2 ᑕᓴᓗᓂᔭᓇ 3:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᓇᒪ ᓂ ᐅᒋ ᐱᔅᑎᓇᓇᓐᒡ ᐊᐛᓐᒋ ᒐᒋ ᐊᓯᒥᔨᒥᒡ ᐊᑲ ᐛᐛᒡ ᒋᓯᐧᑯᐅᒋᒡ᙮ ᐃᔭᐱᒡ ᓂᒋ ᒥᔅᑎ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᒐ ᐊᑲ ᒋ ᐊᔨᒥᐃᑕᒡ᙮

2 ᑕᓴᓗᓂᔭᓇ 3:8 Iomraidhean Croise

ᒪᑎᔪᐤ 6:11

ᒥᔨᓇᓐ ᐊᓄᒡ ᐊ ᒋᓯᑲᒡ ᐸᒂᓯᑭᓐ ᒐ ᐅᒋ ᐱᒪᑎᓯᔭᒡ᙮

ᐊᑈᔅᑕᓇᒡ 18:3

ᒂ ᐎᒋᒪᑦ ᑭᔭ ᒂ ᐎᒋ ᐊᐱᑎᓯᒪᑦ ᐊ ᐅᓯᑕᔨᒋ ᒥᒋᐛᐸ ᐛᔅ ᐊᐅᑯᓐ ᑲ ᐃᑕᐱᑎᓯᔨᒋ ᒧᔭᒻ ᐎᔾ ᑲ ᐃᑕᐱᑎᓯᑦ ᐊᓐᑕ ᒐᒋ ᐅᒋ ᐎᒋᐃᓱᑦ᙮

ᐊᑈᔅᑕᓇᒡ 20:34

ᒋ ᒋᔅᒐᔨᑕᓇᐛᐤ ᑭᔭ ᓂᔾ ᑎᐱᔨᐛ ᐊᒋ ᐊᔭᐱᑎᓯᔭᓐ ᒐᒋ ᐅᒋ ᐅᑎᓇᒪᓱᔭᓐ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒋ ᐱᒪᒋᐅᔭᓐ ᑭᔭ ᑕᓐ ᐊ ᐃᓯ ᓂᑐᐛᔨᑕᒡ ᐊᓐᒡ ᑲ ᐎᒐᐅᒡ᙮

1 ᑯᕆᓐᑎᔭᓇ 4:12

ᓇᔅᒡ ᒥᔅᑎ ᓂᑦ ᐊᐱᑎᓯᓇᓐ ᒐᒋ ᐱᒪᒋᐃᓱᔭᒡ᙮ ᐊ ᐛᐧᑲᓯᔨᒥᒡ ᐊᐛᓐᒋ, ᓂ ᓂᑐᑎᒧᒪᓇᓂ ᒋᓴᒪᓂᑐᐛ ᒐᒋ ᓱᐛᔨᒥᑯᒡ᙮ ᑭᔭ ᓂᔭᐧᑲᒋᐃᔨᒥᒡ ᐊᐛᓐᒋ ᓇᒪ ᓂ ᒋᔅᑐᑕᓇᓐᒡ᙮

1 ᑯᕆᓐᑎᔭᓇ 9:4

ᓇᒪᐎᔾ ᐊ ᒪᒃ ᐃᓯᓇᑯᓐ ᑭᔭ ᓂᔭᓐ ᒐᒋ ᐊᓯᒥᑯᐅᔭᒡ ᑭᔭ ᒐᒋ ᒥᓂᐃᑯᐅᔭᒡ ᐊᓐ ᐊ ᐃᑕᐱᑎᓯᔭᒡ᙮

2 ᑯᕆᓐᑎᔭᓇ 11:27

ᓇᔅᒡ ᑕᑈ ᓂᒋ ᒥᔅᑎ ᐊᑐᔅᒐᓐ᙮ ᒥᒐᑥᐤ ᓂᒋ ᒥᔅᑎ ᐊᔭᔅᑯᓯᓐ, ᒥᒐᑥᐤ ᑭᔭ ᓇᒪ ᐛᐛᒡ ᓂ ᐅᒋ ᓂᐸᓐ᙮ ᒥᒐᑥᐤ ᓂᒋ ᓄᑕᐱᔨᓐ ᒥᒋᒻ ᑭᔭ ᑲ ᐊᑎ ᓯᐛᔨᔭᓐ, ᑭᔭ ᓂᒋ ᓄᑕᔭᐸᒂᓐ᙮ ᓇᓂᑯᑎᓂᔾ ᓇᒪ ᐛᐛᒡ ᐅᒋ ᑎᑯᓐ ᑕᓐᑕ ᒐ ᑕᔭᓐ ᑭᔭ ᓇᓂᑯᑎᓂᔾ ᓂᒋ ᓯᐧᑭᒋᓐ᙮

2 ᑯᕆᓐᑎᔭᓇ 11:9

ᐊᑎ ᒪᒃ ᓇᓂᑯᑎᓂᔾ ᐊᒋ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ, ᓇᒪ ᐃᔭᐱᒡ ᒋ ᐅᒋ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᓂᒋ ᐎᒋᐃᑯᓇᓂᒡ ᐊᒋ ᒥᔨᒥᒡ ᑕᓐ ᑲ ᐃᓯ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ᓂᑐᐛᔨᑎᒪᑎᓇᓐ ᒐᒂᓐ᙮

ᐃᐱᓯᔭᓇ 4:28

ᑭᔭ ᐊᓐ ᐊᐛᓐ ᑲ ᑭᒐᒧᑎᑦ ᒋᐸ ᐳᓂᐤ ᐊ ᑭᒐᒧᑎᑦ᙮ ᐃᔭᐱᒡ ᒋᐸ ᐊᑐᔅᒐᐤ ᑯᐃᔅᒄ ᐊ ᐃᑎᑦ ᐊ ᐎ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

1 ᑕᓴᓗᓂᔭᓇ 2:9

ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

1 ᑕᓴᓗᓂᔭᓇ 4:11

ᓴᔅ ᐅᑕ ᔅᒋ ᐎᑎᒪᑎᓇᓐ ᑕᓐ ᒋᐸ ᐃᑎᓇᐛᐤ, ᓱᒃ ᑯᒋᑕᒄ ᒐᒋ ᒋᔭᒪᐛᑎᓯᔭᒄ᙮ ᐊᑲᐎᔾ ᐅᑎᒪᐱᒪᐧᑯᒡ ᑕᓐ ᐊ ᐃᑎᒡ ᑯᑎᑭᒡ ᐊᐛᓐᒋ᙮ ᑭᔭ ᓱᒃ ᐊᑐᔅᒐᒄ᙮

2 ᑕᓴᓗᓂᔭᓇ 3:12

ᓂᓯᒋᒪᓇᓂᒡ ᐅᒡ ᐊᐛᓐᒋ ᑭᔭ ᓂᑦ ᐃᔭᒂᒥᒪᓇᓂᒡ ᐅᑎᐸᔨᒋᒐᐛ ᒋᓴᓴ ᐊ ᑕᔨᒋ ᐃᓯ ᐊ ᐃᑎᒋᒡ, ᒋᔭᒻ ᐃᓯ ᐱᒪᑎᓯᒄ ᑭᔭ ᐊᑐᔅᒐᒄ ᐊᓐᑕ ᒐᒋ ᐅᒋ ᐱᒥᓂᑎᓱᔭᒄ᙮