2 ᑎᒧᑎ 2:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒧᔅ ᒪᒃ ᒋᔅᒋᓱᒥᒡ ᒋᑦ ᐃᔨᒥᒡ ᐅᔭᔪᐤ ᑭᔭ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐃᔭᒂᒥᒥᒡ ᒐ ᐊᑲ ᒋ ᒪᒥᒋᐱᔨᐃᑐᒡ ᐃᔨᒧᐅᓂᔪᐤ ᐅᒋ, ᐛᔅ ᓇᒪ ᓇᔅᒡ ᒥᔪ ᐎᒋᐃᐛᒥᑭᓐ ᐅ ᐊ ᐃᑎᓇᓄᐅᒡ᙮ ᑎᑯᓂᔪᐤ ᑕᓐ ᐊ ᐃᓯ ᒥᒋᑐᑕᑯᒡ ᐊᓐᒡ ᑲ ᓂᑐᑐᐛᒡ᙮

2 ᑎᒧᑎ 2:14 Iomraidhean Croise

ᒪᑎᔪᐤ 16:26

ᐊᑯ ᒪᒃ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ, ᐳᓂᐱᒪᑎᓯᒐ ᒪᒃ ᑕᓐᑕ ᒐᒋ ᐅᒋ ᐎᒋᐃᑯᑦ ᐊᑎ ᒋ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ, ᐎᔾ ᑕᓐ ᑲ ᐃᓯ ᓂᑐᐛᔨᑕᐧᒃ ᒐᒋ ᐃᓯ ᐊᔭᑦ ? ᓇᒪ ᒋᑭ ᐅᒋ ᒥᔭᑭᓄᐤ ᐎᔾ ᐱᒪᑎᓯᐅᓂᔪᐤ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᒄ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ ?

ᐊᑈᔅᑕᓇᒡ 13:10

ᐊᑯ ᒂ ᐃᑕᑦ, “ᒧᔭᒻ ᒥᒋᒥᓂᑐᐤ ᐅᑦ ᐊᐛᓯᒪ ᐊ ᐃᑕᔨᑕᑯᓯᔨᓐ, ᐊ ᐛᐧᑲᑎᒥᓐ ᒥᓯᐛ ᑯᐃᔅᑯᑕᑎᓯᐅᓐ᙮ ᐊᑯᓐ ᐊᑯ ᐃᔅᐱᔅ ᐎᔭᓯᐃᐛ ᑭᔭ ᐳᓂ ᐊᑯ ᐊ ᐎ ᓂᓱᐅᓇᒋᑕᐅᑦ ᐊᓂᔭ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ ᒐᒋ ᐃᑕᑎᓯᓇᓄᐎᒡ᙮

ᐊᑈᔅᑕᓇᒡ 15:24

ᓂ ᒋᔅᒐᔨᒪᓇᓂᒡ ᐱᔅᒐ ᓇᐸᐅᒡ ᐅᑕ ᐊ ᐅᒋᔭᒡ ᐊ ᐅᒋᒡ ᐊᒋ ᓂᑐᐛᐱᒥᑕᑯᒡ ᑭᔭ ᐊᒋ ᒋᔅᑯᑎᒪᑕᑯᒡ ᒐᒂᔪᐤ ᒐᒋ ᐅᒋ ᐊᔨᒪᔨᑎᒪᒄ᙮ ᓇᒪ ᒪᒃ ᓂᔭᓐ ᓂ ᐅᒋ ᐃᑎᓱᒪᓇᓂᒡ ᐊᓂᔭ ᑲ ᐃᑎᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:1

ᐊᑲᐎᔾ ᐊᑐᐛᔨᒪᐧᒄ ᐊᓐ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ᙮ ᐊᑲᐎᔾ ᒋᑭ ᐅᒋ ᒋᐧᑲᓇᑯᐎᑐᓇᐛᐤ ᐊ ᐃᔭᔨᒧᑎᒪᒄ ᐊᓂᔭᔪᐛ ᒐᒂᔪᐛ ᐊᑲ ᐸᐃᑯᓄᒡ ᐃᑕᔨᑎᒥᐃᑯᔭᒄ᙮

ᑲᓚᓯᔭᓇ 1:7

ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮

ᐃᐱᓯᔭᓇ 4:17

ᐅ ᒪ ᒋ ᐊᑎ ᐃᓯ ᐎᑎᒪᑎᓇᐛᐤ ᐅᑎᐸᔨᒋᒐᐤ ᐃᔅ ᐊ ᑕᑦ ᐊ ᐃᔭᒂᒥᑎᑯᒡ ᒐ ᐊᑲ ᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ᙮ ᐛᔅ ᐊᓂᔭ ᑕᓐ ᐊ ᐃᓯ ᒪᒥᑐᓇᔨᑕᒡ ᓇᒪ ᓇᔅᒡ ᐊᐱᑕᔨᑕᑯᓂᔪᐤ,

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

1 ᑎᒧᑎ 1:4

ᐎᑎᒧᐅᒡ ᒐ ᐊᑲ ᒋ ᐊᐱᑕᔨᑕᒡ ᐛᔅᑭᒡ ᑎᐸᒋᒧᐅᓇ ᑭᔭ ᐊᓂᔭ ᑕᓐ ᑲ ᐃᓯ ᐸᒋ ᐃᑎᔅᑲᑐᔨᒋ ᐅᐛᐧᑯᒪᑭᓄᐛᐛ ᐊᓐᑕ ᐛᔅᑭᒡ ᒧᔭᒻ ᒐᒋ ᐃᑕᔨᑕᒡ ᐅᑦ ᐊᒐᐧᑯ ᐱᒪᑎᓯᐅᓄᐛᒡ ᒐᒋ ᐎᒋᐃᑯᒡ ᐅᔭ ᒐᒂᔪᐤ᙮ ᐛᔅ ᒧᔭᒻ ᐅᔭ ᒐ ᑐᐛᒂ ᐊᑯᑕ ᒐᒋ ᐅᒋ ᒋᒋᐱᔨᒡ ᐊ ᒋᐧᑲᓇᑯᐃᑐᒡ᙮ ᑭᔭ ᐅᔭ ᐊ ᐃᑎᒡ ᓇᒪ ᓇᔅᒡ ᐎᒋᑕᐅᒡ ᑕᓐ ᒐᒋ ᐃᓯ ᐊᑐᔅᑯᐛᑭᓄᔨᒋ ᒋᓴᒪᓂᑐᐛ᙮ ᑕᑈᔭᔨᑎᒧᐅᓂᒡ ᒪᒃ ᐊᑯᑕ ᐊ ᐃᓯ ᐊᑐᔅᑯᐛᑭᓄᐅᑦ ᒋᓴᒪᓂᑐᐤ᙮

1 ᑎᒧᑎ 1:6

ᐱᔅᒐ ᒪᒃ ᐊᐛᓐᒋ ᓇᒪ ᓴᔅ ᐊᐱᑕᔨᑎᒥᐃᑯᐅᒡ ᐅᔭ ᐊ ᐃᓯ ᑯᐃᔅᑯᐱᒪᑎᓯᓇᓄᐎᒡ᙮ ᐅᔅᑕ ᐃᑕᔨᑎᒥᐃᑯᐅᒡ ᒐᒋ ᐊᔨᒧᑕᒡ ᐊᓂᔭ ᒐᒂᔪᐤ ᐊᑲ ᓇᔅᒡ ᒐᒂᔪᐤ ᐃᓯ ᐎᒋᐃᑯᒡ᙮

1 ᑎᒧᑎ 4:8

ᑎᑯᓂᔪᐤ ᑭᑈ ᑕᓐ ᐊ ᐃᓯ ᐎᒋᐃᑯᑦ ᐊᐛᓐ ᐊ ᓴᓴᐅᐱᔪᐅᑦ᙮ ᐊᑯ ᒪᒃ ᐊᓐ ᐊᐛᓐ ᓱᒃ ᒧᔅ ᑲ ᐎ ᓂᓇᐃᑎᒪᐊᑦ ᒋᓴᒪᓂᑐᐛ ᐊᔪᐅᒄ ᐅᔭ ᐊᑐᐎᔅ ᒐ ᐎᒋᐃᑯᑦ ᐊᓄᒡ ᐅᑕ ᐊ ᐱᒪᑎᓯᑦ ᑭᔭ ᐊᓐᑕ ᐃᔅ ᓂᔅᑕᒥᒡ᙮

1 ᑎᒧᑎ 5:21

ᐅ ᒪᒃ ᒋᑦ ᐃᑎᓱᒥᑎᓐ ᒋᓴᒪᓂᑐᐤ ᑭᔭ ᒋᓴᔅ ᙭ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐸᑐᐅᒡ, ᓂᓇᐃᑕ ᐅ ᑕᓐ ᑲ ᐃᑎᓱᒥᑕᓐ ᐊᓄᒡ᙮ ᒥᓯᐛ ᒐᒂᓐ ᐊ ᐃᑐᑎᒥᓐ ᓄᑯᑕ ᑕᐱᑐᐤ ᐊ ᐃᑕᔨᒥᑥᐤ ᒥᓯᐛ ᐊᐛᓐᒋ᙮

1 ᑎᒧᑎ 6:13

ᒋᓴᒪᓂᑐᐤ ᒋ ᐱᔅᑎᓂᒻ ᒥᓯᐛ ᒐᒂᔪᐤ ᑲ ᐱᒪᑎᓯᒥᑭᓂᔨᒡ᙮ ᙭ ᒋᓴᓴ ᓇᔅᒡ ᒋ ᒋᔅᒐᔨᑕᑯᐅᐤ ᐊᐛᓐ ᐎᔾ ᐊᓐᑕ ᑲ ᐅᑎᔅᑯᑲᐳᔅᑐᐛᑦ ᑈᓐᑎᔭᔅ ᑈᓚᑕ᙮ ᑕᐱᔅᑯᓐ ᒋᓴᒪᓂᑐᐤ ᑭᔭ ᙭ ᒋᓴᔅ ᐊ ᐸᑐᐅᒡ, ᐅ ᒋ ᐎ ᐃᓯ ᓯᒋᒥᑎᓐ,

2 ᑎᒧᑎ 1:6

ᐊᐅᒄ ᒪᒃ ᐅ ᐛᒋ ᐎ ᒋᔅᒋᓱᒥᑕᓐ ᓱᒃ ᒧᔅ ᒐᒋ ᐊᐱᒋᑕᐅᑦ ᐊᓂᔭ ᒥᔨᐛᐅᓂᔪᐤ ᒋᓴᒪᓂᑐᐤ ᑲ ᒥᔨᔅᒃ ᐃᔅᐱ ᑲ ᓴᒥᓂᑕᓐ ᐊ ᐊᔭᒥᐊᔅᑎᒪᑕᓐ᙮

2 ᑎᒧᑎ 2:16

ᐊᑲᐎᔾ ᐃᔭᔨᒪᔨᑎᒥᐃᑯ ᓂᑎᒥᒄ ᐃᔨᒧᐅᓐ ᐊᑲ ᐊᔨᒧᒪᑭᓄᐅᑦ ᒋᓴᒪᓂᑐᐤ, ᑭᔭ ᐊᑲ ᒋᐧᑲᐛᓯᑕᒂᒡ ᒐᒂᓐ ᐊ ᐃᔭᔨᒺᐛᔪᐛᒡ ᐛᔅ ᓇᒪ ᐎᒋᐃᑯᐤ ᐊᐛᓐ ᐅᔭ ᐊ ᐃᓯ ᐃᔨᒥᓇᓄᐎᒡ᙮ ᐃᑐᑕᑯᐤ ᒥᒄ ᐊᑐᐎᔅ ᒐᒋ ᐊᔭᐛᐱᒪᑦ ᒋᓴᒪᓂᑐᐛ᙮

2 ᑎᒧᑎ 2:23

ᐊᑲᐎᔾ ᓇᓂᑐᑕ ᓂᑎᒥᒄ ᐃᔨᒧᐅᓇ ᑭᔭ ᒋᔎ ᐃᔨᒧᐅᓐ, ᐛᔅ ᐊᑯᑕ ᐛᒋᐱᔨᒡ ᒐᒋ ᐅᒋ ᒥᒋᐱᔨᐃᑐᓇᓄᐅᒡ᙮

2 ᑎᒧᑎ 4:1

ᒋᔾ ᑎᒧᑎ, ᒋᑦ ᐃᑎᓱᒥᑎᓐ ᐅᑎᔅᑯᐤ ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐊ ᑕᑦ, ᐊᓐ ᒐ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᑲ ᓂᐱᔨᒋ, ᑭᔭ ᒥᓐ ᒐ ᑎᑯᓯᐧᒃ ᒐ ᒋᓴᐅᒋᒪᐅᑦ,

ᑕᐃᑕᔅ 3:1

ᒋᔅᒋᓱᒥᒡ ᒋᑦ ᐃᔨᒥᒡ ᒐᒋ ᓂᑐᑐᐛᒡ ᐊᓂᔭ ᑲ ᐅᒋᒪᒥᒡ ᑭᔭ ᒐᒋ ᓂᓇᐃᑐᐛᒡ ᐊᓂᔭ ᑲ ᒋᓴᐅᒋᒪᐤ ᐊᑐᔅᒐᔨᒋ ᑭᔭ ᒧᔅ ᒐᒋ ᐊᔭᔅᑯᐎᒡ ᒐᒋ ᐊᑐᔅᒐᔅᑕᒡ ᑯᐃᔅᒄ ᐊ ᐃᓯᓇᑯᓂᔨᒡ ᐊᑐᔅᒐᐅᓂᔪᐤ᙮

ᐃᑉᕈᐛ 13:9

ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮

2 ᐱᑕᕐ 1:13

ᐊᐅᑯᓐ ᑭᑈ ᑕᑈ ᐊ ᐃᓯ ᒥᔽᒡ ᒐᒋ ᐃᑐᑕᑎᑯᒡ ᓂᑦ ᐃᑕᔨᑕᓐ, ᒧᔅ ᒐᒋ ᒋᔅᒋᓱᒥᑎᑯᒡ ᐅᔭ ᒐᒂᔪᐛ ᐊᔅᒄ ᒪᒂᒡ ᐊ ᐱᒪᑎᓯᔭᓐ᙮