2 ᑎᒧᑎ 3:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓇᒪ ᒋᑭ ᐅᒋ ᒋᔅᑎᒪᒐᔨᒪᐅᒡ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᐛᐸᔨᑎᒪᒐᐅᒡ᙮ ᒋᑭ ᐎ ᓇᓂᑐᐤ ᐊᐧᑯᐊᐅᒡ ᐊᐛᔪᐛ ᑕᓐ ᐊ ᐃᑕᒡ, ᑭᔭ ᓇᔅᒡ ᒋᑭ ᐊᐧᑯᔪᐛᓱᐅᒡ, ᑭᔭ ᓇᔅᒡ ᒋᑭ ᐎᒋ ᒋᔄᓱᐅᒡ ᑭᔭ ᓇᔅᒡ ᒋᑭ ᐛᐧᑲᑕᐅᒡ ᐊᓂᔭ ᑲ ᒥᔪᑐᑎᒥᔨᒋ᙮

2 ᑎᒧᑎ 3:3 Iomraidhean Croise

ᒐᓂᓯᔅ 49:7

ᒋᓴᒪᓂᑐᐤ ᐅᑦ ᐊᓏᔨᒋᒐᐅᓐ ᒋᑭ ᐱᑎᔅᑕᐅᑯᐛᓇᐛᐤ, ᐅᓴᒻ ᐊᒂᑎᓯᒥᑭᓐ ᒋᒋᔄᓱᐅᓄᐛᐤ ᑭᔭ ᒋᒋᐛ ᒥᔅᑯᐛᐤ ᒋᑦ ᐊᐧᑯᔪᐛᓱᐅᓄᐛᐤ᙮ ᓂᑭ ᑕᑎᐸᓇᔭᐅᒡ ᒋᑦ ᐊᓂᔅᑯᑕᐸᓄᐛᐅᒡ ᐊᓐᑕ ᐃᔅᕋᐃᓪ ᐊᔅᒋᒡ᙮ ᓂᑭ ᐛᓯᔄᐛᔭᑎᓴᐛᐅᒡ ᐊᓐᑕ ᐃᔅᕋᐃᓪ ᐊᔅᒋᒡ᙮

ᑎᐱᑦ ᐅᓂᑭᒧᐅᓇ 15:4

ᐊᓐ ᐅᔅᒋᓯᑯᒡ ᑲ ᒪᔭᓯᓄᐛᑦ ᒥᒋᐃᔪᐛ; ᒪᒃ ᑲ ᒋᔅᑕᔨᒪᑦ ᐊᓂᔭ ᑲ ᓇᓂᒋᔅᑐᐛᔨᒋ ᑎᐸᔨᒋᒐᓱᐛ᙮ ᐊᓐ ᐊ ᒋᒋᐃᔅᒋᔄᑦ, ᐊᑎ ᐊᐧᑯᐃᑯᑦ, ᓇᒪᐎᔾ ᒂᔅᒋᑐᑎᒻ᙮

ᑎᐱᑦ ᐅᓂᑭᒧᐅᓇ 22:6

ᒪᒃ ᓂᔾ ᓂ ᒥᓐᑐᓱᐅᓐ; ᐊ ᒥᒪᔭᔨᒥᒡ ᐃᔪᒡ, ᑭᔭ ᐊ ᐊᑐᐛᔨᒥᒡ ᐃᔪᒡ᙮

ᒪᑎᔪᐤ 10:21

“ᐎᐧᑲᓂᓯᒪᐅᒡ ᒋᑭ ᐱᔅᑎᓇᐅᒡ ᐎᐧᑲᓂᓱᐛᐛ ᒐᒋ ᓂᐸᐊᑭᓄᔨᒋ ᑭᔭ ᐅᑕᐎᒪᐅᒡ ᐊᐅᑯᓐ ᒐ ᐃᑐᑐᐛᒡ ᐅᑦ ᐊᐛᓯᒧᐛᐛ, ᑭᔭ ᐊᐛᓯᒡ ᒋᑭ ᐃᑐᑐᐛᐅᒡ ᐅᓂᒋᐃᑯᐛᐛ ᒐᒋ ᓂᐸᐊᑭᓄᔨᒋ᙮

ᒪᑎᔪᐤ 4:1

ᐊᑯ ᒋᓴᔅ ᒂ ᐃᑐᑕᐃᑯᑦ ᑲ ᐸᔭᒋᓯᔨᒋ ᐊᒐᒂ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᑯᒂᒋᐃᑯᑦ ᒥᒋᒥᓂᑐᐛ᙮

ᓗᒃ 10:16

ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”

ᓗᒃ 16:14

ᐃᔅᐱ ᒪᒃ ᐸᕆᓯᔨᒡ ᐱᔭᑕᒡ ᐅᔭᔪᐤ ᒋ ᒪᔭᔨᒪᐅᒡ ᒋᓴᓴ, ᐛᔅ ᒋ ᓴᒋᑕᐅᒡ ᓱᓇᔭᔪᐤ᙮

ᒠᓐ 6:70

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᓇᒪᐎᔾ ᐊ ᓂᔾ ᒋ ᐅᒋ ᐅᑎᓂᑎᓇᐛᐤ ᐊ ᓂᓱᓴᐳᔭᒄ ? ᐸᐃᒄ ᒪᒃ ᐊᓐᑕ ᐊ ᑎᓯᔭᒄ ᒥᒋᒥᓂᑐᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:29

ᐱᒋᔅᑲᑯᐅᒡ ᓂᓇᐧᑯᐤ ᒥᒐᑎᓯᐅᓂᔪᐤ ᑭᔭ ᒪᔭᑎᓯᐅᓂᔪᐤ, ᑭᔭ ᐱᒋᔅᑲᑯᐅᒡ ᒧᔅᑕᓂᒪᒐᐅᓂᔪᐤ ᑭᔭ ᐛᐧᑲᑕᔨᒧᐅᓂᔪᐤ᙮ ᓇᔅᒡ ᐱᒋᔅᑲᑯᐅᒡ ᐅᑕᔨᒧᐅᓂᔪᐤ, ᑭᔭ ᒧᔅ ᐎ ᓂᐸᐃᐛᐅᒡ, ᑭᔭ ᒧᔅ ᒪᒥᒋᐱᔭᐊᐅᒡ ᐊᐛᔪᐛ, ᐱᓯᒄ ᑭᔭ ᐛᐎᔭᓯᒧᐛᐅᒡ, ᑭᔭ ᓇᔅᒡ ᐱᒋᔅᑲᑯᐅᒡ ᐛᐧᑲᓱᐛᐅᓂᔪᐤ᙮ ᐱᒋᔅᒂᑲᑐᐛᐅᒡ ᑭᔭ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:31

ᓇᒪ ᓇᔅᒡ ᓂᔅᑐᔅᑲᑯᐅᒡ ᒥᒐᑎᓯᐅᓂᔪᐤ ᐅᑕᐃᐛᒡ ᑭᔭ ᐅᒥᑐᓇᔨᒋᑭᓂᐛᒡ᙮ ᓇᒪ ᓇᔅᒡ ᓂᓇᑭᑐᐛᔨᑎᒧᒡ ᐊᓂᔭᔪᐛ ᒐᒂᔪᐛ ᑲ ᓂᔅᑯᒧᒡ ᒐ ᓂᓇᑭᑐᐛᔨᑕᒡ᙮ ᓇᒪ ᓇᔅᒡ ᓄᑯᓂᔪᐤ ᓴᒋᐃᐛᐅᓂᔪᐤ ᒐᒋ ᐊᔭᒡ ᑭᔭ ᓇᒪ ᓇᔅᒡ ᒋᔅᑎᒪᒐᔨᒪᐅᒡ ᐊᐛᔪᐛ᙮

1 ᑯᕆᓐᑎᔭᓇ 7:5

ᓇᒪ ᒋᐸ ᐅᒋ ᐃᑎᓇᐛᐤ ᒐ ᐊᑲ ᒋ ᐱᒪᔨᒥᑐᔭᒄ᙮ ᒥᒄ ᑭᑈ ᓂᑲᓐ ᑕᐱᔅᑯᓐ ᐃᓯ ᐊᑕᔨᑎᒧᐛᒂ ᐛᐃᐱᔅᒋᔅ ᒐ ᐊᑲ ᒋ ᐱᒪᔨᒥᑐᔭᒄ ᒥᒄ ᒐᒋ ᐊᔭᒥᐊᔭᒄ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᐊᓐᑕ ᑲ ᐃᔅᒋᔄᔭᒄ ᒐ ᐃᔅᐱᔅ ᐊᑲ ᐱᒪᔨᒥᑐᔭᒄ ᐊᑯ ᒥᓐ ᒋᐸ ᒋ ᐱᒪᔨᒥᑐᓇᐛᐤ᙮ ᐛᔅ ᓱᒐᔨᑕᑯᓯᔭᒂ ᓇᒪ ᒋᑭ ᐅᒋ ᓴᐧᑯᒋᐃᑯᐛᐤ ᒥᒋᒥᓂᑐᐤ ᓂᑎᒥᒄ ᒐᒋ ᐃᑐᐛᒄ᙮

1 ᑯᕆᓐᑎᔭᓇ 7:9

ᒥᒄ ᒪᒃ ᐊ ᐃᑕᔨᑎᒧᒂ ᐊᐛᓐ ᐊ ᐊᔨᐃᒥᐃᑯᑦ ᐊ ᐊᑲ ᓂᐳᐅᑦ ᐊᔪᐛᒃ ᒥᔽᓯᔪᐤ ᒐᒋ ᓂᐳᐅᑦ᙮ ᐛᔅ ᐅᔅᑕ ᒥᔽᓱᐤ ᒐᒋ ᓂᐳᐅᓇᓄᐅᒡ ᐃᔅᐱᔅ ᐎ ᒐᒋ ᐃᔎᓱᓇᓄᐅᒡ᙮

1 ᑕᓴᓗᓂᔭᓇ 4:8

ᐊᐛᓐ ᒪᒃ ᐊᑲ ᐊᐱᑕᔨᑎᒧᒂ ᐅᔭ ᒋᔅᑯᑎᒪᒐᐅᓂᔪᐤ ᓇᒪᔭᔪᐛ ᓇᐸᐛ ᐊᑲ ᐊᐱᑕᔨᒪᑦ᙮ ᒋᓴᒪᓂᑐᐛ, ᐊᓂᔭᔪᐛ ᑲ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᐊᐅᑯᓐ ᐊᓂᔭᔪᐛ ᓇᒪ ᐊᐱᑕᔨᒪᐤ᙮

1 ᑎᒧᑎ 3:11

ᐎᐛᐛ ᒋᐸ ᑕᑈᐅᒐᔨᑕᑯᓯᔪᐛ ᑭᔭ ᓇᒪ ᒋᐸ ᐅᒋ ᓂᑎᒥᒄ ᐃᑕᒋᒪᐅᒡ ᐊᐛᔪᐛ ᑭᔭ ᐸᐧᑲᒡ ᒋᐸ ᐃᓯ ᐱᒪᑎᓯᐅᒡ ᑭᔭ ᐃᔭᒂ ᒋᐸ ᐃᑐᑎᒧᒡ ᒥᓯᐛ ᒐᒂᔪᐤ᙮

ᑕᐃᑕᔅ 1:8

ᐃᔭᐱᒡ ᒋᐸ ᒋᓴᐛᑐᑐᐛᐤ ᒪᓐᑕᐛ, ᑭᔭ ᒋᐸ ᓴᒋᑕᐤ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᐊ ᐃᑎᓇᓄᐎᒡ᙮ ᒋᐸ ᑭᒐᑕᐛᔨᑎᒻ ᑭᔭ ᒋᐸ ᑯᐃᔅᑯᑕᑎᓯᐤ, ᒋᐸ ᐸᔭᒋ ᐱᒪᑎᓯᐤ, ᑭᔭ ᒋᐸ ᓂᓇᑭᑐᐛᔨᑎᒻ ᑕᓐ ᐊ ᐃᑎᑦ᙮

ᑕᐃᑕᔅ 2:3

ᑭᔭ ᐎᑎᒧᐅᒡ ᒋᓴᐃᔎᓯᒡ ᐅᐱᒪᑎᓯᐅᓄᐛᒡ ᒋᐸ ᓄᑯᓂᔪᐤ ᒋᓴᒪᓂᑐᐛ ᐊ ᐱᒪᑎᓯᔅᑐᐛᒡ᙮ ᓇᒪ ᒋᐸ ᐅᒋ ᐱᐸᒪᒋᒪᐅᒡ ᐊᐛᔪᐛ ᒐᒋ ᒥᒐᒋᒪᒡ, ᓇᒪ ᑭᔭ ᒋᐸ ᐅᒋ ᐎᒋᐸᐅᒡ,

ᒋᒥᔅ ᐅᒥᓯᓇᐊᒪᒐᐅᓐ 2:6

ᐊᑯ ᒪᒃ ᒋᔨᐛᐤ ᓇᒪ ᒋ ᒋᔅᑕᔨᒪᐛᐅᒡ ᐊᓐᒡ ᑲ ᒋᔅᑎᒪᑎᓯᒡ᙮ ᒥᒄ ᒪᒃ ᓇᒪᔭᐅᒡ ᐊ ᐊᓐᒡ ᑲ ᐛᔪᑎᓯᒡ ᓇᔅᒡ ᑲ ᐎ ᐃᑐᑕᑕᑯᒡ, ᒪᒃ ᑎᐸᔅᑯᓂᒐᐅᒋᐛᐱᒡ ᐊ ᐃᑐᑕᐃᑕᑯᒡ ?

2 ᐱᑕᕐ 2:14

ᓇᒪ ᓂᑕ ᐳᓂᐱᔪᐤ ᓂᑐᐎᔾ ᐊ ᐃᓯ ᑭᓄᐛᐱᒪᒡ ᐃᔎᐛ᙮ ᓇᒪ ᒋ ᐳᓂᑕᐅᒡ ᒥᒋᑐᑎᒧᐅᓂᔪᐤ᙮ ᐛᐎᔭᓯᒪᐅᒡ ᑭᔭ ᐊᓂᔭ ᐊᐛᔪᐛ ᐊᑲ ᐊᔨᒋᑲᐳᔨᒋ ᑕᑈᑎᒧᐅᓂᒡ᙮ ᓴᑭᔅᒋᓇᔪᐤ ᐅᑕᐃᐛᒡ ᒧᔅᑕᓂᒪᒐᐅᓂᔪᐤ᙮ ᒪᔭᑎᓯᐅᒡ ᐅᒡ ᐅᔭ ᑲ ᐃᑕᔨᑕᑯᓯᒡ,

2 ᐱᑕᕐ 2:19

ᐊᔨᒧᑎᒧᐛᐅᒡ ᐊᐛᔪᐛ ᐎᐧᑯᒋᐃᑯᓯᐅᓂᔪᐤ᙮ ᐎᔨᐛᐤ ᒪᒃ ᓇᔅᒡ ᑕᑈ ᑎᑯᓂᔪᐤ ᑕᓐ ᐊ ᐃᓯ ᒪᒋᒂᐱᐧᑲᑎᑯᒡ ᒥᒋᐃᑐᐅᓂᔪᐤ, ᐛᔅ ᒥᒄ ᒐᒂᔪᐤ ᐊ ᓴᐧᑯᒋᐃᑯᑦ ᐊᐛᓐ ᐊᐅᑯᓐ ᐊᓂᔭ ᑕᐸᔨᒥᑯᑦ᙮

2 ᐱᑕᕐ 3:3

ᓂᔅᑎᒻ ᒪᒃ ᒐᒂᓐ ᐛ ᐃᑎᑎᑯᒡ, ᒐ ᐎ ᒋᔅᒋᓯᔭᒄ ᐃᔅᐱ ᐊᑎ ᐸᓱᓇᑯᒐ ᒐ ᑎᑯᓯᐧᒃ ᐅᑎᐸᔨᒋᒐᐤ, ᒋᑭ ᑕᐅᒡ ᒪᔭᔨᒐᓱᐅᒡ, ᓇᔅᒡ ᒋᑭ ᑎᐸᔨᒥᑯᐅᒡ ᐅᒥᒋᓂᑐᐛᔨᑎᒧᐅᓄᐛᐛ ᐅᒡ᙮ ᒋᑭ ᒪᔭᔨᒥᑯᐛᐅᒡ᙮

ᒍᑦ 1:16

ᒧᔅ ᒪᒥᒋ ᐃᔅᒋᔄᐅᒡ ᐅᒡ ᓇᐸᐅᒡ᙮ ᒧᔅ ᑯᑎᑲ ᐊᐛᔪᐛ ᐊᑕᒪᔨᒪᐅᒡ ᐊᑲ ᒋᐧᑲᐛᒋᐱᔨᒡ᙮ ᐱᓯᒄ ᐃᑐᑎᒧᒡ ᑕᓐ ᐊ ᐃᓯ ᒥᒋ ᓂᑐᐛᔨᑕᒡ ᒐᒋ ᐃᑎᒡ᙮ ᓇᔅᒡ ᑕᑈ ᐎ ᓂᓇᐸᐅᒧᒡ᙮ ᐊᔭᒡ ᐃᑐᐅᒡ ᐊ ᒥᔪ ᐊᔨᒧᒪᒡ ᐊᐛᔪᐛ ᒥᒄ ᐊ ᐎ ᒪᒥᔪᐱᔨᐃᓱᒡ ᒐᒋ ᐃᑎᒡ ᐊᓂᔭ ᑕᓐ ᐛ ᐃᑎᒡ᙮

ᒍᑦ 1:18

ᔅᒋ ᐃᑎᑯᐛᐅᒡ, “ᐅᑎᒋᐱᔨᒂᐛ ᒪᔅᑕᔾ ᐊ ᒋᓯᑲᒋ, ᒋᑭ ᑕᐅᒡ ᓇᐸᐅᒡ ᐊ ᒪᔭᔨᒥᑕᑯᒡ, ᒥᒄ ᑕᓐ ᐊ ᐃᓯ ᓂᑎᒥᒄ ᐃᑕᔨᑕᒡ ᒐᒋ ᐃᑎᒡ ᐊᓂᔭ ᐊᑲ ᒋᓴᒪᓂᑐᐛᑎᓯᒡ, ᐊᐅᑯᓐ ᒐ ᐃᑎᒡ᙮”

ᒋᔅᒐᔨᑕᑯᑕᒐᐅᓐ 13:15

ᒋ ᐱᔅᑎᓇᑭᓄᐤ ᒪᒃ ᐅ ᒥᒋ ᐊᐛᓯᔅ ᒐᒋ ᐃᑐᑐᐛᑦ ᐊᓂᔭ ᒥᓂᑐᐧᑲᓐ ᒐᒋ ᐃᔪᐎᔨᒋ᙮ ᐊᑯ ᒪᒃ ᒂ ᐃᔨᒥᔨᒋ ᑭᔭ ᒋ ᐃᑐᑐᐛᔪᐛ ᐊᐛᔪᐛ ᐊᑲ ᐎ ᐊᔭᒥᐊᔅᑐᐛᔨᒋ ᐊᓂᔭᔪᐛ ᒥᓂᑐᐧᑲᓇ ᒐᒋ ᓂᐸᐊᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 13:17

ᓇᒪ ᒪᒃ ᐊᐛᓐ ᐅᒋ ᐊᑕᐛᐤ ᑭᔭ ᓇᒪ ᐊᐛᓐ ᐅᒋ ᐅᑎᓇᓱᐤ ᒧᔭᒻ ᐊᑲ ᐅᒋ ᒋᔅᒋᓄᐛᒋᓯᓇᐛᑭᓄᒂ᙮ ᐊᓂᔭ ᒪᒃ ᐊᓐᑕ ᑲ ᒋᔅᒋᓄᐛᒋᓯᓇᐛᑭᓄᐎᒡ, ᐊᓂᔭ ᐊ ᐃᓯᓂᐧᑲᓱᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᒪᒃ ᐊᓂᔭ ᐅᑦ ᐊᒋᑕᓱᐅᓂᔪᐛ ᒋ ᒥᓯᓇᑕᔪᐤ ᐊᓐᑕ᙮

ᒋᔅᒐᔨᑕᑯᑕᒐᐅᓐ 16:6

ᐛᔅ ᓇᐸᐛ ᒋ ᓂᐸᐃᑯᐅᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑕᑈᑕᒡ᙮ ᐊᑯ ᒪᒃ, ᒋᔾ ᒋᓴᒪᓂᑐᐤ, ᒥᔨᒡ ᒥᐧᑯᔪᐤ ᒐᒋ ᒥᓂᒡ ᐊᓐᒡ ᐊᐛᓐᒋ ᑲ ᓂᐸᐊᒡ ᐅᔭ᙮ ᐃᑕᔨᑕᑯᓂᔪᐤ ᒪᒃ ᐅᔭ ᒐᒋ ᐃᑐᑐᐅᑥᐤ ᐊᓂᔭ ᐊᒋ ᐸᒋ ᐃᑎᒡ᙮”

ᒋᔅᒐᔨᑕᑯᑕᒐᐅᓐ 17:6

ᓂᒋ ᐛᐱᒪᐤ ᒪᒃ ᐊᓐ ᐃᔎᐤ ᐊ ᒥᔪᐧᑭᓱᑦ ᐊᒋ ᒥᓄᐛᑦ ᐅᒥᐧᑯᔪᐤ ᑲ ᑕᑈᑎᒥᔨᒋ ᑭᔭ ᐅᒥᐧᑯᔪᐤ ᐊᓂᔭᔪᐛ ᑲ ᓂᐸᐊᑭᓄᐃᑯᐱᓇᓂ ᐊ ᑕᑈᔭᔨᒪᔨᒋ ᒋᓴᓴ᙮ ᐃᔅᐱ ᒪᒃ ᑲ ᐛᐱᒥᒃ ᓇᔅᒡ ᓂᒋ ᒥᔅᑲᓯᓄᐛᐤ᙮