3 ᒠᓐ 1:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑎᑯᓯᓄᐅᒐ ᐊᓐᑕ ᐊ ᑕᐛᒄ, ᓇᔅᒡ ᓂᑭ ᐛᐎᑎᒺᓐ ᑕᓐ ᐊᓐ ᐊ ᐃᑎᑦ, ᓂᑎᒥᒄ ᐊ ᐃᑕᒋᒥᔨᒥᑦ᙮ ᓇᒪ ᒪᒃ ᒥᒄ ᐊᓂᔭ ᐃᑐᐤ᙮ ᓇᒪ ᒥᔽᔨᑎᒻ ᒐᒋ ᐱᑎᑲᐊᑭᓄᔨᒋ ᐊᓂᔭᔪᐛ ᒋᐧᑲᓂᓯᓄᐛ ᑲ ᐱᐸᒧᑕᔨᒋ ᒥᔽᒋᒧᐅᓂᔪᐤ᙮ ᒋᑕᐊᒧᐛᐤ ᐊᓂᔭᔪᐛ ᐊᐛᔪᐛ ᑲ ᐱᑎᑲᐊᔨᒋ ᐅᔭ ᑭᔭ ᐃᒐᑎᓴᐛᐤ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᐅᒡ᙮

3 ᒠᓐ 1:10 Iomraidhean Croise

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᒠᓐ 9:22

ᒋ ᑯᔅᑕᐅᒡ ᐊᓂᔭ ᒍᐤ ᐃᔪᐛ ᐅᔭ ᐛᒋ ᐃᔅᒋᔄᒡ ᐅᒡ ᐅᓂᒋᐃᑯᒪᐅᒡ᙮ ᐛᔅ ᒋ ᒋᔅᒐᔨᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒐ ᐎᐎᑎᓴᐛᔨᒋ ᐊᓐᑕ ᐊᔭᒥᐊᐅᒋᐛᐱᒡ ᐊᐛᔪᐛ ᒐ ᐃᔅᒋᔄᔨᒂᓂ ᙭ᑕ ᐊ ᐊᐎᔨᒋ ᐊᓂᔭᔪᐛ ᒋᓴᓴ᙮

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

2 ᑯᕆᓐᑎᔭᓇ 13:2

ᒪᔅᑕᔾ ᑲ ᑎᑯᓯᓄᒡ ᓴᔅ ᓂᒋ ᐃᔭᒂᒥᒪᐅᒡ ᐊᓐᒡ ᑲ ᒥᒋᑐᑕᒡ᙮ ᒥᓐ ᒪᒃ ᐊᓄᒡ ᓂᑦ ᐃᔭᒂᒥᒪᐅᒡ᙮ ᑭᔭ ᐊᓐᒡ ᑯᑎᑭᒡ ᓂᑦ ᐃᔭᒂᒥᒪᐅᒡ᙮ ᐅ ᐊᓄᒡ ᒐ ᑎᑯᓯᓂᔭᓐ ᒋᒋᐛ ᓂᑦ ᐃᔅᒋᔄᓐ ᓇᒪ ᓂᑭ ᐅᒋ ᒥᓇᒋᒪᐅᒡ ᐅᒡ ᑲ ᒥᒋᑐᑕᒡ᙮

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

1 ᑎᒧᑎ 5:13

ᑯᑎᑭᒡ ᐅᒡ ᑲ ᐅᔅᒋᐱᒪᑎᓯᒡ ᑲ ᐸᐃᑯᓯᒡ ᐃᔎᐅᒡ ᐊᔭᔅᒃ ᓇᒪ ᒐᒂᓂᒡ ᒋᑭ ᐅᒋ ᐃᑕᔨᑎᒧᒡ ᐊᑲ ᓇᔅᒡ ᒐᒂᔪᐤ ᐃᑐᑕᒡ᙮ ᒥᒄ ᐊᑎ ᐸᐱᑎᑯᐛᐅᒡ ᐊᐛᔪᐛ ᐎᒋᔨᒡ, ᒥᒄ ᐊᑎ ᒥᒧᐱᔅᑐᐛᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᒐᒃ ᒧᔅ ᐱᒋᔎᐧᑲᑐᐛᐅᒡ ᑭᔭ ᐱᐱᔎᐅᒡ ᐊ ᐊᔨᒧᑕᒡ ᒐᒂᔪᐤ ᐊᓂᔭ ᐊᑲ ᒋᐸ ᐅᒋ ᐊᐱᑕᔨᑎᒥᐃᑯᐅᒡ᙮

2 ᒠᓐ 1:10

ᓂᑐᐛᐱᒥᔅᒐ ᒪᒃ ᐊᐛᓐ ᐊᑲ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᐊᑲᐎᔾ ᐱᑎᑲᐃ ᒋᒋᒡ᙮ ᐊᑲᐎᔾ ᐛᐛᒡ ᒋᑭ ᐅᒋ ᐛᒋᔭᒪᐤ᙮

2 ᒠᓐ 1:12

ᐊᑎ ᐊᔅᒄ ᒥᔅᑎ ᐊ ᑎᒂᒡ ᑕᓐ ᐛ ᐃᑎᑎᑯᒡ, ᓇᒪ ᓂ ᐎ ᒥᓯᓇᐊᓐ ᑕᓐ ᐛ ᐃᔅᒋᔄᔭᓐ᙮ ᐃᔭᐱᒡ ᓂ ᐱᑯᓴᔨᑕᓐ ᒐᒋ ᒧᐱᔅᑕᑎᑯᒡ ᐛᒋᒡ ᒐᒋ ᐃᔨᒥᐃᑐᔭᐧᒄ ᑭᔭ ᑕᑈ ᒐ ᒥᔽᔨᑎᒪᐧᒄ᙮

3 ᒠᓐ 1:3

ᓇᔅᒡ ᑕᑈ ᓂᒋ ᒥᔽᔨᑕᓐ ᑕᑥᐤ ᑲ ᑎᑯᓯᒡ ᐱᔅᒐ ᒋᐧᑲᓂᓯᓄᐅᒡ ᐊ ᐸᒋ ᑎᐸᒋᒥᔅᒡ ᑕᑈ ᐊ ᐃᓯ ᐱᒪᑎᓯᔪᐅᑦ ᐊ ᐃᓯ ᓂᑐᐛᔨᒥᔅᒃ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᔪᐅᑦ᙮ ᒋ ᒋᔅᒐᔨᒥᑎᓐ ᑕᑈ ᐊᓐ ᐊ ᐃᓯ ᐱᒪᑎᓯᔨᓐ᙮

3 ᒠᓐ 1:5

ᒋᔾ ᓇᔅᒡ ᑲ ᓴᒋᐃᑕᓐ, ᓄᑯᓐ ᑕᓐ ᐊ ᐃᓯ ᑕᑈᑎᒥᓐ ᓂᓇᐧᑯᐤ ᒪᓐ ᐊ ᐃᓯ ᐛᐎᒋᐃᑥᐤ ᒋᐧᑲᓂᓯᓄᐅᒡ ᐊ ᑎᑯᓯᒡ, ᐊᑐᐎᔅ ᒪᒃ ᐊᓐᒡ ᐊᐛᓐᒋ ᐃᔭᒄ ᐊ ᐛᐱᒥᒡ᙮