2 ᑎᒧᑎ 4:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᔾ ᑎᒧᑎ, ᒋᑦ ᐃᑎᓱᒥᑎᓐ ᐅᑎᔅᑯᐤ ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐊ ᑕᑦ, ᐊᓐ ᒐ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᑲ ᓂᐱᔨᒋ, ᑭᔭ ᒥᓐ ᒐ ᑎᑯᓯᐧᒃ ᒐ ᒋᓴᐅᒋᒪᐅᑦ,

2 ᑎᒧᑎ 4:1 Iomraidhean Croise

ᑎᐱᑦ ᐅᓂᑭᒧᐅᓇ 50:6

ᒋᓯᒂ ᒪᒃ ᒋᑭ ᐎᑎᒧᒪᑭᓂᔪᐛ ᐅᑯᐃᔅᑯᑕᑎᓯᐅᓐ: ᐛᔅ ᒋᓴᒪᓂᑐᐤ ᐛᒋᒡ ᑎᐸᔅᑯᓂᒐᐤ᙮

ᑎᐱᑦ ᐅᓂᑭᒧᐅᓇ 96:13

ᐅᑎᔅᑯᐤ ᑎᐸᔨᒋᒐᓱᐛ; ᐛᔅ ᐸᒋ ᐃᑐᑕᐤ, ᐛᔅ ᐸᒋ ᐃᑐᑕᐤ ᒐᒋ ᑎᐸᔅᑯᓇᐧᒃ ᐊᔅᒋᔪᐤ; ᒋᑭ ᑎᐸᔅᑯᓂᒻ ᐊᔅᒋᔪᐤ ᑯᐃᔅᑯᑕᑎᓯᐅᓂᒡ, ᑭᔭ ᐃᔪᐛ ᑕᑈᐅᓂᒡ᙮

ᑎᐱᑦ ᐅᓂᑭᒧᐅᓇ 98:9

ᐅᑎᔅᑯᐤ ᑎᐸᔨᒋᒐᓱᐛ; ᐛᔅ ᒋᑭ ᐸᒋ ᑎᑯᓯᓂᔪᐛ ᒐ ᑎᐸᔅᑯᓂᒥᔨᒋ ᐊᔅᒋᔪᐤ: ᑯᐃᔅᒄ ᒋᑭ ᐃᓯ ᑎᐸᔅᑯᓇᐤ ᒥᓯᑕᔅᑭᒥᒡ ᐊ ᑕᔨᒋ, ᒋᒡ ᑭᔭ ᒥᓯᐛ ᐃᓯ ᐃᔪᐛ ᑯᐃᔅᑯᑐᑕᒐᐅᓂᒡ᙮

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᓗᒃ 19:12

“ᓇᐸᐤ ᓇᔅᒡ ᐊ ᒋᔅᑕᔨᑕᑯᓯᑦ, ᒋ ᐃᑐᑕᐤ ᐊᓐᑕ ᐛᔪᐤ ᐊᔅᒋᒡ ᒐᒋ ᒋᓴᐅᒋᒪᐅᐊᑭᓄᐅᑦ ᑭᔭ ᒥᓐ ᑲᐤ ᑲ ᐸᒋ ᒋᐛᑦ᙮

ᓗᒃ 19:15

“ᒥᒄ ᒪᒃ ᐃᔭᐱᒡ ᒋ ᒋᓴᐅᒋᒪᐅᐊᑭᓄᐤ ᐊᑯ ᒥᓐ ᑲᐤ ᑲ ᒋᐛᑦ᙮ ᐊᑯ ᒂ ᐎᓴᒪᑦ ᐊᓂᔭ ᐅᑦ ᐊᐱᒋᐊᑭᓇ ᐊ ᓂᑐ ᒋᔅᒐᔨᒪᑦ ᑕᓐ ᑲ ᐃᔅᐱᔅ ᐅᓯᑕᔨᒋ ᐊᓂᔭ ᓱᓇᔭᔪᐤ ᑲ ᒥᔭᑦ᙮”

ᓗᒃ 23:42

ᐊᓐ ᒪᒃ ᑲᒋᒧᑎᑦ ᒋ ᐃᑕᐤ ᐊᓂᔭ ᒋᓴᓴ, “ᒐ ᒋᔅᒋᓯᑐᐎᓐ ᐃᔅᐱ ᑎᑯᓯᓂᔨᓇ ᐊ ᒋᓴᐅᒋᒪᐎᔨᓐ᙮”

ᐊᑈᔅᑕᓇᒡ 10:42

ᓂᒋ ᐃᑎᓱᒥᑯᓇᓐ ᒋᓴᔅ ᒐᒋ ᐛᐎᑎᒧᒥᒋᒋ ᐃᔪᐛ ᒥᔽᒋᒧᐅᓂᔪᐤ ᑭᔭ ᒐᒋ ᐎᑎᒧᒥᒋᒋ ᐎᔾ ᒋᓴᔅ ᐊᒋ ᐅᑎᓂᑯᑦ ᒋᓴᒪᓂᑐᐛ ᒐᒋ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᐊᓂᔭ ᑲ ᓂᐱᔨᒋ᙮

ᐊᑈᔅᑕᓇᒡ 17:31

ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:16

ᐊᑯ ᒪᒃ ᐃᔅᐱ ᒋᓴᒪᓂᑐᐤ ᑎᐸᔅᑯᓇᒐ ᒥᓯᐛ ᐊᐛᔪᐛ, ᒋᓴᔅ ᙭ᑕ ᐅᒋ, ᑕᓐ ᑲ ᐃᓯ ᒋᒧᑦ ᒥᒋᑐᑎᒥᔨᒋ ᐊᑯᑕ ᒐ ᓄᑯᓂᔨᒡ ᐊᓐ ᐊᐛᓐ ᑕᑈ ᑲ ᐃᑐᑎᒧᒂ ᑕᓐ ᐊ ᐃᑎᓱᐛᔨᒡ ᐎᓱᐛᐅᓂᔪᐤ᙮ ᐊᐅᑯᓐ ᐊ ᐃᓯ ᐎᑎᒪᒐᒥᑲᒡ ᐅ ᒥᔽᒋᒧᐅᓐ ᒋᓴᔅ ᙭ ᑲ ᒥᔨᑦ ᒐᒋ ᐛᐎᑎᒧᒡ᙮

ᑯᓚᓯᔭᓇ 3:4

᙭ ᐊ ᐎᒐᐛᒄ ᒋᒋᐛ ᐱᒪᑎᓯᐅᓐ ᒋ ᑭᓄᐛᔨᑕᓇᐛᐤ᙮ ᑲᐤ ᒪᒃ ᑎᑯᓯᒐ ᐅᑕ ᐊᔅᒋᒡ ᐊᑯᑕ ᑭᔭ ᒋᔨᐛᐤ ᒐ ᐊᓯᒡ ᓄᑯᐃᑯᐅᔭᒄ ᑭᔭ ᒐ ᐊᓯᒡ ᒋᔅᑕᔨᑕᑯᐃᑯᐅᔭᒄ ᒋᔅᑕᔨᑕᑯᐊᑭᓄᐅᒐ᙮

2 ᑕᓴᓗᓂᔭᓇ 2:8

ᐊᑯ ᒪᒃ ᒐ ᓄᑯᐊᑭᓄᐅᑦ ᐊᐛᓐ ᒋᒋᐛ ᐊ ᐊᐎᔨᑦ ᐊᓐ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ᙮ ᒥᒄ ᒪᒃ ᐃᔅᐱ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᐎᔾ ᒋᑭ ᓂᐸᐊᐤ ᐅᔭᔭᐅᓐ ᐊ ᐊᐱᒋᑕᑦ᙮ ᓇᔅᒡ ᒋᑭ ᓂᓱᐅᓇᒋᐊᐤ ᐃᔅᐱ ᑎᑯᓯᒐ ᐅᒋᔅᑕᔨᑕᑯᓱᐅᓂᒡ᙮

1 ᑎᒧᑎ 5:21

ᐅ ᒪᒃ ᒋᑦ ᐃᑎᓱᒥᑎᓐ ᒋᓴᒪᓂᑐᐤ ᑭᔭ ᒋᓴᔅ ᙭ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐸᑐᐅᒡ, ᓂᓇᐃᑕ ᐅ ᑕᓐ ᑲ ᐃᑎᓱᒥᑕᓐ ᐊᓄᒡ᙮ ᒥᓯᐛ ᒐᒂᓐ ᐊ ᐃᑐᑎᒥᓐ ᓄᑯᑕ ᑕᐱᑐᐤ ᐊ ᐃᑕᔨᒥᑥᐤ ᒥᓯᐛ ᐊᐛᓐᒋ᙮

2 ᑎᒧᑎ 1:10

ᐃᔅᐱ ᒪᒃ ᒋᐱᒪᒋᐃᐛᒥᓄᐤ ᒋᓴᔅ ᙭ ᑲ ᐸᒋ ᓄᑯᐊᑭᓄᐅᑦ ᐅᑕ ᐊᔅᒋᒡ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒋᓴᐛᑎᓯᐅᓐ᙮ ᐎᔾ ᒋᓴᔅ ᒋ ᓴᐧᑯᒋᑕᐤ ᓂᐳᐅᓂᔪᐤ ᑭᔭ ᔅᒋ ᐛᐸᑎᔨᑯᓄᐤ ᒥᔽᒋᒧᐅᓂᒡ ᐅᒡ ᐊ ᑎᒂᒡ ᑲᒋᒡ ᐱᒪᑎᓯᐅᓐ᙮

2 ᑎᒧᑎ 2:14

ᒧᔅ ᒪᒃ ᒋᔅᒋᓱᒥᒡ ᒋᑦ ᐃᔨᒥᒡ ᐅᔭᔪᐤ ᑭᔭ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐃᔭᒂᒥᒥᒡ ᒐ ᐊᑲ ᒋ ᒪᒥᒋᐱᔨᐃᑐᒡ ᐃᔨᒧᐅᓂᔪᐤ ᐅᒋ, ᐛᔅ ᓇᒪ ᓇᔅᒡ ᒥᔪ ᐎᒋᐃᐛᒥᑭᓐ ᐅ ᐊ ᐃᑎᓇᓄᐅᒡ᙮ ᑎᑯᓂᔪᐤ ᑕᓐ ᐊ ᐃᓯ ᒥᒋᑐᑕᑯᒡ ᐊᓐᒡ ᑲ ᓂᑐᑐᐛᒡ᙮

2 ᑎᒧᑎ 4:18

ᐛᔅ ᐅᑎᐸᔨᒋᒐᐤ ᓂᑭ ᐎᐧᑯᒋᐃᒄ ᒥᓯᐛ ᑕᓐ ᒐ ᐃᓯ ᐅᑎᑕᐅᑯᔭᓐ ᒐᒂᓐ ᐊ ᒪᔭᑎᒡ ᑭᔭ ᐎᔾ ᓂᑭ ᐸᓱᐅᒄ ᐊᓐᑕ ᐊᓂᔭ ᐅᒋᒪᐅᓂᔪᐤ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᒋᑭ ᐎ ᒋᔅᑕᔨᑕᑯᐊᑭᓄᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

2 ᑎᒧᑎ 4:8

ᓴᔅ ᐊᔭᔅᑯᔅᑕᐤ ᐊᓐ ᒋᓴᐅᒋᒪᐅᑯᓂᔎᐅᓐ ᐊᓂᔭ ᒐ ᒥᔭᑭᓄᐅᒡ ᐊᓐᒡ ᒐ ᑯᐃᔅᑯᑕᑎᓯᒡ᙮ ᐊᐅᒄ ᒪᒃ ᐅᔭ ᒐ ᐸᒋ ᒥᔨᑦ ᐅᑎᐸᔨᒋᒐᐤ ᐊᓐ ᑯᐃᔅᒄ ᑲ ᐃᓯ ᑎᐸᔅᑯᓂᒐᑦ ᒥᓐ ᐸᒋ ᑎᑯᓯᒐ᙮ ᓇᒪ ᒪᒃ ᒥᒄ ᓂᔾ ᓂᑭ ᐅᒋ ᒥᔨᑯᐅᓐ ᐅ ᐊ ᐃᓯᓇᒂᒡ ᐊᑯᓂᔎᐅᓐ, ᒥᓯᐛ ᐊᓐᒡ ᓴᒋᐃᐛᐅᓂᒡ ᑲ ᐃᓯ ᐱᑯᓴᔨᒧᒡ ᐅᑎᐸᔨᒋᒐᐛ ᒥᓐ ᒐ ᑎᑯᓯᓂᔨᒋ ᑭᔭ ᐎᔨᐛᐤ ᒋᑭ ᒥᔭᑭᓄᐅᒡ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

1 ᐱᑕᕐ 1:7

ᐛᔅ ᐊ ᓂᒋᔅᑭᒪᒄ ᒐᒂᔪᐛ ᐊ ᐊᔨᒪᒋ ᐊᑯᑕ ᐛᒋ ᒋᔅᒐᔨᑕᒂᒡ ᑕᓐ ᐊᓐ ᐊ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ᙮ ᑕᑈ ᒪᒃ ᐊ ᐃᑕᔨᑕᑯᓂᒂ ᑕᓐ ᒋᐸ ᐃᑕᔨᑕᑯᓐ, ᒋᑭ ᒥᔽᒋᒥᑯᓇᐛᐤ ᑭᔭ ᒋᑭ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮

1 ᐱᑕᕐ 4:5

ᐸᐃᒂᐤ ᒪᒃ ᐊ ᒋᓯᑲᔨᒡ ᒋᑭ ᐅᑎᔅᑯᑲᐳᔅᑐᐛᐅᒡ ᒋᓴᒪᓂᑐᐛ ᐊ ᐎᑕᒡ ᑕᓐ ᑲ ᐃᓯ ᐸᒋ ᐱᒪᑎᓯᒡ᙮ ᐊᐅᒄ ᐛᔅ ᐅ ᒋᓴᒪᓂᑐᐤ ᒐ ᑎᐸᔅᑯᓇᑦ ᒥᓯᐛ ᐊᓂᔭ ᑲ ᓂᐱᔨᒋ ᑭᔭ ᐊᓂᔭ ᐸᒪᑎᓯᔨᒋ᙮

1 ᐱᑕᕐ 5:4

ᐊᑯ ᒪᒃ ᐃᔅᐱᔅ ᐸᒋ ᓄᑯᓯᒐ ᐊᓐ ᒪᐅᒡ ᑲ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ᒥᔨᑯᐅᔭᒄ ᐊᓐ ᒪᐅᒡ ᐊ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ᐸᓯᑯᓇᒂᒡ᙮

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮

2 ᐱᑕᕐ 1:17

ᓂᒋ ᑕᐛᓇᓐ ᐊᓐᑕ ᑲ ᒋᐧᑲᔭᔨᑕᑯᐃᑯᑦ ᑭᔭ ᑲ ᒋᔅᑕᔨᑕᑯᐃᑯᑦ ᒋᓴᒪᓂᑐᐛ ᐅᑕᐎᒪᐛ, ᐊᓐᑕ ᑲ ᐸᑎᒪᒡ ᐸᑕᑯᓱᐅᓐ ᐊᓐᑕ ᒪᐅᒡ ᐊ ᒋᔅᑕᔨᑕᒂᒡ ᐅᒋ ᐊ ᐃᔅᒋᔄᑦ ᐅᑕᐎᒪᐤ, “ᐊᐅᒄ ᐅ ᓂᑯᔅ ᓇᔅᒡ ᑲ ᓴᒋᐃᒃ ᑭᔭ ᓇᔅᒡ ᑲ ᓇᐊᔨᑎᒥᐃᑦ᙮”

1 ᒠᓐ 2:28

ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ᒐᔅᑎᓇᑕᔨᒧᔭᒄ ᐸᒋ ᓄᑯᓯᒐ ᑭᔭ ᓇᒪ ᒋᑭ ᐅᒋ ᓴᒂᔨᒧᓇᐛᐤ ᑎᑯᓯᒐ᙮

ᒋᔅᒐᔨᑕᑯᑕᒐᐅᓐ 1:7

ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮