ᐊᑈᔅᑕᓇᒡ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐃᔅᐱ ᑲᒋ ᐃᓯ ᓂᓇᐧᑲᑕᔨᒧᑦ ᒋᓴᔅ ᒋᐱᔭᑎᑯᒡ ᑲ ᓂᐱᑦ ᒥᒐᑦ ᒋ ᓄᑯᓯᔅᑐᐛᐤ ᐊᓂᔭᔪᐛ ᐊᑈᔅᑕᓇ ᓇᐎᔪᐛ ᒋᓯᑲᐤ ᐃᔅᐱᔅ, ᐊ ᐎ ᒐᔅᑎᓇᑕᔨᑎᒥᐊᑦ ᑕᑈ ᒥᓐ ᑲᐤ ᐊ ᐱᒪᑎᓯᑦ, ᑭᔭ ᒋ ᐊᔨᒧᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 1:3 Iomraidhean Croise

ᒪᑎᔪᐤ 21:43

ᐊᑯ ᒋᓴᔅ ᒂ ᐊᑎ ᐃᑕᑦ, “ᐅ ᒪᒃ ᒋ ᐎ ᐃᓯ ᐎᑎᒪᑎᓇᐛᐤ, ᒋᓴᒪᓂᑐᐤ ᐅᒋᓴᐅᒋᒪᐅᓐ ᒋᑭ ᒥᔅᑭᒥᑯᓇᐛᐤ, ᐊᑯ ᒐ ᐊᓱᒥᔭᑭᓄᐎᒡ ᐊᓐᒡ ᑕᑈ ᒐ ᓄᑯᑕᐛᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᐱᒪᑎᓯᐅᓄᐛᒡ᙮

ᒪᑎᔪᐤ 28:9

ᓯᔅᒋᑯᒡ ᒪᒃ ᒋ ᐅᒋ ᓂᒋᔅᑯᐛᐅᒡ ᒋᓴᓴ ᐊᑯ ᒂ ᐃᑎᑯᒡ, “ᐎ ᒋᔭᒪᔨᑎᒧᒄ᙮” ᐊᑯ ᒂ ᐅᒋᒋᐧᑯᓂᐱᔪᐅᒡ ᐊ ᑕᔨᒋ ᒂ ᒪᑯᓂᒺᒡ ᐅᓯᑎᔪᐛ ᐊᑯ ᒂ ᓄᒋᔅᑐᐛᒡ᙮

ᒪᑎᔪᐤ 3:2

ᐊ ᐃᔅᒋᔄᑦ, “ᒂᔅᑲᑎᓯᒄ, ᐛᔅ ᓴᔅ ᐸᓱᓇᑯᓐ ᐊᓐ ᒋᒋᒋᓯᒄ ᒋᓴᐅᒋᒪᐅᓐ᙮”

ᒪᑎᔪᐤ 4:2

ᐃᔅᐱ ᒪᒃ ᐊᑲ ᐅᒋ ᒥᒋᓱᑦ ᓇᐎᔪᐛ ᒋᓯᑲᐛ ᑭᔭ ᓇᐎᔪᐛ ᑎᐱᔅᑲᐛ ᐊᓐᑕ ᑲ ᑕᑦ, ᒋ ᓯᐛᔪᐤ ᒋᓴᔅ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᒠᓐ 20:26

ᔭᓇᐤ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒥᓐ ᑲ ᒪᒧᐎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᑥᒥᔅ ᒪᒃ ᑭᔭ ᐎᔾ ᐊᑯᑕ ᑲ ᑕᑦ᙮ ᒋ ᐊᑎᓴᑲᐛᑭᓄᐎᒡ ᔅᑐᐧᑭᓐᒡ ᐃᔭᐱᒡ ᒪᒃ ᒋᓴᔅ ᒋ ᐸᒋ ᐱᒐᐤ ᒂ ᐸᒋ ᐅᑎᔅᑯᑲᐳᔅᑐᐛᑦ᙮

ᒠᓐ 21:1

ᐸᑎᒪ ᒪᒃ ᐊᑯ ᒥᓐ ᒋᓴᔅ ᑲ ᓄᑯᓯᔅᑐᐛᑦ ᐅᒋᔅᒋᓄᐊᒧᐛᑭᓇ ᐊᓐᑕ ᐊᓂᔭ ᓴᑲᐃᑭᓂᔪᐤ ᑕᐃᐱᕆᔭᔅ ᑲ ᐃᓯᓂᐧᑲᑕᔨᒡ᙮ ᒪᐅᑕ ᒪᒃ ᑲ ᐃᓯ ᓄᑯᓯᔅᑐᐛᑦ᙮

ᒠᓐ 21:14

ᐊᐅᒄ ᒪᒃ ᐅᔭ ᓂᔍᐤ ᑲ ᓄᑯᓯᔅᑐᐛᑦ ᒋᓴᔅ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᑲ ᐃᔅᐱᔅ ᐅᓂᔅᑲᑦ ᓂᐳᐅᓂᒡ ᐅᒡ᙮

ᐊᑈᔅᑕᓇᒡ 13:31

ᒥᒐᑐᐤ ᒋᓯᑲᐛ ᒪᒃ ᒋ ᐛᐱᒥᑯᐤ ᐊᓂᔭᔪᐛ ᐊᐛᔪᐛ ᑲᓕᓕᒡ ᑲᒋ ᐅᒋ ᐸᒋ ᐎᒐᐅᑯᔨᒋ ᒋᕈᓯᓕᒥᒡ ᐃᔅᐱᔅ᙮ ᒋ ᐎᑎᒧᐛᔪᐛ ᒪᒃ ᐃᔅᕋᐃᓪ ᐃᔪᐛ ᒥᓐ ᐊ ᐱᒪᑎᓯᑦ᙮”

ᐊᑈᔅᑕᓇᒡ 19:8

ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 28:31

ᒋ ᐊᔨᒧᑎᒧᐛᐤ ᒪᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᒋ ᒋᔅᑯᑎᒪᒐᐤ ᐅᑎᐸᔨᒋᒐᐛ ᒋᓴᔅ ᙭ᑕ ᐊ ᐊᔨᒧᒪᑦ᙮ ᒋ ᓱᒋᑕᐊᐤ ᒪᒃ ᓇᔅᒡ ᑭᔭ ᓇᒪ ᐅᒋ ᒋᑕᐊᒧᐛᑭᓄᐤ ᐅᔭ ᐊ ᐃᑎᑦ᙮

ᐊᑈᔅᑕᓇᒡ 8:12

ᐃᔅᐱ ᒪᒃ ᐱᓕᐸ ᑲ ᑎᑯᓯᓂᔨᒋ ᐊ ᐛᐎᑎᒪᑯᒡ ᒥᔽᒋᒧᐅᓂᔪᐤ, ᐊ ᑎᐸᒋᒪᔨᒋ ᒋᓴᔅ ᙭ᑕ ᑭᔭ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑎᒥᔨᒋ, ᒋ ᑕᑈᑐᐛᐅᒡ, ᑕᐱᔅᑯᓐ ᒪᒃ ᓇᐸᐅᒡ ᑭᔭ ᐃᔎᐅᒡ ᒋ ᓯᑲᐃᑐᐛᑭᓄᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᑯᓚᓯᔭᓇ 1:13

ᔅᒋ ᐎᐧᑯᒋᐃᑯᓄᐤ ᑕᓐ ᐊᓂᔭᔪᐛ ᑲ ᐃᓯ ᑎᐸᔨᒥᑯᐛᐧᒄ ᐅᓂᑎᐱᔅᒋᓯᐅᓂᔪᐤ ᒥᔅᑯᒡ ᐊᓂᔭ ᓇᔅᒡ ᑲ ᓴᒋᐊᑦ ᐅᑯᓯᓴ ᐅᒋᒪᐅᓂᔪᐤ ᐊᑯ ᒐᒋ ᑎᐸᔨᒥᑯᐛᐧᒄ᙮

1 ᑕᓴᓗᓂᔭᓇ 2:12

ᓱᒃ ᔅᒋ ᐊᓯᒋᒥᑎᓇᓐ᙮ ᔅᒋ ᒥᔽᔨᒧᐃᑎᓇᓐ ᑭᔭ ᔅᒋ ᓯᒋᒥᑎᓇᓐ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᓯ ᐱᒪᑎᓯᓇᓄᐎᒡ᙮ ᐛᔅ ᐎᔾ ᒋᓴᒪᓂᑐᐤ ᒋ ᐎᓴᒥᑯᐛᐤ ᒐᒋ ᐎᒋᐃᐛᔭᒄ ᐊᓐᑕ ᑲ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓂᒡ᙮

1 ᒠᓐ 1:1

ᒋ ᒥᓯᓇᐊᒪᑎᓇᓐ ᐊ ᐊᔨᒧᒥᒋᒡ ᐊᓐ ᓴᔅ ᑲ ᑕᑦ ᐊᔅᒄ ᐊᑲ ᓇᔅᒡ ᐅᒋ ᑎᑯᓂᔨᒡ ᒐᒂᔪᐤ᙮ ᑲᒋ ᐸᑐᐅᒋᒡ, ᑲᒋ ᐛᐱᒥᒋᒡ, ᑭᔭ ᑲᒋ ᑕᒋᓂᒋᒡ᙮ ᒋᑦ ᐊᔨᒧᑎᒪᑎᓇᓐ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᐊᓂᔭ ᐅᒋ ᑕᓐ ᑲ ᐃᓯ ᐛᐎᑕᐧᒃ᙮