ ᐅᓂᔅᑲᓂᑯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᓂᐳᐅᓂᒡ ᐅᒡ ᐊᑯᑕ ᑲ ᐅᒋ ᐛᐸᑎᔨᐛᑦ ᑲ ᐸᔭᒋᓯᑦ ᐊᒐᐧᒄ ᑕᑈ ᒋᓴᒪᓂᑐᐤ ᐅᑯᓯᓴ ᐊ ᐊᐎᔨᒋ ᒋᓴᓴ ᐊᓂᔭᔪᐤ ᐅᒋ ᐊᒋ ᓱᒐᔨᑕᑯᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:9

ᐛᔅ ᙭ ᒋ ᓂᐳᐤ ᑭᔭ ᑲᐤ ᒋ ᐱᒪᑎᓯᐤ ᒐᒋ ᐅᑎᐸᔨᒋᒐᓯᒥᑐᑕᑯᑦ ᑕᐱᔅᑯᓐ ᐊᓂᔭ ᑲ ᐱᒪᑎᓯᔨᒋ ᑭᔭ ᐊᓂᔭᔪᐛ ᓴᔅ ᑲ ᓂᐱᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:11

ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ᐃᓯᓇᒂᒋ ᒐ ᓂᐱᒥᑲᒋ᙮

2 ᑯᕆᓐᑎᔭᓇ 4:14

ᓂ ᒋᔅᒐᔨᑕᓇᓐ ᒋᓴᒪᓂᑐᐤ ᐊᒋ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒡ, ᓂ ᒋᔅᒐᔨᑕᓇᓐ ᑭᔭ ᒋᔭᓄᐤ ᒐ ᐅᓂᔅᑲᓂᑕᐧᒄ ᓂᐳᐅᓂᒡ ᐅᒡ ᐎᔾ ᒋᓴᒪᓂᑐᐤ ᐊ ᑕᑦ ᒐᒋ ᑕᐛᐧᒄ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮