2 ᑎᒧᑎ 2:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓱᒃ ᐎ ᓯᐱᔪᐛᓯ ᐊ ᐊᔨᒧᐎᔨᓐ ᒧᔭᒻ ᙭ ᒋᓴᔅ ᐅᒥᔪᐤ ᒪᓯᒐᐤ ᐃᔨᒪ ᐊ ᐃᑎᔨᒋ᙮

2 ᑎᒧᑎ 2:3 Iomraidhean Croise

ᐊᑈᔅᑕᓇᒡ 23:31

ᐊᑯᓐ ᑭᑈ ᑲ ᐃᑎᒡ ᐊᓐᒡ ᐊᓯᒪᑭᓂᓯᒡ ᐊᓂᔭ ᑲ ᐃᑎᓱᒪᑭᓄᐎᒡ᙮ ᒋ ᓂᑐᐛᐱᒪᐅᒡ ᑈᓚ ᐊᓂᔭ ᑕᐱᔅᑲᔨᒡ, ᐊᑯ ᒂ ᔅᑐᑕᐊᒡ᙮ ᐊᓐᑎᐸᑦᕆᔅ ᒪᒃ ᑲ ᐃᓯᓂᐧᑲᑕᔨᒋ ᐅᑕᓇᔪᐤ ᒋ ᐃᔅᐱᔅ ᐃᑐᑕᐊᐅᒡ᙮

1 ᑯᕆᓐᑎᔭᓇ 13:7

ᐊ ᓴᒋᐊᑦ ᐊᐛᓐ ᐊᐛᔪᐛ ᒧᔅ ᒥᔽᔨᑕᑯᓯᔅᑐᐛᐤ ᒥᒄ ᑕᓐ ᐊ ᐃᑎᒂᓂᔨ᙮ ᑭᔭ ᒧᔅ ᑕᑈᐅᒐᔨᒪᐤ ᐊᓂᔭᔪᐛ ᐊᐛᔪᐛ ᑭᔭ ᒧᔅ ᑎᑯᓂᔪᐤ ᐊ ᐃᓯ ᐊᔅᐸᔨᒧᑦ ᒐᒋ ᒥᔪᐱᔨᒋ᙮ ᓇᒪ ᐳᓂᐤ ᐊ ᒥᔽᔨᑕᑯᓯᔅᑐᐛᑦ ᐊᓂᔭᔪᐛ ᐊᐛᔪᐛ᙮

1 ᑯᕆᓐᑎᔭᓇ 9:7

ᓇᒪ ᐊᐛᓐ ᓴᒐᔾ ᐊᓯᒪᑭᓂᓯᐤ ᐊᑐᔅᒐᐤ᙮ ᔭᐃᑕᔾ ᑎᐸᐊᒧᐛᑭᓄᐤ ᐊᓂᔭ ᐊ ᐃᑕᐱᑎᓯᑦ᙮ ᑭᔭ ᐊᐛᓐ ᑲ ᓂᑕᐅᒋᑕᑦ ᓇᒪᐎᔾ ᐊ ᒥᒍᐤ ᐊᓂᔭᔪᐛ ᑲ ᓂᑕᐅᒋᑕᑦ᙮ ᓇᒪ ᑭᔭ ᐊᐛᓐ ᓂᓇᑭᑐᐛᔨᒪᐤ ᒪᔭᑕᓂᓴ, ᒐ ᐊᑲ ᒋ ᐅᒋ ᒥᓄᐛᑦ ᐅᒋᒋᓇᐳᐃᒥᔪᐛ᙮

2 ᑯᕆᓐᑎᔭᓇ 1:6

ᐊᑯ ᒪᒃ ᑕᑥᐤ ᐊ ᓂᒋᔅᑭᒪᒡ ᓇᔅᒡ ᐊ ᐊᔨᒪᒡ, ᓂ ᒋᔅᒐᔨᑕᓇᓐ ᒐ ᒥᔽᔨᒧᐃᑯᔭᒄ ᐅ ᑭᔭ ᐊᑯᑕ ᒐ ᐅᒋ ᐱᒪᒋᐅᔭᒄ᙮ ᐛᔅ ᓂ ᒥᔽᔨᒧᐃᑯᐅᓇᓐ ᒋᓴᒪᓂᑐᐤ ᑭᔭ ᒋᔨᐛᐤ ᒐᒋ ᒥᔽᔨᒧᐃᑕᒡ᙮ ᒥᔽᔨᒧᐅᓐ ᒪᒃ ᐊ ᐊᔭᔭᒄ ᒋᑭ ᒋ ᓯᐱᔪᐛᓯᔅᑕᓇᐛᐤ ᑭᔭ ᒋᑭ ᒋ ᐃᓯᑲᐳᔅᑕᓇᐛᐤ ᐊᓂᔭ ᒐᒂᔪᐛ ᒧᔭᒻ ᓂᔭᓐ ᐊ ᐃᓯ ᐊᔨᒥᐃᑯᐅᔭᒡ᙮

1 ᑎᒧᑎ 1:18

ᐅ ᒪᒃ ᒋᑦ ᐃᑎᓱᒥᑎᓐ ᒋᔾ ᑎᒧᑎ ᓂᑯᔅ᙮ ᓱᐧᒃ ᐛᐎᑕ ᐅ ᒥᔽᒋᒧᐅᓐ ᐛᔅ ᐊᐅᒄ ᐅᔭ ᑲ ᐃᓯ ᐊᔨᒧᒥᔅᒡ ᒐ ᐃᑐᐅᑦ ᐊᓐᒡ ᐅᒋᔅᒋᐛᐃᒐᓱᒡ ᐃᔅᐱ ᑲ ᓂᑲᓐ ᐊᔨᒧᑕᒡ ᒋ ᐱᒪᑎᓯᐅᓂᔪᐤ᙮ ᑭᓄᐛᔨᑎᒥᐃᑯᔨᓇ ᒪᒃ ᐊᓐ ᑲ ᐃᓯ ᐊᔨᒧᑕᒡ ᒋ ᐱᒪᑎᓯᐅᓐ ᒋᑭ ᐎᒋᐃᑯᓐ ᒐᒋ ᒥᔪ ᒪᓯᒐᔨᓐ ᐊᓐᑕ ᑕᑈᑎᒧᐅᓂᒡ ᐃᔅ᙮

2 ᑎᒧᑎ 1:1

ᓂᔾ ᑈᓪ, ᑲ ᒥᓯᓇᐊᒪᑕᓐ᙮ ᒋᓴᔅ ᙭ ᐅᑦ ᐊᑈᔅᑕᓂᒪ ᓂᔾ, ᐛᔅ ᐊᐅᒄ ᐅᔭ ᑲ ᐃᓯ ᐅᑎᓂᑦ ᒋᓴᒪᓂᑐᐤ᙮ ᐎᔾ ᒋᓴᒪᓂᑐᐤ ᓂᒋ ᐃᑎᓴᐅᒄ ᒐᒋ ᐊᔨᒧᑎᒧᒡ ᐊᓂᔭ ᐱᒪᑎᓯᐅᓂᔪᐤ ᑕᓐ ᑲ ᐃᓯ ᒐᔅᑎᓇᑎᔅᑕᑦ ᒐ ᐊᔭᔨᒋ ᐊᐛᔪᐛ ᑕᑈᔭᔨᒪᔨᒐ ᒋᓴᔅ ᙭ᑕ᙮

2 ᑎᒧᑎ 1:8

ᐊᑲᐎᔾ ᒪᒃ ᒋᑭ ᐅᒋ ᓇᓂᑲᐎᔅᑎᒺᓐ ᒋᑎᐸᔨᒋᒐᓯᒥᓄᐤ ᐅᒥᔽᒋᒧᐅᓐ ᒐᒋ ᐊᔨᒧᑎᒧᑦ᙮ ᑭᔭ ᐊᑎ ᐅ ᒪᒂᒡ ᐊ ᒋᐸᐅᑯᐅᔭᓐ ᙭ ᐅᒋ ᐊᑲᐎᔾ ᒋᑭ ᐅᒋ ᓴᒂᔨᒧᓐ ᐊ ᐎᒐᐛᑭᓂᑕᑕᓐ᙮ ᐊᔭᔅᑯᐎᔅᑕ ᐃᔭᐱᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᓐ ᐊ ᐛᐎᑎᒥᓐ ᒥᔽᒋᒧᐅᓐ ᐛᔅ ᒋᑭ ᒥᔨᒄ ᒋᓴᒪᓂᑐᐤ ᒥᔅᑯᓯᐅᓂᔪᐤ᙮

2 ᑎᒧᑎ 2:10

ᐊᑯ ᒪᒃ ᐊ ᓱᒋᐱᔨᒡ ᒥᓯᐛ ᒐᒂᓐ ᒐᒋ ᓴᐧᑯᒋᑕᔭᓐ ᑕᓐ ᒐ ᐃᓯ ᓂᓇᐧᑲᒋᐃᑯᐛᓇ, ᐊ ᐱᑯᓴᔨᒧᔭᓐ ᐊᓂᔭᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐ ᐅᑦ ᐃᔨᒥᑦ ᒐ ᐊᔭᔨᒋ ᐱᒪᒋᐃᑯᓯᐅᓂᔪᐤ ᑭᔭ ᑲᒋᒡ ᒋᔅᑕᔨᑕᑯᓱᐅᓂᔪᐤ ᙭ ᒋᓴᓴ ᐊ ᑕᔨᒋ ᑲ ᐅᒋᐱᔨᒡ᙮

2 ᑎᒧᑎ 2:9

ᐛᔅ ᐊ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ᒥᒋᑐᑕᐧᒃ ᑲᒋ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮

2 ᑎᒧᑎ 3:11

ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᓐ ᑭᔭ ᑕᓐ ᑲ ᐃᓯ ᐛᐎᓯᒐᔨᑎᒪᓐ᙮ ᐛᔅ ᒥᓯᐛ ᒋ ᒋᔅᒐᔨᑕᓐ ᑕᓐ ᑲ ᐃᓯ ᐃᑐᑕᑯᐅᔭᓐ ᐊᓐᑕ ᐊᓐᑎᔭᑭᒡ, ᐊᐃᑯᓂᔭᒥᒡ ᑭᔭ ᐊᓐᑕ ᓕᔅᑐᕋᒡ᙮ ᑕᑈ ᐊᔪᐛᒡ ᒋ ᐊᒂᑕᔨᑕᑯᓐ ᑕᓐ ᑲ ᐃᓯ ᓂᒋᔅᑭᒪᓐ᙮ ᒥᒄ ᒪᒃ ᐅᑎᐸᔨᒋᒐᐤ ᐎᔾ ᓂᒋ ᐎᐧᑯᒋᐃᒄ ᒐᒋ ᓴᐳᔅᑭᒪᓐ ᒥᓯᐛ ᑕᓐ ᑲ ᐃᑐᑕᑯᐅᔭᓐ᙮

2 ᑎᒧᑎ 4:5

ᒥᒄ ᒪᒃ ᓱᐧᒃ ᓂᓇᑭᑐᐛᔨᒥᓱᐤ ᒋᔾ, ᑯᐃᔅᒄ ᒐᒋ ᐃᓯ ᒪᒥᑐᓇᔨᑎᒥᓐ ᑕᓐ ᒥᒄ ᒐ ᐃᔅᐱᔪᐅᓇ᙮ ᓯᐱᔪᐛᓯᔅᑕ ᑕᓐ ᒐ ᐃᓯ ᓂᓇᐧᑲᒋᐃᑯᐎᔨᓐ᙮ ᓱᐧᒃ ᐎᒋᐃᒡ ᑯᑎᑭᒡ ᐊ ᐛᐎᑎᒧᐅᑥᐤ ᒥᔽᒋᒧᐅᓂᔪᐤ᙮ ᑭᔭ ᓇᔅᒡ ᐃᑐᑕ ᒥᓯᐛ ᐊᓂᔭ ᑕᓐ ᑲ ᐎ ᐃᑕᐱᒋᐃᔅᒃ ᒋᓴᒪᓂᑐᐤ᙮

ᐸᐃᓕᒪᓐ 1:2

ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᒋᒡ ᑲ ᒪᒧᐤ ᐊᔭᒥᐊᒡ ᐊᐅᑯᓐᒡ ᑭᔭ ᒪᓯᓇᐊᒧᐅᒂᐤ᙮ ᒋᒥᓯᓄᐤ ᐊᐱᔭ ᑲ ᐃᓯᓂᐧᑲᓱᑦ ᑭᔭ ᐊᕐᑭᐸᔅ ᐊᐅᑯᓐᒡ ᑭᔭ ᒪᓯᓇᐊᒧᐅᒂᐤ᙮ ᑭᔭ ᐎᔾ ᐊᕐᑭᐸᔅ ᓱᒋᑲᐳᐤ ᐊ ᐊᑐᔅᑯᐛᑦ ᒋᓴᓴ ᒧᔭᒻ ᓂᔾ ᐊ ᐃᑐᐅᒡ᙮

ᐃᑉᕈᐛ 10:32

ᓱᒃ ᒪᒃ ᒪᒥᑐᓇᔨᑎᒥᐃᑯᒄ ᓂᔅᑎᒻ ᑕᓐ ᑲ ᐃᓯ ᐸᑎᒪᒄ ᐊ ᐊᔨᒧᒪᑭᓄᐅᑦ ᙭᙮ ᒪᒥᑐᓇᔨᑎᒧᒄ ᑕᓐ ᑲ ᐃᓯ ᓱᒋᑲᐳᐅᔭᒄ ᑲ ᓂᓇᐧᑲᒋᐃᑯᐅᔭᒄ ᐃᔅᐱ ᑲ ᐱᒪᒋᐅᔭᒄ᙮ ᓇᔅᒡ ᑕᑈ ᒋ ᔭᐃᑎᓐ ᒋᑕᑈᑎᒧᐅᓄᐛᐤ᙮

ᐃᑉᕈᐛ 11:27

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑕᔨᑎᒻ ᒐᒋ ᓂᑭᑕᐧᒃ ᐃᒋᑉᑦ ᐊᔅᒋᔪᐤ ᐊᑲ ᐅᒋ ᑯᔅᑕᒋᑦ, ᐊᑎ ᐊᒋ ᒥᔅᑎ ᒋᔄᓯᔨᒋ ᒋᓴᐅᒋᒪᐛ᙮ ᒧᓱᔅ ᓇᔅᒡ ᑕᑈ ᒋ ᓯᐱᔪᐛᓱᐤ ᒧᔭᒻ ᓇᔅᒡ ᐊ ᐛᐱᒪᑦ ᒋᓴᒪᓂᑐᐛ, ᐊᓂᔭ ᐊᑲ ᓂᑕ ᐅᒋ ᐛᐱᒥᑯᔨᒋ ᓇᐸᐛ ᐊᐅᑯᓐ ᑲ ᐃᓯ ᐱᒪᑎᓯᑦ ᒧᓱᔅ᙮

ᐃᑉᕈᐛ 6:15

ᒋ ᓯᐱᔪᐛᓯᐤ ᒪᒃ ᐊᑉᕋᐊᒻ ᐊ ᐊᓱᐛᐱᑦ ᒐ ᐃᔅᐱᔅ ᐃᑐᑎᒧᐛᑭᓄᐅᑦ ᐊᓂᔭ ᑲ ᐃᑕᑭᓄᐅᑦ ᒐᔅᑎᓇᔅ ᒐ ᐃᑐᑎᒧᐛᑭᓄᐅᑦ᙮ ᒐᒃ ᒥᒐᑐᐤ ᐱᐳᓇ ᑲ ᐊᓱᐛᐱᑦ᙮ ᐊᑯ ᑲ ᒥᔨᑯᑦ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 1:12

ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ᑯᒂᒋᐊᑭᓄᐅᑦ ᒋᑭ ᒥᔨᑯᐤ ᒋᓴᒪᓂᑐᐛ ᐊ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔭᔨᒋ ᐊᓂᔭ ᑲ ᓴᒋᐃᑯᑦ᙮