2 ᑎᒧᑎ 4:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᓐ ᓇᐸᐤ ᑲᒋ ᐛᐛᔭᐱᔅᒋᓴᐧᒃ ᐃᓴᑯᔪᐤ, ᐊᓕᒃᓴᓐᑕᕐ ᑲ ᐃᓯᓂᐧᑲᓱᑦ ᓇᔅᒡ ᑕᑈ ᒋ ᑎᑯᓂᔪᐤ ᑕᓐ ᑲ ᐃᓯ ᓂᓇᐧᑲᑕᔨᒧᐃᑦ, ᒥᒄ ᒪᒃ ᒋᑭ ᑎᑯᓂᔪᐤ ᑕᓐ ᒐ ᐃᓯ ᐃᑐᑕᑯᑦ ᐅᑎᐸᔨᒋᒐᐛ ᐅᔭ ᑕᓐ ᑲ ᐃᓯ ᐃᑐᑐᐅᑦ᙮

2 ᑎᒧᑎ 4:14 Iomraidhean Croise

ᑎᐱᑦ ᐅᓂᑭᒧᐅᓇ 28:4

ᐅᑦ ᐃᑐᓄᐛᒡ ᐃᓯ ᒥᔨᒡ, ᑭᔭ ᐊ ᐃᓯ ᒥᒋᑥᒪᑭᓂᔨᒋ ᐅᑯᒂᒋᐃᐛᐅᓄᐛᐛ: ᒥᔨᒡ ᑲ ᐃᑎᑐᔅᒐᒡ ᐅᑎᒋᐛᒡ: ᐱᔅᑎᓂᒧᐅᒡ ᑕᐱᔅᑯᓐ ᐊ ᐃᑕᑎᓯᒡ᙮

ᑎᐱᑦ ᐅᓂᑭᒧᐅᓇ 62:12

ᒋᔾ ᑭᔭ, ᐅ ᑎᐸᔨᒋᒐᓱᐤ, ᒋ ᑎᐱᔽᐅᓯᓐ ᓱᐛᔨᒋᒐᐅᓐ; ᐛᔅ ᒋᑦ ᐃᓯ ᒥᔭᐤ ᒥᓯᐛ ᑕᑐᐤ ᐃᔪᐤ ᑲ ᐃᓯᓇᒂᓂᔨᒡ ᐅᑦ ᐊᑐᔅᒐᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:19

ᐊᑲᐎᔾ ᓂᑕ ᑎᐸᐊᒪᓱᒄ ᐊᐛᓐ ᐊ ᒥᒋᑐᑕᑕᒄ, ᓂᐎᒐᐛᑭᓂᑎᒄ᙮ ᐃᔭᐱᒡ ᐱᔅᑎᓂᒧᐛᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᔾ ᓂᑭ ᐅᐛᔅᑕᓐ ᐊ ᒥᒋᑐᑐᐛᑭᓄᐅᑦ ᐊᐛᓐ, ᐃᔅᒋᔄᐤ ᐅᑎᐸᔨᒋᒐᐤ᙮ ᓂᔾ ᓂᑭ ᐛᐛᓯᐊᐤ ᐊᐛᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:6

ᐛᔅ ᒥᓯᐛ ᐊᐛᔪᐛ ᐊᓂᔭ ᑕᓐ ᑲ ᐊᐃᑎᔨᒋ ᒋᑭ ᑎᑯᓂᔪᐤ ᑕᓐ ᒐ ᐃᓯ ᑎᐸᔅᑯᓇᑦ᙮

2 ᑕᓴᓗᓂᔭᓇ 1:6

ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᒋᑭ ᐃᑐᑐᐛᐤ ᒐᒋ ᓂᓇᐧᑲᑕᔨᒧᔨᒋ ᐊᓂᔭ ᐊᐛᔪᐛ ᑲ ᓂᓇᐧᑲᑕᔨᒧᐃᑕᑯ᙮

1 ᑎᒧᑎ 1:20

ᐊᑯᑕ ᑲ ᐃᓯ ᓴᐧᑯᒋᐱᑕᑭᓄᐎᒡ ᐃᒥᓇᔭᔅ ᑭᔭ ᐊᓕᒃᓴᓐᑕᕐ᙮ ᒥᒋᒥᓂᑐᐤ ᒪᒃ ᓂᒋ ᐱᔅᑎᓱᐛᑕᐤ ᒐᒋ ᓂᓇᐧᑲᑕᔨᑎᒥᐊᑦ ᐅᔭ᙮ ᐱᑯᓴᔨᑕᑯᓂᔪᐤ ᒪᒃ ᐊᓐᑕ ᒐᒋ ᐅᒋ ᒋᔅᒐᔨᑕᒡ ᒐ ᐊᑲ ᒋ ᐸᔅᑕᒧᒡ᙮

2 ᑎᒧᑎ 4:15

ᒐ ᐎ ᐃᔭᒂᒥᔅᑐᐎᑦ, ᐛᔅ ᓇᔅᒡ ᒋ ᓂᔅᑯᔅᑎᒻ ᑕᓐ ᑲ ᐃᓯ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ᙮

1 ᒠᓐ 5:16

ᐊᐛᓐ ᐛᐱᒪᒐ ᐎᐧᑲᓂᓴ ᐊ ᒥᒋᑐᑎᒥᔨᒋ ᐊᑲ ᒪᒃ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᒥᒋᑐᑎᒥᔨᒋ, ᒋᐸ ᐊᔭᒥᐊᔅᑎᒧᐛᐤ, ᑭᔭ ᒐ ᒥᔨᑯᔨᒋ ᒋᓴᒪᓂᑐᐛ ᐱᒪᑎᓯᐅᓂᔪᐤ᙮ ᐊᐅᑯᓐ ᒐ ᐃᔅᐱᔨᒋ ᐊᓂᔭᔪᐛ ᐊᑲ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᐅᓂᑐᑎᒥᔨᒋ᙮ ᒥᒄ ᒪᒃ ᑎᑯᓐ ᒥᒋᑥᐅᓐ ᒐ ᐃᑐᑕᐃᑯᑦ ᐊᐛᓐ ᓂᐳᐅᓂᒡ᙮ ᐅᔭ ᒪᒃ ᐃᓯ ᒥᒋᑐᑕᒐ ᐊᐛᓐ, ᐊᑯᔅ ᐊᑲ ᐊᔭᒥᐊᔅᑎᒧᐤ᙮

ᒋᔅᒐᔨᑕᑯᑕᒐᐅᓐ 18:20

ᒋᔨᐛᐤ ᒋᒋᒋᓯᑯᒡ ᐊ ᑕᔭᒄ, ᒥᔽᔨᑎᒧᒄ ᐊᒋ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ᙮ ᒋᔨᐛᐤ ᑲ ᑕᑈᑎᒪᒄ, ᑭᔭ ᒋᔨᐛᐤ ᐊᑈᔅᑕᓇᒡ, ᑭᔭ ᒋᔨᐛᐤ ᑲ ᐅᒋᔅᒋᐛᐃᒐᓱᐅᔭᒄ, ᒥᔽᔨᑎᒧᒄ᙮ ᐛᔅ ᒋᓴᒪᓂᑐᐤ ᒋ ᑎᐸᔅᑯᓇᐤ ᐊᓂᔭᔪᐛ ᐊᓐᑕ ᑲ ᑕᔨᒋ ᑕᓐ ᑲ ᐃᑐᑕᑕᑯᒡ᙮”

ᒋᔅᒐᔨᑕᑯᑕᒐᐅᓐ 18:6

ᒧᔭᒻ ᑲ ᐃᑐᑐᐛᒡ ᓂᑦ ᐃᔨᒪ ᐅᒡ ᐃᔪᒡ ᐊᑯᓐ ᐃᑐᑐᐛᐧᑯᒡ᙮ ᓇᐊᐤ ᑎᑉ ᐎ ᐃᔅᐱᔅ ᐛᐛᓯᐊᐧᑯᒡ ᑕᓐ ᒋᐸ ᐃᔅᐱᔅ ᐛᐛᓯᐊᑭᓄᐅᒡ ᑲ ᐃᔅᐱᔅ ᒋ ᒥᒋᑐᑕᒡ᙮ ᐊᓂᔭ ᑲ ᐃᓯ ᐎ ᒥᒋᑐᑐᐛᒡ ᐊᐛᔪᐛ ᐃᑐᑐᐛᐅᒡ ᐊᑲ ᓇᔅᒡ ᒐᒋ ᓇᑲᐎᔅᑲᑯᔨᒋ ᒐ ᐃᓯ ᐊᐧᑯᔪᐛᓯᔅᑕᑯᔨᒋ ᒋᓴᒪᓂᑐᐛ᙮ ᓂᔄᐤ ᒪᒃ ᒐᒋ ᐃᔅᐱᔅ ᐊᐧᑯᔪᐛᓯᔅᑕᑯᐅᒡ ᐎᔨᐛᐤ ᒋᓴᒪᓂᑐᐛ ᐃᑐᑐᐛᐧᑯᒡ᙮

ᒋᔅᒐᔨᑕᑯᑕᒐᐅᓐ 6:10

ᒋ ᒋᔄᐛᐅᒡ ᒪᒃ ᐊ ᑕᑈᒡ, “ᓂᑎᐸᔨᒋᒐᓯᒥᓇᓐ ᑲ ᓱᐧᑲᑎᓯᔨᓐ, ᑲ ᐸᔭᒋᓯᔨᓐ, ᑲ ᒋᔅᑕᔨᑕᑯᓯᔨᓐ ᒐᒋ ᑕᑈᐅᒐᔨᒥᑯᔨᓐ᙮ ᑕᐃᔅᐱ ᒐ ᑎᐸᔅᑯᓂᑥᐤ ᐊᓐᒡ ᐊᓐᑕ ᐊᔅᒋᒡ ᐊ ᑕᒡ ᑲ ᓂᐸᐃᔨᒥᒡ ? ᑕᐃᔅᐱ ᒐ ᑎᐸᐊᑥᐤ ᐊᓐᒡ ᑲ ᓂᐸᐃᔨᒥᒡ ?”