ᐊᑈᔅᑕᓇᒡ 1:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑯ ᒂ ᐃᑕᑦ, “ᓂᐧᑲᓂᓯᑐᒄ, ᐊᓐ ᑲ ᐃᓯ ᓂᑲᓐ ᐎᑕᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔭᐃᑕᔾ ᒋ ᓂᑐᐛᔨᑕᑯᓐ ᒥᓯᐛ ᒐᒋ ᐃᔅᐱᔨᒡ᙮ ᐊᐅᒄ ᐅᔭ ᑲ ᐸᔭᒋᓯᑦ ᐊᒐᐧᒄ ᑲ ᐃᓯ ᒥᔭᑦ ᐊᓂᔭ ᑎᐱᑕ ᒐᒋ ᓂᑲᓐ ᐎᑎᒥᔨᒋ ᑕᓐ ᒐ ᐃᑎᔨᒂᓂ ᒍᑎᓴ᙮ ᐊᐅᒄ ᐅ ᒍᑎᔅ ᑲ ᐃᑐᑕᐊᑦ ᐊᓯᒪᑭᓂᓴ ᒋᓴᓴ ᐊ ᑕᔨᒋ ᒐᒋ ᒪᑯᓇᔨᒋ᙮

ᐊᑈᔅᑕᓇᒡ 1:16 Iomraidhean Croise

ᑎᐱᑦ ᐅᓂᑭᒧᐅᓇ 41:9

ᓂᐦᐃ, ᑎᐱᔨᐛ ᓂᐎᒐᐛᑭᓐ, ᑲ ᒪᒥᓯᑐᑐᐅᒃ, ᑲ ᒧᐛᑦ ᓂᐸᒂᓯᑭᓂᒪ, ᓂᒋ ᐅᐱᓇᒪᒄ ᐅᑐᑎᓐ᙮

ᒪᑎᔪᐤ 26:14

ᐊᑯ ᐸᐃᒄ ᐊᓐᑕ ᐊ ᓂᓱᓴᐳᒡ ᐊᓐᒡ ᒋᔅᒋᓄᐊᒧᐛᑭᓐᒡ ᒍᑎᔅ ᐃᔅᑲᕆᔭᑦ ᑲ ᐃᓯᓂᐧᑲᓱᑦ ᒋ ᓂᑐᐛᐱᒪᐤ ᐊᓂᔭ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ᙮

ᒪᑎᔪᐤ 26:47

ᐊᔅᒄ ᒪᒃ ᒪᒂᒡ ᐊ ᐃᔨᒥᑦ ᒋᓴᔅ ᒋ ᐅᒋ ᑎᑯᓯᓂᔪᐛ ᐸᐃᒄ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒍᑎᔅ ᑲ ᐃᓯᓂᐧᑲᓱᔨᒋ᙮ ᒋ ᐸᒋ ᐎᒐᐅᑯᔪᐛ ᒥᒐᑦ ᐊᐛᔪᐛ ᐊᒋ ᐸᒋ ᐃᑎᓴᐅᑯᔨᒋ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᑲ ᓂᑲᓂᔅᑯᐛᔨᒋ᙮ ᒋ ᐸᒋ ᑕᐧᑯᓂᒧᒡ ᒪᒃ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒥᐃᑭᓇᑎᒂ᙮

ᒪᑎᔪᐤ 26:54

ᒥᒄ ᒪᒃ ᐊᓐ ᐃᑎᔭᓇ, ᑕᓐᑕ ᒐᒋ ᐅᒋ ᐃᔅᐱᔨᒡ ᐊᓐ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐ ᒋᐸ ᐃᔅᐱᔪᐤ ?”

ᒪᑎᔪᐤ 26:56

ᒥᒄ ᒪᒃ ᐛᔅ ᒥᓯᐛ ᑎᐱᐱᔪᐤ ᑕᓐ ᑲ ᐃᓯ ᒥᓯᓇᐊᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᐃᔅᐱ ᒪᒃ ᐅᔭ ᑲ ᐃᑕᑦ ᐊᑯ ᒥᓯᐛ ᐅᒋᔅᒋᓄᐊᒧᐛᑭᓇ ᒂ ᒋᑎᓯᒧᔨᒋ ᐊ ᓂᑭᑎᑯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:36

ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᐊᓂᔭ ᑎᐱᑦ ᒐᒋ ᐃᔅᒋᔄᑦ, ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐛᐧᑲᑎᔅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:43

ᑎᐛᒡ ᒪᒃ, ᐊᔅᒄ ᒪᒂᒡ ᐊ ᐃᔨᒥᑦ ᒋᓴᔅ, ᒍᑎᔅ ᒋ ᑎᑯᓯᓐ, ᐸᐃᒄ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ᙮ ᐊ ᐎᒐᐅᑯᑦ ᒥᒐᑦ ᐊᐛᔪᐛ, ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒥᐃᑭᓇᑎᒂ ᐊ ᑕᐧᑯᓂᒥᔨᒋ, ᑲ ᐸᒋ ᐃᑎᓴᐅᑯᔨᒋ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᑭᔭ ᐊᓂᔭ ᑲ ᓂᑲᓂᔨᑕᑯᓯᔨᒋ᙮

ᓗᒃ 22:47

ᒪᒂᒡ ᒪᒃ ᐊ ᐃᔨᒥᑦ ᒋᓴᔅ ᒋ ᐅᒋ ᑎᑯᓯᓂᔪᐛ ᐊᐛᔪᐛ ᐊ ᒥᒐᑐᑕᔨᒋ᙮ ᐸᐃᒄ ᒪᒃ ᐊᓂᔭᔪᐛ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ, ᒍᑎᔅ ᑲ ᐃᓯᓂᐧᑲᓱᔨᒋ, ᒋ ᐸᒋ ᓂᑲᓄᑕᔪᐛ ᒂ ᓇᑎᑯᑦ ᐊᑯ ᒂ ᓱᐛᔨᒥᑯᑦ᙮

ᒠᓐ 10:35

ᒋ ᒋᔅᒐᔨᑕᓇᓄᐤ ᑲᒋᒡ ᐊ ᑕᑈᒥᑲᒡ ᑕᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᒥᓂᑐᐅᒡ ᒋ ᐃᓯᓂᐧᑲᑕᐤ ᒋᓴᒪᓂᑐᐤ ᐊᓂᔭᔪᐛ ᑲ ᒥᔭᑭᓄᔨᒋ ᐅᑦ ᐃᔨᒧᐅᓐ᙮

ᒠᓐ 13:18

“ᓇᒪ ᒪᒃ ᒥᓯᐛ ᒋᑦ ᐊᔨᒧᒥᑎᓇᐛᐤ, ᓂ ᒥᔪ ᒋᔅᒐᔨᒪᐅᒡ ᐊᓐᒡ ᓂᔾ ᑲ ᐅᑎᓂᒂᐤ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓐ ᓇᐸᐤ ᑲ ᐎᒋᒥᒋᓱᒥᑦ ᓂᑭ ᐎᔭᓯᐱᔅᑎᓂᒄ᙮ ᐊᐅᑯᓐ ᒪᒃ ᐅ ᓴᔅ ᐎᐱᒡ ᒋᐸ ᐃᔅᐱᔪᐤ᙮

ᒠᓐ 17:12

“ᒪᒂᒡ ᑲ ᐎᒐᐅᒂᐤ ᓂᒋ ᑭᓄᐛᔨᒪᐅᒡ ᐊᓂᔭ ᐃᓯᓂᐧᑲᓱᐅᓂᔪᐤ ᑲ ᐸᒋ ᒥᔪᐅᑦ ᐅᒡ᙮ ᓂᒋ ᑭᓄᐛᔨᒪᐅᒡ, ᓇᒪ ᒪᒃ ᐛᒋ ᐸᐃᒄ ᐅᒋ ᐅᓂᓯᓄᐅᒡ ᒥᒄ ᐊᓐ ᑲ ᐃᑕᔨᑕᑯᓂᑯᐱᓇ ᒐ ᐅᓂᓯᐧᒃ ᒋ ᐅᓂᓯᓄᐤ᙮ ᒥᓯᐛ ᐅ ᑲ ᐃᔅᐱᔨᒡ ᒋ ᐃᔅᐱᔪᐤ ᒐᒋ ᑎᐱᐱᔨᒡ ᑕᓐ ᐊᑎᔅᑕᒡ ᒋᑦ ᐃᔨᒧᐅᓂᒡ᙮”

ᒠᓐ 19:36

ᒋ ᐃᔅᐱᔪᐤ ᐅ ᒐᒋ ᑎᐱᐱᔨᒡ ᑕᓐ ᑲ ᐃᓯ ᓂᑲᓐ ᐎᑕᑭᓄᑯᐱᓇ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ᐃᔅᐱᔨᒡ, ᐃᑎᔅᑕᐤ, ᓇᒪ ᐛᐛᒡ ᐸᐃᒄ ᐅᒋ ᓇᑥᐃᑭᓄᐎᔪᐤ ᐎᔾ ᐅᔅᑭᓇ᙮

ᐊᑈᔅᑕᓇᒡ 1:20

“ᐛᔅ ᐃᑎᔅᑕᔪᐤ ᐊᓐᑕ ᐊᓂᔭ ᑎᐱᑦ ᐅᓂᑭᒧᐅᓂᒡ, ᓇᒪ ᒋᑭ ᐅᒋ ᑕᓄᔪᐤ ᐊᓐᑕ ᑲᒋ ᑕᑦ, ᐊᑲᐎᔾ ᐊᐛᓐ ᒋᑭ ᐅᒋ ᐎᒍᐤ ᐊᓐᑕ᙮ ᐊᔪᐤ ᒪᒃ ᐃᑎᔅᑕᐤ, ᑯᑎᑲ ᐊᐛᔪᐛ ᒋᑭ ᒥᔅᑯᑎᔅᑲᑯᐤ ᐊᓂᔭᔪᐤ ᑲᒋ ᐃᑕᐱᑎᓯᑦ᙮”

ᐊᑈᔅᑕᓇᒡ 13:15

ᒋ ᑕᐤ ᐊᓐᑕ ᐊᐛᓐ ᐊᔭᒥᐊᐅᒋᐛᐱᒡ ᐊ ᐃᔨᒥᑐᐛᑦ ᐊᓂᔭ ᐃᔪᐛ ᐊᔭᒥᐊᐅᐎᓱᐛᐅᓇ, ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᓯ ᒥᓯᓇᐊᒥᔨᒂᓂ᙮ ᐊᑯ ᒪᒃ ᐊᓐᒡ ᑲ ᓂᑲᓂᔅᑲᒡ ᐊᓂᔭ ᐊᔭᒥᐊᐅᒋᐛᐱᔪᐤ ᒂ ᑯᒂᒋᒪᒡ ᑈᓇ ᑭᔭ ᐊᓂᔭ ᐎᐧᑲᓂᓯᒪᐛ ᒐᒋ ᐃᔨᒪᐊᔨᒋ ᐊᓂᔭᔪᐛ ᐃᔪᐛ ᒐᒋ ᓱᒋᑲᐳᔨᒋ᙮

ᐊᑈᔅᑕᓇᒡ 13:38

ᒥᓯᐛ ᒋᔨᐛᐤ ᓂᐧᑲᓂᓯᑐᒄ ᐸᒋ ᓂᑐᑐᐅᒄ ᑕᓐ ᐊ ᐃᓯ ᐎᑎᒪᑎᑯᒡ, ᒋᐸ ᒋᔅᒐᔨᑕᓇᐛᐤ ᒥᒄ ᒋᓴᔅ ᐅᒋ ᐊᑯᑕ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮

ᐊᑈᔅᑕᓇᒡ 15:13

ᐃᔅᐱ ᒪᒃ ᑲᒋ ᐃᓯ ᑎᐸᒋᒧᔨᒋ, ᐊᑯ ᒋᒥᔅ ᒂ ᐱᓯᑯᑦ ᐊ ᐃᔅᒋᔄᑦ, “ᓂᑐᑎᒧᒄ ᒪ, ᓂᐧᑲᓂᓯᑐᒄ,

ᐊᑈᔅᑕᓇᒡ 15:7

ᓇᐅᔅ ᒪᒃ ᒋ ᐃᔭᔨᒧᑎᒧᒡ ᐅᔭ ᐊᑯ ᐱᑕᕐ ᒂ ᐅᒋ ᐱᓯᑯᑦ ᐊ ᐃᔅᒋᔄᑦ, “ᓂᐧᑲᓂᓯᑐᒄ, ᒋ ᒋᔅᒋᓯᓇᐛᐤ ᒋᓴᒪᓂᑐᐤ ᐊᒋ ᐅᑎᓂᑦ ᒐᒋ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ, ᒐᒋ ᐅᒋ ᐸᑕᒡ ᑭᔭ ᒐᒋ ᑕᑈᑕᒡ᙮

ᐊᑈᔅᑕᓇᒡ 2:23

ᓴᔅ ᐊᓐᑕ ᒋ ᐎᔭᔨᑎᒻ ᒋᓴᒪᓂᑐᐤ ᒋᔨᐛᐤ ᐊ ᑕᐛᒄ ᒐ ᐃᓯ ᐱᔅᑎᓇᑦ ᒋᓴᓴ, ᒋᔨᐛᐤ ᒪᒃ ᔅᒋ ᓂᐸᐊᐛᐤ ᐊᒋ ᐱᔅᑎᓇᑯᒡ ᓇᐸᐅᒡ ᐊ ᒥᒐᑎᓯᒡ ᒐᒋ ᒋᔅᑕᔎᐛᒡ ᒋᐱᔭᑎᑯᒡ᙮

ᐊᑈᔅᑕᓇᒡ 2:37

ᐃᔅᐱ ᒪᒃ ᐊᓐᒡ ᐃᔪᒡ, ᐱᔭᑕᒡ ᐅᔭ ᓇᔅᒡ ᒋ ᒥᓯᒪᔨᑎᒧᒡ ᐊᑯ ᒂ ᐃᑕᒡ ᐱᑕᕋ ᑭᔭ ᐊᓂᔭᔪᐛ ᑯᑎᑲ ᐊᑈᔅᑕᓇ᙮ “ᓂᐧᑲᓂᓯᑐᒄ, ᑕᓐ ᒪᒃ ᒐᒋ ᐃᑎᔭᒡ ?”

ᐊᑈᔅᑕᓇᒡ 22:1

ᑈᓪ ᒋ ᐃᑕᐤ, “ᓂᐧᑲᓂᓯᑐᒄ ᑭᔭ ᒋᔨᐛᐤ ᒋᓴᐃᔪᑎᒄ, ᐸᒋ ᓂᑐᑐᐅᒄ ᑯᐃᔅᒄ ᐊ ᐎ ᐎᑎᒪᓐ ᐊᑲ ᓄᓴᒻ ᐃᓯ ᐊᑕᒪᔨᑕᑯᓯᔭᓐ᙮”

ᐊᑈᔅᑕᓇᒡ 23:1

ᐊᑯ ᑈᓪ ᑯᐃᔅᒄ ᑲ ᑭᓄᐛᐱᒪᑦ ᐊᓂᔭ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᐊᑯ ᑲ ᐃᑕᑦ, “ᓂᐧᑲᓂᓯᑐᒄ, ᑲ ᐃᔅᐱᔅ ᐸᒋ ᐊᑐᔅᑯᐅᒃ ᒋᓴᒪᓂᑐᐤ ᓂ ᒐᔅᑎᓇᐅᓐ ᒧᔅ ᑯᐃᔅᒄ ᐊᒋ ᐃᑎᔭᓐ ᒋᓴᒪᓂᑐᐤ ᐊ ᐱᒪᑎᓯᔅᑐᐅᒃ᙮”

ᐊᑈᔅᑕᓇᒡ 23:6

ᐃᔅᐱ ᒪᒃ ᓇᓯᑕᐅᓄᐛᑦ ᑈᓪ ᑕᐱᔅᑯᓐ ᓴᑎᔪᓯᐊ ᑭᔭ ᐸᕆᓯ ᐊ ᑕᔨᒋ ᐊᓐᑕ ᐊᓂᔭ ᐊ ᒪᒧᐎᔨᒋ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᒋ ᐃᑕᐤ ᐊ ᒋᔄᐛᑦ, “ᓂᐧᑲᓂᓯᑐᒄ, ᐸᕆᓯ ᓂᔾ, ᑭᔭ ᐊᓂᔭᐧᑲ ᓂᑦ ᐊᓂᔅᒐ ᓂᐧᑲᓂᓯᒡ ᐸᕆᓯ ᒋ ᐃᑎᐳᒡ᙮ ᐊᐅᒄ ᐅ ᐛᒋ ᑎᐸᔅᑯᓂᑯᔭᓐ ᐅ ᐊᓄᒡ, ᐊ ᑕᑈᑎᒪᓐ ᑲ ᓂᐱᒡ ᑲᐤ ᒐ ᐅᓂᔅᑲᒡ᙮”

ᐊᑈᔅᑕᓇᒡ 28:17

ᓂᔅᑐ ᒋᓯᑲᐛ ᒪᒃ ᐃᔅᐱᔅ, ᐊᑯ ᒂ ᐎᓴᒪᑦ ᑈᓪ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᐃᔅᐱ ᒪᒃ ᒥᔭᒧᐎᔨᒋ ᒋ ᐃᔅᒋᔄᐤ, “ᓂᐧᑲᓂᓯᑐᒄ, ᓂᒋ ᒪᑯᓂᑯᐅᓐ ᐊᓐᑕ ᒋᕈᓯᓕᒥᒡ ᐊᑯ ᐊᓐᑕ ᕈᒻ ᐃᔪᒡ ᐊ ᑕᒡ ᒂ ᐃᓯ ᐱᔅᑎᓂᑯᐅᔭᓐ ᒐᒋ ᐃᓯ ᒪᒪᒋᑯᓂᑯᐅᔭᓐ᙮ ᐊᐅᒄ ᐅ ᑲ ᐃᑐᑕᑯᐅᔭᓐ ᐊᑎ ᐊᑲ ᐅᒋ ᒥᒋᑐᑐᐅᒂᐤ ᒋᑦ ᐃᔨᒥᓄᒡ ᑭᔭ ᐊᑲ ᐅᒋ ᐅᓂᑐᑎᒪᓐ ᐊᓂᔭᔪᐛ ᐃᑐᐅᓇ ᐊᓂᔅᒐ ᒋᐛᐧᑯᒪᑭᓄᐎᒡ ᑲ ᒥᔨᑕᐧᑯᒡ᙮

ᐊᑈᔅᑕᓇᒡ 28:25

ᒋ ᒥᒋᐱᔨᐃᑐᔪᐛ ᒐᒃ ᐅᔭ ᐊᑲ ᑕᑈᑎᒥᔨᒋ, ᐊᑯ ᒂ ᐊᑎ ᔅᑐᑕᔨᒋ ᐃᔅᐱ ᐅᔭ ᑲ ᐃᔅᒋᔄᑦ ᑈᓪ, “ᑕᑈ ᒧᔭᒻ ᒋ ᐃᓯ ᐎᑎᒧᑯᐱᓇ ᑲ ᐸᔭᒋᓯᑦ ᐊᒐᐧᒄ ᑕᓐ ᑲ ᐃᑕᑦ ᒋᑦ ᐃᔨᒧᐛᐛ ᐊᓂᔭᔪᐛ ᐅᒋᔅᒋᐛᐃᒐᓱᐤ ᐊᐃᓴᔭ ᐊᒋ ᐊᐱᒋᐊᑦ ᒐᒋ ᐃᓯ ᐎᑎᒧᐛᔨᒋ,

ᐊᑈᔅᑕᓇᒡ 7:2

ᐊᑯ ᔅᑎᐱᓐ ᒂ ᐃᑕᑦ, “ᓂᐧᑲᓂᓯᑐᒄ ᑭᔭ ᐅᑕᐎᒪᑐᒄ ᐸᒋ ᓂᑐᑐᐅᒄ, ᒋᓴᒪᓂᑐᐤ ᑲ ᒋᔅᑕᔨᑕᑯᓯᑦ ᒋ ᓄᑯᓯᔅᑐᐛᐤ ᐛᔅᑭᒡ ᐊᓂᔭᐧᑲ ᒍᑕᐎᓄᐛ ᐊᑉᕋᐊᒪ ᒪᒂᒡ ᑲ ᐎᒋᔨᒋ ᐊᓐᑕ ᒪᓴᐳᑕᐃᒥᔭ ᐊᔅᒋᒡ, ᐊᔅᒄ ᐊᑲ ᐦᐊᕋᓐ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐅᒋ ᐃᓯ ᐊᑐᒐᔨᒋ᙮

1 ᐱᑕᕐ 1:11

᙭ ᐅᑦ ᐊᒐᐧᑯᔪᐛ ᒋ ᐱᒋᔅᑲᑯᐅᒡ ᑭᔭ ᒋ ᐎᑎᒪᑯᐅᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᒋ ᙭ᑕ ᑭᔭ ᒐ ᒋᔅᑕᔨᑕᑯᐊᑭᓄᔨᒋ᙮ ᐊᑯ ᒪᒃ ᑲ ᓇᓂᑐ ᒋᔅᒐᔨᑕᒡ ᐊᐛᔪᐛ ᒐ ᐊᐎᔨᒋ ᙭ᑕ ᑭᔭ ᒪᒃ ᑕᐃᔅᐱ ᒐ ᐃᔅᐱᔨᒡ ᐅᔭ᙮

2 ᐱᑕᕐ 1:21

ᐛᔅ ᑕᐸ ᐛᒋ ᐸᐃᒄ ᒋᔅᒋᐛᐃᒐᐅᓐ ᓇᐸᐤ ᐅᑦ ᐃᑕᔨᑎᒧᐅᓂᒡ ᐅᒋ ᐅᒋᐱᔪᐤ᙮ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᐅᒡ ᓇᐸᐅᒡ ᒐᒋ ᐎᑕᒡ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐎᑕᒡ᙮

2 ᐱᑕᕐ 2:21

ᐃᐛᒃ ᒋᐸ ᒥᔽᔨᑯᐱᓇ ᐊᑲ ᐛᐛᒡ ᐅᒋ ᒋᔅᒐᔨᑕᒡ ᑕᑈᐅᓂᔪᐤ ᐃᔅᐱᔅ ᐎ ᒐᒋ ᒋᔅᒐᔨᑕᒡ ᑭᔭ ᑲᐤ ᒐᒋ ᓂᑭᑕᒡ ᐊᓂᔭ ᑲ ᐃᓯ ᒋᔅᒐᔨᑎᒥᐊᑭᓄᐎᒡ᙮