2 ᑕᓴᓗᓂᔭᓇ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓂᐧᑲᓂᓯᑐᒄ, ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐛᔅ ᐊᑐᐎᔅ ᒋᑦ ᐊᑎ ᑕᑈᐅᒐᔨᒪᐛᐤ ᙭ ᑭᔭ ᐊᔭᔅᒃ ᐊᑐᐎᔅ ᒋ ᓴᒋᐃᑐᓇᐛᐤ᙮

2 ᑕᓴᓗᓂᔭᓇ 1:3 Iomraidhean Croise

ᑎᐱᑦ ᐅᓂᑭᒧᐅᓇ 84:7

ᐊᔭᔅᒄ ᒥᔅᑯᐅᓯᐅᒡ, ᑲ ᐃᑕᒡ ᓴᐃᔭᓂᒡ ᐅᑎᔅᑲᐎᔅᑐᐛᐅᒡ ᒋᓴᒪᓂᑐᐛ᙮

ᑎᐱᑦ ᐅᓂᑭᒧᐅᓇ 92:13

ᐊᓐᒡ ᑲ ᐊᔨᒋᑲᐳᐊᑭᓄᐅᒡ ᐅᒥᒋᐛᐱᒥᔨᒡ ᑎᐸᔨᒋᒐᓱᐛ, ᒋᑭ ᐛᔪᒋ ᓂᑕᐅᒋᐅᒡ ᐅᒪᐛᒋᐃᑐᐅᒋᐛᐱᒡ ᒋᒋᓴᒪᓂᑐᒥᓄᐛ᙮

ᓗᒃ 15:32

ᐃᓯᓇᑯᓐ ᑕᑈ ᒐᒋ ᒧᒋᒐᔨᑎᒪᐧᒄ ᐛᔅ ᒋᐧᑲᓂᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᑭᔭ ᐊᓄᒡ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒧᔭᒻ ᐊᒋ ᐅᓂᓯᓂᑦ ᒋ ᐃᓯᓇᑯᓱᐤ ᑭᔭ ᒥᓐ ᐊ ᒥᔅᑯᐛᑭᓄᐅᑦ ᐊᐅᑯᓐ ᐊ ᐃᓯᓇᑯᓯᑦ᙮’ ”

ᓗᒃ 17:5

ᒋᓴᔅ ᐅᑦ ᐊᑈᔅᑕᓂᒪ ᒋ ᐃᑎᑯᐤ, “ᐅᑎᐸᔨᒋᒐᐤ, ᑐᑕ ᒪ ᓂᑕᑈᑎᒧᐅᓇᓇ ᐊᑐᐎᔅ ᒐᒋ ᓱᒐᔨᑕᒂᒋ᙮”

ᒠᓐ 15:2

ᒥᓯᐛ ᐅᑎᐧᑯᓇ ᓂᔾ ᐊ ᑕᔭᓐ ᑲ ᑎᒂᒋ ᐊᑲ ᒥᓂᓱᔨᒋ ᓄᑕᐎᔾ ᒪᓂᓯᒻ᙮ ᐊᑯ ᐊᓂᔭᔪᐛ ᐅᑎᐧᑯᓇ ᑲ ᒥᓂᓱᔨᒋ ᒥᓯᐛ ᐛᐛᓯᑕᐤ ᐊᑐᐎᔅ ᒐᒋ ᒥᓂᓱᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:8

ᓂᔅᑎᒻ ᒐᒂᓐ ᐛ ᐃᔅᒋᔄᔭᓐ᙮ ᓂᓇᔅᑯᒪᐤ ᓂᒋᓴᒪᓂᑐᒻ ᒋᓴᔅ ᙭ ᐅᒋ ᐃᔅᐱ ᒐᔅᒋᓯᑐᑕᑎᑯᒡ ᒥᓯᐛ ᐊ ᑎᓯᔭᒄ ᐛᔅ ᒥᓯᐛ ᐅᑕ ᐊᔅᒋᒡ ᐊᔨᒧᑕᑭᓄᐤ ᒋᑕᑈᔭᔨᑎᒧᐅᓄᐛᐤ᙮

1 ᑯᕆᓐᑎᔭᓇ 1:4

ᒧᔅ ᓂᓇᔅᑯᒪᐤ ᒋᓴᒪᓂᑐᐤ ᑕᓐ ᑲ ᐃᓯ ᓱᐛᔨᒥᑕᒄ ᒋᓴᔅ ᙭ ᐅᒡ᙮

2 ᑯᕆᓐᑎᔭᓇ 10:15

ᓇᒪ ᑭᔭ ᓂᑦ ᐊᔨᒧᑎᒺᓇᓐ ᑯᑎᒃ ᐊᐛᓐ ᐅᑦ ᐊᑐᔅᒐᐅᓐ ᒧᔭᒻ ᓂᔭᓐ ᐊᓐ ᐊᒋ ᐃᓯ ᐊᑐᔅᒐᔭᒡ ᒐᒋ ᐃᑎᑕᑯᓯᔭᒡ᙮ ᓇᒪ ᓂ ᐎ ᐸᔅᑎᔅᑭᒺᓇᓐ ᑕᓐ ᐊ ᐃᓯ ᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐊᑐᔅᑯᐅᒋᑦ᙮ ᓂ ᐱᑯᓴᔨᑕᓇᓐ ᒥᒄ ᐊᑐᐎᔅ ᒐᒋ ᐊᑐᔅᒐᔭᒡ ᐊᓐᑕ ᐊ ᑕᔭᒄ ᐊᔭᔅᒃ ᒐᒋ ᓂᑕᐅᒋᒋ ᒋᑕᑈᑎᒧᐅᓄᐛᐤ ᑭᔭ ᒐ ᐃᔅᐱᔅ ᒥᔨᑯᐛᒐ ᒋᓴᒪᓂᑐᐤ ᒐᒋ ᐎᒋᐃᑕᒡ᙮

ᐃᐱᓯᔭᓇ 5:20

ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᐱᓕᐱᔭᓇ 1:7

ᑕᑈᐅᓂᒡ ᒪᒃ ᐅ ᒋ ᐊᑎ ᐃᓯ ᒪᒥᑐᓇᔨᒥᑎᓇᐛᐤ ᐛᔅ ᒋᓴᒋᐃᑎᓇᐛᐤ᙮ ᐛᔅ ᒥᓯᐛ ᐊ ᑎᓯᔭᒄ ᔅᒋ ᒥᔨᑯᐅᓇᐛᐤ ᒋᓴᐛᑎᓯᐅᓐ ᒧᔭᒻ ᑕᓐ ᑲ ᐃᓯ ᒥᔨᑯᐅᔭᓐ ᓂᔾ ᐊᑎ ᐅᑕ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᑭᔭ ᒪᒂᒡ ᑲᒋ ᒋᔅᐸᐛᑐᑎᒪᓐ ᒥᔽᒋᒧᐅᓐ ᑭᔭ ᑲᒋ ᐊᑐᔅᑲᔅᑎᒪᓐ ᒐᒋ ᑕᑈᑕᑭᓄᐅᒡ᙮

ᐱᓕᐱᔭᓇ 1:9

ᒋᑦ ᐊᔭᒥᐊᔅᑎᒪᑎᓇᐛᐤ ᐊᐛᓯᑕ ᒐᒋ ᐊᑎ ᓴᒋᐃᑐᔭᒄ, ᑭᔭ ᐊᐛᓯᑕ ᒐᒋ ᐊᑎ ᑭᒐᑕᐛᔨᑎᒪᒄ ᑭᔭ ᐊᐛᓯᑕ ᒐᒋ ᒥᔪ ᑭᒐᔅᒐᔨᑎᒪᒄ ᒐᒂᓐ᙮

1 ᑕᓴᓗᓂᔭᓇ 3:12

ᓂ ᓂᑐᑎᒧᐛᓇᓐ ᐅᑎᐸᔨᒋᒐᐤ ᒐᒋ ᐃᑐᑕᑕᒄ ᐊᔭᔅᒃ ᒐᒋ ᓴᒋᐃᑐᐛᒄ ᑭᔭ ᑯᑎᑲ ᐊᐛᔪᐛ ᐊᔭᔅᒃ ᒐᒋ ᓴᒋᐃᒪᑯ, ᒐᒋ ᐊᑎ ᐃᔅᐱᔅ ᓴᒋᐃᑐᔭᒄ ᑭᔭ ᒐᒋ ᐊᑎ ᐃᔅᐱᔅ ᓴᒋᐊᑯᒡ ᑯᑎᑭᒡ ᐊᐛᓐᒋ ᒧᔭᒻ ᓂᔭᓐ ᐊ ᐃᔅᐱᔅ ᓴᒋᐃᑕᒡ᙮

1 ᑕᓴᓗᓂᔭᓇ 3:6

ᐊᑯ ᒪᒃ ᐊᒋ ᐸᒋ ᑎᑯᓯᐧᒃ ᑎᒧᑎ ᐊᓐᑕ ᐊ ᑕᐛᒄ ᐊ ᐅᑐᑕᑦ ᑭᔭ ᐊᒋ ᒥᔪ ᐊᔨᒧᑎᒧᔨᒥᑦ ᒋᑕᑈᑎᒧᐅᓄᐛᔪᐤ ᑭᔭ ᒋᓴᒋᐃᐛᐅᓄᐛᔪᐤ, ᐊᔪᐤ ᓂᒋ ᐎᑎᒪᑯᓇᓐ ᒧᔅ ᐊ ᒥᔪ ᒋᔅᒋᑐᐎᔭᒡ ᑭᔭ ᓇᔅᒡ ᐊ ᐎ ᐛᐱᒥᔭᒡ ᒧᔭᒻ ᓂᔭᓐ ᐛ ᐃᔅᐱᔅ ᐎ ᐛᐱᒥᑕᒡ᙮

1 ᑕᓴᓗᓂᔭᓇ 3:9

ᑕᓐᑕ ᒪᒃ ᒐᒋ ᐅᒋ ᑕᑈ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐊᓐ ᐊ ᐃᔅᐱᔅ ᓇᔅᒡ ᒥᔽᔨᑎᒥᐃᔭᒡ ᐃᔅᐱ ᐊ ᐃᔨᒥᐃᒋᒡ ᒋᓴᒪᓂᑐᐤ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

2 ᑕᓴᓗᓂᔭᓇ 2:1

ᓂᐧᑲᓂᓯᑐᒄ, ᒋᑭ ᐊᔨᒧᑎᒪᑎᓇᐛᐤ ᑕᓐ ᒐ ᐃᔅᐱᔨᒡ ᐅᑎᐸᔨᒋᒐᐤ ᒋᓴᔅ ᙭ ᑎᑯᓯᒐ ᒪᒧᐅᔭᒂ ᐊᓐᑕ ᐎᔾ ᐊ ᑕᑦ᙮ ᒋ ᓂᑐᐛᔨᒥᑎᓇᐛᐤ ᓂᐧᑲᓂᓯᑐᒄ,

2 ᑕᓴᓗᓂᔭᓇ 2:13

ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ, ᒋᔨᐛᐤ ᑲ ᓴᒋᐃᑕᒄ ᐅᑎᐸᔨᒋᒐᐤ᙮ ᐛᔅ ᓴᔅ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᒐᒋ ᐱᒪᒋᐅᐛᒄ ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑦ ᐅᔭ ᐊᔅᒋᔪᐤ᙮ ᒋᑭ ᐱᒪᒋᐅᓇᐛᐤ ᒪᒃ ᐛᔅ ᒋᓴᒪᓂᑐᐤ ᑲ ᓱᒐᔨᑕᑯᓯᔨᒋ ᐅᑦ ᐊᒐᒂ ᒋᑭ ᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ ᐛᔅ ᒋ ᑕᑈᑕᓇᐛᐤ ᑕᑈᐅᓐ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

2 ᐱᑕᕐ 1:13

ᐊᐅᑯᓐ ᑭᑈ ᑕᑈ ᐊ ᐃᓯ ᒥᔽᒡ ᒐᒋ ᐃᑐᑕᑎᑯᒡ ᓂᑦ ᐃᑕᔨᑕᓐ, ᒧᔅ ᒐᒋ ᒋᔅᒋᓱᒥᑎᑯᒡ ᐅᔭ ᒐᒂᔪᐛ ᐊᔅᒄ ᒪᒂᒡ ᐊ ᐱᒪᑎᓯᔭᓐ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮