2 ᑕᓴᓗᓂᔭᓇ 2:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᓴᒋᐃᑯᓄᐅᒡ ᑭᔭ ᔅᒋ ᒥᔨᑯᓄᐅᒡ ᑲᒋᒡ ᒥᔽᔨᒧᐅᓂᔪᐤ ᑭᔭ ᐊᔅᐸᔨᒧᐅᓂᔪᐤ ᓱᐛᔨᒋᒐᐅᓂᒡ ᐅᒡ᙮

2 ᑕᓴᓗᓂᔭᓇ 2:16 Iomraidhean Croise

ᑎᐱᑦ ᐅᓂᑭᒧᐅᓇ 103:17

ᒪᒃ ᐅᒋᔅᑎᒪᒐᔨᒋᒐᐅᓐ ᑎᐸᔨᒋᒐᓱᐤ ᑲᒋᒡ ᑭᔭ ᑲᒋᒡ ᒋᒋᔅᑲᑯᔪᐛ ᐊᓂᔭᔪᐛ ᑲ ᓇᓂᒋᔅᑕᑯᑦ, ᑭᔭ ᐅᑯᐃᔅᑯᑕᑎᓯᐅᓐ ᐊᐛᓴ ᐅᑦ ᐊᐛᓯᒥᓯᔪᐛ;

ᓗᒃ 16:25

“ᐊᑯ ᐊᑉᕋᐊᒻ ᒂ ᐃᑕᑦ, ‘ᒋ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ᒐᒂᓐ ᔅᒋ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ᓂᓇᐧᑲᑕᔨᒧᓐ᙮

ᒠᓐ 13:1

ᐊᔅᒄ ᐊᑲ ᐅᒋ ᐅᑎᒋᐱᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᓴᔅ ᒋ ᒋᔅᒐᔨᑎᒻ ᒋᓴᔅ ᐊ ᐅᑎᒋᐱᔨᒡ ᒐ ᓂᑭᑕᐧᒃ ᐅᔭ ᐊᔅᒋᔪᐤ ᑭᔭ ᒐ ᓂᑐᐛᐱᒪᑦ ᐅᑕᐎᒪᐛ᙮ ᒧᔅ ᒋ ᓴᒋᐊᐤ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ ᐅᑕ ᐊᔅᒋᒡ ᑲ ᑕᔨᒋ ᑭᔭ ᒐ ᐅᑎᒋᐱᔨᒡ ᒐᒋ ᐛᐸᑎᔭᑦ ᑕᓐ ᐊᔅᐱᔅ ᓴᒋᐊᑦ᙮

ᒠᓐ 15:13

ᓇᒪ ᑕᐤ ᐊᐛᓐ ᐅᔭ ᒐᒋ ᐃᔅᐱᔅ ᓴᒋᐃᐛᑦ, ᓇᔅᒡ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᐎᒐᐛᑭᓇ ᒐᒋ ᐱᒪᑎᓯᔨᒋ᙮

ᒠᓐ 15:9

“ᒧᔭᒻ ᑲ ᐃᔅᐱᔅ ᓴᒋᐃᑦ ᐅᑕᐎᒪᐤ ᐊᐅᑯᓐ ᒧᔭᒻ ᐊ ᐃᔅᐱᔅ ᓴᒋᐃᑎᑯᒡ ᑭᔭ ᒋᔨᐛᐤ᙮ ᒧᔅ ᓂᔾ ᐊ ᑕᔭᓐ ᐃᓯ ᐱᒪᑎᓯᒄ ᑭᔭ ᒧᔅ ᒐ ᒋᔅᒐᔨᑎᒪᒄ ᐊ ᓴᒋᐃᑎᑯᒡ᙮

ᒠᓐ 16:22

ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

ᐊᑈᔅᑕᓇᒡ 15:11

ᒋ ᑕᑈᑕᓇᓄᐤ ᐊ ᐱᒪᒋᐃᑕᒄ ᐅᑎᐸᔨᒋᒐᐤ ᒋᓴᔅ ᐅᓱᐛᔨᒋᒐᐅᓂᒡ ᐅᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐅᒡ ᐃᔪᒡ ᐊᑲ ᒍᐤ ᑲ ᐃᑎᔅᑲᓇᓯᒡ ᑲ ᐃᓯ ᑭᓄᐛᐱᒥᑯᒡ ᐃᔅᐱ ᒐ ᐱᒪᒋᐃᑯᒡ ᐅᑎᐸᔨᒋᒐᐛ᙮”

ᐊᑈᔅᑕᓇᒡ 18:27

ᐊᐳᓚᔅ ᒐᒃ ᑲ ᐃᑕᔨᑕᐧᒃ ᒐᒋ ᐃᑐᑕᑦ ᐊᓐᑕ ᐊᑲᔭ, ᐊᑯ ᐊᓂᔭᔪᐛ ᐎᐧᑲᓂᓯᒪᐛ ᐊᓐᑕ ᐃᐱᓴᔅ ᑲ ᑕᔨᒋ ᒋ ᓇᐊᔨᑎᒥᔪᐛ ᐊᓐᑕ ᒐᒋ ᐃᑐᑕᑦ ᐊᑯ ᒂ ᒥᓯᓇᐊᒧᐛᒡ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ, ᐊᑲᔭ ᑲ ᑕᔨᒋ ᐊ ᑕᒡ ᒐ ᒥᔪᐧᑯᐛᒡ ᐊᓂᔭ ᐊᑈᓚᓴ ᑎᑯᓯᓂᔨᒐᓂ ᐊᓐᑕ᙮ ᐃᔅᐱ ᒪᒃ ᐊᐳᓚᔅ ᑕᑯᓯᐧᒃ ᐊᓐᑕ ᐊᑲᔭ, ᓇᔅᒡ ᑕᑈ ᒥᔅᑎ ᒋ ᐎᒋᐊᐤ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ, ᐊᓂᔭᔪᐛ ᑲ ᓱᐛᔨᒥᑯᔨᒋ ᒋᓴᒪᓂᑐᐛ ᒐᒋ ᑕᑈᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:7

ᐊᐅᑯᓐ ᒪᒃ ᐛᒋ ᒥᓯᓇᐊᒪᑎᑯᒡ ᒥᓯᐛ ᒋᔨᐛᐤ ᕈᒻ ᐊ ᑕᔭᒄ, ᒋᔨᐛᐤ ᒋᓴᒪᓂᑐᐤ ᑲ ᓴᒋᐃᑕᒄ ᑭᔭ ᑲ ᐎᔭᐱᒥᑕᒄ ᒐᒋ ᑎᐱᔨᐛᐅᓯᑐᑕᑕᒄ᙮ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:16

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑕᑈᑎᒧᐅᓂᒡ ᒥᒄ ᒐᒋ ᐅᒋ ᐊᔭᑭᓄᐎᒡ ᐊᓂᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑎᒪᒐᑦ᙮ ᐊᑯ ᒪᒃ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊᑯᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᐊᓐᒡ ᑲ ᐃᓯ ᐊᓂᔅᒐ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᑕᑈᔭᔨᒪᔨᒋ ᐊᑉᕋᐊᒪ ᑭᔭ ᐎᔨᐛᐤ ᒐᒋ ᐊᔭᒡ ᐊᓂᔭᔪᐛ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᒐᔨᒋ᙮ ᓇᒪ ᒪᒃ ᒥᒄ ᐊᓐᒡ ᑲ ᒥᔭᑭᓄᐎᒡ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᐊᔭᐅᒡ ᐅᔭ᙮ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑉᕋᐊᒪ ᑲ ᐃᓯ ᑕᑈᔭᔨᒪᔨᒋ ᐊᐅᑯᓐᒡ ᑭᔭ ᐎᔨᐛᐤ ᒐ ᐊᔭᒡ ᐅᔭ᙮ ᐛᔅ ᒥᓯᐛ ᐊ ᑎᓯᔭᐧᒄ ᐊᑉᕋᐊᒻ ᒍᑕᐎᑐᐛᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:4

ᑭᓄᐛᐸᑎᒧᒄ ᑕᓐ ᐊ ᐃᓯᓇᒂᒡ ᐊᐛᓐ ᐊ ᐊᑐᔅᒐᑦ᙮ ᐛᔅ ᐊᓂᔭ ᐊ ᐊᑐᔅᒐᑦ ᑭᔭ ᐊ ᒋᓯᐧᑯᐛᑭᓄᐅᑦ ᓇᒪ ᓴᒐᔾ ᒥᔭᑭᓄᐤ ᐊᓂᔭ ᐅᑎᐸᐊᒪᑯᓯᐅᓐ᙮ ᐛᔅ ᐊᓂᔭ ᐊᒋ ᐊᑐᔅᒐᑦ ᐛᒋ ᒥᔭᑭᓄᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:8

ᒋᓴᒪᓂᑐᐤ ᒪᒃ ᐎᔾ ᓇᔅᒡ ᔅᒋ ᐛᐸᑎᔨᑯᓄᐤ ᑕᓐ ᐊᔅᐱᔅ ᓴᒋᐃᑕᐧᒄ, ᒋ ᐱᔅᑎᓇᐤ ᙭ᑕ ᒐᒋ ᓂᐱᔅᑎᒪᑎᔨᑕᐧᑯ ᐊᔅᒄ ᒪᒂᒡ ᒥᒋᑥᐅᓂᒡ ᐊᒋ ᐃᑕᐛᐧᒄ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᐃᐱᓯᔭᓇ 5:25

ᒋᔨᐛᐤ ᓇᐸᑐᒄ, ᒋᐸ ᓴᒋᐊᐛᐅᒡ ᒋᐅᐛᐅᒡ ᒧᔭᒻ ᙭ ᑲ ᐃᔅᐱᔅ ᓴᒋᐊᑦ ᐅᒪᒧᐊᔭᒥᐊᐛ, ᓇᔅᒡ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᑲ ᐃᔅᐱᔅ ᒋ ᓴᒋᐊᑦ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮

1 ᑕᓴᓗᓂᔭᓇ 1:3

ᓂ ᒋᔅᒋᓯᓇᓐ ᐊ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ᒥᔪ ᐊᑐᔅᑲᑐᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ᐊᐱᑎᓯᔭᒄ ᐊ ᓴᒋᐊᒄ ᒋᓴᔅ᙮ ᓂ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ᓱᒋᑲᐳᐅᔭᒄ ᐊ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑕᓴᓗᓂᔭᓇ 3:11

ᐊᐅᒄ ᒪᒃ ᐅ ᐊ ᐃᓯ ᐊᔭᒥᐊᔅᑎᒪᑕᒡ, ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᒐᒋ ᓇᐃᐱᔨᑕᒡ ᒥᓐ ᒐᒋ ᓂᑐᐛᐱᒥᑕᒡ᙮

2 ᑕᓴᓗᓂᔭᓇ 2:13

ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ, ᒋᔨᐛᐤ ᑲ ᓴᒋᐃᑕᒄ ᐅᑎᐸᔨᒋᒐᐤ᙮ ᐛᔅ ᓴᔅ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᒐᒋ ᐱᒪᒋᐅᐛᒄ ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑦ ᐅᔭ ᐊᔅᒋᔪᐤ᙮ ᒋᑭ ᐱᒪᒋᐅᓇᐛᐤ ᒪᒃ ᐛᔅ ᒋᓴᒪᓂᑐᐤ ᑲ ᓱᒐᔨᑕᑯᓯᔨᒋ ᐅᑦ ᐊᒐᒂ ᒋᑭ ᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ ᐛᔅ ᒋ ᑕᑈᑕᓇᐛᐤ ᑕᑈᐅᓐ᙮

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

ᐃᑉᕈᐛ 7:19

ᐛᔅ ᐊᓂᔭᔪᐛ ᐎᓱᐛᐅᓇ ᒧᓱᔅ ᑲ ᐱᔅᑎᓇᐧᒃ ᓇᒪ ᐅᒋ ᐃᑐᑕᑯᐅᒡ ᐃᔪᒡ ᒐᒋ ᑯᐃᔅᑯᑕᑎᓯᒡ᙮ ᒥᒄ ᒪᒃ ᑯᑎᒡ ᒐᒂᓐ ᐅᔅᑕ ᐊ ᒥᔽᒡ ᒋ ᒥᔨᑯᓇᓄᐤ, ᐊᐅᒄ ᐊᔅᐸᔨᒧᐅᓐ᙮ ᐊᔅᐸᔨᒧᐅᓐ ᐊᔭᐛᒂ ᐊᐅᒄ ᒐ ᐎᒋᐃᑯᔭᐧᒄ ᒐᒋ ᐸᓱᐛᐱᒪᐧᒄ ᒋᓴᒪᓂᑐᐤ᙮

1 ᒠᓐ 3:16

᙭ ᓇᔅᒡ ᑲ ᐱᔅᑕᔨᒧᑦ ᒐᒋ ᓂᐱᔅᑎᒪᑕᐧᒄ, ᐊᑯᑕ ᑲ ᐅᒋ ᒋᔅᒐᔨᑎᒥᐃᑕᐧᒄ ᓴᒋᐃᐛᐅᓂᔪᐤ᙮ ᐊᑯ ᒪᒃ ᑭᔭ ᒋᔭᓄᐤ ᓇᑐᐛᔨᑕᑯᓯᔭᐧᒄ ᒐᒋ ᐱᔅᑕᔨᒥᑎᓱᔭᐧᒄ ᒋᐧᑲᓂᓯᓄᐅᒡ ᒐᒋ ᐎᒋᐃᐧᑯᒡ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 22:5

ᓇᒪ ᓂᑕ ᒋᑭ ᐅᒋ ᑎᐱᔅᑲᐤ ᐊᓐᑕ᙮ ᓇᒪ ᑭᔭ ᒋᑭ ᐅᒋ ᓂᑐᐛᔨᒪᐅᒡ ᐛᔅᑕᓂᐱᒪᑭᓇ ᑭᔭ ᓇᒪ ᒋᑭ ᐅᒋ ᓂᑐᐛᔨᒪᐅᒡ ᐱᓯᒺ ᒐᒋ ᐛᔅᑕᓂᐱᒪᑯᒡ᙮ ᐛᔅ ᐊᓂᔭ ᐊ ᐃᔅᐱᔅ ᒋᐧᑲᔭᔅᑐᐛᔨᒋ ᒋᓴᒪᓂᑐᐛ, ᐊᐅᒄ ᐅᔭ ᒐ ᐅᐛᔅᑕᓂᐱᒪᑭᓂᒡ᙮ ᑲᒋᒡ ᒪᒃ ᒋᑭ ᒋᓴᐅᒋᒪᐅᒡ᙮

ᒋᔅᒐᔨᑕᑯᑕᒐᐅᓐ 3:9

ᓂᑭ ᐃᑐᑐᐛᐅᒡ ᒐᒋ ᐅᒋᒋᐧᑯᓂᐱᔪᐅᒡ ᐊ ᒋᔅᑕᔨᒥᑕᑯᒡ ᐊᓐᒡ ᒥᒋᒥᓂᑐᐛ ᐊ ᑕᔨᒋ ᑲ ᐃᓯ ᐎᒋᐃᐛᒡ, ᐊᓐᒡ ᑲ ᑭᑭᒋᔭᒡ ᐊ ᐃᔅᒋᔄᒡ, ᒍᐤ ᐃᔪᒡ ᓂᔭᓐ, ᒋᓴᒪᓂᑐᐤ ᐅᑦ ᐃᔨᒪ᙮ ᒋᑭ ᒋᔅᒐᔨᑎᒧᒡ ᒪᒃ ᐊ ᓴᒋᐃᑎᑯᒡ᙮