2 ᐱᑕᕐ 3:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ᐊᓱᐛᐸᑎᒪᒄ ᐊᓐ ᐊ ᒋᓯᑲᒡ, ᒥᒄ ᐊ ᐃᔅᐱᔅ ᒋ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ᙮ ᓱᒃ ᒋᑭ ᐎ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ᑕᔭᒄ᙮

2 ᐱᑕᕐ 3:14 Iomraidhean Croise

ᒪᑎᔪᐤ 24:26

“ᒋᑭ ᐃᑎᑯᐛᐅᒡ ᒪᒃ ᐊᐛᓐᒋ, ‘ᑭᓄᐛᐱᒪᒄ ᒪ ᙭, ᓇᑕ ᐸᐧᑯᑎᔅᑭᒥᑲᒡ ᐊᑯᑕ ᐊ ᑕᑦ,’ ᐊᑲᐎᔾ ᐃᑐᑕᐛᐧᒄ ᐊᓐᑕ᙮ ᒪᒃ ᒋᑭ ᐃᑎᑯᓇᐛᐤ, ‘ᑭᓄᐛᐱᒪᒄ ᒪ, ᒪᐅᑕ ᐱᑎᑭᒥᒡ ᐊ ᑕᑦ,’ ᐊᑲᐎᔾ ᑕᑈᑐᐛᐧᑯᒡ᙮

ᒪᑎᔪᐤ 25:7

ᑭᑈ ᒂ ᐅᓂᒡ ᐊᓐᒡ ᐸᐃᑯᔪᐤ ᐅᔅᒋᓂᒋᔎᓯᒡ, ᒂ ᐛᐛᓯᑕᒡ ᐅᐛᔅᑕᓂᐱᒪᑭᓄᐛᐛ᙮

ᓗᒃ 12:43

ᒋᑭ ᓱᐛᔨᒪᑭᓄᐤ ᐊᓐ ᐊᐱᒋᐊᑭᓐ ᒥᔅᑯᐛᑭᓄᒐ ᑯᐃᔅᒄ ᐊ ᐃᑐᑕᐧᒃ ᐊᓂᔭ ᐅᑦ ᐊᑐᔅᒐᐅᓐ ᐃᔅᐱᔅ ᑎᑯᓯᓂᔨᒐᓂ ᐅᒋᒪᒪ᙮

ᓗᒃ 2:29

“ᐅᑎᐸᔨᒋᒐᐤ, ᐊᑯ ᒐ ᓇᐊᔨᒥᔨᓐ, ᓂᔾ ᒋᑦ ᐊᑐᔅᒐᔭᑭᓐ, ᒋᔭᒪᔨᑎᒧᐅᓂᒡ ᒐ ᐃᒐᐎᔭᓐ ᒧᔭᒻ ᑲ ᐃᔪᐸᓇ᙮

1 ᑯᕆᓐᑎᔭᓇ 1:8

ᐎᔾ ᒋᑭ ᐎᒋᐃᑯᐛᐤ ᒧᔅ ᒐᒋ ᓱᒋᑲᐳᐅᐛᒄ ᑕᑈᑎᒧᐅᓂᒡ ᑭᔭ ᓇᒪ ᒋᑭ ᐅᒋ ᑎᑯᓐ ᑕᓐ ᒐ ᐃᓯ ᐊᑕᒪᔨᑕᑯᓯᔭᒄ ᐃᔅᐱ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒐ ᑎᑯᓯᐧᒃ ᐅᑎᐸᔨᒋᒐᐤ ᒋᓴᔅ ᙭᙮

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

ᐱᓕᐱᔭᓇ 1:10

ᒋᑦ ᐊᔭᒥᐊᔅᑎᒪᑎᓇᐛᐤ ᒐᒋ ᐊᑎ ᒋᔅᒐᔨᑎᒪᒄ ᑕᓐ ᐊᓐ ᒪᐅᒡ ᐊ ᑯᐃᔅᑯᓇᒂᒡ ᒐᒋ ᐃᓯ ᐱᒪᑎᓯᔭᒄ ᐊᑯ ᒪᒃ ᒥᑐᓐ ᒐ ᐸᔭᒋ ᐱᒪᑎᓯᔭᒄ ᑭᔭ ᓇᒪᐎᔾ ᒥᑐᓐ ᒋᑭ ᐅᒋ ᑎᑯᓐ ᒐ ᐃᓯ ᐊᑕᒪᔨᑕᑯᓯᔭᒄ ᐃᔅᐱ ᑎᑯᓯᒐ ᒋᓴᔅ ᙭᙮

ᐱᓕᐱᔭᓇ 2:15

ᐛᔅ ᐊᐅᒄ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ ᐅᑕ ᐊᔅᒋᒡ ᒪᒂᒡ ᑲ ᒥᒐᑎᓯᒡ ᐊ ᑕᒡ ᐊ ᑕᔭᒄ᙮ ᐊᑯ ᒪᒃ ᓇᒪ ᒋᑭ ᐅᒋ ᑎᑯᓂᔪᐤ ᑕᓐ ᒐᒋ ᐃᓯ ᐊᑕᒪᔨᒥᑕᒄ ᐊᐛᓐ ᑭᔭ ᓇᔅᒡ ᒋᑭ ᐸᔭᒋᓇᑯᓇ ᒋᐱᒪᑎᓯᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᐊ ᒋᐧᑲᔭᔅᑐᐛᒡ ᐊ ᑎᐱᔅᑲᔨᒡ ᐊᐅᑯᓐ ᒋᐸ ᐃᓯ ᐛᓯᓱᐛᓇᐛᐤ ᐅᑕ ᐊᔅᒋᒡ᙮

ᐱᓕᐱᔭᓇ 3:20

ᒋᔭᓄᐤ ᒪᒃ ᐎ ᒋᒋᒋᓯᑯᒡ ᒋᒋᐛ ᒋ ᐊᑎ ᐃᓯ ᑎᐸᔨᑕᑯᓯᓇᓄᐤ᙮ ᐊᑯᑕ ᐛᒋ ᓂᑐᐤ ᒧᓴᐊᒄ ᒐᒋ ᐅᑐᑕᑦ ᐅᐱᒪᒋᐃᐛᐤ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭᙮

1 ᑕᓴᓗᓂᔭᓇ 3:13

ᐊᑯᑕ ᒐ ᐅᒋ ᒥᔅᑯᓯᔨᑕᒄ ᑭᔭ ᑯᐃᔅᒄ ᒐ ᐃᓯ ᐱᒪᑎᓯᔭᒄ ᑭᔭ ᒐ ᐸᔭᒋ ᐱᒪᑎᓯᔭᒄ ᐃᔅᐱ ᐅᑎᔅᑯᑲᐳᔅᑎᐛᒂ ᒋᓴᒪᓂᑐᐤ ᒍᑕᐎᓄᐤ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᙭ ᐊ ᐸᒋ ᐎᒐᐛᑦ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ᙮

1 ᑕᓴᓗᓂᔭᓇ 5:23

ᓇᓂᑐᑎᒧᐛᐤ ᒋᓴᒪᓂᑐᐤ ᐊᓐ ᑲ ᒥᔨᐛᑦ ᒋᔭᒪᔨᑎᒧᐅᓂᔪᐤ ᓇᔅᒡ ᒐᒋ ᐸᔭᒋᐃᑕᒄ᙮ ᓇᓂᑐᑎᒧᐛᐤ ᒋᑦ ᐊᒐᐧᑯᐛᐛ, ᑭᔭ ᒋᒥᑐᓇᔨᒋᑭᓄᐛᐛ ᑭᔭ ᒋᔪᐛᐛ ᒐᒋ ᑭᓄᐛᔨᑕᒂᒋ ᐊᑲ ᓇᔅᒡ ᒐᒂᓐ ᒐᒋ ᐃᓯ ᐊᑕᒪᔨᑕᒂᒋ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑎᒧᑎ 6:14

ᐃᔭᒂ ᐃᓯ ᓂᓇᐃᑕ ᑕᓐ ᑲ ᐃᑎᓱᒥᔅᒃ ᒋᓴᒪᓂᑐᐤ, ᑯᐃᔅᒄ ᐎ ᐃᑐᑕ ᑭᔭ ᓇᒪ ᓂᑐᐎᔾ ᒋᑭ ᐅᒋ ᐃᓯ ᐊᑕᒪᔨᑕᑯᓯᓐ ᒐ ᐃᔅᐱᔅ ᐊᑲ ᒥᓐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 1:27

ᐊᓐ ᐊᔭᒥᐊᐅᓐ ᑲ ᐃᑕᔨᑕᐧᒃ ᒋᓴᒪᓂᑐᐤ ᑲ ᐅᑕᐎᒪᐅᑦ ᐊ ᑯᐃᔅᑯᓇᑯᓂᔨᒡ ᑭᔭ ᐊ ᐸᔭᒋᓇᑯᓂᔨᒡ ᒪᐅ ᐊ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ᐎᒋᐊᑦ ᒋᐅᓴᓂᓴ ᑭᔭ ᑲ ᐸᐃᑯᓯᔨᒋ ᐃᔎᐛ ᒪᒂᒡ ᐊ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮

1 ᐱᑕᕐ 1:7

ᐛᔅ ᐊ ᓂᒋᔅᑭᒪᒄ ᒐᒂᔪᐛ ᐊ ᐊᔨᒪᒋ ᐊᑯᑕ ᐛᒋ ᒋᔅᒐᔨᑕᒂᒡ ᑕᓐ ᐊᓐ ᐊ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ᙮ ᑕᑈ ᒪᒃ ᐊ ᐃᑕᔨᑕᑯᓂᒂ ᑕᓐ ᒋᐸ ᐃᑕᔨᑕᑯᓐ, ᒋᑭ ᒥᔽᒋᒥᑯᓇᐛᐤ ᑭᔭ ᒋᑭ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮

2 ᐱᑕᕐ 3:1

ᓂᐎᒐᐛᑭᓂᑎᒄ ᐊᐅᒄ ᐅ ᓂᔄᐤ ᒐ ᒥᓯᓇᐊᒪᑎᑯᒡ᙮ ᑕᐱᔅᑯᓐ ᐊᓐᑕ ᑲ ᒥᓯᓇᐊᒪᑎᑯᒡ ᓱᒃ ᓂᒋ ᑯᒋᑕᓐ ᒐᒋ ᐎᒋᐃᑎᑯᒡ ᒐᒋ ᐸᔭᒋ ᒪᒥᑐᓇᔨᑎᒥᐃᑯᔭᒄ ᒥᓯᐛ ᒐᒂᓐ, ᐊ ᒋᔅᒋᓱᒥᑎᑯᒡ ᐅᔭ ᒐᒂᔪᐛ᙮

2 ᐱᑕᕐ 3:16

ᐊᐅᑯᓐ ᐛᔅ ᐊ ᐃᓯ ᐊᔨᒧᑕᐧᒃ ᑭᔭ ᐎᔾ ᒥᓯᐛ ᐊᓐᑕ ᑲ ᒪᒥᓯᓇᐊᒪᒐᑦ᙮ ᑎᑯᓂᔪᐛ ᑭᑈ ᐊ ᐎ ᐊᔨᒥᓂᔨᒡ ᐱᔅᒐ ᒐᒂᔪᐤ ᑕᓐ ᐊ ᐃᓯ ᐊᔨᒧᑕᐧᒃ᙮ ᐊᐅᑯᓂ ᒪᒃ ᐅᔭ ᒐᒂᔪᐛ ᓂᑎᒥᒄ ᐛ ᐃᓯ ᐱᔭᑭᔅᒋᑕᑯᑕᒡ ᐊᓐᒡ ᐊᑲ ᓂᔅᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᐊᓐᒡ ᐊᑲ ᓱᒋᑲᐳᐅᒡ᙮ ᐊᐅᑯᓐ ᑭᔭ ᐊ ᐃᑐᑕᒡ ᓂᓇᐧᑯᐤ ᑕᓐ ᐊ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᐎᔨᐛᐤ ᒪᒃ ᓇᓂᑎᒻ ᐊᑎ ᓂᓱᐅᓇᒋᐃᓱᐅᒡ ᐅᔭ ᐊ ᐃᑎᒡ᙮

1 ᒠᓐ 3:3

ᒥᓯᐛ ᒪᒃ ᐊᐛᓐ ᐅᔭᔪᐤ ᑲ ᐃᓯ ᐊᔅᐸᔨᒧᑦ, ᓂᓇᑭᑐᐛᔨᒥᓱᐤ ᒐᒋ ᐸᔭᒋᓯᑦ ᒧᔭᒻ ᙭ᑕ ᐊ ᐃᓯ ᐸᔭᒋᓯᔨᒋ᙮