2 ᑕᓴᓗᓂᔭᓇ 3:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒥᒄ ᐊᑲᐎᔾ ᐃᑐᑐᐛᐧᒄ ᒧᔭᒻ ᐊ ᐛᐧᑲᑕᒄ, ᐃᔭᐱᒡ ᒋᐸ ᐃᔭᒂᒪᐛᐤ ᐊ ᐎᐧᑲᓂᓯᑐᐛᒄ᙮

2 ᑕᓴᓗᓂᔭᓇ 3:15 Iomraidhean Croise

ᑎᐱᑦ ᐅᓂᑭᒧᐅᓇ 141:5

ᐊᑯᔅ ᐅᑯᐃᔅᑯᑕᑎᓯᐤ ᓂᑭ ᐎᔭᔅᑐᑕᒄ; ᒋᑭ ᒋᓴᐛᑐᑕᒐᐅᓂᐎᔪᐤ; ᐊᑯᔅ ᒪᒃ ᓂᑭ ᒋᔅᑐᑎᒄ; ᒋᑭ ᒥᔪ ᐱᒥᐅᔪᐤ, ᐊᑲ ᒐ ᐱᑯᔅᑎᒂᓇᔅᑲᑯᔭᓐ᙮ ᐛᔅ ᐃᔭᐱᒡ ᓂᑭ ᐊᔭᒥᐊᐛᓐ ᐊᔨᒥᓯᑥᐛ᙮

ᒪᑎᔪᐤ 18:15

“ᐅᓂᑐᑕᔅᒐ ᒋᐧᑲᓂᔅ, ᓂᑐᐛᐱᒻ ᒐ ᐎᑎᒧᐅᑦ ᑕᓐ ᐊ ᐃᓯ ᐅᓂᑐᑕᔅᒃ, ᒥᒄ ᒋᔨᐛᐤ ᐊ ᓂᓯᔭᒄ ᒐ ᐎᑎᒧᐅᑦ ᐅᔭ᙮ ᓂᑐᑕᔅᒐ ᒪᒃ, ᐊᑯ ᑭᑈ ᒥᓐ ᒐ ᒥᔪᐱᔭᒄ ᐊ ᐎᐧᑲᓂᓯᑕᑐᔭᒄ᙮

1 ᑯᕆᓐᑎᔭᓇ 4:14

ᓇᒪ ᐅ ᓂᑦ ᐃᑎᓯᓇᐃᒐᓐ ᒐᒋ ᐱᒪᒥᓯᒥᔭᒡ᙮ ᒥᒄ ᒋ ᐎ ᐃᔭᒂᒥᒥᑎᓇᓐ ᐅ ᐛᒋ ᐃᑎᓯᓇᐊᒪᓐ ᐛᔅ ᒥᓯᐛ ᒋᔨᐛᐤ ᓂᑦ ᐊᐛᓯᒥᒡ ᑲ ᓴᒋᐃᒂᐤ ᒋᑦ ᐃᑕᔨᒥᑎᓇᐛᐤ᙮

1 ᑯᕆᓐᑎᔭᓇ 5:5

ᐱᔅᑎᓇᐧᒄ ᐊᓐ ᓇᐸᐤ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᒐᒋ ᓂᓱᐅᓇᒋᑕᑭᓄᐎᒡ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒡ ᐎᔭᔅ᙮ ᐊᑯ ᒪᒃ ᐅᑦ ᐊᒐᒂ ᒐ ᐱᒪᒋᐊᑭᓄᔨᒋ ᐊᓂᔭ ᐊ ᒋᓯᑲᔨᒡ ᐸᒋ ᑎᑯᓯᓂᔨᒐᓂ ᐅᑎᐸᔨᒋᒐᐛ ᒋᓴᓴ᙮

2 ᑯᕆᓐᑎᔭᓇ 10:8

ᑕᐸ ᓂ ᓴᒂᔨᒧᓐ ᐊᑎ ᐊᐱᓯᔅ ᐊᑐᐎᔅ ᑲ ᐃᓯ ᐊᔨᒧᑎᒧᐛᓇ ᐊᓐ ᑎᐸᔨᒋᒐᐅᓐ ᑲ ᒥᔨᑯᐅᔭᒡ ᒐᒋ ᐎᒋᐃᑕᒡ᙮ ᐅᑎᐸᔨᒋᒐᐤ ᓂᒋ ᒥᔨᑯᓇᓐ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑕᒡ, ᓇᒪ ᐎ ᒐᒋ ᓂᑕᐅᑕᒡ᙮

2 ᑯᕆᓐᑎᔭᓇ 13:10

ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ᑎᑯᓐ ᒐᒂᓐ ᒐ ᐅᒋ ᒥᔅᑎ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮

ᑲᓚᓯᔭᓇ 6:1

ᓂᐧᑲᓂᓯᑐᒄ, ᒧᔭᒻ ᓴᐧᑯᒋᐃᑯᒐ ᐊᐛᓐ ᒥᒐᑎᓯᐅᓂᔪᐤ ᒋᔨᐛᐤ ᑲ ᐱᒋᔅᑲᑕᒄ ᑲ ᐸᔭᒋᓯᑦ ᐊᒐᐧᒄ ᒋᐸ ᐎᒋᐊᐛᐤ ᐊᓐ ᐊᐛᓐ ᒋᔭᒻ ᒐᒋ ᒥᔪᐱᔨᑦ ᑕᓐ ᐛ ᐃᓯ ᐱᔅᒐᐱᔨᑦ᙮ ᐃᔭᒂᒥᔅᑕᓱᒄ ᑭᔭ, ᒐ ᐊᑲ ᒋ ᐊᔅᒋᐱᔨᔭᒄ ᑭᔭ ᒋᔨᐛᐤ ᒐᒋ ᐊᑎ ᒥᒋᑐᑎᒪᒄ᙮

1 ᑕᓴᓗᓂᔭᓇ 5:14

ᓂᐧᑲᓂᓯᑐᒄ, ᒋ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮

2 ᑕᓴᓗᓂᔭᓇ 3:13

ᒥᓯᐛ ᓂᐧᑲᓂᓯᑐᒄ ᒋᑦ ᐃᑎᓇᐛᐤ, ᐊᑲᐎᔾ ᐱᒋᔅᑲᒋᒄ ᐊ ᒥᔪᑐᑎᒪᒄ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

ᑕᐃᑕᔅ 3:10

ᑕᒐ ᐊᐛᓐ ᒧᔅ ᐊ ᐃᑐᑐᐛᑦ ᒐᒋ ᒥᒋᐱᔨᒋ ᐅᒪᒧᐊᔭᒥᐊᐛ ᑭᔭ ᒐᒋ ᐃᑐᑐᐛᑦ ᒐᒋ ᑎᐸᓂᐱᔨᒋ, ᐎᑎᒧᐤ ᐸᐃᒂᐤ ᑭᔭ ᒪᒃ ᓂᔄᐤ ᒐᒋ ᐳᓂᑦ ᐊᓂᔭ ᐊ ᐃᑎᑦ᙮ ᐊᑲ ᒪᒃ ᓂᑐᑕᔅᒐ ᐊᑯᔅ ᐊᑲ ᐱᒪᐃᒻ᙮