ᐊᑈᔅᑕᓇᒡ 1:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 1:8 Iomraidhean Croise

ᑎᐱᑦ ᐅᓂᑭᒧᐅᓇ 22:27

ᒥᓯᐛᔅᑭᒥᒡ ᒋᑭ ᒋᔅᒋᑐᐛᐅᒡ ᑭᔭ ᒋᑭ ᒂᔅᒋᑲᐳᐅᔅᑐᐛᐅᒡ ᑎᐸᔨᒋᒐᓱᐛ: ᑭᔭ ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᒋᑭ ᐅᒋᒋᑯᓂᐱᔅᑐᐛᐅᒡ᙮

ᑎᐱᑦ ᐅᓂᑭᒧᐅᓇ 98:3

ᓇᒪ ᐅᒋ ᐅᓂᒋᔅᒍᐤ ᒐ ᒋᓴᐛᑐᑐᐛᑦ ᑭᔭ ᒐ ᑕᑈᐅᓯᔅᑐᐛᑦ ᐃᔅᕋᐃᓚ ᒥᓯᐛ ᐊᑎᓯᔨᒋ; ᒥᓯᐛ ᐊ ᐊᑎ ᐃᔎᔭᔨᒡ ᐊᔅᒋᔪᐤ ᒋ ᐛᐸᑕᑭᓄᐎᔪᐤ ᐅᐱᒪᒋᐃᐛᐅᓐ ᒋᒋᓴᒪᓂᑐᒥᓄᐤ᙮

ᒪᑎᔪᐤ 24:14

ᐅ ᒪᒃ ᒥᔽᒋᒧᐅᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑲ ᑎᐸᑐᑕᔨᒡ ᒋᑭ ᑭᒐᔅᒋᒧᓇᓄᐤ ᐅᑕ ᒥᓯᐛ ᐊᔅᒋᒡ ᒥᓯᐛ ᐊᐛᓐ ᒐᒋ ᐸᑕᐧᒃ, ᑭᔭ ᐃᔭᒄ ᒐ ᐃᔎᐱᔨᒡ᙮”

ᒪᑎᔪᐤ 28:19

ᐅ ᒪᒃ ᐅᒋ ᒪᒋᒄ ᓂᑐᐛᐱᒪᐧᑯᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐ ᐃᑐᑐᐛᑯᒡ ᒐᒋ ᐅᒋᔅᒋᓄᐊᒧᐛᑭᓂᔭᓐ, ᒐ ᓯᑲᐃᑐᐛᑯᒡ ᐅᑦ ᐃᓯᓂᐧᑲᓱᐅᓂᔪᐤ ᐅᑕᐎᒪᐛ ᑭᔭ ᐅᑯᓯᓯᒪᐛ ᑭᔭ ᑲ ᐸᔭᒋᓯᔨᒋ ᐊᒐᒂ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:15

ᐊᑯ ᒂ ᐃᑕᑦ, “ᒪᒋᒄ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒐ ᑭᒐᔅᒋᒧᔭᒄ ᐊ ᐛᐎᑎᒪᒄ ᐅ ᒥᔽᒋᒧᐅᓐ ᒥᓯᐛ ᐊᐛᓐ ᒐᒋ ᐸᑕᐧᒃ᙮

ᓗᒃ 1:35

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᑲ ᐸᔭᒋᓯᑦ ᐊᒐᐧᒄ ᒋᑭ ᐅᑎᑎᒄ, ᒋᓴᒪᓂᑐᐤ ᒪᐅᒡ ᐊ ᐃᔅᐸᔨᑕᑯᓯᑦ, ᐅᓱᐧᑲᑎᓯᐅᓂᒡ ᐊᑯᑕ ᒐ ᐅᒋ ᑭᓄᐛᔨᒪᐅᓱᔨᓐ᙮ ᐊᐅᒄ ᒪᒃ ᒐ ᐅᒋ ᐃᓯᓂᐧᑲᑕᑭᓄᐅᑦ ᐊᓐ ᐊᐛᔅ ᒐ ᐱᒪᑎᓯᑦ ᑲ ᐸᔭᒋᓯᑦ, ᒋᓴᒪᓂᑐᐤ ᐅᑯᓴ ᒋᑭ ᐃᓯᓂᐧᑲᑕᑭᓄᐤ᙮”

ᓗᒃ 10:19

ᓂᑐᑎᒧᒄ ᒪᒃ, ᔅᒋ ᒥᔨᑎᓇᐛᐤ ᑎᐸᔨᒋᒐᐅᓐ ᒐᒋ ᓴᐧᑯᒋᐊᒄ ᒥᒋᒥᓂᑐᐤ, ᑭᔭ ᒐᒋ ᑕᑕᐧᑯᔅᑲᑕᑯᒡ ᑲ ᐱᒋᐳᔪᐛᒡ ᒥᒋ ᒋᓇᐱᑯᒡ, ᑭᔭ ᑲ ᐱᒋᐳᔪᐛᒡ ᒥᔅᑎᐃᐱᒐᓱᒡ᙮ ᓇᒪ ᑎᑯᓐ ᒐᒂᓐ ᒐᒋ ᐊᐧᑯᐃᑯᔭᒄ᙮

ᓗᒃ 24:29

ᒋ ᐊᔨᐧᑭᒥᐊᐅᒡ ᒪᒃ ᒋᓴᓴ ᐊᑲ ᐊᑐᐎᔅ ᒐᒋ ᔅᑐᑕᔨᒋ, ᐊ ᐃᑕᒡ, “ᐊᑯᑕ ᐅᑕ ᐃᑕ, ᐛᔅ ᓴᔅ ᐅᑕᑯᓯᐤ, ᓴᔅ ᐎᐱᒡ ᒋᑭ ᑎᐱᔅᑲᐤ᙮” ᐊᑯ ᒋᓴᔅ ᒂ ᐊᑎ ᐎᒐᐛᑦ ᐊ ᒋᐛᔨᒋ᙮

ᒠᓐ 15:27

ᑭᔭ ᒋᔨᐛᐤ ᒪᒃ ᒋᑭ ᐊᔨᒧᒥᓇᐛᐤ ᐛᔅ ᐊᓐᑕ ᐅᔅᑭᒡ ᑲ ᐅᒋ ᒋᒋ ᒋᔅᑯᑎᒪᒐᔭᓐ ᐊᑯᑕ ᓴᔅ ᑲ ᐅᒋ ᐛᐎᒐᐎᔭᒄ᙮”

ᐊᑈᔅᑕᓇᒡ 1:22

ᐅ ᒪᒃ ᐊᐛᓐ ᒐ ᒥᔅᑯᑎᔅᑯᐛᑦ ᒍᑎᓴ ᐅᑕ ᐅ ᐊ ᐸᐃᑯᑕᐅᐱᑐᔭᐧᒄ ᒋᑭ ᐅᑎᓇᓄᐤ ᑭᔭ ᓴᔅ ᐊᓐᑕ ᐊᐛᓐ ᐊᒋ ᐅᒋ ᐎᒐᐅᑕᐧᒄ ᐅᔅᑭᒡ ᑲ ᒋᒋ ᐱᐸᐎᒐᐛᐧᒄ ᒋᓴᔅ᙮ ᑭᔭ ᐊᒋ ᐎᒐᐅᑕᐧᒄ ᐃᔅᐱ ᑲ ᓯᑲᐃᑕᑯᑦ ᒋᓴᔅ ᐊᓂᔭᔪᐛ ᒠᓇ, ᐱᐃᒻ ᒪᒃ ᒋᓴᔅ ᑲ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᐱᑕᕐ᙮

ᐊᑈᔅᑕᓇᒡ 1:5

ᐛᔅ ᒠᓐ ᒋ ᓯᑲᐃᑕᒐᐤ ᓂᐱᔪᐤ ᐊ ᐊᐱᒋᑕᑦ᙮ ᐊᑯ ᒪᒃ ᓴᔅ ᐎᐱᒡ ᒋᑭ ᓯᑲᐃᑕᑯᓇᐛᐤ ᑲ ᐸᔭᒋᓯᑦ ᐊᒐᐧᒄ᙮”

ᐊᑈᔅᑕᓇᒡ 13:31

ᒥᒐᑐᐤ ᒋᓯᑲᐛ ᒪᒃ ᒋ ᐛᐱᒥᑯᐤ ᐊᓂᔭᔪᐛ ᐊᐛᔪᐛ ᑲᓕᓕᒡ ᑲᒋ ᐅᒋ ᐸᒋ ᐎᒐᐅᑯᔨᒋ ᒋᕈᓯᓕᒥᒡ ᐃᔅᐱᔅ᙮ ᒋ ᐎᑎᒧᐛᔪᐛ ᒪᒃ ᐃᔅᕋᐃᓪ ᐃᔪᐛ ᒥᓐ ᐊ ᐱᒪᑎᓯᑦ᙮”

ᐊᑈᔅᑕᓇᒡ 2:32

ᐊᑯ ᐱᑕᕐ ᒥᓐ ᒂ ᐊᑎ ᐃᔅᒋᔄᑦ, “ᒋᓴᒪᓂᑐᐤ ᒋ ᐅᓂᔅᑲᓇᐤ ᐅᔭ ᒋᓴᓴ ᓂᐳᐅᓂᒡ ᐅᒡ᙮ ᓂ ᒋᔅᒐᔨᑕᓇᓐ ᐅ ᐛᔅ ᓂᒋ ᐛᐱᒪᓇᓐ᙮”

ᐊᑈᔅᑕᓇᒡ 22:15

ᒥᓯᐛ ᒪᒃ ᐊᐛᓐᒋ ᒋᑭ ᐎᑎᒧᐛᐅᒡ ᑕᓐ ᑲ ᐃᓯ ᐛᐸᑎᒥᓐ ᑭᔭ ᑲ ᐃᓯ ᐸᑎᒥᓐ ᐊ ᐃᑕᒋᒪᑭᓄᐅᑦ᙮

ᐊᑈᔅᑕᓇᒡ 3:15

ᑭᔭ ᔅᒋ ᐃᑐᑐᐛᐛᐤ ᒋᓴᔅ ᒐᒋ ᓂᐸᐊᑭᓄᐅᑦ ᐊᓐ ᑲ ᒥᔭᑦ ᐊᐛᔪᐤ ᐱᒪᑎᓯᐅᓂᔪᐤ᙮ ᒥᒄ ᒪᒃ ᒋᓴᒪᓂᑐᐤ ᒋ ᐃᑐᑐᐛᐤ ᒥᓐ ᑲᐤ ᒐᒋ ᐱᒪᑎᓯᔨᒋ᙮ ᐛᔅ ᓂᒋ ᐛᐱᒥᓇᓐ ᒥᓐ ᑲᐤ ᑲ ᐅᓂᔅᑲᑦ ᒋᓴᔅ᙮ ᓂ ᒋᔅᒐᔨᑕᓇᓐ ᒪᒃ ᐊ ᑕᑈᒥᑲᒡ ᐅ᙮

ᐊᑈᔅᑕᓇᒡ 4:33

ᒋ ᓱᒋᑕᑯᓱᐅᒡ ᑭᔭ ᒋ ᒥᔅᑎ ᒥᔪᑕᑯᓱᐅᒡ ᐊᓐᒡ ᐊᑈᔅᑕᓇᒡ ᐊ ᐛᐎᑕᒡ ᑎᐸᔨᒋᒐᓱᐛ ᒋᓴᓴ ᑲᐤ ᑲ ᐅᓂᔅᑲᔨᒋ ᓂᐳᐅᓂᒡ ᐅᒋ, ᑭᔭ ᒋᓴᒪᓂᑐᐛ ᒋ ᒥᔅᑎ ᓱᐛᔨᒥᑯᐅᒡ ᒥᓯᐛ ᐊ ᑎᓯᒡ᙮

ᐊᑈᔅᑕᓇᒡ 5:32

ᓂᔭᓐ ᒪᒃ ᓂ ᑎᐸᑐᑕᓇᓐ ᐛᔅ ᓂᒋ ᐛᐸᑕᓇᓐ ᐅᔭ ᑲ ᐃᔅᐱᔨᒋ, ᑭᔭ ᑲ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᒋᓴᒪᓂᑐᐤ ᑲ ᒥᔭᑦ ᐊᐛᔪᐛ ᑲ ᓂᓇᐃᑕᑯᑦ ᑭᔭ ᐎᔾ ᐎᑎᒪᒐᐤ ᐊ ᑕᑈᒥᑭᓂᔨᒡ ᐊᓂᔭᔪᐤ ᑲ ᐃᔅᐱᔨᒡ᙮”

ᐊᑈᔅᑕᓇᒡ 6:8

ᔅᑎᐱᓐ ᒪᒃ ᐊᓐ ᐊᐛᓐ ᑲ ᓴᒋᔅᒋᓇᔅᑲᑯᑦ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᑭᔭ ᐅᓱᐧᑲᑎᓯᐅᓂᔪᐤ ᒋ ᐃᑕᔨᑕᑯᓱᐤ, ᒋ ᐃᑐᑎᒻ ᒪᒃ ᓂᓇᐧᑯᐤ ᒪᒥᔅᑲᒡ ᒐᒂᔪᐛ ᑭᔭ ᓂᓇᐧᑯᐤ ᒋ ᐃᓯ ᒪᒥᔅᑲᒡ ᐛᐸᑎᔨᐛᐤ ᐊᓐᑕ ᐃᔪᐛ ᐊ ᑕᔨᒋ᙮

ᐊᑈᔅᑕᓇᒡ 8:1

ᓴᓪ ᒪᒃ ᒋ ᒥᔽᔨᑎᒻ ᐊᒋ ᓂᐸᐊᑭᓄᔨᒋ ᔅᑎᐱᓇ᙮ ᐊᓂᔭ ᒪᒃ ᐊ ᐸᐃᑯᓂᔨᒡ ᐊ ᒋᓯᑲᔨᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒋᕈᓯᓕᒥᒡ ᐊᑯᑕ ᑲ ᐅᒋ ᒋᒋ ᓂᓇᐧᑲᒋᐊᑭᓄᐎᒡ᙮ ᐊᔪᐅᒄ ᐅᔭ ᐛᒋ ᓂᑭᑕᒡ ᒋᕈᓯᓕᒥᔪᐤ ᐊᑯ ᐊᓐᑕ ᒍᑎᔭᒡ ᑭᔭ ᓴᒪᕆᔭᐃᒡ ᒂ ᐎᒋᒡ᙮ ᒥᒄ ᐊᓐᒡ ᐊᑈᔅᑕᓇᒡ ᐊᑯᑕ ᐃᔭᐱᒡ ᑲ ᑕᒡ ᐎᔨᐛᐤ ᐊᓐᑕ ᒋᕈᓯᓕᒥᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:18

ᒥᒄ ᒪᒃ ᓂ ᐎ ᑯᒂᒋᒐᒧᓐ, ᓇᒪᐎᔾ ᐊ ᒪᒃ ᙭ᑕ ᐅᒋ ᐊᔨᒧᑎᒧᐛᐊᑭᓄᐎᒡ ᒍᐤ ᐃᔪᒡ ? ᓂᐦᐃ, ᑭᑈ ᑲ ᐊᔨᒧᑎᒧᐛᑭᓄᐎᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᒡ ᒋ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ᙮ ᓇᔅᒡ ᓇᑕ ᐊ ᐃᔎᔭᔨᒡ ᐅᔭ ᐊᔅᒋᔪᐤ ᒋ ᐸᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮