2 ᑎᒧᑎ 2:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒋ ᓂᑭᑎᒧᒡ ᑕᑈᐅᓂᔪᐤ, ᐊᑯ ᑲ ᐃᑐᑐᐛᒡ ᐱᔅᒐ ᐊᓂᔭ ᑲ ᑕᑈᑎᒥᔨᒋ ᒐ ᐊᑲ ᒋ ᐊᑎ ᓴᐸᔨᑎᒥᔨᒋ ᐊ ᑕᑈᑎᒥᔨᒋ, ᐛᔅ ᒋ ᒋᔅᑯᑎᒪᒐᐅᒡ ᐊ ᐃᔅᒋᔄᒡ ᓴᔅ ᐊᒋ ᐅᓂᔅᑲᓇᑭᓄᔨᒋ ᑲ ᑕᑈᑎᒥᔨᒋ᙮

2 ᑎᒧᑎ 2:18 Iomraidhean Croise

ᒪᑎᔪᐤ 15:13

ᐊᑯ ᒋᓴᔅ ᐊᑕᑦ, “ᑕᑐᐤ ᐊ ᐃᑕᑎᓂᔨᒋ ᓂᑕᐅᒋᑕᑭᓇ ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑲ ᐎᔾ ᐅᒋ ᓂᑕᐅᒋᑕᑦ ᒋᑭ ᐱᐧᑯᒋᐱᑕᑭᓄᐅᔪᐛ᙮

ᒪᑎᔪᐤ 22:29

ᐊᑯ ᒋᓴᔅ ᐊᑕᑦ, “ᒋ ᐅᓂᐱᔨᓇᐛᐤ᙮ ᓇᒪ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᓇᒪ ᒋ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᒥᔅᑯᓯᐅᓐ ᐅ ᑲ ᐃᓯ ᑯᒂᒋᒥᔭᒄ᙮

ᓗᒃ 8:13

ᐊᑯ ᐊᓐ ᓂᑕᐅᒋᑕᑭᓐ ᐊᓐᑕ ᐊ ᐊᓯᓂᐅᔨᒡ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᑕᑈᑕᒡ ᑭᔭ ᓇᔅᒡ ᐊ ᒥᔽᔨᑎᒥᐃᑯᒡ᙮ ᒧᔭᒻ ᒪᒃ ᐊᓐ ᓂᑕᐅᒋᑕᑭᓇ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᑎ ᐛᐃᐱᔅᒋᔅ ᑲ ᑕᑈᑕᒡ᙮ ᐃᔅᐱᔅ ᑯᒂᒋᐃᐛᐅᓂᔪᐤ ᓇᒋᔅᑲᒡ ᐊᑯᑕ ᓴᔅ ᐱᔭᒋᓯᒡ᙮

ᐊᑈᔅᑕᓇᒡ 5:39

ᒥᒄ ᒪᒃ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᓇᒪ ᒋᑭ ᒋᐱᒐᐊᐛᐅᒡ ᐛᔅ ᒧᔭᒻ ᐎᔾ ᒋᓴᒪᓂᑐᐤ ᐊ ᓂᔅᑯᔅᑐᐛᒄ ᐊᐅᑯᓐ ᒐ ᐃᓯᓇᑯᓯᔭᒄ᙮” ᐊᐅᑯᓐ ᒂ ᐃᔅᒋᔄᑦ ᑲᒪᓕᔭᓪ᙮

1 ᑯᕆᓐᑎᔭᓇ 11:19

ᔭᐃᑕᔾ ᒂᔄᓐ ᓂᑐᐛᔨᑕᑯᓂᔨᒐ ᒐᒋ ᑎᒂᒡ ᑎᐸᓂᐱᔪᐅᓐ ᐃᔭᒄ ᒐᒋ ᓂᔅᑐᓇᑯᓯᒡ ᑕᓐ ᐊᓐᒡ ᑎᔭᑈᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮

1 ᑯᕆᓐᑎᔭᓇ 15:12

ᐅ ᒪᒃ ᐊ ᐃᓯ ᑭᒐᔅᒋᒧᔭᒡ ᐊ ᐊᔨᒧᑎᒪᒡ ᙭ ᐊᒋ ᐅᓂᔅᑲᓇᑭᓄᐅᑦ ᑲ ᓂᐱᑦ, ᑕᓐᑕ ᐱᔅᒐ ᐊᓐᑕ ᐊ ᑎᓯᔭᒄ ᐛᒋ ᐃᔅᒋᔄᔭᒄ ᐊᑲ ᑲᐤ ᒐ ᐅᒋ ᐅᓂᔅᑲᓇᑭᓄᐎᒡ ᐊᓐᒡ ᑲ ᓂᐱᒡ᙮

ᑯᓚᓯᔭᓇ 3:1

ᒋ ᒋᔅᒐᔨᑕᓇᐛᐤ ᑲ ᐅᓂᔅᑲᓇᑦ ᒋᓴᒪᓂᑐᐤ ᙭ᑕ ᓂᐳᐅᓂᒡ ᐅᒡ ᒧᔭᒻ ᑭᔭ ᒋᔨᐛᐤ ᐊᒋ ᐅᓂᔅᑲᓂᑯᐅᔭᒄ ᐊᐅᑯᓐ ᐊ ᐃᓯᓇᒂᒡ᙮ ᐊᑯ ᒪᒃ ᒧᔅ ᒋᐸ ᓇᓂᑐᐛᔨᑕᓇᐛᐤ ᐊᓂᔭᔪᐛ ᒐᒂᔪᐛ ᐃᔅᐱᒥᒡ ᐊ ᑎᒂᒋ, ᐊᓐᑕ ᐊ ᐊᐱᑦ ᙭ ᒋᓴᒪᓂᑐᐛ ᐅᒥᔪᓂᔨᒡ᙮

1 ᑎᒧᑎ 1:19

ᓱᐧᒃ ᒧᓯᓇᐤ ᑕᑈᑕ ᑭᔭ ᓱᐧᒃ ᒧᔅ ᑯᐃᔅᒄ ᐃᑎᔾ ᑭᔭ ᓇᒪ ᒋᑭ ᐅᒋ ᒪᒥᓯᒪᔨᑕᓐ ᐊᑲ ᒥᒋᑐᑎᒥᓇ᙮ ᐛᔅ ᑕᐅᒡ ᐊᓐᒡ ᓇᔅᒡ ᐊᑲ ᐊᔨᒪᔨᑎᒥᐃᑯᒡ ᑕᓐ ᒋᐸ ᐃᓯ ᐱᒪᑎᓯᐅᒡ ᑭᔭ ᒂ ᐊᑎ ᓂᓱᐅᓇᒋᑕᒡ ᐅᑕᑈᑎᒧᐅᓄᐛᐤ᙮

1 ᑎᒧᑎ 6:10

ᐛᔅ ᓱᓇᔭᐤ ᐊ ᓴᒋᑕᑭᓄᐅᒡ ᐊᑯᑕ ᐛᒋᐱᔨᒡ ᓂᓇᐧᑯᐤ ᒥᒋᑥᐅᓐ᙮ ᐛᐛᒡ ᐊᑯᑕ ᑲ ᐅᒋ ᐳᓂᒡ ᑯᑎᑭᒡ ᐊ ᑕᑈᑕᒡ ᑭᔭ ᐊᑯᑕ ᓇᔅᒡ ᐛᒋ ᒪᒥᓯᒪᔨᑎᒥᐃᓱᒡ ᑯᑎᑭᒡ᙮

1 ᑎᒧᑎ 6:21

ᐛᔅ ᐱᔅᒐ ᐅᒡ ᐅᔭ ᑲ ᐃᑕᔨᑕᑯᓯᒡ ᓂᑭᑎᒧᒡ ᐊᓂᔭ ᑲ ᐃᓯ ᒋᔅᑯᑎᒧᐛᑭᓄᐎᒡ ᒐᒋ ᑕᑈᑕᒡ᙮ ᒋᓴᒪᓂᑐᐤ ᒪᒃ ᒥᓯᐛ ᒋᑭ ᓱᐛᔨᒥᑯᐛᐤ᙮

2 ᑎᒧᑎ 2:14

ᒧᔅ ᒪᒃ ᒋᔅᒋᓱᒥᒡ ᒋᑦ ᐃᔨᒥᒡ ᐅᔭᔪᐤ ᑭᔭ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐃᔭᒂᒥᒥᒡ ᒐ ᐊᑲ ᒋ ᒪᒥᒋᐱᔨᐃᑐᒡ ᐃᔨᒧᐅᓂᔪᐤ ᐅᒋ, ᐛᔅ ᓇᒪ ᓇᔅᒡ ᒥᔪ ᐎᒋᐃᐛᒥᑭᓐ ᐅ ᐊ ᐃᑎᓇᓄᐅᒡ᙮ ᑎᑯᓂᔪᐤ ᑕᓐ ᐊ ᐃᓯ ᒥᒋᑐᑕᑯᒡ ᐊᓐᒡ ᑲ ᓂᑐᑐᐛᒡ᙮

ᑕᐃᑕᔅ 1:11

ᐃᑕᔨᑕᑯᓂᔪᐤ ᒪᒃ ᒐᒋ ᒋᐱᒋᐊᑭᓄᐎᒡ ᐅᔭ ᐊ ᐃᓯ ᐎᑎᒪᒐᒡ ᐛᔅ ᒥᒋᐱᔨᐊᐎᒡ ᐊᐛᔪᐛ ᐊ ᒋᔅᑯᑎᒧᐛᒡ ᐊᓂᔭ ᒐᒂᔪᐤ ᐊᑲ ᒋᐸ ᐅᒋ ᒋᔅᑯᑎᒧᐛᐅᒡ ᒥᒄ ᐊᓂᔭ ᐊ ᐎ ᐅᓱᓇᔭᓂᒥᐧᑲᓱᒡ ᐅᒡ᙮

ᐃᑉᕈᐛ 3:10

ᐊᑯᑕ ᒪᒃ ᐛᒋ ᒋᔄᐃᒡ ᐊᓐᒡ ᐃᔪᒡ ᐊᑯ ᑲ ᐃᔅᒋᔄᐅᒡ ᐊ ᐊᔨᒧᒥᒂᐤ, ᐅᑕᐃᐛᐛ ᒧᔅ ᐅᓄᑕᐃᑯᐅᒡ ᑭᔭ ᓇᒪ ᓂ ᐎ ᓂᓇᐃᑕᑯᒡ ᑕᓐ ᐊ ᐃᑎᒂᐤ᙮

ᒋᒥᔅ ᐅᒥᓯᓇᐊᒪᒐᐅᓐ 5:19

ᓂᐧᑲᓂᓯᑐᒄ, ᐸᐃᒄ ᐊᓐᑕ ᐊ ᑎᓯᔭᒄ ᒋᐛᑲᐳᔅᑕᒐ ᑕᑈᐅᓂᔪᐤ, ᐎᒋᐃᑯᒐ ᒪᒃ ᐊᐛᔪᐛ ᒥᓐ ᒐᒋ ᑕᑈᑕᐧᒃ,

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮