2 ᑎᒧᑎ 4:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮

2 ᑎᒧᑎ 4:10 Iomraidhean Croise

ᒪᑎᔪᐤ 12:32

ᒥᓯᐛ ᐊᐛᓐ ᑲ ᒪᔭᔨᒪᑦ ᐃᔪᐤ ᐅᑯᓯᓴᓇ ᒋᑭ ᒋ ᐛᐸᔨᑎᒧᐛᑭᓄᐤ᙮ ᓇᒪ ᓂᑕ ᒋᑭ ᒋ ᐛᐸᔨᑎᒧᐛᑭᓄᐤ ᐊᐛᓐ ᒪᔭᔨᒪᒐ ᑲ ᐸᔭᒋᓯᔨᒋ ᐊᒐᒂ᙮”

ᒪᑎᔪᐤ 26:56

ᒥᒄ ᒪᒃ ᐛᔅ ᒥᓯᐛ ᑎᐱᐱᔪᐤ ᑕᓐ ᑲ ᐃᓯ ᒥᓯᓇᐊᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᐃᔅᐱ ᒪᒃ ᐅᔭ ᑲ ᐃᑕᑦ ᐊᑯ ᒥᓯᐛ ᐅᒋᔅᒋᓄᐊᒧᐛᑭᓇ ᒂ ᒋᑎᓯᒧᔨᒋ ᐊ ᓂᑭᑎᑯᑦ᙮

ᓗᒃ 14:33

ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ, ᐊᐅᑯᓐ ᒪᒃ ᒧᔭᒻ ᐊ ᐃᓯᓇᑯᓂᔨᒡ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᐅᒋᔅᒋᓄᐊᒧᐛᑭᓂᑐᑐᐅᒃ, ᐸᑐᔅ ᒋᑭ ᐱᔅᑎᓂᒻ ᒥᓯᐛ ᒐᒂᔪᐤ ᐊ ᐃᓯ ᐊᔭᑦ᙮”

ᓗᒃ 16:13

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ ᐊᑲ ᓇᐊᔨᒥᑐᔨᒋ, ᐛᔅ ᐸᐃᒄ ᐊᓂᔭ ᒋᑭ ᐛᐧᑲᑕᐤ, ᐊᑯ ᐊᓂᔭ ᑯᑎᑲ ᒋᑭ ᓴᒋᐊᐤ᙮ ᐊᓂᔭ ᐸᐃᒄ ᓱᒃ ᒋᑭ ᐊᑐᔅᑯᐛᐤ, ᐊᑯ ᐊᓂᔭ ᑯᑎᑲ ᓇᒪ ᒋᑭ ᐅᒋ ᓇᐊᔨᒪᐤ ᒐᒋ ᐊᑐᔅᑯᐛᑦ᙮ ᓇᒪ ᒋᑭ ᒋ ᐊᑐᔅᑯᐛᐛᐤ ᒋᓴᒪᓂᑐᐤ ᒧᔅ ᐊ ᒪᒥᑐᓇᔨᑎᒪᒄ ᒐᒋ ᐛᔪᑎᓯᔭᒄ᙮”

ᓗᒃ 17:32

ᒋᔅᒋᓯ ᒪᒃ ᑕᓐ ᑲ ᐃᔅᐱᔨᒋ ᓗᑦ ᐎᐛ, ᐊᒋ ᒋᐛᐊᐱᓴᐱᔨᒋ, ᐊᑯᑕ ᑲ ᐊᑎ ᓂᓱᐅᓇᑎᓯᔨᒋ᙮

ᐊᑈᔅᑕᓇᒡ 13:13

ᐊᑯ ᑈᓪ ᐊᓂᔭ ᒪᒃ ᐎᒐᐛᑭᓇ ᐊᑯᑕ ᐊᓐᑕ ᐸᐳᔅ ᑲ ᐅᒋ ᐳᓯᒡ, ᐊᑯ ᐊᓐᑕ ᐸᕐᑲ ᑲ ᐃᔅᒋᒪᒡ ᐊᓐᑕ ᐸᒻᐱᓕᔭ ᐊᔅᒋᒡ ᑲ ᑎᒂᒡ ᐅᑕᓇᐤ᙮ ᐊᑯᑕ ᐊᓐᑕ ᐸᕐᑲᒡ ᑲ ᐅᒋᔅᑭᑎᑯᒡ ᒠᓐ-ᒪᕐᑲ ᐊᑯ ᐊᓐᑕ ᒋᕈᓯᓕᒥᒡ ᑲᐤ ᒂ ᐃᓯ ᒋᐛᔨᒋ᙮

ᐊᑈᔅᑕᓇᒡ 15:38

ᒥᒄ ᒪᒃ ᑈᓪ ᓇᒪ ᐅᒋ ᐎ ᔅᑐᑕᐊᐤ ᐎᔾ, ᐛᔅ ᒋ ᓂᑭᑎᑯᐅᒡ ᒠᓐ-ᒪᕐᑲ ᐊᓐᑕ ᐸᒻᐱᓕᔭᒡ ᑲ ᑕᒡ ᐊᒋ ᐳᓂᑦ ᐊᔅᒄ ᐊᑲ ᐅᒋ ᒋᔅᑕᒡ ᐅᑦ ᐊᑐᔅᒐᐅᓄᐛᐤ᙮

ᐊᑈᔅᑕᓇᒡ 16:6

ᐊᑯ ᐊᓐᑕ ᐳᕆᒋᔭ ᑭᔭ ᑲᓚᓯᔭ ᐊᔅᒋᒡ ᒂ ᐃᑐᑕᒡ, ᑲ ᐸᔭᒋᓯᔨᒋ ᐊᒐᒂ ᐊᒋ ᓇᑲᓂᑯᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ ᐊᓐᑕ ᐊᐃᓴ ᐊᔅᒋᒡ᙮

ᐊᑈᔅᑕᓇᒡ 17:1

ᐊᑯ ᑈᓪ ᑭᔭ ᓴᓂᔅ ᐊᓐᑕ ᐊᒻᐱᐳᓕᔅ ᑭᔭ ᐊᐳᓗᓂᔭ ᑲ ᐃᓯᓂᐧᑲᑕᔨᒋ ᐅᑕᓇᐛ ᒂ ᐊᑎ ᐃᑐᑕᒡ᙮ ᐊᑯ ᒥᓐ ᐊᓐᑕ ᑕᓴᓗᓇᐃᑲ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒂ ᐃᑐᑕᒡ᙮ ᐊᓐᑕ ᒪᒃ ᑕᓴᓗᓇᐃᑲᒡ ᒋ ᑎᑯᓐ ᒍᐤ ᐊᔭᒥᐊᐅᒋᐛᑉ᙮

ᐊᑈᔅᑕᓇᒡ 17:11

ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ᑕᒡ ᓇᔅᒡ ᒋ ᒥᔽᔨᑎᒧᒡ ᐎᔨᐛᐤ ᐊ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ᑕᔨᒋ ᑲ ᐃᑎᔨᒋ᙮ ᓇᔅᒡ ᒋ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ᒋᔅᒐᔨᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ᐃᔅᒋᔄᔨᒋ᙮

ᐊᑈᔅᑕᓇᒡ 17:13

ᐃᔅᐱ ᒪᒃ ᐱᔭᑕᒡ ᐊᓐᒡ ᒍᐤ ᐃᔪᒡ ᐊᓐᑕ ᑕᓴᓗᓇᐃᑲᒡ ᑲ ᑕᒡ ᑈᓚ ᐊ ᐛᐎᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᐸᕆᔭ ᐅᑕᓇᒡ, ᒋ ᐃᑐᑕᐅᒡ ᐊᓐᑕ, ᒂ ᐃᑐᑐᐛᒡ ᑭᔭ ᐊᓂᔭ ᐃᔪᐛ ᐊᓐᑕ ᒐᒋ ᒋᔄᐃᑯᒡ ᐊᓂᔭ ᑈᓚ ᑭᔭ ᓴᓂᓴ᙮

ᐊᑈᔅᑕᓇᒡ 18:23

ᐊᑯᑕ ᑲ ᑕᑦ ᐛᐃᐱᔅᒋᔅ ᐊᑯ ᒥᓐ ᒂ ᔅᑐᑕᑦ᙮ ᐊᑯ ᐊᓐᑕ ᐊᔅᒋᒡ ᑲᓚᓯᔭ ᑭᔭ ᐳᕆᒋᔭ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐃᑐᑕᑦ, ᐊ ᐃᔨᒪᐊᑦ ᐊᓂᔭ ᒋᓴᓴ ᑲ ᑕᑈᔭᔨᒪᔨᒋ ᒐᒋ ᐊᔨᒋᑲᐳᔨᒋ᙮

2 ᑯᕆᓐᑎᔭᓇ 2:13

ᒥᒄ ᒪᒃ ᐃᔭᐱᒡ ᒋ ᑎᑯᓐ ᑕᓐ ᑲ ᐃᓯ ᒥᑯᔅᑲᑕᔨᑎᒪᓐ ᐛᔅ ᑕᐸ ᓂ ᐅᒋ ᐛᐱᒪᐤ ᓂᐧᑲᓂᔅ ᑕᐃᑕᔅ ᐊᓐᑕ ᒐᒋ ᑕᑦ᙮ ᐊᑯ ᒪᒃ ᑲ ᓂᑭᑎᒂᐤ ᐊᓐᒡ ᐃᔪᒡ ᐊᓐᑕ ᐊ ᑕᒡ᙮ ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᒥᓐ ᑲ ᐃᑐᑕᔭᓐ᙮

2 ᑯᕆᓐᑎᔭᓇ 7:6

ᒋᓴᒪᓂᑐᐤ ᑲ ᐛᐎᒋᐊᑦ ᐊᐛᔪᐛ ᐊ ᓂᑕᔨᑎᒥᔨᒋ ᓂᒋ ᒥᔽᔨᒧᐃᑯᐅᓇᓐ ᑲ ᐸᒋ ᐃᑎᓴᐛᑦ ᓂᐎᒐᐛᑭᓇᓇ ᑕᐃᑕᓴ᙮

2 ᑯᕆᓐᑎᔭᓇ 8:16

ᓂᓇᔅᑯᒪᐤ ᒋᓴᒪᓂᑐᐤ ᐊᒋ ᒥᔭᑦ ᑕᐃᑕᓴ ᒧᔭᒻ ᓂᔾ ᐊ ᐃᓯ ᓴᒋᐃᑎᑯᒡ ᒐᒋ ᐃᓯ ᓴᒋᐃᑕᒄ᙮

2 ᑯᕆᓐᑎᔭᓇ 8:23

ᐅ ᒪᒃ ᑕᐃᑕᔅ ᐊᐅᒄ ᐅ ᐛᒋ ᐊᑐᔅᒐᒥᑦ ᐊ ᐎᒋᐃᑎᑯᒡ᙮ ᐊᑯ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᐅᒪᒧᐊᔭᒥᐊᐛ ᒋ ᐃᑎᓴᐅᑯᐅᒡ᙮ ᒋᔅᑕᔨᑕᑯᐊᐅᒡ ᒪᒃ ᙭ᑕ ᒐᒂᔪᐤ ᐊ ᐃᑐᑕᒡ᙮

2 ᑯᕆᓐᑎᔭᓇ 8:6

ᑲ ᐛᐸᑎᒧᐅᒋᒡ ᒪᒃ ᐊᓂᔭ ᐊ ᐃᓯ ᒥᔨᐛᒡ ᓂᒋ ᐃᑎᓱᒪᓇᓐ ᑕᐃᑕᔅ ᒐᒋ ᓯᒋᒥᑕᒄ ᒐᒋ ᐱᔅᑎᓂᒐᐛᒄ ᐛᔅ ᐎᔾ ᓂᔅᑎᒻ ᔅᒋ ᐊᔨᒧᑎᒪᑯᐛᐤ ᐊ ᐱᔅᑎᓂᒐᓄᐎᒡ᙮

ᑲᓚᓯᔭᓇ 1:2

ᒋᔨᐛᐤ ᐎᐧᑲᓂᓯᒪᐅᒡ ᑲᓚᓯᔭ ᑲ ᐃᓯᓂᐧᑲᑕᒡ ᐊᔅᒋᔾ ᐊ ᑕᔭᒄ ᒋ ᐛᒋᔭᒥᑎᓇᓐ᙮ ᓂᔾ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐅᑕ ᐊ ᑕᒡ ᒋ ᐛᒋᔭᒥᑎᓇᓐ᙮

ᐱᓕᐱᔭᓇ 2:21

ᒥᓯᐛ ᑯᑎᑭᒡ ᐊᐛᓐᒋ ᒥᒄ ᐎᔨᐛᐤ ᓂᓇᑭᑐᐛᔨᒥᓱᐅᒡ, ᓇᒪ ᐊᐱᑕᔨᑎᒥᐃᑯᐅᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ᙮

1 ᑎᒧᑎ 6:10

ᐛᔅ ᓱᓇᔭᐤ ᐊ ᓴᒋᑕᑭᓄᐅᒡ ᐊᑯᑕ ᐛᒋᐱᔨᒡ ᓂᓇᐧᑯᐤ ᒥᒋᑥᐅᓐ᙮ ᐛᐛᒡ ᐊᑯᑕ ᑲ ᐅᒋ ᐳᓂᒡ ᑯᑎᑭᒡ ᐊ ᑕᑈᑕᒡ ᑭᔭ ᐊᑯᑕ ᓇᔅᒡ ᐛᒋ ᒪᒥᓯᒪᔨᑎᒥᐃᓱᒡ ᑯᑎᑭᒡ᙮

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮

2 ᑎᒧᑎ 1:15

ᐛᔅ ᒋ ᒋᔅᒐᔨᑕᓇᒐ ᒥᓯᐛ ᐊᓐᒡ ᑲ ᒂᔅᑲᑎᓯᒡ ᐊᓐᑕ ᐊᐃᓴ ᐊ ᑕᒡ ᐊᒋ ᓂᑭᓯᒡ, ᐱᒋᓚᔅ ᑭᔭ ᐊᕐᒪᑭᓂᔅ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ᙮

2 ᑎᒧᑎ 4:16

ᐃᔅᐱ ᒪᐅᒡ ᓂᔅᑎᒻ ᑲ ᐅᑎᔅᑯᑲᐳᔅᑎᒪᓐ ᐊ ᑎᐸᔅᑯᓂᑯᐅᔭᓐ, ᓇᒪ ᐛᐛᒡ ᐸᐃᒄ ᐊᐛᓐ ᓂ ᐅᒋ ᐎᒋᑲᐳᐅᔅᑕᒄ, ᒥᓯᐛ ᐊᐛᓐᒋ ᓂᒋ ᓂᑭᑎᑯᒡ᙮ ᑭᒪ ᐊᑲ ᒪᑎᑯᔅᑲᑯᒡ ᐅᔭ ᑕᓐ ᑲ ᐃᓯ ᑐᑕᒡ᙮

ᑕᐃᑕᔅ 1:4

ᒋᔾ ᑕᐃᑕᔅ ᒋ ᒥᓯᓇᐊᒪᑎᓐ᙮ ᒧᔭᒻ ᑎᐱᔨᐛ ᓂᑯᔅ ᐊᐅᑯᓐ ᐊ ᐃᑕᔨᒥᑕᓐ ᐛᔅ ᐸᐃᑯᓄᒡ ᒋ ᐊᑎ ᐃᓯ ᑕᑈᑕᓇᓄᐤ᙮ ᓂᑦ ᐊᔭᒥᐊᐤ ᒋᓴᒪᓂᑐᐤ ᐅᑕᐎᒪᐤ ᑭᔭ ᒋᓴᔅ ᙭ ᒋᐱᒪᒋᐃᐛᒥᓄᐤ ᒐᒋ ᒋᓴᐛᑐᑕᔅᒡ ᑭᔭ ᒐᒋ ᒥᔨᔅᒡ ᒋᔭᒪᔨᑎᒧᐅᓂᔪᐤ᙮

ᐸᐃᓕᒪᓐ 1:24

ᒋ ᐛᒋᔭᒥᑯᐛᐅᒡ ᑭᔭ ᒪᕐᒃ, ᐊᕆᔅᑕᕐᑲᔅ, ᑎᒪᔅ ᑭᔭ ᓗᒃ᙮ ᑭᔭ ᐎᔨᐛᐤ ᐅᒡ ᐊᑐᔅᑯᐛᐅᒡ ᐅᑎᐸᔨᒋᒐᐛ᙮

2 ᐱᑕᕐ 2:15

ᓴᔅ ᒋ ᓂᑭᑎᒧᒡ ᑯᐃᔅᒄ ᐊ ᐃᓯ ᐱᒧᑕᓄᐎᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒋ ᐱᔅᒐᑕᐅᒡ ᒐᒋ ᓄᔅᐱᓇᑎᒧᐛᒡ ᑕᓐ ᑲ ᐃᓯ ᐱᒧᑕᔨᒋ ᐸᓚᒪ, ᐱᐅᕐ ᐅᑯᓯᓯᔪᐛ᙮ ᐅ ᐸᓚᒻ ᑲ ᐃᓯᓂᐧᑲᓱᑦ ᒋ ᐃᑕᔨᑎᒥᐃᑯᐤ ᒐᒂᔪᐤ ᒐᒋ ᐅᑎᓂᒪᓱᑦ ᐅᓂᑐᐅᓂᒡ ᐅᒡ᙮