ᐊᑈᔅᑕᓇᒡ 1:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒥᓯᐛ ᒪᒃ ᒋ ᓇᐊᔨᑎᒧᒡ ᒧᔅ ᒐᒋ ᐸᐃᑯᒪᒧᐎᒡ ᐊ ᒪᒧᐤ ᐊᔭᒥᐊᒡ᙮ ᐊᑯᑕ ᑲᒋ ᑕᒡ ᑭᔭ ᐊᓐᒡ ᐃᔎᐅᒡ, ᑭᔭ ᒪᕆ ᒋᓴᔅ ᐅᑲᐎᔭ, ᑭᔭ ᒋᓴᔅ ᐎᐧᑲᓂᓴ ᑲ ᓇᐸᐎᔨᒋ᙮

ᐊᑈᔅᑕᓇᒡ 1:14 Iomraidhean Croise

ᒪᑎᔪᐤ 12:46

ᐊᔅᒄ ᒪᒂᒡ ᒋᓴᔅ ᒋ ᐃᔨᒪᐊᐤ ᐊᓂᔭ ᐃᔪᐛ, ᒂ ᐅᒋ ᑎᑯᓯᓂᔨᒋ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ᓂᐳᐅᔪᐛ ᐊ ᐎ ᐃᔨᒥᐃᑯᑦ᙮

ᒪᑎᔪᐤ 21:22

ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᐊ ᐊᔭᒥᐊᔭᒄ, ᑕᑈᑎᒧᒄ ᓴᔅ ᐊ ᐊᔭᔭᒄ ᑭᔭ ᒐ ᒥᔨᑯᐅᔭᒄ ᐊᓐ ᑲ ᐃᓯ ᓂᑐᑎᒪᔭᒄ᙮”

ᒪᑎᔪᐤ 27:55

ᒋ ᒥᒐᑐᐅᒡ ᒪᒃ ᐃᔎᐅᒡ ᐊᓐᑕ᙮ ᐊᐅᑯᓐᒡ ᐅᒡ ᐊᓐᑕ ᑲᓕᓕ ᐊᔅᒋᒡ ᑲ ᐅᒋ ᐎᒐᐛᒡ ᒋᓴᓴ ᑭᔭ ᑲᒋ ᐛᐎᒋᐊᒡ᙮ ᐛᔪᐤ ᐊᓐᑕ ᒋ ᐅᒋᑲᐳᐎᒡ ᐊ ᑭᓄᐛᐱᒡ ᑕᓐ ᐊ ᐃᑎᓇᓄᐎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:40

ᒋ ᑕᐅᒡ ᑭᔭ ᐃᔎᐅᒡ ᓇᑕ ᐛᔪᐎᔅ ᐊ ᐅᒋ ᑭᓄᐛᐱᒡ᙮ ᐊᐅᑯᓐᒡ ᐅᒡ ᒪᕆ ᒪᒃᑕᓕᓐ, ᑭᔭ ᒪᕆ, ᒋᒥᔅ ᑲ ᐊᐛᓯᐅᑦ ᑭᔭ ᒍᓯᔅ ᐅᑲᐎᐛᐛ, ᑭᔭ ᓴᓗᒥ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:1

ᐃᔅᐱ ᑲ ᐎᒪᐱᔨᒡ ᒍᐤ ᐃᔪᒡ ᐅᑦ ᐊᔭᒥᐊᐅᒋᓯᑲᒧᐛᐤ, ᒪᕆ ᒪᒃᑕᓕᓐ, ᑭᔭ ᒪᕆ ᒋᒥᔅ ᐅᑲᐎᔭ, ᑭᔭ ᓴᓗᒥ ᒋ ᐅᑎᓂᒧᒡ ᓂᓇᐧᑯᐤ ᐊ ᐃᓯᓇᑯᓂᔨᒋ ᐊ ᐎᒋᒪᑯᓂᔨᒋ ᑐᒥᓂᑭᓇ ᒐᒋ ᑐᒥᓂᒺᒡ ᒋᓴᓴ ᐎᔭᔪᐤ᙮

ᓗᒃ 11:13

ᐊᑎ ᐊ ᒥᒐᑎᓯᔭᒄ ᐃᔭᐱᒡ ᒋ ᒋᔅᒐᔨᑕᓇᐛᐤ ᒐᒋ ᒥᔪ ᒥᔭᑯᒡ ᒋᑦ ᐊᐛᓯᒧᐛᐅᒡ᙮ ᐊᑐᐎᔅ ᒪᒃ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᒋᔅᒐᔨᑎᒻ ᒐᒋ ᒥᔪ ᒥᔨᐛᑦ᙮ ᒥᔽᔨᑎᒻ ᐊ ᒥᔭᑦ ᐊᐛᔪᐛ ᑲ ᐸᔭᒋᓯᔨᒋ ᐊᒐᒂ ᐊᓂᔭ ᑲ ᓂᑐᑎᒪᑯᑦ᙮”

ᓗᒃ 18:1

ᒋᓴᔅ ᒋ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᔨᒋ ᒧᔅ ᒐᒋ ᐊᔭᒥᐊᔨᒋ, ᑭᔭ ᒐ ᐊᑲ ᒋ ᑕᔅᑎᑲᒋᔨᒋ᙮

ᓗᒃ 23:49

ᒥᓯᐛ ᒪᒃ ᐊᓐᒡ ᐃᔪᒡ ᑲ ᒥᔪ ᒋᔅᒐᔨᒪᒡ ᒋᓴᓴ ᑭᔭ ᐊᓐᒡ ᐃᔎᐅᒡ ᑲ ᐱᐸᐎᒐᐛᒡ ᒋᓴᓴ ᑲᓕᓕᒡ ᐅᒋ, ᐛᔪᐎᔅ ᐊᓐᑕ ᒋ ᓂᐳᐅᒡ ᐊ ᑭᓄᐛᐱᒡ᙮

ᓗᒃ 23:55

ᐊᓐᒡ ᒪᒃ ᐃᔎᐅᒡ ᑲᓕᓕᒡ ᑲ ᐅᒋ ᐎᒐᐛᒡ ᒋᓴᓴ ᒋ ᐎᒐᐛᐅᒡ ᐊᓂᔭᔪᐛ ᒍᓯᐸ᙮ ᒋ ᐛᐸᑎᒧᒡ ᒪᒃ ᐊᓂᔭ ᒋᐱᐃᒋᐛᐱᔪᐤ ᑭᔭ ᑕᓐ ᑲ ᐃᑎᔅᑕᑭᓄᐎᒡ ᒋᓴᓴ ᐎᔭᔪᐤ ᐊᓐᑕ᙮

ᓗᒃ 24:10

ᐊᐅᑯᓐᒡ ᐅᒡ ᐃᔎᐅᒡ ᐅᔭ ᑲ ᐃᓯ ᐛᐎᑎᒧᐛᒡ ᐊᓂᔭ ᐊᑈᔅᑕᓇᒡ, ᒪᕆ ᒪᒃᑕᓕᓐ ᑭᔭ ᒍᐛᓇ, ᑭᔭ ᑯᑎᒃ ᒪᕆ, ᐊᓂᔭ ᒋᒥᔅ ᐅᑲᐎᔭ ᑭᔭ ᑯᑎᑲ ᐃᔎᐛ ᐊᓂᔭᔪᐛ ᑲ ᐎᒐᐅᑯᒡ ᐊᓐᑕ ᑲ ᐃᑐᑕᒡ᙮

ᓗᒃ 24:33

ᒋ ᐱᓯᑯᐅᒡ ᐊᑯ ᑎᐛᒡ ᑲᐤ ᒂ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᐎᑎᒧᐛᒡ ᒋᔅᒋᓄᐊᒧᐛᑭᓇ᙮ ᒂ ᒥᔅᑯᐛᒡ ᐊᓂᔭ ᑲ ᐸᐃᑯᓴᐳᔨᒋ ᒋᔅᒋᓄᐊᒧᐛᑭᓇ ᑭᔭ ᑯᑎᑲ ᐊᐛᔪᐛ ᐊᒋ ᒪᒧᐎᒂᓂ᙮

ᓗᒃ 24:53

ᑭᔭ ᒧᓯᓇᐤ ᒋ ᑕᐅᒡ ᒋᓴᐊᔭᒥᐊᐅᒋᐛᐱᒡ ᐊ ᒪᒥᒋᒪᒡ ᑭᔭ ᐊ ᒋᔅᑕᒋᒪᒡ ᒋᓴᒪᓂᑐᐛ᙮ ᐊᒥᓐ᙮

ᓗᒃ 8:20

ᒐᒃ ᒪᒃ ᒂ ᐃᑎᑯᑦ ᐊᐛᔪᐛ ᒋᓴᔅ, “ᒋᑲᐎᔾ ᑭᔭ ᒋᐧᑲᓂᓯᒡ ᐎᐎᑎᒥᒡ ᐊᓐᑕ ᓂᐳᐅᒡ ᐊ ᐎ ᐛᐱᒥᔅᒡ᙮”

ᐊᑈᔅᑕᓇᒡ 2:1

ᐃᔅᐱ ᒪᒃ ᐊᓐ ᐊ ᒋᓯᑲᒡ ᐸᓐᑎᑯᔅᑦ ᑲ ᐃᓯᓂᐧᑲᑕᒡ ᐛᑎᒋᐱᔨᒡ ᒥᓯᐛ ᒪᒧᐤ ᒋ ᑕᐅᒡ ᐊᓐᒡ ᑲ ᑕᑈᑕᒡ᙮

ᐊᑈᔅᑕᓇᒡ 2:42

ᒥᓯᐛ ᒪᒃ ᐊᑯᑕ ᒧᔅ ᑲ ᑕᒡ ᐊ ᒋᔅᑯᑎᒪᒐᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒋ ᐸᒂᓇᐅᒡ ᐸᒂᓯᑭᓇ ᑭᔭ ᒋ ᒪᒧᐤ ᐊᔭᒥᐊᐅᒡ᙮

ᐊᑈᔅᑕᓇᒡ 2:46

ᐊᓯᑯᒻ ᒋᓯᑲᐛ ᒪᒃ ᒋ ᒪᒧᐎᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᒋ ᒪᒧᐤ ᒥᒋᓱᐅᒡ ᐎᒋᐛᐛᒡ, ᐊ ᒥᔽᔨᑕᒡ ᐅᑕᐃᐛᒡ ᐊ ᒥᔨᑐᒡ ᑕᓐ ᐊ ᐃᓯ ᐊᔭᒡ᙮

ᐊᑈᔅᑕᓇᒡ 6:4

ᐊᑯ ᒪᒃ ᓂᔭᓐ ᒐ ᐃᔅᐱᓯᔭᒡ ᒐᒋ ᐊᔭᒥᐊᔭᒡ ᑭᔭ ᐊ ᑭᒐᔅᒋᒧᔭᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:12

ᒋᑦ ᐊᔅᐸᔨᒧᑐᑐᐛᐛᐤ ᒋᓴᒪᓂᑐᐤ ᒧᔅ ᒪᒃ ᒥᔽᔨᑎᒧᒄ᙮ ᓱᒃ ᐎ ᓱᒐᔨᒧᒄ ᓂᓇᐧᑲᑕᔨᒧᔭᑯ᙮ ᒧᔅ ᑭᔭ ᐊᔭᒥᐊᒄ᙮

1 ᑯᕆᓐᑎᔭᓇ 14:13

ᐊᐅᒄ ᒪᒃ ᐅ ᐅᒋ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᐸ ᐊᔭᒥᐊᐤ ᒐᒋ ᒥᔨᑯᑦ ᒋᓴᒪᓂᑐᐛ ᒐᒋ ᐱᔭᑭᔅᒡ ᐎᑎᒧᐛᑕᐧᒃ ᑕᓐ ᐊ ᐃᔅᒋᔄᑦ᙮

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

ᑯᓚᓯᔭᓇ 4:2

ᒧᓯᓇᐤ ᐊᔭᒥᐊᒄ᙮ ᐊ ᐊᔭᒥᐊᔭᒄ ᒪᒃ ᓱᒃ ᐎ ᐱᔭᑭᔅᒐᔨᑎᒧᒄ ᑭᔭ ᓂᓇᔅᑯᒪᐧᒄ ᒋᓴᒪᓂᑐᐤ᙮