2 ᑎᒧᑎ 2:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐛᔅ ᒧᔭᒻ ᒪᒃ ᐊᐛᓐ ᐸᔭᒋᐃᓱᒐ ᐊ ᓂᓇᑭᑐᐛᔨᑕᐧᒃ ᒐ ᐊᑲ ᒋ ᐎᓂᐃᑯᑦ ᒥᒐᑎᓯᐅᓂᔪᐤ, ᒋᑭ ᑎᑯᓂᔪᐤ ᐊᓂᔭ ᓇᔅᒡ ᐊ ᒋᔅᑕᔨᑕᑯᓂᔨᒡ ᒐ ᐃᓯ ᐊᐱᒋᐊᑭᓄᐅᑦ, ᓇᔅᒡ ᒋᑭ ᐱᔅᑎᓂᓱᐤ ᒐᒋ ᒥᔪ ᐊᐱᒋᐃᑯᑦ ᐊᓂᔭ ᑲ ᐎ ᐊᐱᒋᐃᑯᑦ ᐊ ᐃᑐᑕᐧᒃ ᒥᒄ ᑕᓐ ᐊ ᐃᑎᓱᒥᑯᑦ᙮

2 ᑎᒧᑎ 2:21 Iomraidhean Croise

ᑎᐱᑦ ᐅᓂᑭᒧᐅᓇ 119:9

ᑕᓐᑕ ᒐᒋ ᐅᒋ ᐸᔭᒋᑕᑦ ᐅᔅᒋᓂᒋᓱᐤ ᐅᑦ ᐃᓯᑥᐅᓐ ? ᐊ ᐃᔭᒂᒥᓯᑦ ᐊ ᐃᔅᒋᔄᒥᑭᓂᔨᒡ ᒋᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 9:15

ᐊᑯ ᐊᓇᓇᔭᔅ ᒂ ᐃᑎᑯᑦ ᐅᑎᐸᔨᒋᒐᐛ, “ᐃᑐᑕ ᐃᔭᐱᒡ, ᐛᔅ ᓂᒋ ᐅᑎᓇᐤ ᓴᓪ ᒐᒋ ᐸᒋ ᐊᑐᔅᑯᐅᑦ, ᑭᔭ ᒐᒋ ᐸᒋ ᒋᔅᒐᔨᑕᑯᐃᑦ ᐊᓐᑕ ᒍᐤ ᐃᔪᐛ ᐊ ᑕᔨᒋ ᑭᔭ ᐊᓐᑕ ᐊ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒋᓴᐅᒋᒪᐛ ᐊ ᑕᔨᒋ᙮

1 ᑯᕆᓐᑎᔭᓇ 5:7

ᐊᑲᐎᔾ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᒂᒡ ᐊᓐᑕ ᐊ ᑕᔭᒄ᙮ ᐛᔅ ᒧᔭᒻ ᑲᐅᐱᔨᒡ ᐃᑕᔨᑕᑯᓐ ᒥᒋᑥᐅᓐ, ᐊᐅᒄ ᐅᔭ ᑲ ᐃᑐᑕᑯᑦ ᐸᒂᓯᑭᓐ ᒐᒋ ᐅᐱᔨᑦ ᐊᐅᑯᓐ ᒪᒃ ᒧᔭᒻ ᐊ ᐃᑐᑕᒐᒥᑲᒡ ᒥᒋᑥᐅᓐ ᐱᒪᑎᓯᐅᓂᒡ᙮ ᓇᒪ ᒋᐸ ᐅᒋ ᐊᔭᓇᐛᐤ ᒥᒋᑥᐅᓐ ᒋᐱᒪᑎᓯᐅᓄᐛᒡ ᐛᔅ ᔅᒋ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ᙮ ᐛᔅ ᙭ ᒋ ᐎᒪᔅᑲᒐᐤ ᒪᔭᑕᓂᓯᒥᓄᐤ ᒋ ᓂᐸᐊᑭᓄᐤ ᒋᔭᓄᐤ ᐅᒋ ᒐᒋ ᐱᒪᒋᐅᔭᐧᒄ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

2 ᑯᕆᓐᑎᔭᓇ 9:8

ᒋᑭ ᒋ ᐃᑐᑎᒻ ᒋᓴᒪᓂᑐᐤ ᐊᑐᐎᔅ ᒐᒋ ᐃᔅᐱᔅ ᒥᔨᑕᒄ ᑕᑥᐤ ᐊ ᓱᐛᔨᒥᑕᒄ, ᑭᔭ ᒧᔅ ᒐ ᐊᔭᔭᒄ ᑕᓐ ᒐ ᐃᓯ ᓂᑐᐛᔨᑎᒧᐛᐛᒂ᙮ ᐊᑐᐎᔅ ᒋᑭ ᐃᔅᐱᔅ ᒥᔨᑯᐛᐤ ᑯᑎᑭᒡ ᐊᐛᓐᒋ ᒐᒋ ᐎᒋᐊᑯᒡ᙮

ᐃᐱᓯᔭᓇ 2:10

ᐛᔅ ᐎᔾ ᒋᓴᒪᓂᑐᐤ ᔅᒋ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᐛᐧᒄ᙮

1 ᑎᒧᑎ 6:11

ᒋᔾ ᒪᒃ ᑎᒧᑎ, ᒋᓴᒪᓂᑐᐤ ᑲ ᐊᑐᔅᑯᐅᑦ, ᐊᑲᐎᔾ ᐊᐱᑕᔨᑕ ᐅᔭ ᒥᒋ ᒐᒂᔪᐛ᙮ ᐅᔅᑕ ᐃᑕᔨᑎᒥᐃᑯ ᑯᐃᔅᑯᑕᑎᓯᐅᓐ, ᒋᓴᒪᓂᑐᐛᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ, ᔭᐃᑕᔨᑕᑯᓱᐅᓐ, ᑭᔭ ᒋᔭᒥᓯᐅᓐ᙮

2 ᑎᒧᑎ 2:16

ᐊᑲᐎᔾ ᐃᔭᔨᒪᔨᑎᒥᐃᑯ ᓂᑎᒥᒄ ᐃᔨᒧᐅᓐ ᐊᑲ ᐊᔨᒧᒪᑭᓄᐅᑦ ᒋᓴᒪᓂᑐᐤ, ᑭᔭ ᐊᑲ ᒋᐧᑲᐛᓯᑕᒂᒡ ᒐᒂᓐ ᐊ ᐃᔭᔨᒺᐛᔪᐛᒡ ᐛᔅ ᓇᒪ ᐎᒋᐃᑯᐤ ᐊᐛᓐ ᐅᔭ ᐊ ᐃᓯ ᐃᔨᒥᓇᓄᐎᒡ᙮ ᐃᑐᑕᑯᐤ ᒥᒄ ᐊᑐᐎᔅ ᒐᒋ ᐊᔭᐛᐱᒪᑦ ᒋᓴᒪᓂᑐᐛ᙮

2 ᑎᒧᑎ 2:20

ᐊᓐᑕ ᒥᔅᑎ ᒥᒋᐛᐱᒡ ᑎᑯᓇ ᓂᓇᐧᑯᐤ ᐊ ᐃᓯᓇᒂᒋ ᐎᔭᑭᓇ᙮ ᐱᔅᒐ ᐊᓂᔭᔪᐛ ᐎᔭᑭᓇ ᐎᔄᐅᓱᓇᔭᐱᔅᑯᐅᐛ ᐊᑯ ᑯᑎᑲ ᐛᓴᔭᐱᔅᑲᐛ᙮ ᐱᔅᒐ ᒥᔅᑎᑯᒡ ᒋ ᐅᒋ ᐅᓯᑕᑭᓄᐛ ᐊᑯ ᑯᑎᑲ ᐊᓯᔅᒋᒡ᙮ ᐊᓂᔭᔪᐛ ᑲ ᓱᓇᔭᐅᔨᒋ ᓇᒪ ᓇᔅᒡ ᐊᐱᑎᓇ ᐊᑯ ᐊᓂᔭ ᐊᑲ ᓱᓇᔭᐅᔨᒋ ᐊᐅᑯᓂ ᐊᓂᔭᔪᐛ ᐊᓯᑯᒻ ᒋᓯᑲᐛ ᐃᔭᐱᒋᑕᑭᓄᐅᒋ᙮

2 ᑎᒧᑎ 3:17

ᐊᑯ ᒪᒃ ᐊᓐ ᐊᐛᓐ ᑲ ᐊᑐᔅᑯᐛᑦ ᒋᓴᒪᓂᑐᐛ ᒐ ᑕᑈᐅᓯᑦ, ᓇᔅᒡ ᐊ ᐊᔭᔅᑯᐎᑦ ᒐᒋ ᒥᔪ ᐊᑐᔅᑯᐛᑦ ᒋᓴᒪᓂᑐᐛ᙮

2 ᑎᒧᑎ 4:11

ᒥᒄ ᓗᒃ ᐊᐅᒄ ᐊ ᑕᑦ ᐅᑕ ᐊ ᑕᔭᓐ᙮ ᔭᐃᑕᔾ ᒐ ᐎ ᐸᒋ ᐎᒐᐅᑦ ᒪᕐᒃ ᑎᑯᓯᓂᔨᓇ᙮ ᓂᑐᐛᔨᒪᐤ ᒐᒋ ᐸᒋ ᐎᒋᐃᑦ ᐅᑕ ᐊ ᐊᔭᒥᐊᐤ ᐊᑐᔅᒐᐅᒡ᙮

ᑕᐃᑕᔅ 3:1

ᒋᔅᒋᓱᒥᒡ ᒋᑦ ᐃᔨᒥᒡ ᒐᒋ ᓂᑐᑐᐛᒡ ᐊᓂᔭ ᑲ ᐅᒋᒪᒥᒡ ᑭᔭ ᒐᒋ ᓂᓇᐃᑐᐛᒡ ᐊᓂᔭ ᑲ ᒋᓴᐅᒋᒪᐤ ᐊᑐᔅᒐᔨᒋ ᑭᔭ ᒧᔅ ᒐᒋ ᐊᔭᔅᑯᐎᒡ ᒐᒋ ᐊᑐᔅᒐᔅᑕᒡ ᑯᐃᔅᒄ ᐊ ᐃᓯᓇᑯᓂᔨᒡ ᐊᑐᔅᒐᐅᓂᔪᐤ᙮

ᑕᐃᑕᔅ 3:14

ᐊᓐᒡ ᒪᒃ ᒋᔭᓄᐤ ᒋᑦ ᐃᔨᒥᓄᐅᒡ ᒋᐸ ᐎ ᒋᔅᒐᔨᑎᒧᒡ ᑕᓐ ᒋᐸ ᒋ ᐃᓯ ᒥᔪ ᐊᑐᔅᒐᐅᒡ, ᐊ ᐎᒋᐊᒡ ᐊᐛᔪᐛ ᓇᔅᒡ ᐊ ᓂᑐᐛᔨᑎᒥᔨᒋ ᒐᒋ ᐎᒋᐊᑭᓄᔨᒋ᙮ ᓇᒪ ᒋᐸ ᐅᒋ ᐃᓯᓇᑯᓱᐅᒡ ᒐ ᐊᑲ ᒋ ᐎᔭᔅ ᐃᑕᐱᑎᓯᒡ᙮

ᑕᐃᑕᔅ 3:8

ᑕᑈᒥᑭᓐ ᐅ ᑲ ᐃᔅᒋᔄᔭᓐ᙮ ᒋ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ᐎᒋᐃᑯᐅᒡ ᐅᔭ ᐃᑐᑕᒂᐛ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

1 ᐱᑕᕐ 1:7

ᐛᔅ ᐊ ᓂᒋᔅᑭᒪᒄ ᒐᒂᔪᐛ ᐊ ᐊᔨᒪᒋ ᐊᑯᑕ ᐛᒋ ᒋᔅᒐᔨᑕᒂᒡ ᑕᓐ ᐊᓐ ᐊ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ᙮ ᑕᑈ ᒪᒃ ᐊ ᐃᑕᔨᑕᑯᓂᒂ ᑕᓐ ᒋᐸ ᐃᑕᔨᑕᑯᓐ, ᒋᑭ ᒥᔽᒋᒥᑯᓇᐛᐤ ᑭᔭ ᒋᑭ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮

1 ᒠᓐ 3:3

ᒥᓯᐛ ᒪᒃ ᐊᐛᓐ ᐅᔭᔪᐤ ᑲ ᐃᓯ ᐊᔅᐸᔨᒧᑦ, ᓂᓇᑭᑐᐛᔨᒥᓱᐤ ᒐᒋ ᐸᔭᒋᓯᑦ ᒧᔭᒻ ᙭ᑕ ᐊ ᐃᓯ ᐸᔭᒋᓯᔨᒋ᙮