2 ᑎᒧᑎ 2:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒪᒥᑐᓇᔨᑕ ᐅ ᑕᓐ ᑲ ᐃᓯ ᐛᐎᑎᒪᑕᓐ ᐛᔅ ᐅᑎᐸᔨᒋᒐᐤ ᒋᑭ ᐃᑐᑕᒄ ᒐᒋ ᓂᔅᑐᑎᒥᓐ ᒥᓯᐛ ᒐᒂᓐ᙮

2 ᑎᒧᑎ 2:7 Iomraidhean Croise

ᑎᐱᑦ ᐅᓂᑭᒧᐅᓇ 119:125

ᓂᔾ ᒋᑦ ᐊᑐᔅᒐᔭᑭᓐ: ᒥᔨ ᓂᔅᑐᑎᒧᐅᓐ, ᒐᒋ ᒋᔅᒐᔨᑎᒪᓐ ᒋᑎᐸᒋᒧᐅᓇ᙮

ᑎᐱᑦ ᐅᓂᑭᒧᐅᓇ 119:144

ᐊ ᐃᓯ ᒂᔭᔅᑯᑕᑎᓯᒥᑲᒋ ᒋᑎᐸᒋᒧᐅᓇ ᑲᒋᒡ ᑎᑯᓇ: ᒥᔨ ᓂᔅᑐᑎᒧᐅᓐ, ᐊᑯ ᒐ ᐱᒪᑎᓯᔭᓐ᙮

ᑎᐱᑦ ᐅᓂᑭᒧᐅᓇ 119:73

ᒋᑎᒋᔭ ᓂᒋ ᐅᓯᐃᑯᓐ ᑭᔭ ᓂᒋ ᐃᓯᓇᑯᐃᑯᓐ; ᒥᔨ ᓂᔅᑐᑎᒧᐅᓐ ᒐᒋ ᒋᔅᒐᔨᑎᒪᓐ ᒋᑦ ᐃᑎᓱᐛᐅᓇ᙮

ᑎᐱᑦ ᐅᓂᑭᒧᐅᓇ 64:9

ᒥᓯᐛ ᐃᔪᒡ ᒪᒃ ᒋᑭ ᓴᒋᓯᐅᒡ, ᑭᔭ ᒋᑭ ᐎᑎᒺᐅᒡ ᐅᑦ ᐊᑐᔅᒐᐅᓂᔪᐤ ᒋᓴᒪᓂᑐᐛ; ᐛᔅ ᒋᑭ ᑭᒐᑕᐛᔨᑎᒧᐅ ᒥᑐᓇᔨᑎᒺᐅᒡ ᐅᑐᑎᒧᐅᓂᔪᐤ᙮

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᓗᒃ 24:45

ᐊᑯ ᐅᔭ ᒂ ᐃᓯ ᐎᑎᒧᐛᑦ ᒐᒋ ᐱᔭᑭᔅᒡ ᓂᔅᑐᑎᒥᔨᒋ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮

ᓗᒃ 9:44

“ᒋᔅᒋᓯᒄ ᔭᐃᑕᔾ ᑕᓐ ᒐ ᐃᑎᑎᑯᒡ᙮ ᒋᑭ ᐱᔅᑎᓇᑭᓄᐎᒡ ᐃᔪᒡ ᒐᒋ ᐃᑐᑐᐛᒡ ᑕᓐ ᐛ ᐃᑐᑐᐛᒡ ᐃᔪᐤ ᐅᑯᓯᓴᓇ᙮”

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

ᒠᓐ 16:13

ᒥᒄ ᒪᒃ ᐃᔅᐱ ᑎᑯᓯᒐ ᐅ ᐊᒐᐧᒄ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ, ᐊᐅᒄ ᒐ ᒋᔅᒐᔨᑎᒥᐃᑕᒄ ᒥᓯᐛ ᑕᑈᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒡ᙮ ᓇᒪ ᒋᑭ ᐅᒋ ᐃᔅᒋᔄᐤ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑎᓱᒥᑯᒐ ᒐᒋ ᐃᔅᒋᔄᑦ᙮ ᐊᓂᔭ ᒪᒃ ᑕᓐ ᒐ ᐃᓯ ᐸᑐᐛᑦ ᐊ ᐃᔅᒋᔄᔨᒋ ᐊᔪᐅᒄ ᐅᔭ ᒐ ᐃᓯ ᐛᐎᑕᐧᒃ᙮ ᒋᑭ ᐛᐎᑎᒪᑯᐛᐤ ᐊᓂᔭᔪᐛ ᒐᒂᔪᐛ ᒐ ᐊᑎ ᐃᔅᐱᔨᒋ᙮

ᐊᑈᔅᑕᓇᒡ 7:10

ᒋ ᐎᒋᐃᑯᐤ ᒪᒃ ᐊᓐᑕ ᒪᒂᒡ ᓇᔅᒡ ᐊ ᐊᔨᒥᓂᔨᒡ ᐊ ᑕᑦ᙮ ᐃᔅᐱ ᒪᒃ ᒍᓯᑉ ᑲ ᐅᑎᔅᑯᑲᐳᔅᑐᐛᑦ ᐊᓂᔭ ᒋᓴᐅᒋᒪᐛ ᐸᕈᐤ ᑲ ᐃᓯᓂᐧᑲᑕᑭᓄᔨᒋ ᐊᓐᑕ ᐃᒋᑉᑎᒡ ᑲ ᑕᔨᒋ, ᒋᓴᒪᓂᑐᐛ ᒋ ᒥᔨᑯᐤ ᒍᓯᑉ ᑭᒐᑕᐛᔨᑎᒧᐅᓂᔪᐤ ᑭᔭ ᒋ ᐃᑐᑕᑯᐤ ᒐᒋ ᒥᔽᔨᑕᑯᓯᑦ᙮ ᒋ ᒥᔽᔨᒥᑯᐤ ᒪᒃ ᐸᕈᐛ, ᐊᑯ ᑲ ᐅᒋᒪᐅᐧᑲᑎᑯᑦ ᐊᓐᑕ ᐊᓂᔭ ᐅᑕᓇᔪᐤ ᐃᒋᑉᑎᒡ ᑲ ᐅᒋᒪᐅᔨᒋ ᑭᔭ ᐊᓂᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᒋ ᒥᔨᑯᐤ ᒐᒋ ᓂᓇᑭᑐᐛᐸᑕᐧᒃ᙮”

1 ᑯᕆᓐᑎᔭᓇ 12:8

ᐊᐅᒄ ᒪᒃ ᐅ ᑲ ᐸᔭᒋᓯᑦ ᐊᒐᐧᒄ ᒪᔭᑦ ᐱᔅᒐ ᐊᐛᔪᐛ ᒐᒋ ᐛᐎᑎᒥᔨᒋ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ, ᐊᑯ ᑯᑎᑲ ᒪᔭᑦ ᒐᒋ ᐎᑎᒪᒐᔨᒋ ᑕᓐ ᐛ ᐃᓯ ᒋᔅᒐᔨᑎᒥᐊᔨᒋ ᒋᓴᒪᓂᑐᐛ ᐊᐛᔪᐛ᙮

ᐱᓕᐱᔭᓇ 4:8

ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐊ ᒥᓯᓇᐊᒪᑎᑯᒡ, ᐸᐃᒄ ᒥᓐ ᒐᒂᓐ ᒋᑭ ᐎᑎᒪᑎᓇᐛᐤ, ᓱᒃ ᒧᓯᓇᐤ ᒪᒥᑐᓇᔨᑎᒧᒄ ᐊᓂᔭᔪᐛ ᒐᒂᔪᐛ ᑲ ᒥᔽᓯᔨᒋ, ᐊᓂᔭᔪᐛ ᑲ ᒪᒥᒋᐃᐛᒋ, ᒧᔭᒻ ᒐᒂᓐ ᐊ ᑯᐃᔅᑯᓇᒂᒡ, ᒐᒂᓐ ᐊ ᒋᔅᑕᔨᑕᒂᒡ, ᑭᔭ ᑯᐃᔅᒄ ᐃᑐᐅᓐ, ᐸᔭᒋ ᐱᒪᑎᓯᐅᓐ, ᒐᒂᓐ ᐊ ᓇᐊᔨᑎᒥᐃᐛᒡ ᑭᔭ ᒐᒂᓐ ᐊ ᒥᔪ ᐛᐎᑕᑭᓄᐅᒡ᙮

ᑯᓚᓯᔭᓇ 1:9

ᐃᔅᐱ ᒪᒃ ᑲ ᐸᒋ ᐃᑕᒋᒧᔅᑕᑯᐅᔭᒡ ᐊᐸᑉᕋᔅ ᒥᓯᐛ ᐅᔭ ᑕᓐ ᑲ ᐃᓯ ᒋᔅᒐᔨᑎᒥᐃᑕᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᒧᔅ ᒋᑦ ᐊᔭᒥᐊᔅᑎᒪᑎᓇᓐ᙮ ᓇᒪ ᓂ ᐳᓂᓇᓐ ᐊ ᐊᔭᒥᐊᔅᑎᒪᑕᒡ᙮ ᒧᔅ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᓇᔅᒡ ᒐᒋ ᒋᔅᒐᔨᑎᒺᒄ ᐅᑦ ᐃᑕᔨᑎᒧᐅᓐ᙮ ᓇᔅᒡ ᒐᒋ ᐊᔭᔭᒄ ᑭᒐᑕᐛᔨᑎᒧᐅᓐ ᑭᔭ ᓂᔅᑐᑎᒧᐅᓐ ᑕᓐ ᐊᓂᔭᔪᐛ ᐊ ᐃᓯ ᒥᔨᐛᑦ ᐸᔭᒋ ᐊᒐᐧᒄ ᒐᒋ ᒋᔅᒐᔨᑎᒪᒄ ᐅ᙮

1 ᑎᒧᑎ 4:15

ᓂᓇᑭᑐᐛᔨᑎᒥᐃᑯᐤ ᒧᔅ ᒐᒋ ᐃᑐᑎᒥᓐ ᐅ ᑲ ᐃᓯ ᐊᔨᒧᑎᒪᑕᓐ ᑭᔭ ᒐᒋ ᐛᐸᑕᒡ ᒥᓯᐛ ᐊᐛᓐᒋ ᑕᓐ ᐊ ᐃᓯ ᐊᔭᔅᒃ ᑭᔅᒋᐅᔨᓐ ᐊ ᐊᑐᔅᑯᐅᑦ ᒋᓴᒪᓂᑐᐤ᙮

2 ᑎᒧᑎ 2:6

ᑭᔭ ᓂᑕᐅᒋᒐᓱᐤ ᓱᒃ ᑲ ᐊᑐᔅᒐᑦ ᐃᑕᔨᑕᑯᓂᔪᐤ ᐎᔾ ᓂᔅᑎᒻ ᒐᒋ ᐸᒂᓂᒪᓱᑦ ᐊᓂᔭ ᑕᓐ ᑲ ᐃᓯ ᓂᑕᐅᒋᑕᑦ᙮

2 ᑎᒧᑎ 2:8

ᒧᔅ ᑭᔭ ᒐ ᒋᔅᒋᓯᔨᓐ ᑕᓐ ᑲ ᐃᓯ ᐛᐎᑎᒪᓐ ᒥᔽᒋᒧᐅᓐ ᐊ ᐊᔨᒧᒥᒃ ᒋᓴᔅ ᙭ ᐊᒋ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ ᑭᔭ ᑎᐱᑕ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᑦ᙮

ᐃᑉᕈᐛ 12:3

ᒪᒥᑐᓇᔨᒪᐧᒄ ᒪ ᒋᓴᔅ ᑕᓐ ᑲ ᐃᔅᐱᔅ ᒋ ᓂᓇᐧᑲᑕᔨᒧᑦ᙮ ᒋ ᐛᐧᑲᑎᑯᐤ ᐊᓂᔭ ᑲ ᒥᒐᑎᓯᔨᒋ᙮ ᒪᒥᑐᓇᔨᒪᐧᒄ ᒋᓴᔅ ᑭᔭ ᒐ ᓱᒋᑲᐳᐅᔭᒄ, ᓇᒪ ᒋᑭ ᐅᒋ ᐎ ᓄᑎᐳᓂᓇᐛᐤ ᐊ ᑕᑈᑎᒪᒄ᙮

ᐃᑉᕈᐛ 13:7

ᒥᓐ ᑯᑎᒡ ᒐᒂᓐ, ᒪᒥᑐᓇᔨᒪᐧᑯᒡ ᒪ ᐊᓐᒡ ᒪᐅᒡ ᓂᔅᑎᒻ ᑲ ᐛᐎᑎᒪᑕᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮ ᒪᒥᑐᓇᔨᒪᐧᑯᒡ ᑕᓐ ᑲ ᐃᑕᑎᓯᒡ ᑭᔭ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᔭᔨᒪᒡ ᒋᓴᓴ᙮ ᐊᐅᑯᓐ ᐊᓐ ᒐ ᐎ ᐎᒋᐃᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᑕᑈᑕᒡ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

ᐃᑉᕈᐛ 7:4

ᒪᒥᑐᓇᔨᒪᑕᐤ ᐊᓐ ᐊ ᐃᔅᐱᔅ ᒋᔅᑕᔨᑕᑯᓯᑦ ᐅ ᒪᓪᑭᓴᑕᒃ᙮ ᐊᑎ ᑲ ᐃᔅᐱᔅ ᒋᔅᑕᔨᑕᑯᓯᑦ ᐊᓂᔭ ᒍᑕᐎᓄᐤ ᐊᑉᕋᐊᒻ ᐃᔭᐱᒡ ᒋ ᒥᔭᐤ ᒪᓪᑭᓴᑕᑲ ᐱᔅᒐ ᐊᓂᔭ ᑕᓐ ᐎᔾ ᑲ ᐃᓯ ᐎᐧᑯᒋᑕᑦ᙮

ᒋᒥᔅ ᐅᒥᓯᓇᐊᒪᒐᐅᓐ 1:5

ᐊ ᑕᒂ ᐊᐛᓐ ᐊᑲ ᒋᔅᒐᔨᑕᐧᒃ ᑕᓐ ᐊᓐ ᒐ ᐃᓯᑲᐳᔅᑕᐧᒃ ᒐᒂᔪᐤ ᐊ ᓂᒋᔅᑲᐧᒃ ᒋᓴᒪᓂᑐᐛ ᒋᐸ ᓂᑐᑎᒧᐛᐤ ᑭᒐᑕᐛᔨᑎᒧᐅᓂᔪᐤ᙮ ᒋᑭ ᒥᔨᑯᐤ ᒪᒃ᙮ ᐛᔅ ᒋᓴᒪᓂᑐᐤ ᐛᔪᐅᒡ ᒥᔭᐤ ᒥᓯᐛ ᐊᐛᔪᐛ ᑕᓐ ᐊ ᐃᓯ ᓂᑐᐛᔨᑎᒪᑯᑦ ᒐᒂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 3:15

ᓇᒪ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ ᐅ ᑲ ᐃᑕᔨᑕᒂᒡ ᑭᒐᑕᐛᔨᑎᒧᐅᓐ, ᐅᑕ ᐊᔅᒋᒡ ᐅᒋᒥᑭᓐ, ᓇᐸᐤ ᐅᔭ ᐅᑭᒐᑕᐛᔨᑎᒧᐅᓐ, ᒥᒋᒥᓂᑐᐤ ᐊ ᑕᑦ ᐅᒋᐱᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 3:17

ᐊᓐ ᒪᒃ ᑭᒐᑕᐛᔨᑎᒧᐅᓐ ᐃᔅᐱᒥᒡ ᑲ ᐅᒋᐱᔨᒡ ᓂᔅᑎᒻ ᓇᔅᒡ ᐸᔭᐧᑭᓐ, ᐊᑯ ᒥᓐ ᐊ ᒋᔭᒪᔨᑕᑯᐃᐛᒥᑲᒡ, ᔪᔅᐸᔨᑕᑯᐃᐛᒥᑲᒡ, ᑭᔭ ᐃᑐᑕᑯᐤ ᐊᐛᓐ ᐃᔭᒂ ᒐᒋ ᓂᑐᑐᐛᑦ ᐊᐛᔪᐛ᙮ ᐊᐛᓐ ᐊ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᑭ ᐛᔪᒡ ᒋᓴᐛᑐᑐᐛᐤ ᐊᐛᔪᐛ ᑭᔭ ᒥᔅᑎ ᒋᑭ ᒥᔪᑐᑎᒪᒐᐤ, ᐸᐃᑯᓄᒡ ᒋᑭ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᑭᑲᑕᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮