2 ᐱᑕᕐ 3:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᑕᐸ ᑕᔅᑎᑲᒋᔪᐤ ᐅᑎᐸᔨᒋᒐᐤ ᒐᒋ ᐃᑐᑕᐧᒃ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐ ᐃᑐᑕᐧᒃ᙮ ᑕᔅᑎᑲᒋᐤ ᐃᑕᔨᒪᐅᒡ ᒪᒃ ᑯᑎᑭᒡ ᐊᐛᓐᒋ᙮ ᒋ ᓯᐱᔪᐛᓯᔅᑕᑯᐛᐤ ᐛᔅ ᐊᓐ, ᐊᑲ ᐛᒋ ᐸᐃᒄ ᐊᐛᔪᐛ ᓂᑐᐛᔨᒪᑦ ᒐᒋ ᓂᓱᐅᓇᑎᓯᔨᒋ, ᐛᔅ ᒥᓯᐛ ᐊᐛᔪᐛ ᓂᑐᐛᔨᒪᐤ ᒐᒋ ᓂᑭᑎᒥᔨᒋ ᐅᒥᒐᑎᓯᐅᓂᔪᐤ᙮

2 ᐱᑕᕐ 3:9 Iomraidhean Croise

ᑎᐱᑦ ᐅᓂᑭᒧᐅᓇ 77:8

ᒋᒋᐛ ᐊ ᒋᑐᑕᒪᑭᓂᔪᐤ ᐅᓱᐛᔨᒋᒐᐅᓐ ? ᒋᒋᐛ ᐊ ᓇᒪ ᓂᑕ ᒋᑭ ᒋ ᐊᐱᑎᓂᔪᐤ ᐅᑦ ᐊᓱᑎᒪᒐᐅᓐ ?

ᑎᐱᑦ ᐅᓂᑭᒧᐅᓇ 86:15

ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋ ᒋᓴᒪᓂᑐᐅᓐ ᑲ ᓴᑭᔅᒋᓇᔅᑲᑯᔨᓐ ᒋᔅᑎᒪᒐᔨᒋᒐᐅᓐ, ᑭᔭ ᑲ ᒋᓴᐛᑎᓯᔨᓐ; ᐊ ᓯᐱᔨᐛᓯᔨᓐ, ᑭᔭ ᐊ ᐛᔪᑎᓯᔨᓐ ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ᙮

ᐊᒃᓱᑕᔅ 18:23

ᐃᑐᑎᒥᓇ ᐅ, ᒋᓴᒪᓂᑐᐤ ᐊ ᐃᑎᓱᒥᔅᒃ, ᓇᒪ ᒋᑭ ᐃᔅᐱᔅ ᐊᔭᔅᑯᓯᓐ, ᑭᔭ ᓄᑎᒻ ᐊᐛᓐ ᒋᑭ ᒥᔽᔨᑎᒻ ᒋᐛᒐ, ᐎᐱᒡ ᒥᔪᐱᐃᑐᑥᐛ ᐊ ᒪᒥᒋᐱᐃᑐᒡ᙮”

ᐊᒃᓱᑕᔅ 32:32

ᒥᒄ ᒋ ᐱᑯᓴᔨᒥᑎᓐ ᒐᒋ ᐛᐸᔨᑎᒧᐅᑥᐤ ᐊᓂᔭ ᐅᒥᒋᑥᐅᓄᐛᐤ, ᐊᑯ ᐊᑲ ᐎ ᐛᐸᔨᑎᒧᐅᑥᐛ ᒐ ᑲᓯᓯᓇᐊᒥᓐ ᓂᑦ ᐃᓯᓂᐧᑲᓱᐅᓐ ᐊᓐᑕ ᒋᒥᓯᓇᐃᑭᓂᒡ ᑲ ᒥᓯᓇᑕᐅᒧᑦ ᒋᑦ ᐃᔨᒥᒡ ᐅᑦ ᐃᓯᓂᐧᑲᓱᓄᐛᐛ᙮”

ᐊᒃᓱᑕᔅ 33:11

ᑎᐸᔨᒋᒐᓱᐤ ᐅᑎᔅᑯᐤ ᒋ ᐃᔨᒪᐤ ᒧᓱᓴ ᒧᔭᒻ ᐊᐛᓐ ᐊ ᐃᓯ ᐃᔨᒪᒋ ᐎᒐᐛᑭᓇ᙮ ᐊᑯ ᒧᓱᔅ ᑲᐤ ᐊᑐᑕᑦ ᐊᓐᑕ ᐛᒋᓇᓄᐎᒡ᙮ ᒥᒄ ᐊᓂᔭ ᐅᑯᐸᓇᒪ ᒐᓱᐛᔨᒋ ᓇᓐ ᐅᑯᓯᔨᐛ, ᓇᒪ ᐅᒋ ᓂᑭᑎᒥᔪᐛ ᑲ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ᙮

ᐊᒃᓱᑕᔅ 34:6

ᐊᑯ ᑎᐸᔨᒋᒐᓱᐤ ᓂᑲᓐ ᐊᓐᑕ ᒂ ᐃᓯ ᐎᒪᔅᑯᐛᑦ ᒧᓱᓴ ᑭᔭ ᒂ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᒋᔅᑎᒪᒐᔨᒋᒐᐅᓂᔪᐤ, ᐊᑲ ᐎᐱᒡ ᒋᔄᓯᑦ ᑭᔭ ᑲ ᐛᔪᑎᓯᑦ ᓱᐛᔨᒋᒐᐅᓂᔪᐤ ᑭᔭ ᑕᑈᐅᒐᔨᑕᑯᓱᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:11

ᐊᐅᑯᓐ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᒋᔅᒐᔨᑎᒪᒄ ᑕᓐ ᒐ ᐃᔅᐱᔨᒡ ᐊᑯ ᐎᐱᒡ᙮ ᐃᑕᔨᑕᑯᓐ ᐊᑯ ᑕᑈ ᒐᒋ ᐸᑯᐱᔭᒄ ᑭᔭ ᒐᒋ ᐊᓯᒐᔨᑎᒪᒄ᙮ ᐊᓐ ᐊ ᒋᓯᑲᒡ ᒐ ᐱᒪᒋᐃᑕᒄ ᒋᓴᒪᓂᑐᐤ ᐊᑐᐎᔅ ᐊᑯ ᐸᓱᓇᑯᓐ ᑲ ᐃᔅᐱᓯᓇᒂᒡ ᐊᓐᑕ ᓂᔅᑎᒻ ᑲ ᑕᑈᔭᔨᒪᐧᒄ ᒋᓴᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12

ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:4

ᓇᔅᒡ ᑕᑈ ᒋᓴᐛᑎᓯᐤ ᒋᓴᒪᓂᑐᐤ᙮ ᓇᑲᐎᐤ ᒐᒋ ᑎᐸᔅᑯᓂᔅᒃ ᑭᔭ ᓇᔅᒡ ᑕᑈ ᒋ ᓯᐱᔪᐛᓯᔅᑕᒄ᙮ ᒐᒂᔪᐤ ᐛᒋ ᒪᔭᔨᒥᑦ, ᐊᓂᔭ ᒪᒃ ᐊ ᐃᔅᐱᔅ ᒥᔽᔨᑕᑯᓯᑦ᙮ ᓇᒪᐎᔾ ᐊ ᒋ ᒋᔅᒐᔨᑕᓐ ᒐᒂᔪᐤ ᐛᒋ ᒋᓴᐛᑐᑕᔅᒃ ? ᒋ ᓂᑐᐛᔨᒧᒄ ᒐᒋ ᒥᑕᒋᔨᐛᔨᑎᒧᑦ ᑕᓐ ᐊ ᐃᓯ ᒥᒐᑎᓯᔪᐅᑦ ᑭᔭ ᒐᒋ ᒂᔅᑲᑎᓯᔪᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:22

ᐊᐅᑯᓐ ᒪᒃ ᒧᔭᒻ ᐊ ᐃᑎᑦ ᒋᓴᒪᓂᑐᐤ᙮ ᒋ ᐎᔭᔨᑎᒻ ᒐᒋ ᐛᐸᑎᔨᐛᑦ ᐅᑦ ᐊᐧᑯᔪᐛᓱᐅᓐ ᑭᔭ ᒋ ᐎ ᒋᔅᒐᔨᑕᑯᑕᐤ ᐅᓱᒐᔨᑕᑯᓱᐅᓐ᙮ ᐅᑕ ᐅᑕᒡ ᒧᔅ ᒋ ᐸᒋ ᓯᐱᔪᐛᓯᔅᑐᐛᐤ ᐊᓂᔭᔪᐛ ᑲ ᒋᔄᐃᑯᑦ ᐅᑕ ᐅᑕᒡ, ᐊᓂᔭᔪᐛ ᑲ ᐃᑕᔨᑕᑯᓂᔨᒡ ᒐᒋ ᓂᓱᐅᓇᑎᓯᔨᒋ᙮

1 ᑎᒧᑎ 1:16

ᐊᑎ ᒪᒃ ᓂᔾ ᒪᐅᒡ ᐊᒋ ᒥᒐᑎᓯᐅᒡ ᓂᒋ ᐛᔪᐅᒡ ᒋᓴᐛᑐᑕᒄ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐ ᒐᒋ ᐃᔅᐱᔅ ᐛᔪᐅᒡ ᓯᐱᔪᐛᓯᔅᑐᐛᑦ ᐊᓂᔭᔪᐛ ᒐ ᑕᑈᔭᔨᒥᑯᑦ ᑭᔭ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

1 ᑎᒧᑎ 2:4

ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐅᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

ᐃᑉᕈᐛ 10:37

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒪᔅᑕᔾ ᐛᐃᐱᔅᒋᔅ, ᐊᑯ ᐊᓐ ᒋᐸ ᑎᑯᓯᓄᐤ ᒐ ᑎᑯᓯᐧᒃ, ᓇᒪ ᒪᒃ ᒋᑭ ᐃᔭᐃᑯᐤ ᒐᒋ ᑎᑯᓯᐧᒃ᙮

1 ᐱᑕᕐ 3:20

ᐊᐅᑯᓐᒡ ᐅᒡ ᐊᓂᔭᐧᑲ ᑲ ᐱᒪᑎᓯᒡ ᒪᒂᒡ ᐊᓂᔭ ᓄᐛ ᑲ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ᙮ ᓇᒪ ᐅᒋ ᓂᓇᐃᑐᐛᓯᐱᓐᒡ ᒋᓴᒪᓂᑐᐛ, ᒥᒄ ᒪᒃ ᒋ ᓯᐱᔪᐛᓯᔅᑕᑯᐅᒡ ᒋᓴᒪᓂᑐᐛ᙮ ᒥᒄ ᔭᓇᐤ ᐊᐛᓐᒋ ᒋ ᐳᓱᐅᒡ ᐊᓂᔭ ᐅᐤᑎᔪᐤ, ᒋ ᐱᒪᒋᐃᑯᐅᒡ ᒪᒃ ᒋᓴᒪᓂᑐᐛ ᐊᓐᑕ ᐊᓂᔭ ᑲ ᐃᔅᒋᐳᑕᔨᒡ᙮

2 ᐱᑕᕐ 1:4

ᐊᑯᑕ ᒪᒃ ᑭᔭ ᐅᔭᔪᐤ ᐅᒋ, ᐅᔭ ᑕᓐ ᓴᔅ ᑲ ᐃᓯ ᒥᔨᑕᐧᒄ ᒋᐱᒪᑎᓯᐅᓇᒡ, ᐊᑯᑕ ᑲ ᐅᒋ ᒥᔨᑕᐧᒄ ᐊᓂᔭ ᒥᔨᐛᐅᓇ ᓇᔅᒡ ᑲ ᒋᔅᑕᔨᑕᑯᓂᔨᒋ ᑭᔭ ᓇᔅᒡ ᑲ ᒥᔽᓯᔨᒋ᙮ ᐊᐅᑯᓐ ᐛᔅ ᑭᑈ ᐊᓂᔭᔪᐛ ᒥᔨᐛᐅᓇ ᑲ ᐊᓱᑎᒧᐛᑦ ᒥᓯᐛ ᐊᓂᔭ ᒐ ᑕᑈᔭᔨᒥᑯᑦ᙮ ᐅᔭ ᒪᒃ ᒥᔨᐛᐅᓇ ᑲ ᐊᓱᑎᒪᑕᐧᒄ, ᐊᐅᑯᓐ ᐅᔭ ᒐ ᐎᒋᐃᑯᔭᐧᒄ ᒐ ᐊᑲ ᒋ ᓴᐧᑯᒋᐱᑎᑯᔭᐧᒄ ᑲ ᓂᓱᐅᓇᒋᐃᐛᒥᑲᒋ ᒥᒋ ᓂᑐᐛᔨᑎᒧᐅᓇ ᐅᑕ ᐊᔅᒋᒡ ᐊ ᑎᒂᒋ᙮ ᐊᑯᑕ ᑭᔭ ᒐᒋ ᐅᒋ ᐊᔭᔅᒃ ᐃᑕᔨᑕᑯᓯᔭᐧᒄ ᑕᓐ ᐊ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

2 ᐱᑕᕐ 3:15

ᐊᓂᔭ ᐛᒋ ᐊᑲ ᐊᔅᒄ ᑎᑯᓯᐧᒃ ᐅᑎᐸᔨᒋᒐᐤ ᐊᑐᐎᔅ ᐎᔾ ᑕᐅᓂᒻ ᑕᓐᑕ ᐊᔅᒄ ᒐᒋ ᐱᒪᒋᐅᔨᒋ ᐊᐛᔪᐛ, ᐊᐅᒄ ᐅ ᐎᓯ ᑭᓄᐛᐸᑎᒺᒄ ᐊᓂᔭ ᐊᔅᒄ ᐊᑲ ᑎᑯᓯᐧᒃ᙮ ᐊᐅᑯᓐ ᐛᔅ ᐅᔭ ᑭᔭ ᐎᔾ ᑲ ᐃᓯ ᐊᔨᒧᑕᐧᒃ ᒋᐧᑲᓂᓴᓄᐤ ᑈᓪ ᐊᓐᑕ ᑲ ᒥᓯᓇᐊᒪᑕᒄ ᑕᓐ ᑲ ᐃᓯ ᒥᔨᑯᑦ ᑭᔭ ᐎᔾ ᒋᓴᒪᓂᑐᐛ ᑭᒐᑕᐛᔨᑎᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 2:21

ᓂᒋ ᐊᓱᐛᐱᒪᐤ ᒪᒃ ᒐᒋ ᒂᔅᑲᑎᓯᑦ, ᓇᒪ ᒪᒃ ᐅᒋ ᐎ ᓂᑭᑎᒻ ᐅᐎᓂᓱᐛᑎᓯᐅᓐ᙮