2 ᐱᑕᕐ 3:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊ ᒋᔅᒐᔨᑎᒪᒄ ᒪᒃ ᐅ ᒐ ᐃᔅᐱᔨᒡ, ᑕᓐᑕ ᒋᐸ ᐃᓯ ᐱᒪᑎᓯᓇᐛᐤ ᒋᑦ ᐃᑕᔨᑕᓇᐛᐤ ? ᓇᒪᐎᔾ ᐊ ᐸᔭᒋᓯᐅᓂᒡ ᒋᐸ ᐃᓯ ᐱᒪᑎᓯᓇᐛᐤ, ᓇᔅᒡ ᐊ ᐃᓯ ᐱᔅᑕᔨᑎᒥᐃᑯᔭᒄ ᒋᐱᒪᑎᓯᐅᓄᐛᐛ ᒋᓴᒪᓂᑐᐤ ᐃᔅ ᐊ ᑕᑦ,

2 ᐱᑕᕐ 3:11 Iomraidhean Croise

ᑎᐱᑦ ᐅᓂᑭᒧᐅᓇ 37:14

ᐅᒥᒋᑥᐅᒡ ᒋ ᔭᔨᔅᒋᐱᑕᒧᒡ ᓂᑐᐱᔪᐅ-ᒧᐧᑯᒪᓂᔪᐤ, ᑭᔭ ᒋ ᓯᑕᒐᐸᐅᒡ, ᒐᒋ ᓂᒋᐛᐱᓇᒡ ᐅᒋᔅᑎᒪᑎᓯᐛ ᑭᔭ ᐅᓇᐧᑲᑎᓯᐛ, ᑭᔭ ᒐᒋ ᓂᐸᐊᒡ ᐊᓂᔭ ᑯᐃᔅᒄ ᑲ ᐃᑕᑎᓯᔨᒋ᙮

ᑎᐱᑦ ᐅᓂᑭᒧᐅᓇ 50:23

ᐊᐛᓐ ᑲ ᒪᒥᒋᒧᐛᑦ ᓂ ᒋᔅᑕᒋᒥᒄ: ᐊᓐ ᑭᔭ ᑯᐃᔅᒄ ᑲ ᐅᔭᔅᑕᑦ ᐅᑦ ᐃᑕᑎᓯᐅᓐ, ᓂᑭ ᐛᐸᑎᔭᐤ ᒋᓴᒪᓂᑐᐛ ᐅᐱᒪᒋᐃᐛᐅᓂᔪᐤ᙮”

ᑎᐱᑦ ᐅᓂᑭᒧᐅᓇ 75:3

ᐊᔅᒋᔾ ᑭᔭ ᒥᓯᐛ ᐊᓐᑕ ᑲ ᑕᒡ ᓂᓱᐅᓇᑎᓯᐅᒡ: ᓂᔾ ᓂ ᓯᑐᓇᓐ᙮

ᒪᑎᔪᐤ 8:27

ᒥᓯᐛ ᒪᒃ ᐊᓐᒡ ᓇᐸᐅᒡ ᒋ ᒪᒥᔅᑲᑕᔨᑎᒧᒡ ᐊ ᐃᔅᒋᔄᒡ, “ᐊᐛᓐ ᐅ ᐛᐛᒡ ᐊ ᔪᑎᓂᔨᒡ ᑭᔭ ᑭᔅᑭᓇ ᐊ ᐱᓯᒋᐃᑯᑦ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:11

ᐊᐅᑯᓐ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᒋᔅᒐᔨᑎᒪᒄ ᑕᓐ ᒐ ᐃᔅᐱᔨᒡ ᐊᑯ ᐎᐱᒡ᙮ ᐃᑕᔨᑕᑯᓐ ᐊᑯ ᑕᑈ ᒐᒋ ᐸᑯᐱᔭᒄ ᑭᔭ ᒐᒋ ᐊᓯᒐᔨᑎᒪᒄ᙮ ᐊᓐ ᐊ ᒋᓯᑲᒡ ᒐ ᐱᒪᒋᐃᑕᒄ ᒋᓴᒪᓂᑐᐤ ᐊᑐᐎᔅ ᐊᑯ ᐸᓱᓇᑯᓐ ᑲ ᐃᔅᐱᓯᓇᒂᒡ ᐊᓐᑕ ᓂᔅᑎᒻ ᑲ ᑕᑈᔭᔨᒪᐧᒄ ᒋᓴᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12

ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

ᐱᓕᐱᔭᓇ 1:27

ᒥᒄ ᒪᒃ, ᐊᐅᒄ ᐅ ᐛᒋ ᔭᐃᑕᔾ ᓇᑐᐛᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᑎᓱᒧᑯᔭᒄ ᒥᔽᒋᒧᐅᓐ ᒋᐸ ᐃᓯ ᐱᒪᑎᓯᓇᐛᐤ᙮ ᐊᑯ ᒪᒃ ᐊᑎ ᐊᑲ ᒥᓐ ᒋ ᐛᐱᒥᑎᑯᒐ ᒪᒃ ᓇᐃᐱᔨᒐ ᒥᓐ ᒐᒋ ᐛᐱᒥᑎᑯᒡ ᒐ ᒋᔅᒐᔨᒥᑎᑯᒡ ᐊᑲ ᒥᑐᓐ ᒐᒂᓐ ᒋ ᐊᑎᓂᑯᔭᒄ ᒥᓯᐛ ᐸᐃᑯᓄᒡ ᐊ ᐃᑕᔨᑎᒪᒄ ᑕᓐ ᐛ ᐃᑎᔭᒄ ᑭᔭ ᑕᑈ ᐸᐃᑯᓄᒡ ᐊ ᐃᓯ ᐱᑯᓴᔨᑎᒪᒄ ᐊ ᒪᒧᐤ ᐊᒋᔅᑎᒪᒄ ᐊ ᐛᐎᑎᒪᒄ ᒥᔽᒋᒧᐅᓐ᙮

ᐱᓕᐱᔭᓇ 3:20

ᒋᔭᓄᐤ ᒪᒃ ᐎ ᒋᒋᒋᓯᑯᒡ ᒋᒋᐛ ᒋ ᐊᑎ ᐃᓯ ᑎᐸᔨᑕᑯᓯᓇᓄᐤ᙮ ᐊᑯᑕ ᐛᒋ ᓂᑐᐤ ᒧᓴᐊᒄ ᒐᒋ ᐅᑐᑕᑦ ᐅᐱᒪᒋᐃᐛᐤ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭᙮

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

1 ᑎᒧᑎ 4:12

ᐊᑲᐎᔾ ᒋᑭ ᐅᒋ ᐃᔭᑐᒡᐃᑯᒡ ᐊᐛᓐᒋ ᐊᓂᔭ ᐊ ᐅᔅᒋᐱᒪᑎᓯᐅᑦ ᐅᔭ ᐊ ᐃᑕᐱᑎᓯᐅᑦ᙮ ᒥᒄ ᐃᓯ ᐱᒪᑎᓯ ᐊᓐᑕ ᒐᒋ ᐅᒋ ᒋᔅᒋᓄᐛᐸᑕᒡ ᒋᐱᒪᑎᓯᐅᓂᔪᐤ ᐊᓐᒡ ᑲ ᑕᑈᑕᒡ, ᑕᓐ ᐊ ᐃᑎᑕᑯᓂᔨᒡ ᒋᑦ ᐃᔨᒧᐅᓂᔪᐤ, ᑭᔭ ᑕᓐ ᐊ ᐃᓯᓇᒂᒡ ᒋᐱᒪᑎᓯᐅᓐ ᑭᔭ ᑕᓐ ᐊ ᐃᓯ ᓴᒋᐃᐛᔨᓐ ᒪᒃ ᐊ ᐃᓯ ᑕᑈᑎᒥᓐ ᑭᔭ ᑕᓐ ᐊ ᐃᓯ ᐸᔭᒋᓯᔨᓐ᙮

1 ᑎᒧᑎ 6:11

ᒋᔾ ᒪᒃ ᑎᒧᑎ, ᒋᓴᒪᓂᑐᐤ ᑲ ᐊᑐᔅᑯᐅᑦ, ᐊᑲᐎᔾ ᐊᐱᑕᔨᑕ ᐅᔭ ᒥᒋ ᒐᒂᔪᐛ᙮ ᐅᔅᑕ ᐃᑕᔨᑎᒥᐃᑯ ᑯᐃᔅᑯᑕᑎᓯᐅᓐ, ᒋᓴᒪᓂᑐᐛᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ, ᔭᐃᑕᔨᑕᑯᓱᐅᓐ, ᑭᔭ ᒋᔭᒥᓯᐅᓐ᙮

1 ᑎᒧᑎ 6:3

ᐊᑯ ᒪᒃ ᐊᐛᓐ ᐃᔭᒡ ᐊ ᐃᓯ ᒋᔅᑯᑎᒪᒐᑦ ᑭᔭ ᐊ ᐊᓏᑎᒺᑦ ᐊᓂᔭ ᐅᑎᐸᔨᒋᒐᐤ ᒋᓴᔅ ᙭ᑕ ᐅᑕᑈᐤ ᐃᔨᒧᐅᓂᔪᐤ ᑭᔭ ᐊᓂᔭ ᐊ ᒋᔅᑯᑎᒪᒐᓄᐎᒡ ᒐᒋ ᒋᓴᒪᓂᑐᐛᑎᓯᓇᓄᐎᒡ

1 ᑎᒧᑎ 6:6

ᑕᑈ ᑭᑈ ᐊ ᒋᓴᒪᓂᑐᐛᑎᓯᑦ ᐊᐛᓐ ᐊ ᐃᔅᐱᑕᔨᑕᐧᒃ ᒪᒃ ᑕᓐ ᐊ ᐃᓯ ᐊᔭᑦ ᓂ ᐛᔪᑎᓯᓐ ᐃᑕᔨᑎᒻ᙮

ᐃᑉᕈᐛ 13:5

ᐊᑲ ᐎ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᓴᒋᑕᔭᒄ ᓱᓇᔭᐤ᙮ ᒋᐸ ᒥᔽᔨᑕᓇᐛᐤ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᒋᓴᒪᓂᑐᐤ ᒋ ᐃᔅᒋᔄᐤ, “ᓇᒪ ᓂᑕ ᒋᑭ ᐅᒋ ᓂᑭᑎᑎᓇᐛᐤ, ᓇᒪ ᓂᑕ ᒋᑭ ᐅᒋ ᐃᓯᓇᑯᓯᓇᐛᐤ ᒐ ᐊᑲ ᒋ ᐃᔭᐱᑕᔨᒥᑎᑯᒡ᙮”

ᒋᒥᔅ ᐅᒥᓯᓇᐊᒪᒐᐅᓐ 1:24

ᐃᔅᐱ ᑲ ᑭᓄᐛᐱᒥᓱᔨᒋ, ᔅᑐᑕᐤ ᐊᑯ ᑎᐛᒡ ᐅᓂᒋᔅᒍᐤ ᑕᓐ ᐊ ᐃᓯᓇᑯᓯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 3:13

ᑕᐤ ᐊ ᐊᐛᓐ ᐊᓐᑕ ᐊ ᑎᓯᔭᒄ ᐊ ᑭᒐᑕᐛᔨᑕᐧᒃ ᑭᔭ ᐊ ᐊᔭᑦ ᓂᔅᑐᑎᒧᐅᓂᔪᐤ ? ᐊᑯᔅ ᒋᑭ ᐛᐸᑎᔨᐛᐤ ᐅᔭ ᑯᐃᔅᒄ ᐊ ᐃᓯ ᐱᒪᑎᓯᑦ ᑭᔭ ᐊ ᐊᑐᔅᒐᑦ ᒋᐸ ᓄᑯᓂᔪᐤ ᐊ ᑭᒐᑕᐛᔨᑕᐧᒃ ᐊᓂᔭ ᐅᒋ ᐊ ᑎᐱᑕᔨᒥᓱᑦ᙮

1 ᐱᑕᕐ 1:15

ᐸᔭᒋᓯᐤ ᐊᓐ ᑲ ᑕᑈᑎᑕᒄ ᑭᔭ ᒋᔨᐛᐤ ᒪᒃ ᐸᔭᒋᓯᒄ ᒥᓯᐛ ᐊ ᐃᓯ ᐱᒪᑎᓯᔭᒄ᙮

1 ᐱᑕᕐ 2:12

ᓱᒃ ᐎ ᑯᐃᔅᑯᐱᒪᑎᓯᒄ ᒪᒂᒡ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᐊᑯᑕ ᒐᒋ ᓂᔅᑐᓇᒡ ᒋᒥᔪᑐᑎᒧᐅᓄᐛᐛ ᑭᔭ ᒐ ᒪᒥᒋᒪᒡ ᒋᓴᒪᓂᑐᐛ ᐃᔅᐱ ᑎᑯᓯᓂᔨᒐᓂ᙮ ᐊᐅᑯᓐ ᒐ ᐃᑎᒡ ᐊᑎ ᐊᓄᒡ ᓂᑎᒥᒄ ᐊ ᐃᓯ ᒪᒥᓯᒥᑕᑯᒡ ᒧᔭᒻ ᐊ ᒥᒋᑐᑎᒺᒄ᙮

2 ᐱᑕᕐ 1:3

ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

2 ᐱᑕᕐ 1:6

ᒥᓐ ᒪᒃ ᒐᒂᓐ ᒐ ᐎ ᐊᑎ ᐊᔭᔭᒄ ᐊᐅᒄ ᐅ ᒐᒋ ᒥᔪ ᓂᓇᑭᑐᐛᔨᒥᓱᔭᒄ ᒋᐱᒪᑎᓯᐅᓄᐛᒡ᙮ ᐃᔅᐱ ᒪᒃ ᐊ ᐊᑎ ᒥᔪ ᓂᓇᑭᑐᐛᔨᒥᓱᔭᒂ, ᐊᑯ ᒐ ᐊᑎ ᓱᒋᑲᐳᐅᔅᑎᒪᒄ ᓂᓇᐧᑯᐤ ᒐᒂᓐ᙮ ᐅ ᒪᒃ ᐊ ᐊᑎ ᓱᒋᑲᐳᐅᔭᒂ, ᐊᑯ ᒐ ᐊᑎ ᒪᓂᑐᐛᑎᓯᔭᒄ᙮

2 ᐱᑕᕐ 3:10

ᒥᒄ ᒪᒃ ᓇᒪ ᓂᑲᓐ ᒋᑭ ᐅᒋ ᒧᓯᑕᑭᓄᐅᔪᐤ ᐅᑎᐸᔨᒋᒐᐤ ᐅᒋᓯᑲᒻ, ᒧᔭᒻ ᐊ ᐃᑕᔨᑕᒂᒡ ᑲᒋᒧᑎᑦ ᐊᓐᑕ ᐛ ᐱᒐᒋ ᒥᒋᐛᐱᔪᐤ ᐊ ᐎ ᑭᒐᒧᑎᑦ, ᐊᐅᑯᓐ ᒐ ᐃᑕᔨᑕᒂᒡ᙮ ᐊᓐᑕ ᒪᒃ ᐊᓂᔭ ᐅᑎᐸᔨᒋᒐᐤ ᐅᒋᓯᑲᒻ ᐅᑎᒋᐱᔨᒐ ᐅᔭ ᒋᓯᒂ ᒋᑭ ᐸᓯᑯᓇᑯᓇ᙮ ᓇᔅᒡ ᑕᑈ ᒋᑭ ᒋᔄᐛᐱᔪᐤ ᐊᑎ ᐸᓯᑯᓇᑯᒂᐛ᙮ ᒥᓯᐛ ᑕᓐ ᐊ ᐃᓯ ᑎᒂᒡ ᒋᓯᑯᒡ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᒥᔅᑎ ᒋᓯᑕᒡ᙮ ᐊᔅᒋᔾ ᑭᔭ ᒥᓯᐛ ᒐᒂᓐ ᐅᑕ ᑲ ᑎᒂᒡ, ᒋᑭ ᐊᑎ ᒪᔅᑎᐧᑲᑕᐛ᙮

2 ᐱᑕᕐ 3:12

ᑭᔭ ᐊ ᐱᑯᓴᔨᑎᒪᒄ ᒋᓴᒪᓂᑐᐤ ᐅᒋᓯᑲᒻ ᒐ ᐅᑎᒋᐱᔨᒡ᙮ ᓱᒃ ᒋᐸ ᐊᑐᔅᑯᐛᐛᐤ ᒋᓴᒪᓂᑐᐤ ᐎᐱᒡ ᒐᒋ ᐅᑎᒋᐱᔨᒡ ᐊᓂᔭ ᐅᒋᓯᑲᒻ᙮ ᐛᔅ ᐊᓐ ᐊ ᒋᓯᑲᒡ ᒥᓯᐛ ᒋᓯᒂ ᒋᑭ ᐊᑎᑎᔅᑕᐛ ᑭᔭ ᒋᑭ ᓂᓱᐅᓇᑎᓇ᙮ ᐊᑯ ᒥᓯᐛ ᐊᓂᔭ ᐛᔅᑕᐅᓇ ᐊᓐᑕ ᒋᓯᑯᒡ ᑲ ᑎᒂᒋ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᐛᓴ ᒥᔅᑎ ᒥᓯᑕᐱᔨᒡ ᐃᔅᑯᑕᐤ ᒥᓯᐛ ᐊᓐᑕ ᒋᓯᑯᒡ᙮