2 ᑎᒧᑎ 2:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑲᐎᔾ ᐃᔭᔨᒪᔨᑎᒥᐃᑯ ᓂᑎᒥᒄ ᐃᔨᒧᐅᓐ ᐊᑲ ᐊᔨᒧᒪᑭᓄᐅᑦ ᒋᓴᒪᓂᑐᐤ, ᑭᔭ ᐊᑲ ᒋᐧᑲᐛᓯᑕᒂᒡ ᒐᒂᓐ ᐊ ᐃᔭᔨᒺᐛᔪᐛᒡ ᐛᔅ ᓇᒪ ᐎᒋᐃᑯᐤ ᐊᐛᓐ ᐅᔭ ᐊ ᐃᓯ ᐃᔨᒥᓇᓄᐎᒡ᙮ ᐃᑐᑕᑯᐤ ᒥᒄ ᐊᑐᐎᔅ ᒐᒋ ᐊᔭᐛᐱᒪᑦ ᒋᓴᒪᓂᑐᐛ᙮

2 ᑎᒧᑎ 2:16 Iomraidhean Croise

1 ᑯᕆᓐᑎᔭᓇ 15:33

ᐊᑲᐎᔾ ᒋᑭ ᐅᒋ ᐎᔭᓯᒥᑯᓇᐛᐤ᙮ ᑕᑈᒥᑭᓐ ᐊᓐ ᑲ ᐃᓇᓄᐅᒡ, “ᐊᓐᒡ ᑲ ᒥᒐᑎᓯᒡ ᐊᐛᓐᒋ ᐊ ᐱᐸᐎᒐᐛᑭᓄᐎᒡ ᐊᑯᑕ ᐛᒋᐱᔨᒡ ᓂᑎᒥᒄ ᐊ ᐃᑎᓇᓄᐅᒡ᙮”

1 ᑯᕆᓐᑎᔭᓇ 5:6

ᓇᒪ ᓇᔅᒡ ᐃᓯᓇᑯᓐ ᒋᒋᐛ ᒐᒋ ᐃᑕᔨᒥᓱᔭᒄ᙮ ᒋ ᒋᔅᒐᔨᑕᓇᐛᐤ ᐊᐱᓯᔅ ᑲᐅᐱᔨᒡ ᐊ ᐱᔅᑎᓂᑭᓄᐅᒡ ᐸᒂᓯᑭᓂᒡ ᒥᓯᐛ ᐊ ᐃᔅᐱᑎᑦ ᐊᓐ ᐸᒂᓯᑭᓐ ᐅᐱᔪᐤ᙮

1 ᑎᒧᑎ 1:9

ᐅ ᒪᒃ ᐎ ᓂᔅᑐᑎᒧᒄ, ᑕᐸ ᓇᒪᔭᐤ ᐅᑯᐃᔅᑯᑕᑎᓯᐤ ᑲ ᐅᓯᑎᒧᐛᑭᓄᐅᑦ ᐅᔭ ᐎᓱᐛᐅᓂᔪᐤ᙮ ᐊᓐᒡ ᐛᔅ ᐊᓐ ᐊᑲ ᓇᔅᒡ ᐊᐱᑕᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓐᒡ ᐊᑲ ᓇᔅᒡ ᓂᓇᐃᑎᒺᒡ ᑭᔭ ᐊᓐᒡ ᐊᑲ ᓇᔅᒡ ᒋᔅᒐᔨᑕᒡ ᑕᓐ ᒋᐸ ᐃᓯ ᓂᓇᑭᑐᐛᔨᑎᒥᐃᑯᐅᒡ ᐅᐱᒪᑎᓯᐅᓄᐛᐛ ᐊᐅᑯᓐᒡ ᐅᒡ ᑲ ᐅᓯᑎᒧᐛᑭᓄᐎᒡ ᐅᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᓇᔅᒡ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᑭᔭ ᐊᓐᒡ ᓇᔅᒡ ᑲ ᒥᒋᐱᒪᑎᓯᒡ ᐊᐅᑯᓐᒡ ᐅᒡ ᑲ ᐅᓯᑎᒧᐛᑭᓄᐎᒡ ᐊᓂᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᐸᔭᒋ ᐱᒪᑎᓯᒡ ᐅᑦ ᐊᒐᐧᑯᐛᒡ ᑭᔭ ᐊᓐᒡ ᐊᑲ ᓇᔅᒡ ᐊᔭᒥᐊᐛᑎᓯᒡ ᑭᔭ ᐊᓐᒡ ᑲ ᓂᐸᐊᒡ ᐅᑕᐎᐛᐛ ᑭᔭ ᐅᑲᐎᐛᐛ ᑭᔭ ᐊᓐᒡ ᑲ ᓂᐸᐃᐛᒡ,

1 ᑎᒧᑎ 4:7

ᐊᑲᐎᔾ ᐊᐱᒋᑕ ᐊᓂᔭ ᐊᑲ ᒐᒂᓐ ᐃᑕᐱᑎᔨᒋ ᓂᑐᐎᔾ ᑎᐸᒋᒧᐅᓇ ᐊ ᑭᒐᔅᒋᒧᔨᓐ ᒪᒃ ᐊ ᒋᔅᑯᑎᒪᒐᔨᓐ ᒧᔭᒻ ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐃᑕᐸᒋᑕᔨᓐ᙮ ᐅᔅᑕ ᐎ ᒋᔅᑯᑎᒪᓱ ᑕᓐᑕ ᐊᑐᐎᔅ ᒐᒋ ᐅᒋ ᓂᓇᐊᔨᑎᒥᐃᑦ ᒋᓴᒪᓂᑐᐤ᙮

1 ᑎᒧᑎ 6:20

ᒋᔾ ᑎᒧᑎ ᓂᓇᑭᑐᐛᔨᑕ ᑕᓐ ᑲ ᐃᓯ ᒥᔨᔅᒃ ᒋᓴᒪᓂᑐᐤ ᒐᒋ ᐃᑕᐱᑎᓯᐅᑦ᙮ ᐊᑲᐎᔾ ᐎᒋᐃᔨᒡ ᐊᓐᒡ ᑲ ᐊᔭᔨᒺᐛᐃᑯᒡ ᒐᒂᔪᐛ ᐊᑲ ᐎᒋᐃᐛᒥᑭᓂᔨᒋ ᐊᓐᑕ ᐃᔅ ᐊ ᒋᓴᒪᓂᑐᐛᑎᓯᓇᓄᐎᒡ᙮ ᐊᑲᐎᔾ ᐊᐱᓯᑐᐅᒡ ᐊᓐᒡ ᑲ ᐃᑎᑕᑯᓯᒡ ᒧᔭᒻ ᓇᔅᒡ ᒥᔅᑎ ᐊ ᒋᔅᒐᔨᑕᒡ ᒐᒂᔪᐤ ᐊᑲ ᒪᒃ ᐊᓐ ᒧᔭᒻ ᐃᓯ ᑭᒐᔅᒐᔨᑕᒡ᙮

2 ᑎᒧᑎ 2:14

ᒧᔅ ᒪᒃ ᒋᔅᒋᓱᒥᒡ ᒋᑦ ᐃᔨᒥᒡ ᐅᔭᔪᐤ ᑭᔭ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐃᔭᒂᒥᒥᒡ ᒐ ᐊᑲ ᒋ ᒪᒥᒋᐱᔨᐃᑐᒡ ᐃᔨᒧᐅᓂᔪᐤ ᐅᒋ, ᐛᔅ ᓇᒪ ᓇᔅᒡ ᒥᔪ ᐎᒋᐃᐛᒥᑭᓐ ᐅ ᐊ ᐃᑎᓇᓄᐅᒡ᙮ ᑎᑯᓂᔪᐤ ᑕᓐ ᐊ ᐃᓯ ᒥᒋᑐᑕᑯᒡ ᐊᓐᒡ ᑲ ᓂᑐᑐᐛᒡ᙮

2 ᑎᒧᑎ 2:21

ᐛᔅ ᒧᔭᒻ ᒪᒃ ᐊᐛᓐ ᐸᔭᒋᐃᓱᒐ ᐊ ᓂᓇᑭᑐᐛᔨᑕᐧᒃ ᒐ ᐊᑲ ᒋ ᐎᓂᐃᑯᑦ ᒥᒐᑎᓯᐅᓂᔪᐤ, ᒋᑭ ᑎᑯᓂᔪᐤ ᐊᓂᔭ ᓇᔅᒡ ᐊ ᒋᔅᑕᔨᑕᑯᓂᔨᒡ ᒐ ᐃᓯ ᐊᐱᒋᐊᑭᓄᐅᑦ, ᓇᔅᒡ ᒋᑭ ᐱᔅᑎᓂᓱᐤ ᒐᒋ ᒥᔪ ᐊᐱᒋᐃᑯᑦ ᐊᓂᔭ ᑲ ᐎ ᐊᐱᒋᐃᑯᑦ ᐊ ᐃᑐᑕᐧᒃ ᒥᒄ ᑕᓐ ᐊ ᐃᑎᓱᒥᑯᑦ᙮

2 ᑎᒧᑎ 3:13

ᐊᑯ ᐊᓐᒡ ᑲ ᒥᒐᑎᓯᒡ ᑭᔭ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᐊᔭᔅᒃ ᐊᑐᐎᔅ ᒋᑭ ᐃᑕᔨᑕᑯᓱᐅᒡ, ᐊ ᐎᔭᓯᒪᒡ ᐊᐛᔪᐛ ᑭᔭ ᐎᔨᐛᐤ ᐊ ᐎᔭᓯᒪᑭᓄᐎᒡ᙮

ᑕᐃᑕᔅ 1:11

ᐃᑕᔨᑕᑯᓂᔪᐤ ᒪᒃ ᒐᒋ ᒋᐱᒋᐊᑭᓄᐎᒡ ᐅᔭ ᐊ ᐃᓯ ᐎᑎᒪᒐᒡ ᐛᔅ ᒥᒋᐱᔨᐊᐎᒡ ᐊᐛᔪᐛ ᐊ ᒋᔅᑯᑎᒧᐛᒡ ᐊᓂᔭ ᒐᒂᔪᐤ ᐊᑲ ᒋᐸ ᐅᒋ ᒋᔅᑯᑎᒧᐛᐅᒡ ᒥᒄ ᐊᓂᔭ ᐊ ᐎ ᐅᓱᓇᔭᓂᒥᐧᑲᓱᒡ ᐅᒡ᙮

ᑕᐃᑕᔅ 1:14

ᐊᑲ ᒋᒋᐛ ᒐᒋ ᐃᑕᔨᑎᒥᐃᑯᒡ ᐊᓂᔭ ᒍᐤ ᐃᔪᐤ ᑎᐸᒋᒧᐅᓇ ᑭᔭ ᒐ ᐊᑲ ᒋ ᓂᑐᑐᐛᒡ ᐊᓂᔭ ᐊᐛᔪᐛ ᑲ ᐊᓏᑎᒥᔨᒋ ᑕᑈᐅᓂᔪᐤ᙮

ᑕᐃᑕᔅ 3:9

ᑕᐅᒡ ᐊᐛᓐᒋ ᐊ ᒥᒋᐱᔨᒡ ᐊ ᐊᔨᒧᑕᒡ ᒍᐤ ᐃᔪᐤ ᐎᓱᐛᐅᓇ ᑕᓐ ᐊᓂᔭᔪᐛ ᒋᐸ ᑭᓄᐛᔨᑕᑭᓄᐅᔪᐛ ᑭᔭ ᐊ ᐊᔨᒧᑕᒡ ᑕᓐ ᐊ ᐃᑎᔅᑲᑐᔨᒋ ᐅᑦ ᐊᓂᔅᒐ ᐛᐧᑯᒪᑭᓄᐛᐛ᙮ ᐊᑲᐎᔾ ᐊᐱᑕᔨᑎᒧᒄ ᒐᒋ ᐊᔨᒧᑎᒪᒄ ᐅᔭ ᒐᒂᔪᐛ ᐛᔅ ᑕᐸ ᐎᔭᔅ ᐃᑕᐱᑎᓇ ᑭᔭ ᓇᒪ ᓇᔅᒡ ᐎᒋᐃᑯᐅᒡ ᐊᐛᓐᒋ᙮

ᐃᑉᕈᐛ 12:15

ᓂᓇᑭᑐᐛᔨᒥᑐᒄ ᐊᑲ ᐛᒋ ᐸᐃᒄ ᐊᓐᑕ ᐊ ᑎᓯᔭᒄ ᒐᒋ ᓄᑕᔅᑲᐧᒃ ᒋᓴᒪᓂᑐᐛ ᐅᒥᔨᐛᐅᓂᔪᐤ ᑲ ᐱᒪᒋᐃᐛᒥᑭᓂᔨᒡ᙮ ᑭᔭ ᐃᔭᒂᒥᒄ ᐊᑲ ᐊᐛᓐ ᐊᓐᑕ ᐊ ᑎᓯᔭᒄ ᒧᔭᒻ ᒥᒋ ᐅᑎᐱᔾ ᒐᒋ ᐃᓯ ᓂᑕᐅᒋᑦ᙮ ᐛᔅ ᐃᑕᑥᐛ ᐅᔭ ᐊ ᐃᓯᓇᑯᓯᒡ ᒥᒐᑦ ᐊᐛᔪᐛ ᒋᑭ ᒥᒋᐱᔭᐅᒡ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮

2 ᐱᑕᕐ 2:2

ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮

ᒋᔅᒐᔨᑕᑯᑕᒐᐅᓐ 13:14

ᐊᓐᒡ ᒪᒃ ᐊᐛᓐᒋ ᐊᓐᑕ ᐊᔅᒋᒡ ᐊ ᑕᒡ ᒋ ᐎᔭᓯᐃᑯᐅᒡ ᐅᔭ ᑲ ᐃᓯ ᐱᔅᑎᓇᑭᓄᔨᒋ ᐅᔭ ᒥᒋ ᐊᐛᓯᓴ ᒐᒋ ᒪᒥᔅᑲᒡ ᑎᔨᒋ ᐊ ᑭᓄᐛᐱᒥᑯᔨᒋ ᐊᓂᔭ ᑯᑎᑲ ᒥᒋ ᐊᐛᓯᓴ᙮ ᐊᓐᒡ ᐊᐛᓐᒋ ᐊᔅᒋᒡ ᑲ ᑕᒡ ᒋ ᐃᑎᑯᐅᒡ ᐊᓂᔭ ᓂᓱ ᐊ ᑕᔨᒋ ᒥᒋ ᐊᐛᓯᓴ ᒐᒋ ᐅᓯᐊᒡ ᒥᓂᑐᐧᑲᓇ ᐊ ᒋᔅᑕᔨᑕᑯᐊᒡ ᐊᓂᔭ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑎᑯᔨᒋ ᓂᑐᐱᔪᐅ-ᒧᐧᑯᒪᓂᔪᐤ ᒥᒄ ᒪᒃ ᐃᔭᐱᒡ ᐊᒋ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 13:3

ᐸᐃᒄ ᐊᓂᔭ ᐅᔅᑎᒂᓐ ᐊᓐ ᒥᒋ ᐊᐛᓯᔅ ᒧᔭᒻ ᐊᒋ ᒥᔄᑭᓂᐧᑲᑕᑭᓄᐎᒡ ᒋ ᐃᓯᓇᑯᓂᔪᐤ᙮ ᒥᒄ ᒪᒃ ᓴᔅ ᒋ ᒥᔽᔪᐤ᙮ ᒥᓯᐛ ᒪᒃ ᐊᓐᒡ ᐊᔅᒋᒡ ᐊ ᑕᒡ ᒋ ᒪᒥᔅᑲᑕᔨᒪᐅᒡ ᐊᓂᔭ ᒥᒋ ᐊᐛᓯᓴ ᑭᔭ ᒋ ᓇᓴᐛᐅᒡ᙮