2 ᐱᑕᕐ 3:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᑭᔭ ᐊ ᐱᑯᓴᔨᑎᒪᒄ ᒋᓴᒪᓂᑐᐤ ᐅᒋᓯᑲᒻ ᒐ ᐅᑎᒋᐱᔨᒡ᙮ ᓱᒃ ᒋᐸ ᐊᑐᔅᑯᐛᐛᐤ ᒋᓴᒪᓂᑐᐤ ᐎᐱᒡ ᒐᒋ ᐅᑎᒋᐱᔨᒡ ᐊᓂᔭ ᐅᒋᓯᑲᒻ᙮ ᐛᔅ ᐊᓐ ᐊ ᒋᓯᑲᒡ ᒥᓯᐛ ᒋᓯᒂ ᒋᑭ ᐊᑎᑎᔅᑕᐛ ᑭᔭ ᒋᑭ ᓂᓱᐅᓇᑎᓇ᙮ ᐊᑯ ᒥᓯᐛ ᐊᓂᔭ ᐛᔅᑕᐅᓇ ᐊᓐᑕ ᒋᓯᑯᒡ ᑲ ᑎᒂᒋ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᐛᓴ ᒥᔅᑎ ᒥᓯᑕᐱᔨᒡ ᐃᔅᑯᑕᐤ ᒥᓯᐛ ᐊᓐᑕ ᒋᓯᑯᒡ᙮

2 ᐱᑕᕐ 3:12 Iomraidhean Croise

ᑎᐱᑦ ᐅᓂᑭᒧᐅᓇ 50:3

ᒋᒋᓴᒪᓂᑐᒥᓄᐤ ᒋᑭ ᐸᒋ ᐃᑐᑕᐤ, ᓇᒪ ᑭᔭ ᒋᑭ ᒋᐱᑐᐛᐤ ᐃᔅᑯᑕᔪᐤ ᐊ ᓂᓱᐅᓇᒋᐃᐛᒪᑭᓂᔨᒡ ᒋᑭ ᓂᑲᓂᐱᔅᑕᑯᐤ, ᓇᔅᒡ ᑭᔭ ᒋᑭ ᒋᑎᔅᑎᓂᔪᐤ ᐛᔅᑲ ᐊ ᐃᔅᐱᔨᑦ᙮

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 16:28

ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”

ᐱᓕᐱᔭᓇ 1:6

ᓂ ᒐᔅᑎᓇᐅᓐ ᒪᒃ ᒋᓴᒪᓂᑐᐤ ᒐᒋ ᒋᔅᑕᑦ ᑕᓐ ᑲ ᐃᓯ ᒋᒋᒥᔪᓇᑯᑕᑦ ᒋᐱᒪᑎᓯᐅᓄᐛᐛ ᐃᔅᐱ ᑲ ᐱᒪᒋᐃᑕᒄ ᑭᔭ ᒐ ᐎᒋᐃᑕᒄ ᐊᑎᑐᐤ ᒐᒋ ᐊᑎ ᓂᑕᐅᒍᐛᒄ ᐱᐃᒻ ᐊᓂᔭᔪᐤ ᐊ ᒋᓯᑲᔨᒡ ᑎᑯᓯᓂᔨᒐᓂ ᒋᓴᔅ ᙭ᑕ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

2 ᐱᑕᕐ 3:10

ᒥᒄ ᒪᒃ ᓇᒪ ᓂᑲᓐ ᒋᑭ ᐅᒋ ᒧᓯᑕᑭᓄᐅᔪᐤ ᐅᑎᐸᔨᒋᒐᐤ ᐅᒋᓯᑲᒻ, ᒧᔭᒻ ᐊ ᐃᑕᔨᑕᒂᒡ ᑲᒋᒧᑎᑦ ᐊᓐᑕ ᐛ ᐱᒐᒋ ᒥᒋᐛᐱᔪᐤ ᐊ ᐎ ᑭᒐᒧᑎᑦ, ᐊᐅᑯᓐ ᒐ ᐃᑕᔨᑕᒂᒡ᙮ ᐊᓐᑕ ᒪᒃ ᐊᓂᔭ ᐅᑎᐸᔨᒋᒐᐤ ᐅᒋᓯᑲᒻ ᐅᑎᒋᐱᔨᒐ ᐅᔭ ᒋᓯᒂ ᒋᑭ ᐸᓯᑯᓇᑯᓇ᙮ ᓇᔅᒡ ᑕᑈ ᒋᑭ ᒋᔄᐛᐱᔪᐤ ᐊᑎ ᐸᓯᑯᓇᑯᒂᐛ᙮ ᒥᓯᐛ ᑕᓐ ᐊ ᐃᓯ ᑎᒂᒡ ᒋᓯᑯᒡ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᒥᔅᑎ ᒋᓯᑕᒡ᙮ ᐊᔅᒋᔾ ᑭᔭ ᒥᓯᐛ ᒐᒂᓐ ᐅᑕ ᑲ ᑎᒂᒡ, ᒋᑭ ᐊᑎ ᒪᔅᑎᐧᑲᑕᐛ᙮

2 ᐱᑕᕐ 3:11

ᐊ ᒋᔅᒐᔨᑎᒪᒄ ᒪᒃ ᐅ ᒐ ᐃᔅᐱᔨᒡ, ᑕᓐᑕ ᒋᐸ ᐃᓯ ᐱᒪᑎᓯᓇᐛᐤ ᒋᑦ ᐃᑕᔨᑕᓇᐛᐤ ? ᓇᒪᐎᔾ ᐊ ᐸᔭᒋᓯᐅᓂᒡ ᒋᐸ ᐃᓯ ᐱᒪᑎᓯᓇᐛᐤ, ᓇᔅᒡ ᐊ ᐃᓯ ᐱᔅᑕᔨᑎᒥᐃᑯᔭᒄ ᒋᐱᒪᑎᓯᐅᓄᐛᐛ ᒋᓴᒪᓂᑐᐤ ᐃᔅ ᐊ ᑕᑦ,

2 ᐱᑕᕐ 3:4

ᒋᑭ ᐃᔅᒋᔄᐅᒡ ᒪᒃ ᐊ ᒪᔭᔨᒥᑕᑯᒡ, “ᑕᓐ ᒪᒃ ᐅ ᒐ ᑎᑯᓯᐧᒃ ᐅᑎᐸᔨᒋᒐᐤ ᒧᔅ ᑲ ᐸᒋ ᐊᔨᒧᒪᒄ᙮ ᑲ ᐃᔅᐱᔅ ᒋ ᐸᒋ ᑎᒂᒡ ᐅ ᐊᔅᒋᔾ ᒥᓯᐛ ᒐᒂᓐ ᒧᔅ ᐸᐃᑯᓄᒡ ᐃᔅᐱᔪᐤ᙮”

2 ᐱᑕᕐ 3:7

ᐅᔭ ᒪᒃ ᒋᓯᒂ ᑭᔭ ᐊᓐ ᓇᑕ ᐊᑐᐎᔅ ᐃᓯ ᐃᔅᐱᒥᒡ, ᑭᔭ ᐅ ᐊᔅᒋᔾ ᐊᓄᒡ ᑲ ᐛᐸᑎᒪᒄ, ᐃᔭᐱᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐅᒋ ᑭᓄᐛᔨᑕᑭᓄᐤ ᒐ ᐃᔅᐱᔅ ᐅᑎᒋᐱᔨᒡ ᐊᓐᑕ ᒐ ᓂᓱᐅᓇᒋᑕᑭᓄᐅᒋ᙮ ᑭᓄᐛᔨᑕᑭᓄᐤ ᐊᓐ ᐊ ᒋᓯᑲᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᒐ ᑎᐸᔅᑯᓇᑭᓄᐎᒡ ᑭᔭ ᒐ ᓂᓱᐅᓇᒋᐊᑭᓄᐎᒡ ᐃᔅᑯᑕᒡ᙮

ᒍᑦ 1:21

ᑭᓄᐛᔨᒥᓱᒄ ᒋᓴᒪᓂᑐᐤ ᐅᓴᒋᐃᐛᐅᓂᒡ ᐊ ᐊᓱᐛᐱᒪᒄ ᒋᓴᔅ ᙭ ᒐᒋ ᒥᔨᑕᒄ ᑲᒋᒡ ᐱᒪᑎᓯᐅᓂᔪᐤ ᐊᓂᔭ ᐊ ᓱᐛᔨᒧᐛᑦ ᐅᒡ᙮