ᐊᑈᔅᑕᓇᒡ 10:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐱᑕᕐ ᒪᒃ ᐊᔅᒄ ᒋ ᒪᒥᑐᓇᔨᑎᒻ ᑕᓐ ᒋᐸ ᒋ ᐃᓯ ᐎᑎᒪᒐᒥᑭᓂᔪᐤ ᐊᓂᔭᔪᐤ ᑲ ᐃᓯ ᐛᐸᑎᔭᑭᓄᐅᑦ᙮ ᐊᑯ ᒂ ᐃᑎᑯᑦ ᑲ ᐸᔭᒋᓯᔨᒋ ᐊᒐᒂ, “ᓂᑐᑕ ᒪ, ᓂᔅᑐᐅᒡ ᐅᑕ ᓇᐸᐅᒡ ᐊ ᐸᒋ ᓇᓂᑐᐛᔨᒥᔅᒡ᙮

ᐊᑈᔅᑕᓇᒡ 10:19 Iomraidhean Croise

ᒠᓐ 16:13

ᒥᒄ ᒪᒃ ᐃᔅᐱ ᑎᑯᓯᒐ ᐅ ᐊᒐᐧᒄ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ, ᐊᐅᒄ ᒐ ᒋᔅᒐᔨᑎᒥᐃᑕᒄ ᒥᓯᐛ ᑕᑈᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒡ᙮ ᓇᒪ ᒋᑭ ᐅᒋ ᐃᔅᒋᔄᐤ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑎᓱᒥᑯᒐ ᒐᒋ ᐃᔅᒋᔄᑦ᙮ ᐊᓂᔭ ᒪᒃ ᑕᓐ ᒐ ᐃᓯ ᐸᑐᐛᑦ ᐊ ᐃᔅᒋᔄᔨᒋ ᐊᔪᐅᒄ ᐅᔭ ᒐ ᐃᓯ ᐛᐎᑕᐧᒃ᙮ ᒋᑭ ᐛᐎᑎᒪᑯᐛᐤ ᐊᓂᔭᔪᐛ ᒐᒂᔪᐛ ᒐ ᐊᑎ ᐃᔅᐱᔨᒋ᙮

ᐊᑈᔅᑕᓇᒡ 10:18

ᒂ ᑕᑈᒡ ᐊ ᐃᔅᒋᔄᒡ, “ᐊᑯᑕ ᐊ ᐅᑕ ᐛᒋᑦ ᓴᐃᒥᓐ ᐱᑕᕐ ?”

ᐊᑈᔅᑕᓇᒡ 10:3

ᐸᐃᒂᐤ ᑲᒋ ᐊᐱᑕᒋᓯᑲᔨᒡ ᒂᔄᓐ ᓂᔅᑐ ᐊ ᐃᔅᐱᔨᒡ ᐱᓯᒧᐧᑲᓇ, ᒋ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ, ᓇᔅᒡ ᐊᒋ ᐛᐱᒪᑦ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᐊ ᐸᒋ ᐱᒐᔨᒋ, ᐊ ᐃᑎᑯᑦ ᒪᒃ, “ᑯᕐᓂᓕᔭᔅ᙮”

ᐊᑈᔅᑕᓇᒡ 11:12

ᑲ ᐸᔭᒋᓯᑦ ᐊᒐᐧᒄ ᓂᒋ ᐃᑎᒄ ᒐᒋ ᐎᒐᐅᒥᒋ ᐅᔭ ᓇᐸᐛ ᑭᔭ ᒐ ᐊᑲ ᒋ ᓇᑲᐎᔭᓐ ᒐᒋ ᐎᒐᐅᒂᐤ ᒥᒄ ᐊᓂᔭ ᐅᒋ ᐊᑲ ᒍᐤ ᐃᑎᔅᑲᓇᓯᒡ᙮ ᐊᑯ ᒪᒃ ᒂ ᐎᒐᐅᒂᐤ᙮ ᒪᒃ ᑭᔭ ᐅᒡ ᐊᓱᑕᒡ ᑯᑎᑭᒡ ᒋᐧᑲᓂᓯᓄᐅᒡ ᑲ ᑕᑈᑕᒡ ᒍᐸᒡ ᑲ ᐅᒋᒡ ᓂᒋ ᐎᒐᐅᑯᒡ ᐊᓐᑕ ᓯᓴᕆᔭᒡ ᐊ ᐃᑐᑕᐅᒡ᙮ ᒥᓯᐛ ᒪᒃ ᓂᒋ ᐱᒐᓇᓐ ᐊᓐᑕ ᑯᕐᓂᓕᔭᔅ ᐎᒋᒡ᙮

ᐊᑈᔅᑕᓇᒡ 13:2

ᒪᒂᒡ ᒪᒃ ᐊᓐᑕ ᐊ ᐊᑲ ᒥᒋᓱᒡ ᒥᒄ ᐊ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ᐃᔨᒥᐃᑯᒡ ᑲ ᐸᔭᒋᓯᔨᒋ ᐊᒐᒂ ᐊ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”

ᐊᑈᔅᑕᓇᒡ 15:7

ᓇᐅᔅ ᒪᒃ ᒋ ᐃᔭᔨᒧᑎᒧᒡ ᐅᔭ ᐊᑯ ᐱᑕᕐ ᒂ ᐅᒋ ᐱᓯᑯᑦ ᐊ ᐃᔅᒋᔄᑦ, “ᓂᐧᑲᓂᓯᑐᒄ, ᒋ ᒋᔅᒋᓯᓇᐛᐤ ᒋᓴᒪᓂᑐᐤ ᐊᒋ ᐅᑎᓂᑦ ᒐᒋ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ, ᒐᒋ ᐅᒋ ᐸᑕᒡ ᑭᔭ ᒐᒋ ᑕᑈᑕᒡ᙮

ᐊᑈᔅᑕᓇᒡ 21:4

ᐊᑯ ᒂ ᓂᑐᐛᐱᒥᒋᒡ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᑲ ᑕᒡ᙮ ᐸᐃᒄ ᒥᓇᔅᑕᑭᓇ ᒪᒃ ᓂᒋ ᐃᑕᐛᓇᓐ ᐊᓐᑕ ᐊ ᑕᒡ᙮ ᐊᓐᒡ ᒪᒃ ᑲ ᑕᑈᑕᒡ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᒐᒋ ᐃᔭᒂᒥᒪᒡ ᑈᓚ ᒐ ᐊᑲ ᒋ ᐃᑐᑕᔨᒋ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 8:29

ᐊᑯ ᒪᒃ ᑲ ᐸᔭᒋᓯᑦ ᐊᒐᐧᒄ ᐊᑕᑦ ᐱᓕᐸ, “ᒥᒋᒪ ᐃᑐᑕ ᓇᑕ ᒪᒃ ᐊᓐ ᑎᑎᐱᑕᐸᓇᔅᒄ᙮”

1 ᑯᕆᓐᑎᔭᓇ 12:11

ᒥᒄ ᒪᒃ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ, ᒥᓯᐛ ᒪᒃ ᐸᐸᐃᒄ ᐊᐛᔪᐛ ᒥᔭᐤ ᓂᓇᐧᑯᐤ ᐊᒐᐧᑯ ᒥᔨᐛᐅᓇ᙮ ᐎᔾ ᒪᒃ ᑲ ᐸᔭᒋᓯᑦ ᐊᒐᐧᒄ ᒋᔅᒐᔨᑎᒻ ᒐᒄ ᒥᔨᐛᐅᓂᔪᐤ ᒐ ᒥᔭᑦ ᐊᐛᔪᐛ᙮

1 ᑎᒧᑎ 4:1

ᑲ ᐸᔭᒋᓯᑦ ᐊᒐᐧᒄ ᐱᔭᑭᔅᒡ ᐎᑎᒪᒐᐤ ᑕᓐ ᒐ ᐊᑎ ᐃᔅᐱᔨᒡ ᐊ ᒪᒋᒡ ᒋᓯᑲᔨᒡ᙮ ᒋᑭ ᑕᐅᒡ ᐊᐛᓐᒋ ᐊ ᐳᓂᒡ ᐊ ᑕᑈᔭᔨᒪᒡ ᒋᓴᓴ᙮ ᒋᑭ ᐎᔭᓯᒥᑯᒡ ᑕᓐ ᐊ ᐃᓯ ᐛᐎᔭᓯᒧᐛᔨᒋ ᒥᒋ ᐊᒐᒂ ᐊᑯ ᒐ ᓇᓴᐊᒺᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ᙮