2 ᑎᒧᑎ 2:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒧᓯᓇᐤ ᒐ ᓯᐱᔪᐛᓯᔅᑎᒧᐛᐅᒂ ᓂᓇᐧᑲᑕᔨᒧᐅᓐ, ᒋᑭ ᐎᒋ ᑎᐸᔨᒋᒐᒪᓄᐤ᙮ ᑭᔭ ᐃᔅᒋᔄᔭᒂ ᐊᑲ ᒋᔅᒐᔨᒪᐧᒄ, ᑭᔭ ᐎᔾ ᒋᑭ ᐃᔅᒋᔄᐤ ᐊᑲ ᒋᔅᒐᔨᒥᑕᐧᒄ᙮

2 ᑎᒧᑎ 2:12 Iomraidhean Croise

ᒪᑎᔪᐤ 10:33

ᐊᑯ ᒪᒃ ᐊᐛᓐ ᐊ ᐃᑕᑦ ᐊᐛᔪᐛ ᐊᑲ ᑕᑈᔭᔨᒥᑦ ᓂᑭ ᐃᑕᐤ ᑭᔭ ᓂᔾ ᓄᑕᐎᔾ ᒋᒋᒋᓯᑯᒡ ᐊ ᑕᑦ, ᓇᒪ ᓂ ᒋᔅᒐᔨᒪᐤ᙮”

ᒪᑎᔪᐤ 26:35

ᐱᑕᕐ ᒪᒃ ᒋ ᐃᑕᐤ, “ᐊᑎ ᑭᔭ ᓂᔾ ᐎ ᓂᐸᐃᑯᔭᓇ ᐃᔅᐱ ᓂᐸᐃᑯᔨᓇ ᓇᒪ ᐃᔭᐱᒡ ᓂᑭ ᐅᒋ ᐃᔅᒋᔄᓐ ᐊᑲ ᒋᔅᒐᔨᒥᑕᓐ᙮” ᐊᑯ ᐊᓐᒡ ᑯᑎᑭᒡ ᒋᔅᒋᓄᐊᒧᐛᑭᓐᒡ ᐊᑯᓐ ᑭᔭ ᐎᔨᐛᐤ ᑲ ᐃᔅᒋᔄᒡ ᐊᓂᔭ ᑲ ᐃᔅᒋᔄᔨᒋ ᐱᑕᕋ᙮

ᒪᑎᔪᐤ 26:75

ᐊᑯ ᐱᑕᕐ ᒂ ᒋᔅᒋᓯᑦ ᑕᓐ ᑲ ᐃᑎᑯᑦ ᒋᓴᓴ, “ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ ᐊᓄᒡ ᑲ ᒋᓯᑲᒡ ᓂᔍᐤ ᒋᑭ ᐃᔅᒋᔄᓐ ᐊᑲ ᒋᔅᒐᔨᒥᔨᓐ᙮” ᐊᑯ ᒪᒃ ᒂ ᐎᐎᑦ ᒂ ᒪᑦ, ᓱᒃ ᐊ ᒪᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:33

“ᓂᑐᑎᒧᒄ ᒪ,” ᒋ ᐃᑕᐤ, “ᒋᕈᓯᓕᒥᒡ ᒋᑦ ᐃᑐᑕᓇᓄᐤ, ᐊᑯᑕ ᐅᑕ ᒐ ᒪᑯᓇᑭᓄᐅᑦ ᐃᔪᐤ ᐅᑯᓯᓴᓐ ᐊᓐᑕ ᒐᒋ ᐃᓯ ᐱᔅᑎᓇᑭᓄᐅᑦ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᐊ ᑕᔨᒋ ᑭᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐊ ᑕᔨᒋ ᒐᒋ ᑎᐸᔅᑯᓂᑯᑦ᙮ ᐊᐅᑯᓐᒡ ᐅᒡ ᒐ ᐃᑎᓱᐛᒡ ᒐᒋ ᓂᐸᐊᑭᓄᔨᒋ ᑭᔭ ᐊᓐᑕ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ ᐊᑯᑕ ᒐ ᐃᓯ ᐱᔅᑎᓇᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:38

ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”

ᓗᒃ 12:9

ᐊᑯ ᒪᒃ ᐃᑕᒐ ᐊᐛᓐ ᐊ ᐃᑕᑦ ᐊᐛᔪᐛ ᐊᑲ ᑕᑈᔭᔨᒥᑦ, ᓂᑭ ᐃᑎᒪᔪᐛ ᑭᔭ ᒋᓴᒪᓂᑐᐤ ᐅᑦ ᐊᓐᒋᓇᒪ, ‘ᓇᒪᐎᔾ ᐊᓐ ᓂᑦ ᐃᔨᒻ᙮’

ᓗᒃ 22:29

ᓄᑕᐎᔾ ᓂᒋ ᐱᔅᑎᓂᒪᒄ ᑎᐸᔨᒋᒐᐅᓂᔪᐤ ᐊᓐᑕ ᐅᒋᓴᐅᒋᒪᐅᓂᒡ, ᑭᔭ ᓂᔾ ᒐ ᐱᔅᑎᓂᒪᑎᑯᒡ

ᓗᒃ 22:30

ᒐᒋ ᐎᒋᒥᒋᓱᒥᔭᒄ ᑭᔭ ᒐᒋ ᐎᒋᒥᓂᒥᔭᒄ ᓂᒥᒋᓱᐛᑭᓇᑎᑯᒡ ᐊᓐᑕ ᓄᒋᒪᐅᓂᒡ᙮ ᒋᑭ ᐊᐱᓇᐛᐤ ᑭᔭ ᒋᔨᐛᐤ ᒋᓴᐅᒋᒪᐤ ᑕᑎᐳᐛᑭᓇ ᐊᓐᑕ ᒐ ᐅᒋ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮”

ᓗᒃ 9:26

ᐊᐛᓐ ᒪᒃ ᓴᒂᔨᒧᒐ ᓂᔾ ᐅᒋ ᑭᔭ ᓂᑦ ᐃᔨᒧᐅᓂᔪᐤ ᐅᒋ ᐊᐅᒄ ᒐ ᓴᒂᔨᒧᐊᑦ ᐃᔪᐤ ᐅᑯᓯᓴᓐ ᐃᔅᐱ ᒥᓐ ᑎᑯᓯᓂᔨᒐᓂ ᐅᒋᔅᑕᔨᑕᑯᓱᐅᓂᔨᒡ᙮ ᐊᑯᑕ ᒐ ᒋᔅᒐᔨᑕᒡ ᐊᐛᓐᒋ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ ᐛᔅ ᒋᑭ ᐛᐸᑎᔨᐛᐅᒡ ᐅᑕᐎᒪᐤ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐃᔅᐱᔅ ᒋᔅᑕᔨᑕᑯᓯᔨᒋ᙮

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:17

ᐛᔅ ᒋ ᒋᔅᒐᔨᑕᓇᓄᐤ ᐊᓂᔭ ᐅᒥᒋᑥᐅᓐ ᐊᓐ ᐸᐃᒄ ᓇᐸᐤ ᐊᑯᑕ ᑲ ᐅᒋ ᐃᓯᓇᒂᒡ ᒥᓯᐛ ᐊᐛᓐ ᒐᒋ ᑎᐸᔨᒥᑯᑦ ᓂᐳᐅᓂᔪᐤ᙮ ᑕᓐ ᒪᒃ ᐅᔅᑕ ᐊ ᐃᔅᐱᔅ ᒥᔽᔨᑕᑯᓂᔨᒡ ᑕᓐ ᑲ ᐃᓯ ᐃᑐᑎᒪᑕᐧᒄ ᐊᓐ ᑯᑎᒃ ᓇᐸᐤ, ᐊᐅᒄ ᒋᓴᔅ ᙭᙮ ᒥᓯᐛ ᒪᒃ ᐊᓐᒡ ᑲ ᐛᔪᒡ ᒋᔅᒐᔨᑎᒥᐊᑭᓄᐎᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᐅᑯᐃᔅᑯᑕᑎᓯᐅᒡ ᐊ ᐃᓯ ᑭᓄᐛᐱᒧᑯᐅᒡ ᒋᓴᒪᓂᑐᐛ ᒧᔅ ᒋᑭ ᑕᐅᒡ ᑕᓐᑕ ᐊ ᑕᔨᒋ ᒋᓴᓴ ᑭᔭ ᒋᑭ ᐎᒋᐃᑯᐅᒡ ᒐᒋ ᓱᒋᑲᐳᐅᒡ ᐅᐱᒪᑎᓯᐅᓄᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:17

ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮

ᐱᓕᐱᔭᓇ 1:28

ᐊᑲᐎᔾ ᒋᑭ ᐅᒋ ᑯᔅᑕᐛᐅᒡ ᐊᓐᒡ ᐅᔭᔅ ᑲ ᐎ ᐃᑐᑕᑕᑯᒡ ᒥᔽᒋᒧᐅᓂᔪᐤ ᐊ ᐛᐎᑎᒺᒄ᙮ ᐛᔅ ᐊᐅᑯᐤ ᒐ ᐅᒋ ᒋᔅᒐᔨᑕᒡ ᐎᔨᐛᐤ ᒐ ᐅᓇᑎᓯᒡ ᑭᔭ ᐊᐅᑯᐤ ᒐ ᐅᒋ ᐛᐸᑕᒡ ᒋᔨᐛᐤ ᒐ ᐱᒪᒋᐃᑯᐛᒄ᙮ ᒋᓴᒪᓂᑐᐤ ᒪᒃ ᐎᔾ ᒥᓯᐛ ᒋᑭ ᐃᑐᑎᒻ ᐅᔭ ᒐᒋ ᐃᔅᐱᔨᒡ᙮

1 ᑎᒧᑎ 5:8

ᐛᔅ ᒧᔭᒻ ᐊᐛᓐ ᐊᑲ ᓇᔅᒡ ᐛ ᐛᐎᒋᐊᒂ ᑎᐱᔨᐛ ᐎᐧᑲᓂᓴ ᑭᔭ ᐊᓂᔭᔪᐛ ᐊᓐᑕ ᑎᐱᔨᐛ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᓇᔅᒡ ᐊᑲ ᑕᑈᑕᐧᒃ ᑕᑈᐅᓂᔪᐤ ᐃᓯᓇᑯᓱᐤ ᐅᔭ ᐊ ᐃᑎᑦ᙮ ᐊᑐᐎᔅ ᐎᔾ ᓇᒪ ᒧᔭᒻ ᐃᑐᐤ ᐃᔅᐱᔅ ᐊᓂᔭ ᐊᑲ ᑕᑈᑎᒥᔨᒋ᙮

ᒍᑦ 1:4

ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ᑕᒡ ᒪᒂᒡ ᐊᓐᑕ ᐊ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ᐃᑕᑎᓯᑦ ᐛᔅ ᐃᔭᐱᒡ ᒋᑭ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ᐛᐛᓯᐊᑭᓄᐎᒡ ᐅᒡ᙮

ᒋᔅᒐᔨᑕᑯᑕᒐᐅᓐ 1:6

ᒋ ᐃᑐᑎᒻ ᒐᒋ ᒥᓯᓇᓱᐛᐧᒄ ᐊᓐᑕ ᐅᒋᓴᐅᒋᒪᐅᓂᒡ ᐊ ᐊᑐᔅᑲᔅᑐᒪᐧᑯ ᒋᓴᒪᓂᑐᐛ ᐅᑕᐎᔭ ᐊ ᐊᔭᒥᐊᐅᒋᒪᐤ ᐊᐱᑎᓯᐛᐧᒄ᙮ ᐎᔾ ᒋᑭ ᒋᔅᑕᔨᑕᑯᐊᑭᓄᐤ ᑭᔭ ᒋᑭ ᑎᐸᔨᒋᒐᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮

ᒋᔅᒐᔨᑕᑯᑕᒐᐅᓐ 2:13

ᓂ ᒋᔅᒐᔨᑕᓐ ᐊᓐᑕ ᐛᒋᔭᒄ, ᐊᓐᑕ ᐊ ᐅᒋᒪᐅᑦ ᒥᒋᒥᓂᑐᐤ᙮ ᐊᑎ ᒪᒃ ᐊᓐᑕ ᐊ ᐎᒋᔭᒄ ᐃᔭᐱᒡ, ᓇᒪ ᒋ ᐳᓂᓇᐛᐤ ᐊ ᑕᑈᔭᔨᒥᔭᒄ᙮ ᓇᒪ ᒋ ᐅᒋ ᒋᐛᑲᐳᔅᑐᓇᐛᐤ ᐊᑎ ᐊᓐᑕ ᒪᒂᒡ ᑲ ᓂᐸᐊᑭᓄᐅᑦ ᐊᓂᔭ ᑲ ᓇᓴᐅᑦ ᐊᓐᑎᐸᔅ, ᐊᓐ ᑯᐃᔅᒄ ᑲᒋ ᐃᓯ ᑎᐸᒋᒥᑦ᙮ ᐊᓐᑕ ᐛᒋᔭᒄ, ᐊᑯᑕ ᑲ ᓂᐸᐊᑭᓄᐅᑦ, ᐊᓐᑕ ᒥᒋᒥᓂᑐᐤ ᐛᒋᑦ᙮

ᒋᔅᒐᔨᑕᑯᑕᒐᐅᓐ 20:4

ᐊᑯ ᒥᓐ ᑯᑎᒡ ᒐᒂᓐ ᒂ ᐛᐸᑎᔨᑯᔭᓐ᙮ ᒋᓴᐅᒋᒪᐤ ᑕᑎᐳᐛᑭᓇ ᓂᒋ ᐛᐸᑕᓐ᙮ ᒋ ᑕᐅᒡ ᒪᒃ ᐊᓐᒡ ᑲ ᐊᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᒥᔭᑭᓄᐎᒡ ᐅᒡ ᒐᒋ ᑎᐸᔅᑯᓂᒐᒡ᙮ ᐊᑯ ᒂ ᐛᐱᒥᒂᐤ ᐊᓐᒡ ᐊᒐᐧᑯᒡ ᑲ ᒋᒥᒂᐛᑭᓄᐛᑯᐱᓇ ᐊᓂᔭ ᐅᒋ ᐊᒋ ᑎᐸᒋᒪᒡ ᒋᓴᓴ ᑕᓐ ᑲ ᐃᑎᔨᒋ ᑭᔭ ᐊᒋ ᐛᐎᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐎᔨᐛᐤ ᐊᓂᔭᔪᐛ ᒥᒋ ᐊᐛᓯᓴ ᒪᒃ ᐊᓂᔭᔪᐛ ᒥᓂᑐᐧᑲᓇ ᒧᔭᒻ ᐊᓐ ᒥᒋ ᐊᐛᓯᔅ ᐊ ᐃᓯᓇᑯᓯᑦ ᑲ ᐃᓯᐊᑭᓄᔨᒋ᙮ ᓇᒪ ᑭᔭ ᐅᒋ ᐊᔭᐛᐅᒡ ᐊᓂᔭ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ ᒪᒃ ᐅᒥᔪᓄᐛᒡ᙮ ᑲᐤ ᒋ ᐱᒪᑎᓯᐅᒡ ᐅᒡ, ᐊᑯ ᑲ ᑕᑎᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᐎᒋ ᒋᓴᐅᒋᒪᐅᒪᐅᒡ ᒪᒃ ᒋᓴᓴ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 20:6

ᓱᐛᔨᑕᑯᓱᐅᒡ ᑭᔭ ᐊᔪᐛᒡ ᐸᔭᒋᓯᐅᒡ ᐊᓐᒡ ᑲ ᐎᒋᐃᐛᒡ ᐊᓐᑕ ᓂᔅᑎᒻ ᑲ ᐅᓂᔅᑲᓇᑭᓄᔨᒋ ᑲ ᓂᐱᔨᒋ᙮ ᓇᒪ ᒥᒋ ᐃᔅᑯᑕᐤ ᓴᑲᐃᑭᓂᔪᐤ ᒋᑭ ᐅᒋ ᑎᐸᔨᒥᑯᐅᒡ ᐎᔨᐛᐤ᙮ ᒋᑭ ᐊᑐᔅᑯᐛᐅᒡ ᒋᓴᒪᓂᑐᐛ ᑭᔭ ᒋᓴᔅ ᙭ᑕ ᑭᔭ ᒋᑭ ᐎᒋ ᑎᐸᔨᒋᒐᒪᐅᒡ ᒋᓴᔅ ᙭ᑕ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 3:10

ᐊᓐ ᐊᒋ ᓯᐱᔪᐛᓯᔭᒄ ᑕᓐ ᐊ ᐃᓯ ᓂᒋᔅᑭᒪᒄ ᒧᔭᒻ ᑲ ᐃᑎᓱᒥᑎᑯᒡ ᒐᒋ ᐃᑎᔭᒄ, ᒋᑭ ᑭᓄᐛᔨᒥᑎᓇᐛᐤ ᐊᓐᑕ ᒪᒂᒡ ᐱᒥᐱᔨᒐ ᐊ ᐊᔨᒥᐅᒡ ᐊᐛᓐᒋ, ᐊᓐᑕ ᒪᒂᒡ ᒐ ᓂᑐ ᒋᔅᒐᔨᒪᑭᓄᐎᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ᙮

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”

ᒋᔅᒐᔨᑕᑯᑕᒐᐅᓐ 3:8

ᒋ ᒋᔅᒐᔨᒥᑎᓇᐛᐤ ᑕᓐ ᐊ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᐊᑲ ᓇᔅᒡ ᒋᔅᒐᔨᒥᑯᔭᒄ᙮ ᐃᔭᐱᒡ ᒪᒃ ᔅᒋ ᓂᓇᐃᑐᓇᐛᐤ ᑕᓐ ᑲ ᐃᑎᓱᒥᑎᑯᒡ ᑭᔭ ᓇᒪ ᒋ ᐅᒋ ᐳᓂᓇᐛᐤ ᐊ ᑕᑈᔭᔨᒥᔭᒄ᙮ ᔅᒋ ᔪᑕᓂᒪᑎᓇᐛᐤ ᒪᒃ ᒋᐱᔎᐤ ᐊᑲ ᐊᐛᓐ ᒐᒋ ᒋᐸᐛᑦ᙮

ᒋᔅᒐᔨᑕᑯᑕᒐᐅᓐ 5:10

ᒥᓯᐛ ᔅᒋ ᒪᒧᓇᐅᒡ ᐊᓐᑕ ᐊ ᑕᔨᓐ ᐃᔅ ᒐᒋ ᐊᑐᔅᑯᐛᒡ ᒋᓴᒪᓂᑐᐛ ᐊ ᐊᔭᒥᐊᐅᒋᒪᐤ ᐊᐱᑎᓯᒡ᙮ ᒋᑭ ᐅᒋᒪᐅᒡ ᒪᒃ ᐅᑕ ᐊᔅᒋᒡ᙮”