2 ᐱᑕᕐ 3:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᐅᑯᓐ ᐛᔅ ᐊ ᐃᓯ ᐊᔨᒧᑕᐧᒃ ᑭᔭ ᐎᔾ ᒥᓯᐛ ᐊᓐᑕ ᑲ ᒪᒥᓯᓇᐊᒪᒐᑦ᙮ ᑎᑯᓂᔪᐛ ᑭᑈ ᐊ ᐎ ᐊᔨᒥᓂᔨᒡ ᐱᔅᒐ ᒐᒂᔪᐤ ᑕᓐ ᐊ ᐃᓯ ᐊᔨᒧᑕᐧᒃ᙮ ᐊᐅᑯᓂ ᒪᒃ ᐅᔭ ᒐᒂᔪᐛ ᓂᑎᒥᒄ ᐛ ᐃᓯ ᐱᔭᑭᔅᒋᑕᑯᑕᒡ ᐊᓐᒡ ᐊᑲ ᓂᔅᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᐊᓐᒡ ᐊᑲ ᓱᒋᑲᐳᐅᒡ᙮ ᐊᐅᑯᓐ ᑭᔭ ᐊ ᐃᑐᑕᒡ ᓂᓇᐧᑯᐤ ᑕᓐ ᐊ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᐎᔨᐛᐤ ᒪᒃ ᓇᓂᑎᒻ ᐊᑎ ᓂᓱᐅᓇᒋᐃᓱᐅᒡ ᐅᔭ ᐊ ᐃᑎᒡ᙮

2 ᐱᑕᕐ 3:16 Iomraidhean Croise

ᒐᓂᓯᔅ 49:4

ᐛᔅ ᒧᔭᒻ ᐊᑲ ᒋᑲᐛᑕᔨᑕᒂᒡ ᐊ ᐃᔅᒋᐸᒡ ᒂᑕᔨᑕᑯᓯᔨᓐ, ᒥᒄ ᓇᒪ ᓴᔅ ᒋᑭ ᒋ ᒥᔅᑎ ᐃᔅᐱᑕᔨᑕᑯᓯᓐ, ᐛᔅ ᔅᒋ ᐎᐸᒪᐤ ᓂᐅ ᑭᔭ ᔅᒋ ᐅᓂᑐᑕᓐ ᓂᓂᐸᐅᓂᒡ᙮

ᑎᐱᑦ ᐅᓂᑭᒧᐅᓇ 56:5

ᑕᑥᐤ ᐊ ᒋᓯᑲᔨᒡ ᒂᔅᒋᓇᒧᒡ ᓂᑦ ᐃᔨᒧᐅᓇ: ᒥᓯᐛ ᐅᒪᒥᑐᓇᔨᒋᒐᐅᓄᐛᒡ ᓂ ᒥᒋᐃᑕᔨᒥᑯᒡ᙮

ᐊᒃᓱᑕᔅ 23:2

ᒐ ᐊᑲ ᐎᒐᐊᑯᒡ ᐊ ᒥᒋᑐᑕᒡ ᐊᐛᓐᒋ᙮ ᒐ ᐎᑎᒪᒄ ᑕᑈᐅᓐ ᐊᑎᓱᐧᒄ ᐊᑲ ᐎᐎᑕᑥᐛ ᐊᐛᓐᒋ ᑕᑈᐅᓂᔪᐤ᙮

ᐊᒃᓱᑕᔅ 23:6

ᐸᐃᑯᑕᐤ ᒋᑭ ᐎ ᐃᓯ ᐱᒥᐱᔭᐛᐤ ᐛᓴᐊᑭᓄᒐ ᐊᐛᓐ ᐊ ᒋᔅᑎᒪᑎᓯᑦ ᒧᔭᒻ ᑯᑎᑲ ᐊᐛᔪᐛ᙮

ᒪᑎᔪᐤ 15:3

ᐊᑯ ᒋᓴᔅ ᐊ ᐎᑎᒧᐛᑦ ᒂ ᐃᑕᑦ, “ᑕᓐ ᐊ ᐃᑎᔭᒄ ᒪᒃ ᐎ ᒋᔨᐛᐤ ᐛᒋ ᐊᑲ ᓂᓇᐃᑎᒪᒄ ᒋᓴᒪᓂᑐᐤ ᐅᑭᒐᔅᒋᒧᐅᓐ ᐃᔭᐱᒡ ᐊᓂᔭ ᐃᑐᐅᓇ ᑲ ᒋᔅᑯᑎᒪᑯᔭᒄ ᐊ ᓂᓇᐃᑎᒪᒄ ?

ᒪᑎᔪᐤ 15:6

ᐊᓂᔭ ᒪᒃ ᐊ ᐃᑎᑦ ᓇᒪ ᒋᔅᑕᔨᒪᐤ ᐅᑕᐎᔭ᙮ ᐅ ᒪᒃ ᐊ ᐃᓯ ᒋᔅᑯᑎᒪᒐᔭᒄ ᒋ ᐃᑐᑐᐛᐛᐅᒡ ᒐᒋ ᓂᓇᐃᑕᒡ ᐊᓂᔭ ᐃᑐᐅᓇ ᑲ ᒋᔅᑯᑎᒧᐛᑯᒡ ᐃᔅᐱᔅ ᐎ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᒐᒋ ᓂᓇᐃᑎᒺᒡ᙮

ᒪᑎᔪᐤ 22:29

ᐊᑯ ᒋᓴᔅ ᐊᑕᑦ, “ᒋ ᐅᓂᐱᔨᓇᐛᐤ᙮ ᓇᒪ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᓇᒪ ᒋ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᒥᔅᑯᓯᐅᓐ ᐅ ᑲ ᐃᓯ ᑯᒂᒋᒥᔭᒄ᙮

ᐱᓕᐱᔭᓇ 3:19

ᐊᔅᒄ ᒋᑭ ᓂᒋᔅᑭᒧᒡ ᐅᓇᒋᐃᐛᐅᓂᔪᐤ᙮ ᑕᓐ ᐊ ᐃᓯ ᓂᑐᐛᔨᑎᒧᒥᑭᓂᔨᒋ ᐎᔪᐛᐛ ᐊᐅᒄ ᒋᒋᐛ ᓂᔭᑭᑐᐛᔨᑎᒥᐃᑯᒡ᙮ ᒥᔽᔨᑎᒥᐃᑯᐅᒡ ᑕᓐ ᐊ ᐃᑎᒡ᙮ ᒋᒧᔅᑕᓇᔭᔨᑎᒧᒡ ᒪᒃ ᐊᓂᔭ ᐃᑐᐅᓇ᙮ ᒥᒄ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ ᐊᔪᐅᒄ ᒥᒄ ᒥᔭᒥᑐᓇᔨᑎᒥᐃᑯᒡ᙮

ᐃᑉᕈᐛ 5:11

ᐊᔅᒄ ᒥᔅᑎ ᑎᑯᓐ ᑕᓐ ᒐᒋ ᐃᓯ ᐎᑎᒪᑎᑯᒡ ᒥᒄ ᒪᒃ ᓇᔅᒡ ᓂᑦ ᐃᔨᒥᐃᑯᓐ ᒥᓐ ᐊᑐᐎᔅ ᒐᒋ ᐎᑎᒪᑎᑯᒡ, ᐛᔅ ᓇᔅᒡ ᑕᑈ ᓇᒪ ᔅᒋ ᓂᔅᑐᑕᓇᐛᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:8

ᐅ ᒪᒃ ᐊ ᐃᓯᓇᑯᓱᐎᓇ ᐊᑲᐎᔾ ᐱᑯᓴᔨᒻ ᒋᓴᒪᓂᑐᐤ ᒐᒋ ᒥᔨᔅᒃ ᒐᒂᔪᐤ᙮

1 ᐱᑕᕐ 1:1

ᓂᔾ ᐱᑕᕐ, ᒋᓴᔅ ᙭ ᓂᒋ ᐅᑎᓂᒄ ᑭᔭ ᐎᔾ ᓂᒋ ᐃᑎᓴᐅᒄ ᐊᑈᔅᑕᓐ ᒐᒋ ᐃᓯ ᐊᑐᔅᑯᐅᒃ᙮ ᒋᔨᐛᐤ ᒋᓴᒪᓂᑐᐤ ᐅᑦ ᐃᔨᒪ ᒋ ᒥᓯᓇᐊᒪᑎᓇᐛᐤ, ᒋᔨᐛᐤ ᑕᑎᐸᓐ ᐊ ᑕᔭᒄ ᐊᓐᑕ ᐊᓂᔭ ᐊᔅᒋᔭ ᑈᓐᑕᔅ, ᑲᓚᓯᔭ, ᑲᐸᑐᓯᔭ, ᐊᐃᓴ ᑭᔭ ᐱᑎᓂᔭ ᐊ ᐃᓯᓂᐧᑲᑕᒋ᙮

1 ᐱᑕᕐ 2:8

ᐊᑯ ᒪᒃ ᒥᓐ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅ ᐊᓯᓂᔾ ᒋᑭ ᐱᓱᔅᑭᒧᐛᐤ ᑭᔭ ᐊᐅᒄ ᑲ ᒥᒐᐱᔅᒋᓯᑦ ᐊᓯᓂᔾ ᒐ ᐸᒋᓯᒪᑦ ᐊᐛᔪᐛ᙮ ᐱᓱᔅᑯᐛᐅᒡ ᐅᔭ ᐊᓯᓂᔭ ᐛᔅ ᓇᒪ ᐅᒋ ᓂᓇᐃᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᐅᒄ ᒪᒃ ᐅᔭ ᒐ ᐅᒋ ᐛᐛᓯᐊᑭᓄᐎᒡ ᐛᔅ ᓴᔅ ᐊᐅᑯᓐ ᑲ ᐃᓯ ᐎᔭᔨᑎᒥᔨᒋ ᒋᓴᒪᓂᑐᐛ ᒐ ᐃᑐᑕᑯᒡ᙮

2 ᐱᑕᕐ 2:1

ᒋ ᐸᒋ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ᑕᐅᒡ ᓂᑎᒥᒄ ᒐ ᐃᓯ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓂᑎᒥᒄ ᒋᑭ ᐃᓯ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ᓂᐱᔅᑎᒪᑯᒡ ᓇᔅᒡ ᒋᑭ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮

2 ᐱᑕᕐ 2:14

ᓇᒪ ᓂᑕ ᐳᓂᐱᔪᐤ ᓂᑐᐎᔾ ᐊ ᐃᓯ ᑭᓄᐛᐱᒪᒡ ᐃᔎᐛ᙮ ᓇᒪ ᒋ ᐳᓂᑕᐅᒡ ᒥᒋᑐᑎᒧᐅᓂᔪᐤ᙮ ᐛᐎᔭᓯᒪᐅᒡ ᑭᔭ ᐊᓂᔭ ᐊᐛᔪᐛ ᐊᑲ ᐊᔨᒋᑲᐳᔨᒋ ᑕᑈᑎᒧᐅᓂᒡ᙮ ᓴᑭᔅᒋᓇᔪᐤ ᐅᑕᐃᐛᒡ ᒧᔅᑕᓂᒪᒐᐅᓂᔪᐤ᙮ ᒪᔭᑎᓯᐅᒡ ᐅᒡ ᐅᔭ ᑲ ᐃᑕᔨᑕᑯᓯᒡ,

2 ᐱᑕᕐ 3:14

ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ᐊᓱᐛᐸᑎᒪᒄ ᐊᓐ ᐊ ᒋᓯᑲᒡ, ᒥᒄ ᐊ ᐃᔅᐱᔅ ᒋ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ᙮ ᓱᒃ ᒋᑭ ᐎ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ᑕᔭᒄ᙮

2 ᐱᑕᕐ 3:2

ᒋ ᐎ ᒋᔅᒋᓱᒥᑎᓇᐛᐤ ᑕᓐ ᑲ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑲ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᑎᓱᒥᑕᒄ ᐅᑎᐸᔨᒋᒐᐤ ᒋᐱᒪᒋᐃᐛᒥᓄᐤ ᐊᓂᔭᔪᐛ ᐎᔾ ᑎᐱᔨᐛ ᐅᑦ ᐊᑈᔅᑕᓂᒪ ᐅᒡ᙮

ᒍᑦ 1:4

ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ᑕᒡ ᒪᒂᒡ ᐊᓐᑕ ᐊ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ᐃᑕᑎᓯᑦ ᐛᔅ ᐃᔭᐱᒡ ᒋᑭ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ᐛᐛᓯᐊᑭᓄᐎᒡ ᐅᒡ᙮