2 ᑎᒧᑎ 1:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᑲ ᐸᔭᒋᓯᑦ ᐊᒐᐧᒄ ᒪᒃ ᐅᓱᐧᑲᑎᓯᐅᓐ ᐊ ᐃᓯ ᐱᒋᔅᑲᑯᐅᑦ, ᓱᒃ ᐃᔭᒂ ᐃᓯ ᓂᓇᑭᑐᐛᔨᑕ ᒥᔽᒋᒧᐅᓐ ᑕᑈᐅᓐ ᑕᓐ ᐊᓐ ᑲ ᐱᔅᑎᓂᒪᑯᔨᓐ ᒐ ᐛᐎᑎᒥᓐ᙮

2 ᑎᒧᑎ 1:14 Iomraidhean Croise

ᓗᒃ 16:11

ᐊᑲ ᒪᒃ ᑕᑈᐅᒐᔨᒥᑯᔨᓇ ᑯᐃᔅᒄ ᒐᒋ ᐃᓯ ᓂᓇᑭᑐᐛᔨᑕᒥᓐ ᐅ ᐛᔪᑎᓯᐅᓐ ᐅᑕ ᐊᔅᒋᒡ ᑲ ᑎᒂᒡ, ᓇᒪ ᒋᑭ ᐅᒋ ᑕᑈᐅᒐᔨᒥᑯᐅᓐ ᒋᒋᐛ ᐛᔪᑎᓯᐅᓐ ᒐᒋ ᓂᓇᑭᑐᐛᔨᑕᒥᓐ᙮

ᒠᓐ 14:17

ᐊᐅᒄ ᒪᒃ ᐊᓐ ᑲ ᐸᔭᒋᓯᑦ ᐊᒐᐧᒄ, ᐊᓐ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ᙮ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᐅᑕᐎᒪᐛ ᓇᒪ ᒋᑭ ᒋ ᐱᑎᑲᐊᐅᒡ ᐅᐱᒪᑎᓯᐅᓄᐛᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᓇᒪ ᐛᐱᒪᐅᒡ ᑭᔭ ᓇᒪ ᒋᔅᒐᔨᒪᐅᒡ᙮ ᒥᒄ ᒪᒃ ᒋᔨᐛᐤ ᒋ ᒋᔅᒐᔨᒪᐛᐤ ᐛᔅ ᒋ ᐎᒐᐅᑯᐛᐤ ᑭᔭ ᒋᑭ ᐱᒋᔅᑲᑯᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:2

ᒥᔅᑎ ᑭᑈ ᒐᒂᓐ ᐃᑕᔨᑕᑯᓐ ᒍᐤ ᐊ ᐃᑎᔅᑲᓇᓯᑦ ᐊᐛᓐ᙮ ᒥᔅᑎ ᑕᑈ ᐃᑕᔨᑕᑯᓐ᙮ ᓂᔅᑎᒻ ᒐᒂᓐ᙮ ᐊᐅᑯᓐᒡ ᐅᒡ ᒍᐤ ᑲ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐎᒡ ᒐᒋ ᐊᑐᔅᒐᔅᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:11

ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ᐃᓯᓇᒂᒋ ᒐ ᓂᐱᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:13

ᐛᔅ ᐊᓐ ᐃᓯ ᐱᒪᑎᓯᔨᓇ ᑕᓐ ᐊ ᐃᓯ ᓂᑐᐛᔨᑎᒧᒥᑲᒡ ᒋᐎᔭᔅ, ᒋᑭ ᓂᐱᓐ᙮ ᐱᔅᑎᓂᑕ ᒪᒃ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᔅᒃ ᒐᒋ ᐳᓂᑕᐅᑦ ᑕᓐ ᐛ ᐃᓯ ᐛᒋᐱᔨᒡ ᒐᒋ ᒥᒋᑐᑎᒧᑦ ᐊᑯ ᑭᑈ ᑕᑈ ᒐ ᐱᒪᑎᓯᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:9

ᒋᔨᐛᐤ ᒪᒃ ᐎ, ᓇᒪ ᒋ ᑎᐸᔨᒥᑯᓇᐛᐤ ᓂᑎᒥᒄ ᐊ ᐎ ᐃᓯ ᓇᐊᔨᑎᒥᐃᓱᔭᒄ᙮ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᑕᐸᔨᒥᑕᒄ ᒧᔭᒻ ᑕᑈ ᐸᒋᔅᑲᑕᒂ᙮ ᐊᐛᓐ ᒪᒃ ᐊᑲ ᐸᒋᔅᑲᑯᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᑎᐱᔨᐛᐅᓯᑐᑕᑯᐤ ᒋᓴᓴ᙮

1 ᑯᕆᓐᑎᔭᓇ 3:16

ᓇᒪ ᓇ ᐊ ᒋ ᒋᔅᒐᔨᑕᓇᐛᐤ ᒧᔭᒻ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᐊ ᐃᓯᓇᑯᓯᔭᒄ, ᑭᔭ ᒋᓴᒪᓂᑐᐤ ᐅᑦ ᐊᒐᒂ ᐊ ᐱᒋᔅᑲᑎᑕᑯ᙮

1 ᑯᕆᓐᑎᔭᓇ 6:19

ᑭᔭ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑲ ᐸᔭᒋᓯᑦ ᐊᒐᐧᒄ ᐊ ᐅᑦ ᐊᔭᒥᐊᐅᒋᐛᐱᑦ ᒋᔪᐛᐛ᙮ ᐊᔪᐅᒄ ᐅᔭ ᐊᒐᒂ ᒋᓴᒪᓂᑐᐤ ᑲ ᒥᔨᑕᒄ᙮ ᓇᒪ ᒋᔾ ᒋ ᑎᐱᔨᐛᐅᓯᓐ ᒋᔪᐤ᙮ ᒋᓴᒪᓂᑐᐤ ᑎᐱᔨᐛᐅᓯᐤ ᒋᔭᔪᐤ᙮

1 ᑯᕆᓐᑎᔭᓇ 9:17

ᓂᔾ ᒋ ᐃᑕᔨᑎᒪᓇᒂ ᒐᒋ ᐛᐎᑎᒪᓐ ᒥᔽᒋᒧᐅᓐ, ᑭᑈ ᓂᐸ ᐱᑯᓴᔨᑕᓐ ᒐᒋ ᑎᐸᐊᒪᑯᐅᔭᓐ᙮ ᒥᒄ ᒪᒃ ᒋᓴᒪᓂᑐᐤ ᐎᔾ ᓂᒋ ᒥᔨᒄ ᐅᔭ ᒐᒋ ᐃᓯ ᐊᑐᔅᒐᔅᑎᒧᒡ ᒥᔽᒋᒧᐅᓂᔪᐤ ᐊᐅᒄ ᒪᒃ ᐅ ᐛᒋ ᐛᐎᑎᒪᓐ᙮

2 ᑯᕆᓐᑎᔭᓇ 5:16

ᓇᒪ ᒪᒃ ᐊᑯ ᐅᔅᒡ ᐊ ᐃᓯᓄᐛᑭᓄᐅᑦ ᐊᐛᓐ ᓂᑦ ᐃᓯ ᑭᓄᐛᐱᒪᓇᓐ᙮ ᐊᐅᑯᓐ ᑲ ᐃᓯ ᑭᓄᐛᐱᒥᒋᒡ ᙭ ᐸᐃᒂᐤ᙮ ᓇᒪᐎᔾ ᐊᑯ ᐊᓐᑕ ᓂᑦ ᐃᓯ ᑭᓄᐛᐱᒪᓇᓐ᙮

ᑲᓚᓯᔭᓇ 2:7

ᑭᔭ ᒋ ᓂᔅᑐᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᒐᒋ ᐊᑐᔅᒐᔅᑎᒧᒡ ᒥᔽᒋᒧᐅᓂᔪᐤ ᐊ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᒧᔭᒻ ᑕᓐ ᑲ ᐃᓯ ᒥᔭᔨᒋ ᐱᑕᕋ ᐊᑐᔅᒐᐅᓂᔪᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐᒋ ᐛᐎᑎᒧᐛᔨᒋ ᒥᔽᒋᒧᐅᓂᔪᐤ᙮

ᐃᐱᓯᔭᓇ 2:22

ᑭᔭ ᒋᔨᐛᐤ ᐊᑯᑕ ᐊ ᐊᓯᒡ ᐅᐱᑲᐳᐃᑯᐅᔭᒄ ᐊᓐᑕ ᒐ ᑕᔨᒋ ᒋᓴᒪᓂᑐᐤ ᐅᑦ ᐊᒐᒂ᙮

ᐃᐱᓯᔭᓇ 5:18

ᐊᑲᐎᔾ ᒋᔎᐸᒄ ᐊ ᒥᓂᔭᒄ ᓱᒥᓇᐳᔾ, ᐛᔅ ᐊᐅᒄ ᒐ ᓂᓱᐅᓇᒋᐃᑯᔭᒄ᙮ ᐃᔭᐱᒡ ᐱᔅᑎᓇᐧᒄ ᐸᔭᒋ ᐊᒐᐧᒄ ᒐᒋ ᓴᑭᔅᒋᓇᔅᑲᑕᒄ᙮

ᑯᓚᓯᔭᓇ 4:11

ᒐᓱᐛ ᑭᔭ ᐎᔾ ᒋ ᐛᒋᔭᒥᑯᐛᐤ᙮ ᒐᔅᑕᔅ ᐛᔅ ᐊᓐ ᐊᔪᐤ ᐅ ᐃᓯᓂᐧᑲᑕᑭᓄᐤ᙮ ᐅᒡ ᐊ ᓂᔅᑎᒡ ᐊᐅᑯᓐᒡ ᒥᒄ ᐅᒡ ᒍᐤ ᐃᔪᒡ ᐊ ᑕᑈᑕᒡ ᐛᒋ ᐊᑐᔅᒐᒥᒡ ᒋᓴᒪᓂᑐᐛ ᐊ ᐊᑐᔅᑯᐅᒥᒋ᙮ ᒥᔅᑎ ᓂᒋ ᐸᒋ ᒥᔽᔨᒧᐃᑯᒡ᙮

1 ᑕᓴᓗᓂᔭᓇ 5:19

ᐊᑲᐎᔾ ᓂᑲᓇᐧᒄ ᑲ ᐸᔭᒋᓯᑦ ᐊᒐᐧᒄ ᑕᓐ ᐛ ᐃᓯ ᐊᑐᔅᒐᑦ᙮

1 ᑎᒧᑎ 1:11

ᐅ ᒥᔪ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ᑕᑦ ᐊᑯᑕ ᐛᒋᐱᔨᒡ᙮

1 ᑎᒧᑎ 6:20

ᒋᔾ ᑎᒧᑎ ᓂᓇᑭᑐᐛᔨᑕ ᑕᓐ ᑲ ᐃᓯ ᒥᔨᔅᒃ ᒋᓴᒪᓂᑐᐤ ᒐᒋ ᐃᑕᐱᑎᓯᐅᑦ᙮ ᐊᑲᐎᔾ ᐎᒋᐃᔨᒡ ᐊᓐᒡ ᑲ ᐊᔭᔨᒺᐛᐃᑯᒡ ᒐᒂᔪᐛ ᐊᑲ ᐎᒋᐃᐛᒥᑭᓂᔨᒋ ᐊᓐᑕ ᐃᔅ ᐊ ᒋᓴᒪᓂᑐᐛᑎᓯᓇᓄᐎᒡ᙮ ᐊᑲᐎᔾ ᐊᐱᓯᑐᐅᒡ ᐊᓐᒡ ᑲ ᐃᑎᑕᑯᓯᒡ ᒧᔭᒻ ᓇᔅᒡ ᒥᔅᑎ ᐊ ᒋᔅᒐᔨᑕᒡ ᒐᒂᔪᐤ ᐊᑲ ᒪᒃ ᐊᓐ ᒧᔭᒻ ᐃᓯ ᑭᒐᔅᒐᔨᑕᒡ᙮

2 ᑎᒧᑎ 1:12

ᐊᐅᒄ ᒪᒃ ᐅ ᓇᓂᑯᑎᓂᔾ ᐛᒋ ᓂᓇᐧᑲᑕᔨᒧᔭᓐ, ᒥᒄ ᒪᒃ ᓇᒪ ᑎᑯᓐ ᑕᓐ ᒐᒋ ᐃᓯ ᐳᓂᒪᒥᓯᑐᑎᒪᓐ ᐅ ᒥᔽᒋᒧᐅᓐ, ᐛᔅ ᓂ ᒋᔅᒐᔨᒪᐤ ᐊᓐ ᐊᐛᓐ ᑲ ᑕᑈᔭᔨᒥᒃ ᑭᔭ ᓇᔅᒡ ᓂ ᒐᔅᑎᓇᑕᔨᑕᓐ ᒐ ᒥᔪ ᑭᓄᐛᔨᑕᐧᒃ ᐊᓂᔭ ᑕᓐ ᑲ ᐃᓯ ᐱᔅᑎᓂᓱᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒥᓐ ᒐ ᑎᑯᓯᐧᒃ᙮

2 ᑎᒧᑎ 2:2

ᔅᒋ ᐸᑐᐅᓐ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᒪᒂᒡ ᐊ ᒥᒐᑎᓇᓄᐅᒡ᙮ ᐅ ᒪᒃ ᑲ ᐃᓯ ᒋᔅᑯᑎᒪᒐᔭᓐ ᒐ ᐱᔅᑎᓇᑯᒡ ᐊᓐᒡ ᑲ ᑕᑈᐅᒐᔨᑕᑯᓯᒡ ᒐᒋ ᐊᓱ ᒋᔅᑯᑎᒧᐛᒡ ᑯᑎᑲ ᐊᐛᔪᐛ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮