2 ᑕᓴᓗᓂᔭᓇ 2:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒋᓴᒪᓂᑐᐤ ᔅᒋ ᐅᑎᓂᑯᐛᐤ ᒐᒋ ᑕᑈᑎᒪᒄ ᑕᑈᐅᓐ ᐃᔅᐱ ᑲ ᐎᑎᒪᑕᒡ ᒥᔽᒋᒧᐅᓐ᙮ ᔅᒋ ᐅᑎᓂᑯᐛᐤ ᒐᒋ ᐊᔭᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮

2 ᑕᓴᓗᓂᔭᓇ 2:14 Iomraidhean Croise

ᑎᐱᑦ ᐅᓂᑭᒧᐅᓇ 16:11

ᒋᑭ ᐛᐸᑎᔨᓐ ᐱᒪᑎᓱᐅ-ᒪᔅᑭᓄᐤ: ᐊ ᐸᑕᔅᑎᒥᐱᔨᓐ ᓴᑭᔅᒋᓇᐤ ᒥᔽᔨᑎᒧᐅᓐ; ᒋᒥᔪᐅᓂᒡ ᑎᒂᓇ ᒥᔽᑎᑯᓯᐅᓇ ᑲᒋᒡ᙮

ᒪᑎᔪᐤ 25:21

“ ‘ᑕᑈ ᒋ ᒥᔪᑐᑕᓐ ᑭᔭ ᑕᑈ ᒋ ᒥᔪ ᐊᐱᑎᓯᓐ,’ ᒋ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ᐊᑐᔅᒐᔅᑎᒥᓐ ᐊᓐ ᐊ ᐊᐱᓴᓯᒡ ᑕᓐ ᑲ ᐃᓯ ᐱᑯᓴᔨᒥᑯᔨᓐ ᐊᑯ ᐊᑐᐎᔅ ᐊ ᒥᓴᒋ ᒐᒂᔪᐛ ᒐ ᐱᔅᑎᓂᒪᑯᔨᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ᐱᒐ, ᒐ ᐸᒋ ᐎᒋᐃᔨᓐ ᑕᓐ ᐊ ᐃᓯ ᒥᔽᔨᑎᒪᓐ᙮’ ”

ᒠᓐ 17:22

ᓂᒋ ᐃᑐᑐᐛᐅᒡ ᒐᒋ ᒋᔅᑕᔨᑕᑯᓯᒡ ᒧᔭᒻ ᒋᔾ ᑲ ᐃᓯ ᐃᑐᑐᐎᔨᓐ ᒐᒋ ᒋᔅᑕᔨᑕᑯᓯᔭᓐ ᐊᓐᑕ ᒐᒋ ᐅᒋ ᐸᐃᑯᒡ ᒧᔭᒻ ᒋᔭᓄᐤ ᐊ ᐃᓯ ᐸᐃᑯᔭᐧᒄ᙮

ᒠᓐ 17:24

“ᓄᑕ, ᒋᔾ ᔅᒋ ᐸᒋ ᒥᔨᓐ ᐅᒡ, ᒋ ᓂᑐᑎᒪᑎᓐ ᒪᒃ ᑭᔭ ᐎᔨᐛᐤ ᐊᔅᒄ ᒐᒋ ᑕᒡ ᐊᓐᑕ ᒐ ᑕᐅᒡ᙮ ᐊᑯ ᒪᒃ ᒐ ᐛᐸᑕᒡ ᓂᒋᔅᑕᔨᑕᑯᓱᐅᓂᔪᐤ, ᐊᓂᔭ ᒋᔅᑕᔨᑕᑯᓱᐅᓂᔪᐤ ᑲ ᐸᒋ ᒥᔨᓐ ᐛᔅ ᔅᒋ ᓴᒋᐃᓐ ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:25

ᒪᒥᒋᒪᑕᐤ ᒋᓴᒪᓂᑐᐤ᙮ ᐛᔅ ᐎᔾ ᐊᐅᒄ ᑲᔅᒋᐅᑦ ᒐᒋ ᐊᔨᒋᑲᐳᐃᑕᒄ ᒋᐱᒪᑎᓯᐅᓄᐛᒡ ᐊᓐᑕ ᐅᒋ ᑕᓐ ᑲ ᐃᓯ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᐊᑯᑕ ᐊ ᐊᔨᒧᒪᑭᓄᐅᑦ ᐅ ᒋᓴᔅ ᙭ ᑲ ᑎᐸᒋᒥᒃ᙮ ᐊᐅᒄ ᒪᒃ ᐅᔭ ᒥᔽᒋᒧᐅᓂᔪᐤ ᓇᒪ ᐅᒋ ᐱᔅᑎᓂᒻ ᒋᓴᒪᓂᑐᐤ ᒐᒋ ᒋᔅᒐᔨᑕᑭᓄᐎᒡ ᐊᓐᑕ ᐸᒋ ᐛᔅᑭᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:16

ᐊᑯ ᒪᒃ ᐃᔅᐱ ᒋᓴᒪᓂᑐᐤ ᑎᐸᔅᑯᓇᒐ ᒥᓯᐛ ᐊᐛᔪᐛ, ᒋᓴᔅ ᙭ᑕ ᐅᒋ, ᑕᓐ ᑲ ᐃᓯ ᒋᒧᑦ ᒥᒋᑐᑎᒥᔨᒋ ᐊᑯᑕ ᒐ ᓄᑯᓂᔨᒡ ᐊᓐ ᐊᐛᓐ ᑕᑈ ᑲ ᐃᑐᑎᒧᒂ ᑕᓐ ᐊ ᐃᑎᓱᐛᔨᒡ ᐎᓱᐛᐅᓂᔪᐤ᙮ ᐊᐅᑯᓐ ᐊ ᐃᓯ ᐎᑎᒪᒐᒥᑲᒡ ᐅ ᒥᔽᒋᒧᐅᓐ ᒋᓴᔅ ᙭ ᑲ ᒥᔨᑦ ᒐᒋ ᐛᐎᑎᒧᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:17

ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮

1 ᑕᓴᓗᓂᔭᓇ 2:12

ᓱᒃ ᔅᒋ ᐊᓯᒋᒥᑎᓇᓐ᙮ ᔅᒋ ᒥᔽᔨᒧᐃᑎᓇᓐ ᑭᔭ ᔅᒋ ᓯᒋᒥᑎᓇᓐ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᓯ ᐱᒪᑎᓯᓇᓄᐎᒡ᙮ ᐛᔅ ᐎᔾ ᒋᓴᒪᓂᑐᐤ ᒋ ᐎᓴᒥᑯᐛᐤ ᒐᒋ ᐎᒋᐃᐛᔭᒄ ᐊᓐᑕ ᑲ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓂᒡ᙮

2 ᑎᒧᑎ 2:12

ᒧᓯᓇᐤ ᒐ ᓯᐱᔪᐛᓯᔅᑎᒧᐛᐅᒂ ᓂᓇᐧᑲᑕᔨᒧᐅᓐ, ᒋᑭ ᐎᒋ ᑎᐸᔨᒋᒐᒪᓄᐤ᙮ ᑭᔭ ᐃᔅᒋᔄᔭᒂ ᐊᑲ ᒋᔅᒐᔨᒪᐧᒄ, ᑭᔭ ᐎᔾ ᒋᑭ ᐃᔅᒋᔄᐤ ᐊᑲ ᒋᔅᒐᔨᒥᑕᐧᒄ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

2 ᐱᑕᕐ 1:3

ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

ᒋᔅᒐᔨᑕᑯᑕᒐᐅᓐ 21:23

ᓇᒪ ᓂᑐᐛᔨᑕᑯᓱᐤ ᐱᓯᒻ ᒪᒃ ᑎᐱᔅᑲᐤ ᐱᓯᒻ ᒐᒋ ᐅᒋ ᐛᔅᑐᐛᒡ ᐊᓐ ᐅᑕᓇᐤ᙮ ᐛᔅ ᐊ ᐃᔅᐱᔅ ᒋᐧᑲᔭᔅᑐᐛᔨᒡ ᐊᓐᑕ ᐊ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᑭᔭ ᐊᓐ ᒪᔭᑕᓂᔅ ᐊ ᑕᑦ, ᐊᑯᑕ ᐛᒋ ᒋᐧᑲᔭᔅᑕᒡ᙮

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”