2 ᑎᒧᑎ 3:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒋᔾ ᒪᒃ ᑎᒧᑎ ᓂ ᒐᔅᑎᓇᐅᓐ ᒐ ᓇᓴᐊᒥᓐ ᓂᒋᔅᑯᑎᒪᒐᐅᓐ, ᑭᔭ ᑲ ᐃᓯ ᐱᒪᑎᓯᔭᓐ, ᑭᔭ ᓂᑦ ᐃᑕᔨᑎᒧᐅᓐ᙮ ᔅᒋ ᐛᐸᑕᓐ ᑕᓐ ᑲ ᐃᓯ ᑕᑈᑎᒪᓐ, ᑕᓐ ᑲ ᐃᓯ ᓯᐱᔪᐛᓯᔭᓐ, ᑭᔭ ᓂᓴᒋᐃᐛᐅᓐ, ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓯᐱᔪᐛᓯᔅᑎᒪᓐ ᑕᓐ ᑲ ᐃᓯ ᓂᓇᐧᑯᐤ ᓂᒋᔅᑭᒪᓐ᙮

2 ᑎᒧᑎ 3:10 Iomraidhean Croise

ᓗᒃ 1:3

ᐊᑯ ᒪᒃ ᓇᔅᒡ ᐃᔭᒂ ᑲ ᓂᑐ ᑭᒐᔅᒐᔨᑎᒪᓐ ᐅᔭ ᒥᓯᐛ ᒐᒂᔪᐤ ᑕᓐ ᐊᓐ ᑲ ᐊᑎ ᐃᔅᐱᔨᒋ ᐅᔅᑭᒡ ᒐᒋᐱᔨᒋ᙮ ᐊᑯ ᒪᒃ ᑲ ᐃᑕᔨᑎᒥᐃᑯᔭᓐ ᒐ ᒥᔽᒂ ᑭᔭ ᓂᔾ ᒐᒋ ᒥᓯᓇᐊᒪᓐ ᐊ ᐎᑎᒪᑕᓐ ᒥᓯᐛ ᑕᓐ ᐊᓐ ᑲ ᐊᑎ ᐃᔅᐱᔨᒡ ᑭᔭ ᒐᒋ ᐃᑎᓴᐊᒪᑕᓐ ᓂᒥᓯᓇᐃᑭᓐ, ᒋᔾ ᑎᔪᐱᓚᔅ ᒪᐅᒡ ᒐᔅᑕᔨᑕᑯᓯᔨᓐ᙮

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 2:42

ᒥᓯᐛ ᒪᒃ ᐊᑯᑕ ᒧᔅ ᑲ ᑕᒡ ᐊ ᒋᔅᑯᑎᒪᒐᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒋ ᐸᒂᓇᐅᒡ ᐸᒂᓯᑭᓇ ᑭᔭ ᒋ ᒪᒧᐤ ᐊᔭᒥᐊᐅᒡ᙮

ᐊᑈᔅᑕᓇᒡ 20:18

ᐃᔅᐱ ᒪᒃ ᑲ ᑎᑯᓯᓂᔨᒋ ᐊᑯ ᒂ ᐃᔨᒪᐊᑦ᙮ ᒋ ᐃᑕᐤ, “ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐱᒪᑎᓯᔭᓐ ᑲ ᐃᔅᐱᔅ ᐊ ᑕᔭᓐ ᐅᑕ ᐊᐃᓴ ᐊᔅᒋᒡ ᐱᐃᒻ ᑲ ᔅᑐᑕᔭᓐ᙮

ᐊᑈᔅᑕᓇᒡ 26:4

“ᒥᓯᐛ ᐅᒡ ᒍᐤ ᐃᔪᒡ ᒋᔅᒐᔨᑎᒧᒡ ᑕᓐ ᑲ ᐃᓯ ᐸᒋ ᐱᒪᑎᓯᐅᒡ ᐊᓐᑕ ᑎᐱᔨᐛ ᑲ ᐅᒋᔭᓐ ᑲ ᐃᔅᐱᔅ ᐸᒋ ᐊᐛᓯᐅᔭᓐ ᑭᔭ ᒋᔅᒐᔨᑕᑯᓐ ᑕᓐ ᑲ ᐃᑕᑎᓯᔭᓐ ᐊᓐᑕ ᒋᕈᓯᓕᒥᒡ ᑲ ᑕᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:17

ᓂᐧᑲᓂᓯᑐᒄ, ᒋ ᐎ ᐃᔭᒂᒥᑎᓇᐛᐤ᙮ ᐃᔭᒂᒥᔅᑐᐛᐧᑯᒡ ᐊᓐᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᑕᑎᐸᓂᐱᔨᒋ ᑭᔭ ᐃᔭᒡ ᒐᒋ ᐃᑕᔨᒥᑐᔨᒋ ᑭᔭ ᑲ ᓂᓱᐅᓇᒋᑕᐛᒡ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔭᒡ ᐃᓯ ᒋᔅᑯᑎᒪᒐᐅᒡ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐛᒄ᙮ ᐊᑲᐎᔾ ᐊᐱᑕᔨᒪᐧᑯᒡ ᐅᒡ᙮

2 ᑯᕆᓐᑎᔭᓇ 1:17

ᒥᒄ ᒪᒃ ᓇᒪ ᓂ ᐅᒋ ᓇᐃᐱᔨᓐ ᐊᑯ ᑲ ᐊᑎᓂᒪᓐ ᑕᓐ ᐊᓐ ᓂᔅᑎᒻ ᑲ ᐃᓯ ᐃᑕᔨᑎᒪᓐ ᒐ ᐃᑎᔭᓐ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒥᒄ ᓇᐸᔅ ᐊᒋ ᐃᑎᔭᓐ ᐃᔅᐱ ᑲ ᐃᑕᔨᑎᒪᓐ ᑕᓐᑕ ᒐ ᐃᑐᑕᔭᓐ᙮ ᑕᐸ ᒥᒄ ᓇᐸᐤ ᐊ ᑕᑦ ᐅᒋᐱᔪᐤ ᐃᔅᐱ ᐊᑕᔨᑎᒪᓐ ᑕᓐ ᒐ ᐃᑎᔭᓐ᙮ ᑕᐸ ᓂᑕ ᓂᑦ ᐃᓯᓇᑯᓯᓐ ᒐᒋ ᐃᑎᒃ ᐊᐛᓐ, “ᓂᐦᐃ, ᒐᔅᑎᓇᔅ ᐊᐅᑯᓐ ᒐ ᐃᑎᔭᓐ,” ᐊ ᒐᔅᑎᓇᐅᔭᓐ ᒪᒃ ᐊᑲ ᑕᑈ ᐎ ᐃᑐᑎᒪᓐ ᐊᓐ ᑕᓐ ᑲ ᐃᔅᒋᔄᔭᓐ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

ᐱᓕᐱᔭᓇ 2:20

ᐛᔅ ᓇᒪ ᑕᐤ ᑯᑎᒃ ᐊᐛᓐ ᐅᑕ ᒥᔅᑎ ᐊ ᐃᑕᔨᒥᑕᒄ ᒧᔭᒻ ᓂᔾ ᐊ ᐃᑕᔨᒥᑎᑯᒡ᙮

ᐱᓕᐱᔭᓇ 2:22

ᒋ ᒋᔅᒐᔨᒪᐛᐤ ᑎᒧᑎ ᐊᒋ ᐃᓯ ᓄᑯᑕᑦ ᐊ ᒥᔪᐱᑎᓯᑦ᙮ ᓂᒋ ᓂᓱᐊᐱᑎᓯᓇᓐ ᒥᔽᒋᒧᐅᓐ ᐊ ᐛᐎᑎᒪᒡ ᒧᔭᒻ ᓇᐸᐤ ᑭᔭ ᐅᑯᓯᓴ ᐊ ᓂᓱ ᐊᐱᑎᓯᒡ ᓂᒋ ᐃᓯᓇᑯᓯᓇᓐ᙮

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮

1 ᑎᒧᑎ 1:3

ᐊᓐ ᒪᒃ ᑕᓐ ᑲ ᐃᓯ ᓯᒋᒥᑕᓐ ᐃᔅᐱ ᒐ ᐃᑐᑕᔭᓐ ᒪᓯᑐᓂᔭ ᒥᓐ ᒋᑦ ᐃᑎᓐ, ᐊᐅᒄ ᐊᓐ ᒐᒋ ᑕᔨᓐ ᐸᑎᒪ ᐊᓐᑕ ᐊᓐ ᐅᑕᓇᐤ ᐃᐱᓴᔅ ᐊ ᐃᓯᓂᐧᑲᑕᒡ ᒐᒋ ᒋᑕᐊᒧᐅᑥᐤ ᐊᓐᒡ ᐊᐛᓐᒋ ᐊᑲ ᒧᔭᒻ ᑲ ᐃᓯ ᒋᔅᑯᑎᒪᒐᒡ᙮

1 ᑎᒧᑎ 4:6

ᒧᔭᒻ ᒪᒃ ᐅᔭ ᐃᓯ ᐛᐎᑎᒧᑥᐛ ᐎᐧᑲᓂᓯᒪᐅᒡ ᒋᑭ ᒥᔪ ᐊᑐᔅᑯᐛᐤ ᙭ ᒋᓴᔅ ᐛᔅ ᒋᑭ ᒥᔪ ᓂᑕᐅᒋᐃᑯᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᓐ ᒥᔪ ᒋᔅᑯᑎᒪᒐᐅᓐ ᑲ ᐃᓯ ᓇᓴᐊᒥᓐ᙮

1 ᑎᒧᑎ 6:11

ᒋᔾ ᒪᒃ ᑎᒧᑎ, ᒋᓴᒪᓂᑐᐤ ᑲ ᐊᑐᔅᑯᐅᑦ, ᐊᑲᐎᔾ ᐊᐱᑕᔨᑕ ᐅᔭ ᒥᒋ ᒐᒂᔪᐛ᙮ ᐅᔅᑕ ᐃᑕᔨᑎᒥᐃᑯ ᑯᐃᔅᑯᑕᑎᓯᐅᓐ, ᒋᓴᒪᓂᑐᐛᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ, ᔭᐃᑕᔨᑕᑯᓱᐅᓐ, ᑭᔭ ᒋᔭᒥᓯᐅᓐ᙮

2 ᑎᒧᑎ 2:22

ᑯᒋᑕ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔨᓐ ᑕᓐ ᐊᓂᔭᔪᐛ ᓇᓂᑯᑎᓂᔾ ᐊ ᐃᓯ ᒧᔅᑕᓇᔨᑕᐧᒃ ᒐᒋ ᐃᑕᑎᓯᑦ ᐅᔅᒋᓂᒋᓱᐤ᙮ ᐅᔅᑕ ᐃᑕᔨᑎᒥᐃᑯᐤ ᑯᐃᔅᑯᑕᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ ᑭᔭ ᒋᔭᒪᔨᑎᒧᐅᓐ, ᐊ ᐎᒐᐅᑥᐤ ᐊᓐᒡ ᑲ ᑕᑈᑕᒡ ᐅᑎᐸᔨᒋᒐᐛ ᒐᒋ ᐎᒋᐃᑯᒡ ᐊ ᐸᔭᐧᑭᓂᔨᒋ ᐅᑕᐃᐛᐛ᙮

2 ᑎᒧᑎ 4:2

ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮

2 ᑎᒧᑎ 4:3

ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᐊᑲ ᐅᒋ ᓂᑐᑕᒡ ᐊᐛᓐᒋ ᐊᓂᔭ ᑎᔭᑈᒥᑭᓂᔨᒡ ᒋᔅᑯᑎᒪᒐᐅᓂᔪᐤ᙮ ᐃᔭᐱᒡ ᒋᑭ ᓇᓂᑐᐛᔨᒪᐅᒡ ᐊᐛᔪᐛ ᒐᒋ ᒋᔅᑯᑎᒪᑯᒡ ᐎᔨᐛᐤ ᑕᓐ ᐛ ᐃᓯ ᐸᑕᒡ᙮

2 ᑎᒧᑎ 4:7

ᓴᔅ ᓂ ᒋᔅᑕᓐ ᐊᓐ ᑕᓐ ᓂᐸ ᐃᓯ ᒥᔪ ᒪᓯᑕᓐ, ᓴᔅ ᓂ ᒋᔅᑕᓐ ᑕᓐ ᑲ ᐃᓯ ᑯᒂᒋᔅᑭᑕᐃᒐᔭᓐ ᑭᔭ ᓂᒋ ᑭᓄᐛᔨᑕᓐ ᑕᓐ ᑲ ᐃᓯ ᑕᑈᑎᒪᓐ᙮

ᑕᐃᑕᔅ 2:7

ᒋᔾ ᒪᒃ ᑭᔭ ᒋᐸ ᐎ ᐛᐸᑎᔭᐅᒡ ᑕᓐ ᒐ ᐃᓯ ᒋᔅᒋᓄᐛᐱᒥᔅᒡ ᐊ ᒥᔪᑐᑎᒥᓐ ᒥᓯᐛ ᑕᓐ ᐊ ᐃᑎᔨᓐ᙮ ᐊ ᒋᔅᑯᑎᒪᒐᔨᓐ ᑭᔭ ᒋᐸ ᓄᑯᑕᓐ ᐊ ᐃᑈᐧᑲᔨᓐ ᑭᔭ ᑯᐃᔅᒄ ᒋᐸ ᐃᓯ ᒋᔅᑯᑎᒪᒐᓐ᙮

ᐃᑉᕈᐛ 13:9

ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮

2 ᐱᑕᕐ 3:11

ᐊ ᒋᔅᒐᔨᑎᒪᒄ ᒪᒃ ᐅ ᒐ ᐃᔅᐱᔨᒡ, ᑕᓐᑕ ᒋᐸ ᐃᓯ ᐱᒪᑎᓯᓇᐛᐤ ᒋᑦ ᐃᑕᔨᑕᓇᐛᐤ ? ᓇᒪᐎᔾ ᐊ ᐸᔭᒋᓯᐅᓂᒡ ᒋᐸ ᐃᓯ ᐱᒪᑎᓯᓇᐛᐤ, ᓇᔅᒡ ᐊ ᐃᓯ ᐱᔅᑕᔨᑎᒥᐃᑯᔭᒄ ᒋᐱᒪᑎᓯᐅᓄᐛᐛ ᒋᓴᒪᓂᑐᐤ ᐃᔅ ᐊ ᑕᑦ,