2 ᐱᑕᕐ 3:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓂᔅᑎᒻ ᒪᒃ ᒐᒂᓐ ᐛ ᐃᑎᑎᑯᒡ, ᒐ ᐎ ᒋᔅᒋᓯᔭᒄ ᐃᔅᐱ ᐊᑎ ᐸᓱᓇᑯᒐ ᒐ ᑎᑯᓯᐧᒃ ᐅᑎᐸᔨᒋᒐᐤ, ᒋᑭ ᑕᐅᒡ ᒪᔭᔨᒐᓱᐅᒡ, ᓇᔅᒡ ᒋᑭ ᑎᐸᔨᒥᑯᐅᒡ ᐅᒥᒋᓂᑐᐛᔨᑎᒧᐅᓄᐛᐛ ᐅᒡ᙮ ᒋᑭ ᒪᔭᔨᒥᑯᐛᐅᒡ᙮

2 ᐱᑕᕐ 3:3 Iomraidhean Croise

ᒠᓐ 12:48

ᐊᓐ ᐊᐛᓐ ᔭᑐᐛᔨᒥᒂ, ᑭᔭ ᐊᑲ ᓂᓇᐃᑎᒧᒂ ᓂᒥᔽᒋᒧᐅᓂᔪᐤ, ᒋᑭ ᑎᐸᔅᑯᓇᑭᓄᐤ᙮ ᐊᓂᔭ ᐅᒋ ᑕᓐ ᑲ ᐃᔅᒋᔄᔭᓐ ᐊᔪᐅᒄ ᐊᓂᔭ ᒐ ᐅᒋ ᑎᐸᔅᑯᓇᑭᓄᐅᑦ ᒪᔅᑕᔾ ᒋᓯᑲᔨᒐ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

2 ᑎᒧᑎ 3:1

ᒐ ᐎ ᒋᔅᒐᔨᑎᒥᓐ ᑭᔭ ᐅ, ᐃᔅᐱ ᐊᓐᑕ ᒪᔅᑕᔾ ᐊᑎ ᒋᓯᑲᒂᐛ ᓇᔅᒡ ᑕᑈ ᒋᑭ ᑎᑯᓐ ᑕᓐ ᒐ ᐃᓯ ᐊᔨᒥᐱᔨᒡ᙮

ᐃᑉᕈᐛ 1:2

ᐊᓄᒡ ᒪᒃ, ᐅᔭ ᒪᔅᑕᔾ ᐊ ᒋᓯᑲᔨᒋ ᐅᑯᓴ ᐅᒋ ᐊᑯᑕ ᐛᒋ ᐃᔨᒥᐃᑕᐧᒄ᙮ ᐊᐅᒄ ᐅᔭ ᐅᑯᓴ ᒋᓴᒪᓂᑐᐤ ᑲ ᐊᐱᒋᐊᑦ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᐊᐅᒄ ᐅᔭ ᑲ ᐅᑎᓇᑦ ᒥᓯᐛ ᒐᒂᔪᐤ ᒐ ᐃᓯ ᒥᔭᑦ᙮

2 ᐱᑕᕐ 1:20

ᒪᐅᒡ ᒪᒃ ᐊ ᐃᓯ ᓂᑐᐛᔨᑕᒂᒡ ᒐᒋ ᓂᔅᑐᑎᒪᒄ, ᐊᐅᒄ ᐅ ᐊᑲ ᐛᒋ ᐸᐃᒄ ᒋᔅᒋᐛᐃᒐᐅᓐ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᑎᒂᒋ ᒐᒋ ᐱᔭᑭᔅᒋᑕᐧᒃ ᓇᐸᐤ ᒥᒄ ᐎᔾ ᐊ ᐸᐃᑯᓯᑦ᙮

2 ᐱᑕᕐ 2:10

ᐊᑐᐎᔅ ᒪᒃ ᒐᔅᑎᓇᑕᔨᑕᑯᓂᔪᐤ ᒐ ᑎᐸᔅᑯᓇᑭᓄᐅᒡ ᐊᓐᒡ ᒥᒄ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᐅᐎᔭᓯᐤ ᐱᒪᑎᓯᐅᓄᐛᐛ ᑲ ᐃᓯ ᓄᔅᐱᓂᑕᒡ, ᐊᓐᒡ ᑲ ᐛᐧᑲᑕᒡ ᑎᐸᔨᒋᒐᐅᓂᔪᐤ᙮ ᓇᔅᒡ ᑕᑈ ᓱᒋᒪᔭᔨᒐᐅᒡ ᐊᐅᑯᓐᒡ ᐅᒡ, ᓇᒪ ᓇᔅᒡ ᓂᓇᑭᑐᐛᔨᒪᐅᒡ ᑕᓐ ᐊ ᐃᑕᒡ ᒪᒃ ᑕᓐ ᐊ ᐃᑐᑐᐛᒡ ᐊᐛᔪᐛ ᐊ ᒪᔭᔨᒪᒡ᙮ ᓇᒪ ᑭᔭ ᓴᒋᓱᐅᒡ ᒐᒋ ᒥᒋ ᐊᔨᒧᑕᒡ ᒋᔅᑕᔨᑕᑯᓱᐅᓂᔪᐤ᙮ ᑕᐸ ᐛᐛᒡ ᓂᑲᐎᔪᐅᒡ ᒐᒋ ᒪᔭᔨᒪᒡ ᐊᓂᔭ ᐊᐛᔪᐛ ᐅᒋᒪᐅᓂᔪᐤ ᑲ ᐊᔭᔨᒋ᙮

1 ᒠᓐ 2:18

ᐊᐛᓯᑐᒄ, ᐊᔪᐅᒄ ᐅᔭ ᒪᔅᑕᔾ ᐊ ᒋᓯᑲᔨᒡ᙮ ᔅᒋ ᐎᑎᒪᑯᐅᓇᐛᐤ ᒐ ᑎᑯᓯᐧᒃ ᐊᓐ ᐊᐛᓐ ᑲ ᓱᒐᔨᒧᑐᑐᐛᑦ ᙭ᑕ᙮ ᓴᔅ ᒪᒃ ᒥᒐᑦ ᐊᐛᓐ ᙭ᑕ ᑲ ᐎ ᓱᒐᔨᒧᑐᑐᐛᑦ ᒋ ᑎᑯᓯᓄᐤ᙮ ᐊᑯᑕ ᒪᒃ ᐛᒋ ᒋᔅᒐᔨᑎᒪᐧᒄ ᐊᔪᐅᒄ ᐅᔭ ᐊ ᒪᔅᑕᔾ ᒋᓯᑲᔨᒡ᙮

ᒍᑦ 1:16

ᒧᔅ ᒪᒥᒋ ᐃᔅᒋᔄᐅᒡ ᐅᒡ ᓇᐸᐅᒡ᙮ ᒧᔅ ᑯᑎᑲ ᐊᐛᔪᐛ ᐊᑕᒪᔨᒪᐅᒡ ᐊᑲ ᒋᐧᑲᐛᒋᐱᔨᒡ᙮ ᐱᓯᒄ ᐃᑐᑎᒧᒡ ᑕᓐ ᐊ ᐃᓯ ᒥᒋ ᓂᑐᐛᔨᑕᒡ ᒐᒋ ᐃᑎᒡ᙮ ᓇᔅᒡ ᑕᑈ ᐎ ᓂᓇᐸᐅᒧᒡ᙮ ᐊᔭᒡ ᐃᑐᐅᒡ ᐊ ᒥᔪ ᐊᔨᒧᒪᒡ ᐊᐛᔪᐛ ᒥᒄ ᐊ ᐎ ᒪᒥᔪᐱᔨᐃᓱᒡ ᒐᒋ ᐃᑎᒡ ᐊᓂᔭ ᑕᓐ ᐛ ᐃᑎᒡ᙮

ᒍᑦ 1:18

ᔅᒋ ᐃᑎᑯᐛᐅᒡ, “ᐅᑎᒋᐱᔨᒂᐛ ᒪᔅᑕᔾ ᐊ ᒋᓯᑲᒋ, ᒋᑭ ᑕᐅᒡ ᓇᐸᐅᒡ ᐊ ᒪᔭᔨᒥᑕᑯᒡ, ᒥᒄ ᑕᓐ ᐊ ᐃᓯ ᓂᑎᒥᒄ ᐃᑕᔨᑕᒡ ᒐᒋ ᐃᑎᒡ ᐊᓂᔭ ᐊᑲ ᒋᓴᒪᓂᑐᐛᑎᓯᒡ, ᐊᐅᑯᓐ ᒐ ᐃᑎᒡ᙮”