ᐊᑈᔅᑕᓇᒡ 1:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒪᒂᒡ ᒪᒃ ᐊᓐᑕ ᐃᔅᐱᒥᒡ ᐊ ᐃᑕᐱᒡ ᐊ ᐎ ᑭᓄᐛᐱᒪᒡ ᐊ ᐊᑎ ᐅᐱᔨᒋ, ᓯᔅᒋᑯᒡ ᒋ ᐅᒋ ᐎᒋᑲᐳᔅᑕᑯᐅᒡ ᓂᓱ ᓇᐸᐛ ᐊ ᐛᐸᔅᐱᓱᔨᒋ᙮

ᐊᑈᔅᑕᓇᒡ 1:10 Iomraidhean Croise

ᒪᑎᔪᐤ 17:2

ᒪᒂᒡ ᒪᒃ ᐊ ᑭᓄᐛᐱᒪᒡ ᐊᓂᔭ ᒋᓴᓴ ᐅᑕᔅᑎᒥᐧᑯᔪᐤ ᒋ ᒂᔅᒋᓇᑯᓂᔪᐤ, ᒧᔭᒻ ᐱᓯᒺ ᒋ ᐃᔅᐱᔅ ᒋᐧᑲᔭᔅᑐᐛᔪᐤ ᑭᔭ ᐅᑦ ᐊᐱᒋᑕᐅᓇ ᓇᔅᒡ ᑕᑈ ᒋ ᐱᔭᑭᔅᒡ ᐛᐸᑭᓂᔪᐛ ᓇᔅᒡ ᐊ ᐛᔅᑐᐛᔨᒋ ᒋ ᐃᓯᓇᑯᓂᔪᐛ᙮

ᒪᑎᔪᐤ 28:3

ᒧᔭᒻ ᒪᒃ ᐊ ᐛᔅᑕᐱᔨᒡ ᑲ ᐃᔅᐱᔅ ᒋᐧᑲᔭᔅᑐᐛᒡ ᐊᐅᑯᓐ ᑲ ᐃᓯᓇᑯᓯᑦ ᐊᓐ ᐊᓐᒋᓐ ᐃᔅᐱ ᐛᒋ ᓄᑯᓯᑦ, ᑭᔭ ᐅᑦ ᐊᐱᒋᑕᐅᓇ ᑕᐱᔅᑯᓐ ᑯᓐ ᑲ ᐃᔅᐱᔅ ᐛᐱᓯᑦ ᐊᐅᑯᓐ ᑲ ᐃᓯᓇᑯᓂᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:5

ᒂ ᐱᒐᒡ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ᙮ ᒋ ᐛᐱᒪᐅᒡ ᐅᔅᒋᓂᒋᓱᐛ ᐊᐱᔨᒋ ᒥᔪᓂᒡ ᐃᑕᒐ, ᐊ ᒋᔅᑭᒥᔨᒋ ᐊ ᐛᐸᔨᒡ ᐊ ᒋᓏᑭᓂᔨᒡ ᐊᑯᐱᔪᐤ, ᒋ ᓴᒋᓱᐅᒡ ᒪᒃ᙮

ᓗᒃ 24:4

ᒪᒂᒡ ᒪᒃ ᐊ ᒪᒥᑐᓇᔨᑎᒥᐃᑯᒡ ᐅᔭᔪᐤ ᓯᔅᒋᑯᒡ ᒋ ᐅᒋ ᓂᓯᔪᐛ ᓇᐸᐛ ᐊ ᐛᔅᑐᐛᔨᒡ ᐅᑦ ᐊᐱᒋᑕᐅᓂᔪᐛ᙮

ᒠᓐ 20:12

ᐊᑯᑕ ᒂ ᐛᐱᒪᑦ ᓂᓱ ᐊᓐᒋᓇ ᐊ ᐛᐸᔅᐱᓱᔨᒋ ᐊ ᐊᐱᔨᒋ ᐊᓐᑕ ᒋᓴᓴ ᑲ ᓇᐅᔅᑕᑭᓄᐎᒡ ᐎᔭᔪᐤ᙮ ᐸᐃᒄ ᐊᓐᑕ ᐊᒋ ᐃᓯ ᐅᔅᑎᒂᓄᔨᒋ ᒋ ᐊᐳᐤ ᐊᑯ ᐊᓐ ᑯᑎᒃ ᐊᓐᑕ ᐃᑕᒐ ᐊᒋ ᐃᓯ ᐅᓯᑎᒡ ᐊᑯᑕ ᑲ ᐊᐱᑦ᙮

ᐊᑈᔅᑕᓇᒡ 10:3

ᐸᐃᒂᐤ ᑲᒋ ᐊᐱᑕᒋᓯᑲᔨᒡ ᒂᔄᓐ ᓂᔅᑐ ᐊ ᐃᔅᐱᔨᒡ ᐱᓯᒧᐧᑲᓇ, ᒋ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ, ᓇᔅᒡ ᐊᒋ ᐛᐱᒪᑦ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᐊ ᐸᒋ ᐱᒐᔨᒋ, ᐊ ᐃᑎᑯᑦ ᒪᒃ, “ᑯᕐᓂᓕᔭᔅ᙮”

ᐊᑈᔅᑕᓇᒡ 10:30

ᐊᑯ ᑯᕐᓂᓕᔭᔅ ᒂ ᐃᑕᑦ, “ᓇᐤ ᒋᓯᑲᐛ ᐅᑕᒡ ᐅᑕ ᐊᐅᑯᓐ ᓴᓯᑲᓐ ᒋ ᐃᔅᐱᔅ ᒋᓯᑲᒐ ᐊᒋ ᐊᔭᒥᐊᔭᓐ ᐊᓐᑕ ᓂᒋᒡ ᓂᔅᑐ ᐊ ᐃᔅᐱᔨᑦ ᐱᓯᒧᐧᑲᓐ ᑲᒋ ᐊᐱᑕᒋᓯᑲᒡ᙮ ᒐᒃ ᓯᔅᒋᑯᒡ ᓇᐸᐤ ᐊ ᐛᔅᑐᐛᔨᒋ ᐅᑦ ᐊᐱᒋᑕᐅᓇ ᒋ ᐅᒋ ᓂᐳᐅᐤ ᐊᓐᑕ ᐊ ᑕᔭᓐ᙮

ᒋᔅᒐᔨᑕᑯᑕᒐᐅᓐ 3:4

ᑕᐅᒡ ᑭᑈ ᐱᔅᒐ ᐊᐛᓐᒋ ᐊᓐᑕ ᓴᕐᑎᔅ ᐊᒋ ᑭᓄᐛᔨᒥᓱᒡ ᐊᑲ ᐅᒋ ᐎᓇᑯᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᒪᒃ ᐅᒡ ᒐ ᐱᐸᐎᒐᐅᒡ ᐊ ᐛᐸᔅᐱᓱᒡ ᐛᔅ ᒋᔅᑕᔨᑕᑯᓱᐅᒡ᙮

ᒋᔅᒐᔨᑕᑯᑕᒐᐅᓐ 7:14

ᐊᑯ ᒂ ᐃᑎᒃ, “ᓇᒪ ᓂᔾ ᓂ ᒋᔅᒐᔨᒪᐅᒡ᙮ ᒋᔾ ᐊᐅᒄ ᒐᔅᒐᔨᒥᑥᐤ᙮” ᓂᒋ ᐃᑎᒄ ᒪᒃ, “ᐊᐅᑯᓐᒡ ᐅᒡ ᑲ ᓴᐳᔅᑲᒡ ᑕᓐ ᑲ ᐃᓯ ᓂᓇᐧᑲᒋᐊᑭᓄᐎᒡ᙮ ᒋ ᒋᔅᑕᐸᐅᑕᐅᒡ ᐅᑦ ᐊᑯᐳᐛᐛ ᐊᓂᔭ ᒪᔭᑕᓂᓴ ᐅᒥᐧᑯᐃᒡ ᑭᔭ ᒂ ᐛᐸᐃᔨᒋ ᐊᓂᔭᔪᐛ ᐅᑦ ᐊᑯᐳᐛᐛ᙮