ᐊᑈᔅᑕᓇᒡ 10:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒋ ᐃᑕᐅᒡ ᒪᒃ ᐊᓐᒡ ᓇᐸᐅᒡ, “ᓄᒋᒪᒥᓇᓐ ᑯᕐᓂᓕᔭᔅ ᑲ ᓂᑲᓂᔅᑯᐛᑦ ᕈᒻ ᐊᓯᒪᑭᓂᓴ ᓂᒋ ᐸᒋ ᐃᑎᓴᐅᑯᓇᓐ᙮ ᒥᔽᔨᑕᑯᓱᐤ ᐅ ᓇᐸᐤ, ᑭᔭ ᒋᔅᑕᔨᒪᐤ ᒋᓴᒪᓂᑐᐛ, ᒥᓯᐛ ᑭᔭ ᒍᐤ ᐃᔪᐛ ᐃᑕᔨᒥᑯᐤ ᐊ ᒥᔽᔨᑕᑯᓯᑦ᙮ ᐸᐃᒄ ᒋᓴᒪᓂᑐᐤ ᑲ ᐸᔭᒋᓯᔨᒋ ᐅᑦ ᐊᓐᒋᓂᒥᔪᐛ ᒋ ᐃᑎᑯᐤ ᒐᒋ ᐎᓴᒥᔅᒃ ᐊᓐᑕ ᐎᒋᒡ ᐊᑯ ᒪᒃ ᒐᒋ ᐸᑕᐧᒃ ᑕᓐ ᐛ ᐃᓯ ᐎᑎᒥᓐ᙮”

ᐊᑈᔅᑕᓇᒡ 10:22 Iomraidhean Croise

ᒪᑎᔪᐤ 1:19

ᐊᓐ ᒪᒃ ᓇᐸᐤ ᒍᓯᑉ ᒧᔅ ᑯᐃᔅᒄ ᑲ ᐎ ᐃᑎᑦ ᒋ ᐃᑕᔨᑕᑯᓱᐤ᙮ ᐃᔅᐱ ᒪᒃ ᒐᔅᒐᔨᒪᑦ ᒪᕆᔨᒋ ᐊ ᑭᓄᐛᔨᒪᐅᓱᔨᒋ ᓇᒪ ᐅᒋ ᓂᑐᐛᔨᒪᐤ ᓂᑐᐎᔾ ᒐᒋ ᐃᑕᒋᒪᑭᓄᔨᒋ ᐊᓐᑕ ᐊ ᒥᒐᑎᓇᓄᐎᒡ, ᐊᑯ ᑲ ᑯᒂᑕᔨᑕᐧᒃ ᒋᔭᒻ ᒐᒋ ᓂᑭᑕᑦ᙮

ᒪᑎᔪᐤ 2:12

ᐃᔅᐱ ᒪᒃ ᒐ ᒋᐛᒡ ᓇᒪ ᐊᓐᑕ ᒋᕈᓯᓕᒥᒡ ᐃᑕᒐ ᐅᒋ ᐃᓯ ᒋᐛᐅᒡ ᒐᒋ ᐎᑎᒧᐛᒡ ᐊᕈᑕ ᑕᓐᑕ ᐊ ᑕᔨᒋ ᐊᓂᔭᔪᐛ ᐊᐛᓴ᙮ ᐛᔅ ᒋᓴᒪᓂᑐᐛ ᒋ ᐃᔭᒂᒥᒥᑯᐅᒡ ᐅᐳᐛᒧᐅᓄᐛᒡ ᒐ ᐊᑲ ᑲᐤ ᓂᑐᐛᐱᒪᒡ ᐊᕈᑕ ᐊᑯ ᒪᒃ ᐃᔭᒡ ᑲ ᐃᓯ ᒋᐛᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:20

ᐛᔅ ᐊᕈᑦ ᒋ ᑯᔅᑕᐤ ᐊᓂᔭ ᒠᓇ, ᐊᒋ ᒋᔅᒐᔨᒪᑦ ᐊ ᑯᐃᔅᑯᑕᑎᓯᔨᒋ ᑭᔭ ᐊ ᐸᔭᒋᓯᔨᒋ᙮ ᐊᐅᒄ ᒪᒃ ᐅᔭ ᐛᒡ ᐊᑲ ᐅᒋ ᐎ ᐱᒪᔨᒪᑦ᙮ ᒋ ᒥᔽᔨᒪᐤ ᐊ ᓂᑐᑐᐛᑦ ᐊᑎ ᒧᔅ ᐊᒋ ᒥᑯᔅᑲᑕᔨᑎᒥᐃᑯᐛᑦ ᑕᓐ ᑲ ᐃᔅᒋᔄᔨᒋ ᑕᑥᐤ ᐊ ᓂᑐᑐᐛᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:38

ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”

ᓗᒃ 2:25

ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᓇᐸᐤ, ᓯᒥᐅᓐ ᐊ ᐃᓯᓂᐧᑲᓱᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᒋ ᐊᔭᒥᐊᐛᑎᓯᐤ᙮ ᑭᔭ ᒋ ᐸᓱᐛᔨᒪᐤ ᐊᓂᔭ ᑲ ᐸᑕᒋᒪᑭᓄᔨᒋ ᐅᐱᒪᒋᐃᐛᐛ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒋᔅᑲᑯᐤ᙮

ᓗᒃ 23:50

ᒋ ᑕᐤ ᒪᒃ ᐊᓐᑕ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ ᒍᑎᔭ ᐊᔅᒋᒡ, ᐊᕆᒪᑎᔭ ᐊ ᐃᓯᓂᐧᑲᑕᔨᒡ ᒍᐤ ᐅᑕᓇᔪᐤ ᐊᒋ ᐅᒋᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᓇᔅᒡ ᒋ ᒥᔽᔨᑕᑯᓱᐤ ᐅ ᓇᐸᐤ,

ᓗᒃ 9:26

ᐊᐛᓐ ᒪᒃ ᓴᒂᔨᒧᒐ ᓂᔾ ᐅᒋ ᑭᔭ ᓂᑦ ᐃᔨᒧᐅᓂᔪᐤ ᐅᒋ ᐊᐅᒄ ᒐ ᓴᒂᔨᒧᐊᑦ ᐃᔪᐤ ᐅᑯᓯᓴᓐ ᐃᔅᐱ ᒥᓐ ᑎᑯᓯᓂᔨᒐᓂ ᐅᒋᔅᑕᔨᑕᑯᓱᐅᓂᔨᒡ᙮ ᐊᑯᑕ ᒐ ᒋᔅᒐᔨᑕᒡ ᐊᐛᓐᒋ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ ᐛᔅ ᒋᑭ ᐛᐸᑎᔨᐛᐅᒡ ᐅᑕᐎᒪᐤ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐃᔅᐱᔅ ᒋᔅᑕᔨᑕᑯᓯᔨᒋ᙮

ᒠᓐ 13:20

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐱᓯᒋᐊᒂ ᐊᓂᔭ ᐊᐛᔪᐛ ᒐ ᐃᑎᓴᐅᒥᒋ ᓂᐱᓯᒋᐃᒄ ᑭᔭ ᓂᔾ᙮ ᐊᓐ ᒪᒃ ᐊᐛᓐ ᑲ ᐱᓯᒋᐃᑦ ᐱᓯᒋᐊᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮”

ᒠᓐ 17:20

“ᓇᒪ ᒥᒄ ᐅᒡ ᐅᑕ ᐊ ᑕᒡ ᓂᑦ ᐊᔭᒥᐊᔅᑎᒧᐛᐅᒡ᙮ ᓂᑦ ᐊᔭᒥᐊᔅᑎᒧᐛᐅᒡ ᑭᔭ ᐊᓐᒡ ᑲ ᑕᑈᔭᔨᒥᒡ ᐊᓂᔭ ᐅᒋ ᑕᓐ ᑲ ᐃᓯ ᐸᒋ ᐊᔨᒧᒥᔨᒋ ᐅᔭ᙮

ᒠᓐ 17:8

ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐅᑎᓂᒧᒡ ᒪᒃ ᑕᓐ ᑲ ᐃᓯ ᐎᑎᒧᐅᒂᐤ᙮ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ ᑕᑈᑎᒧᒡ ᑭᔭ ᐅᔭ᙮”

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᒠᓐ 6:63

ᒥᒄ ᑲ ᐸᔭᒋᓯᑦ ᐊᒐᐧᒄ ᒥᔨᐛᐤ ᑲᒋᒡ ᐱᒪᑎᓯᐅᓂᔪᐤ, ᓇᒪ ᐎ ᓇᐸᐤ ᒋᑭ ᒋ ᐃᑐᑎᒻ ᐅᔭ᙮ ᔅᒋ ᐎᑎᒪᑎᓇᐛᐤ ᒪᒃ ᑕᓐᑕ ᒐᒋ ᐅᒋ ᐊᔭᔭᒄ ᐅ ᐊᒐᐧᒄ ᐱᒪᑎᓯᐅᓐ᙮

ᒠᓐ 6:68

ᒂ ᐃᓯ ᐎᑎᒪᑯᑦ ᓴᐃᒥᓐ ᐱᑕᕋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᐛᓐ ᒪᒃ ᒐ ᓂᑐᐛᐱᒥᒋᒡ ? ᒋᑦ ᐃᔨᒧᐅᓂᒡ ᐊᑯᑕ ᐛᒋ ᑎᒂᒡ ᑲᒋᒡ ᐱᒪᑎᓯᐅᓐ᙮

ᐊᑈᔅᑕᓇᒡ 10:2

ᒋ ᐊᔭᒥᐊᐛᑎᓯᔪᐤ ᒪᒃ ᑭᔭ ᒥᓯᐛ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ᙮ ᒥᔅᑎ ᒪᒃ ᒋ ᐎᒋᐊᐤ ᐊᓂᔭ ᑲ ᒋᔅᑎᒪᑎᓯᔨᒋ ᒍᐤ ᐃᔪᐛ᙮ ᑭᔭ ᒧᔅ ᒋ ᐊᔭᒥᐊᐤ᙮

ᐊᑈᔅᑕᓇᒡ 10:21

ᐊᑯ ᐱᑕᕐ ᒂ ᓂᑎᒋᐛᑦ, ᐊᑯ ᒂ ᐃᑕᑦ ᐊᓂᔭ ᓇᐸᐛ, “ᐊᐅᒄ ᓂᔾ ᐊᔭᐎᔭᓐ ᑲ ᓇᓂᑐᐛᐱᒥᔭᒄ᙮ ᒐᒂᓐ ᒪᒃ ᐅ ᐛᒡ ᑎᑯᓯᓂᔭᒄ ?”

ᐊᑈᔅᑕᓇᒡ 10:30

ᐊᑯ ᑯᕐᓂᓕᔭᔅ ᒂ ᐃᑕᑦ, “ᓇᐤ ᒋᓯᑲᐛ ᐅᑕᒡ ᐅᑕ ᐊᐅᑯᓐ ᓴᓯᑲᓐ ᒋ ᐃᔅᐱᔅ ᒋᓯᑲᒐ ᐊᒋ ᐊᔭᒥᐊᔭᓐ ᐊᓐᑕ ᓂᒋᒡ ᓂᔅᑐ ᐊ ᐃᔅᐱᔨᑦ ᐱᓯᒧᐧᑲᓐ ᑲᒋ ᐊᐱᑕᒋᓯᑲᒡ᙮ ᒐᒃ ᓯᔅᒋᑯᒡ ᓇᐸᐤ ᐊ ᐛᔅᑐᐛᔨᒋ ᐅᑦ ᐊᐱᒋᑕᐅᓇ ᒋ ᐅᒋ ᓂᐳᐅᐤ ᐊᓐᑕ ᐊ ᑕᔭᓐ᙮

ᐊᑈᔅᑕᓇᒡ 10:33

ᑎᐛᒡ ᒪᒃ ᓂᒋ ᐃᑎᓴᐛᐅᒡ ᓇᐸᐅᒡ ᒐᒋ ᐎᓴᒥᔅᒡ, ᒥᔽᓱᐤ ᒪᒃ ᑲ ᑎᑯᓯᓂᔨᓐ᙮ ᐊᑯ ᒪᒃ ᒥᓯᐛ ᐊ ᑕᔭᐧᒄ ᐅᑕ, ᒋᓴᒪᓂᑐᐤ ᑭᔭ ᐊᑯᑕ ᐊ ᑕᑦ, ᐊᑯ ᒪᒃ ᒐ ᐸᑎᒪᒡ ᑕᓐ ᑲ ᐃᑎᓱᒥᔅᒃ ᐅᑎᐸᔨᒋᒐᐤ ᒐᒋ ᐃᔅᒋᔄᐅᑦ᙮”

ᐊᑈᔅᑕᓇᒡ 10:6

ᐊᓐᑕ ᑕᐤ ᐊᓂᔭ ᑲ ᒋᓯᓂᒐᔨᒋ ᓴᐃᒥᓇ ᑲ ᐃᓯᓂᐧᑲᓱᔨᒋ ᒥᒋᒪ ᓯᓱᒡ ᐎᓂᐸᑯᒡ ᑲ ᐎᒋᔨᒋ᙮”

ᐊᑈᔅᑕᓇᒡ 11:14

ᐅ ᒪᒃ ᓇᐸᐤ ᓴᐃᒥᓐ ᐱᑕᕐ ᒋᑭ ᐛᐎᑎᒪᒄ ᑕᓐᑕ ᒐᒋ ᐅᒋ ᐱᒪᒋᐅᔨᓐ ᑭᔭ ᒥᓯᐛ ᐊᓐᒡ ᐊᓐᑕ ᐊ ᐸᐃᑯᑕᐅᓯᔨᓐ,’ ᐊᐅᑯᓐ ᑲ ᐃᑎᑯᒂ ᑯᕐᓂᓕᔭᔅ ᐊᓂᔭ ᐊᓐᒋᓇ᙮”

ᐊᑈᔅᑕᓇᒡ 22:12

“ᒋ ᑕᐤ ᒪᒃ ᓇᐸᐤ ᓇᓂᑎᒻ ᐊᓐᑕ ᑕᒪᔅᑲᔅ ᐊᒋ ᐎᒋᑦ ᐊᓇᓇᔭᔅ ᐊ ᐃᓯᓂᐧᑲᓱᑦ᙮ ᒋ ᑕᑈᔭᔨᒪᐤ ᒋᓴᒪᓂᑐᐛ ᐅ ᓇᐸᐤ ᑭᔭ ᓇᔅᒡ ᐃᔭᒂ ᒋ ᐃᓯ ᓂᓇᑭᑐᐛᔨᑎᒥᐃᑯᐤ ᒍᐤ ᐊᔭᒥᐊᐎᓱᐛᐅᓂᔪᐤ᙮ ᓇᔅᒡ ᒪᒃ ᒋ ᒋᔅᑕᔨᒥᑯᐤ ᒥᓯᐛ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ᙮

ᐊᑈᔅᑕᓇᒡ 24:15

ᓂ ᑕᑈᑕᓐ ᑭᔭ ᓂᔾ ᑲᐤ ᒐ ᐅᓂᔅᑲᒡ ᒥᓯᐛ ᑲ ᓂᐱᒡ, ᐊᓐᒡ ᑲ ᒥᒋᑐᑕᒡ ᑭᔭ ᐊᓐᒡ ᑲ ᒥᔪᑐᑕᒡ᙮ ᐊᐅᒄ ᒪᒃ ᐅᔭ ᐊ ᐃᓯ ᑕᑈᔭᔨᒥᒃ ᒋᓴᒪᓂᑐᐤ ᒐ ᐃᑐᑕᐧᒃ ᒧᔭᒻ ᑭᔭ ᐎᔨᐛᐤ ᐅᒡ ᒍᐤ ᐃᔪᒡ ᐊ ᐃᓯ ᑕᑈᑕᒡ᙮

ᐊᑈᔅᑕᓇᒡ 6:3

ᒋᔨᐛᐤ ᓂᐧᑲᓂᓯᑐᒄ, ᐅᑎᓇᐧᑯᒡ ᓂᔄᐅᑕᒡ ᓇᐸᐅᒡ ᐊᓐᑕ ᐊ ᑎᓯᔭᒄ ᐊᓐᒡ ᐊ ᒥᔽᒋᒪᑭᓄᐎᒡ ᐊᓂᔭ ᐅᒋ ᐊ ᑯᐃᔅᑯᑕᑎᓯᒡ ᑭᔭ ᓇᔅᒡ ᐊ ᑭᒐᑕᐛᔨᑕᒡ ᑭᔭ ᐊ ᓴᑭᔅᒋᓇᔅᑲᑯᒡ ᑲ ᐸᔭᒋᓯᔨᒋ ᐊᒐᒂ᙮ ᐊᐅᑯᓐᒡ ᐅᒡ ᒐ ᒥᔭᑯᒡ ᐅᔭ ᐊᑐᔅᒐᐅᓂᔪᐤ ᐊ ᓂᓇᑭᑐᐛᔨᒪᒡ ᑲ ᐸᐸᐃᑯᓯᔨᒋ ᐃᔎᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:17

ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ, ᐊᓐ ᑲ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ᐱᒪᑎᓯᑦ᙮

2 ᑯᕆᓐᑎᔭᓇ 5:18

ᐎᔾ ᒋᓴᒪᓂᑐᐤ ᒥᓯᐛ ᐅᔭ ᑲ ᐃᑐᑕᐧᒃ᙮ ᔅᒋ ᐃᑐᑕᑭᓄᐤ ᐎᔾ ᒥᓐ ᑲᐤ ᒐᒋ ᐎᒐᐛᐧᒄ ᙭ᑕ ᐅᒡ᙮ ᐊᑯ ᒪᒃ ᑲ ᒥᔨᑯᐅᔭᒡ ᒐᒋ ᐛᐎᑎᒪᒥᒋᒋ ᐊᐛᔪᐛ ᑕᓐᑕ ᒥᓐ ᑲᐤ ᒐᒋ ᐅᒋ ᐎᒐᐛᔨᒋ ᒋᓴᒪᓂᑐᐛ᙮

1 ᑎᒧᑎ 3:7

ᑭᔭ ᐊᓐ ᐊᐛᓐ ᐅᔭ ᑲ ᐃᑕᐱᑎᓯᑦ ᒋᐸ ᒥᔪ ᑎᐸᑐᑎᒥᔪᐛ ᐅᐱᒪᑎᓯᐅᓐ ᐊᓂᔭᔪᐛ ᐊᐛᔪᐛ ᐊᑲ ᐱᒪᒋᐅᔨᒋ᙮ ᐛᔅ ᒥᔪ ᑎᐸᒋᒪᑭᓄᒐ ᓇᒪ ᒋᑭ ᒋ ᐃᑐᑕᑯᐤ ᒥᒋᒥᓂᑐᐛ ᒐᒋ ᓇᒂᑎᑯᑦ᙮

ᐃᑉᕈᐛ 10:38

ᓂᑦ ᐃᔨᒥᒡ ᑲ ᑯᐃᔅᑯᑕᑎᓯᒡ ᒋᑭ ᑕᑈᑎᒧᒡ ᑭᔭ ᒋᑭ ᐱᒪᑎᓯᐅᒡ, ᒥᒄ ᒪᒃ ᐊᓐ ᐊᐛᓐ ᒐ ᒋᐛᑲᐳᒂ, ᓇᒪ ᓂᑭ ᐅᒋ ᒥᔽᔨᑎᒥᐃᒄ᙮

ᐃᑉᕈᐛ 11:2

ᐊᓂᔭ ᒪᒃ ᑲ ᐃᔅᐱᔅ ᒋ ᑕᑈᑕᒡ ᐊᓂᔭᐧᑲ ᐛᔅᑭᒡ ᐊᐛᓐᒋ ᐊᔪᐅᒄ ᐅᔭ ᓇᔅᒡ ᑲ ᓇᐊᔨᑎᒥᔨᒋ ᒋᓴᒪᓂᑐᐛ᙮

ᐃᑉᕈᐛ 12:23

ᐊᑯᑕ ᒪᒃ ᐊ ᑕᔨᒋ ᒥᓯᐛ ᒋᓴᒪᓂᑐᐤ ᐅᓂᔅᑎᒧᓴᓇ ᐊᓂᔭ ᒪᓯᓇᓱᔨᒋ ᐊᓐᑕ ᒋᒋᒋᓯᑯᒡ᙮ ᒋ ᐸᒋ ᓇᑕᐛᐤ ᒋᓴᒪᓂᑐᐤ ᐊᓐ ᒥᓯᐛ ᐊᐛᔪᐛ ᑲ ᑎᐸᔅᑯᓇᑦ᙮ ᐊᑯᑕ ᑭᔭ ᐅᑕ ᐊ ᑕᔨᒋ ᐅᑦ ᐊᒐᐧᑯᐛᐛ ᐊᓐᒡ ᐅᑯᐃᔅᑯᑕᑎᓯᐅᒡ ᓇᔅᒡ ᑲ ᑕᐱ ᑯᐃᔅᑯᓇᑯᐊᑭᓄᐎᒡ᙮

2 ᐱᑕᕐ 3:2

ᒋ ᐎ ᒋᔅᒋᓱᒥᑎᓇᐛᐤ ᑕᓐ ᑲ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑲ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᑎᓱᒥᑕᒄ ᐅᑎᐸᔨᒋᒐᐤ ᒋᐱᒪᒋᐃᐛᒥᓄᐤ ᐊᓂᔭᔪᐛ ᐎᔾ ᑎᐱᔨᐛ ᐅᑦ ᐊᑈᔅᑕᓂᒪ ᐅᒡ᙮

3 ᒠᓐ 1:12

ᐊᓐ ᓇᐸᐤ ᑎᒥᑦᕆᔭᔅ ᑲ ᐃᓯᓂᐧᑲᓱᑦ ᒥᓯᐛ ᐊᐛᔪᐛ ᒥᔽᒋᒥᑯᐤ᙮ ᓄᑯᓂᔪᐤ ᑕᑈ ᑕᑈᐅᓂᒡ ᐊ ᐃᓯ ᐱᒪᑎᓯᑦ᙮ ᑭᔭ ᓂᔾ ᓂ ᒥᔽᒋᒪᐤ᙮ ᒋ ᒋᔅᒐᔨᑕᓇᐛᐤ ᒪᒃ ᐊ ᑕᑈᒥᑲᒡ ᑕᓐ ᐊ ᐃᔅᒋᔄᔭᓐ᙮

ᒋᔅᒐᔨᑕᑯᑕᒐᐅᓐ 14:10

ᒋᑭ ᒧᓯᑕᐛᐤ ᑕᓐ ᐊ ᐃᓯ ᒋᔄᐊᑦ ᒋᓴᒪᓂᑐᐛ᙮ ᐊᓂᔭ ᒪᒃ ᒐ ᐃᓯ ᒧᓯᑕᐛᑦ ᐊ ᒋᔄᐊᑦ ᒋᓴᒪᓂᑐᐛ, ᒧᔭᒻ ᐊᐛᓐ ᐊ ᒥᓂᐊᑭᓄᐅᑦ ᓱᒥᓇᐳᔪᐤ ᒋᑭ ᐃᑕᔨᑕᑯᓂᔪᐤ᙮ ᐅᔭ ᒪᒃ ᐅᒋᔄᓱᐅᓐ ᒋᓴᒪᓂᑐᐤ, ᓇᔅᒡ ᒋ ᐃᓯ ᑯᑎᐱᓂᒺᐤ ᐊᓐᑕ ᐊᓂᔭ ᒥᓂᒂᑭᓂᔪᐤ ᐊᓐᑕ ᐊ ᐃᓯᓇᑯᓂᔨᒡ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮ ᒥᓯᐛ ᒪᒃ ᐊᓐᒡ ᒐ ᐊᔭᒥᐊᔅᑐᐛᐛᒂ ᐊᓂᔭᔪᐛ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ ᑭᔭ ᒐ ᐱᔅᑎᓂᓱᐛᒂ ᒐᒋ ᒋᔅᒋᓄᐛᒋᐊᑭᓄᐎᒡ ᐅᔅᑲᑎᑯᐛᒡ ᒪᒃ ᐅᑎᒋᐛᒡ ᒋᑭ ᓂᓇᐧᑲᑕᔨᒧᐊᑭᓄᐎᒡ ᐃᔅᑯᑕᔪᐤ ᑭᔭ ᐃᓴᑯ ᐊᓯᓂᔭ ᑲ ᐎᓂᒪᓱᔨᒋ ᐊ ᐃᔎᓯᑭᓄᔨᒋ ᐊ ᐊᑐᔅᒐᔨᒋ ᐅᑎᔅᑯᐤ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ ᑲ ᐸᔭᒋᓯᔨᒋ ᐊ ᑕᔨᒋ᙮