2 ᐱᑕᕐ 2:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐛᔅ ᐊᑯᑕ ᑲ ᑕᑦ ᓗᑦ ᐊᓐ ᑯᐃᔅᒄ ᑲ ᐃᓯ ᐱᒪᑎᓯᑦ ᓇᐸᐤ᙮ ᐊᓯᑯᒻ ᒋᓯᑲᐛ ᒪᒃ ᒋ ᒥᓯᒥᔅᑲᑯᐤ ᐅᑦ ᐊᒐᐧᑯᒡ ᑕᓐ ᑲ ᐃᓯ ᐸᑕᐧᒃ ᑭᔭ ᑕᓐ ᑲ ᐃᓯ ᐛᐸᑕᐧᒃ ᐊ ᐃᓯ ᐱᒪᑎᓯᓇᓄᐎᒡ᙮

2 ᐱᑕᕐ 2:8 Iomraidhean Croise

ᒐᓂᓯᔅ 13:13

ᐃᔪᒡ ᑲ ᐎᒋᒡ ᐊᓐᑕ ᓱᑕᒻ ᒋᒋᐛ ᒋ ᒥᒋ ᐃᔪᐎᒡ ᑭᔭ ᐊ ᒥᒋᑐᑕᒡ ᐊᑲ ᑕᑈᑐᐛᒡ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 119:136

ᓂᐱᔭ ᐊ ᓯᐱᓯᐅᒋ ᐅᒋᑯᐛ ᓂᔅᒋᓯᑯᒡ, ᐊ ᐊᑲ ᑭᓄᐛᔨᑕᒡ ᒋᐎᓱᐛᐅᓂᔪᐤ᙮

ᑎᐱᑦ ᐅᓂᑭᒧᐅᓇ 119:139

ᓂᒥᔅᑯᐛᔨᑎᒧᐅᓐ ᓂᒋ ᒋᑕᒧᑯᓐ; ᐛᔅ ᑲ ᐛᐧᑲᓯᒡ ᒋ ᐅᓂᒋᔅᒋᓱᐅᒡ ᒋᑦ ᐃᔨᒧᐅᓇ᙮

ᑎᐱᑦ ᐅᓂᑭᒧᐅᓇ 119:158

ᓂᒋ ᑭᓄᐛᐱᒪᐅᒡ ᑲ ᒥᒋᑐᑕᒡ, ᓂᒋ ᑲᔅᒐᔨᑕᓐ ᒪᒃ; ᐊ ᐊᑲ ᑭᓄᐛᔨᑕᒡ ᒋᑦ ᐃᔨᒧᐅᓂᔪᐤ᙮

1 ᑎᒧᑎ 1:9

ᐅ ᒪᒃ ᐎ ᓂᔅᑐᑎᒧᒄ, ᑕᐸ ᓇᒪᔭᐤ ᐅᑯᐃᔅᑯᑕᑎᓯᐤ ᑲ ᐅᓯᑎᒧᐛᑭᓄᐅᑦ ᐅᔭ ᐎᓱᐛᐅᓂᔪᐤ᙮ ᐊᓐᒡ ᐛᔅ ᐊᓐ ᐊᑲ ᓇᔅᒡ ᐊᐱᑕᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓐᒡ ᐊᑲ ᓇᔅᒡ ᓂᓇᐃᑎᒺᒡ ᑭᔭ ᐊᓐᒡ ᐊᑲ ᓇᔅᒡ ᒋᔅᒐᔨᑕᒡ ᑕᓐ ᒋᐸ ᐃᓯ ᓂᓇᑭᑐᐛᔨᑎᒥᐃᑯᐅᒡ ᐅᐱᒪᑎᓯᐅᓄᐛᐛ ᐊᐅᑯᓐᒡ ᐅᒡ ᑲ ᐅᓯᑎᒧᐛᑭᓄᐎᒡ ᐅᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᓇᔅᒡ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᑭᔭ ᐊᓐᒡ ᓇᔅᒡ ᑲ ᒥᒋᐱᒪᑎᓯᒡ ᐊᐅᑯᓐᒡ ᐅᒡ ᑲ ᐅᓯᑎᒧᐛᑭᓄᐎᒡ ᐊᓂᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᐸᔭᒋ ᐱᒪᑎᓯᒡ ᐅᑦ ᐊᒐᐧᑯᐛᒡ ᑭᔭ ᐊᓐᒡ ᐊᑲ ᓇᔅᒡ ᐊᔭᒥᐊᐛᑎᓯᒡ ᑭᔭ ᐊᓐᒡ ᑲ ᓂᐸᐊᒡ ᐅᑕᐎᐛᐛ ᑭᔭ ᐅᑲᐎᐛᐛ ᑭᔭ ᐊᓐᒡ ᑲ ᓂᐸᐃᐛᒡ,

ᐃᑉᕈᐛ 11:4

ᐛᔅᑭᒡ ᐊᓐᑕ, ᓇᐸᐤ ᐊᐳᓪ ᐊᒋ ᐃᓯᓂᐧᑲᓱᑦ ᒋ ᑕᑈᔭᔨᒪᐤ ᒋᓴᒪᓂᑐᐛ ᐊᓂᔭ ᒪᒃ ᐅᒋ ᒋ ᒥᑐᔅᑕᐊᒪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᔅᒡ ᒪᒃ ᒋ ᓇᐊᔨᑎᒥᐊᐤ ᒋᓴᒪᓂᑐᐛ᙮ ᐊᓂᔭ ᐅᔅᑕᓴ ᑲᐃᓐ ᑭᔭ ᐎᔾ ᒋ ᒥᑐᔅᑕᐊᒪᔪᐛ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᐊᓂᔭ ᐊᐳᓪ ᑕᓐ ᑲ ᐃᓯ ᑕᑈᔭᔨᒪᑦ ᒋᓴᒪᓂᑐᐛ ᐊᔪᐅᒄ ᐊᓂᔭ ᑲ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒪᒃ ᐅᔭ ᐛᒋ ᐃᑕᑭᓄᐅᑦ ᐊᐳᓪ ᐊᒋ ᑯᐃᔅᑯᑕᑎᓯᑦ᙮ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᓇᔅᒡ ᐊᒋ ᓇᐊᔨᒥᑯᑦ ᐛᔅ ᒋ ᐅᑎᓂᒺᐤ ᑕᓐ ᑲ ᐃᓯ ᒥᑐᔅᑕᐊᒪᔨᒋ᙮ ᐊᑯ ᒪᒃ ᐊᓄᒡ, ᐊᑎ ᓴᔅ ᐊᒋ ᓂᐱᑦ ᐊᐳᓪ, ᒋ ᒋᔅᑯᑎᒪᑯᓇᓄᐤ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ ᐊ ᒪᒥᑐᓇᔨᑎᒪᐧᒄ ᑕᓐ ᑲ ᐃᓯ ᑕᑈᑕᐧᒃ ᐎᔾ ᐊᐳᓪ᙮

ᒋᒥᔅ ᐅᒥᓯᓇᐊᒪᒐᐅᓐ 5:16

ᐛᐎᑎᒪᑐᒄ ᒪᒃ ᒋᒥᒋᑐᑎᒧᐅᓄᐛᐛ ᑭᔭ ᐊᔭᒥᐊᔅᑎᒪᑐᒄ ᒐᒋ ᐅᒋ ᒥᓏᑎᓯᔭᒄ᙮ ᐊᓂᔭ ᑕᓐ ᐊ ᐃᓯ ᐊᔭᒥᐊᑦ ᐊᐛᓐ ᐊ ᑯᐃᔅᑯᑕᑎᓯᑦ, ᓇᔅᒡ ᑕᑈ ᓱᒋᐱᔪᐤ ᑕᓐ ᐊ ᐃᓯ ᐃᑐᑕᒐᒥᑭᓂᔨᒡ᙮