2 ᐱᑕᕐ 2:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᑕᐸ ᐃᔭᐱᒡ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭ ᐊᓐᒋᓇ ᑲ ᐅᓂᑐᑎᒥᔨᒋ, ᐃᔭᐱᒡ ᒥᒋ ᐃᔅᑯᑕᒡ ᒋ ᐃᑎᓴᐛᐤ᙮ ᐊᑯᑕ ᒪᒃ ᐊᓐᑕ ᒪᒂᒡ ᐊ ᑕᔨᒋ᙮ ᒪᒋᒂᐱᔅᑲᐛᑭᓄᐅᔪᐛ ᐊᓐᑕ ᐊ ᐅᑲᔅᑕᔭᔨᒡ᙮ ᐊᑯᑕ ᒪᒃ ᐊᓐᑕ ᒐ ᑕᔨᒋ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᑎᐸᔅᑯᓇᑭᓄᔨᒋ᙮

2 ᐱᑕᕐ 2:4 Iomraidhean Croise

ᑎᐱᑦ ᐅᓂᑭᒧᐅᓇ 78:50

ᒋ ᑕᐅᓂᒻ ᒐ ᐃᔅᐱᔨᒡ ᐅᒋᔄᓯᐅᓐ; ᓇᒪᐎᔾ ᒋ ᒥᓇᒋᐃᒪᐤ ᐅᑦ ᐊᒐᐧᑯᔪᐛ ᒐ ᐊᑲ ᒋ ᓂᐱᔨᒋ, ᒪᒃ ᒋ ᐸᒋᑎᓇᒺᐤ ᐅᐱᒪᑎᓯᐅᓂᔪᐤ ᐊᐧᑯᐃᑕᔅᐱᓇᐅᓂᒡ;

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᒪᑎᔪᐤ 8:29

ᐃᔅᐱ ᒪᒃ ᐎᔭᐱᒥᑯᑦ ᒋᓴᔅ ᐊᓂᔭᔪᐛ ᓇᐸᐛ ᑎᐛᒡ ᒋ ᐅᒋ ᐊᓯᒂᔪᐛ ᐊ ᐃᔅᒋᔄᔨᒋ, “ᒋᓴᔅ, ᑕᓐ ᐛᑐᑐᐅᔭᒡ, ᒋᔾ ᒋᓴᒪᓂᑐᐤ ᐅᑯᓴ, ᓴᔅ ᐊ ᒋ ᐎ ᐸᒋ ᐛᐎᓯᒐᔨᑎᒥᐃᓇᓐ ᐊᔅᒄ ᐊᑲ ᒪᒃ ᐅᑎᒋᐱᔨᒡ ᒐ ᐛᐎᓯᒐᔨᑎᒧᐛᐅᒋᐱᓇ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:7

ᐊᑯ ᒂ ᑕᑈᑦ ᐊ ᒋᔄᐛᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᒋᑦ ᐃᑎᓐ ᐊ ᐸᑐᐅᑦ ᒋᓴᒪᓂᑐᐤ, ᐊᑲᐎᔾ ᓂᓇᐧᑲᑕᔨᒧᐃ !”

ᓗᒃ 10:18

ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮

ᓗᒃ 8:31

ᐊᑯ ᒪᒃ ᒂ ᑯᒂᒋᒪᒡ ᒋᓴᓴ ᒐ ᐊᑲ ᒋ ᐃᑎᓴᐅᑯᒡ ᐊᓐᑕ ᒥᒋ ᐃᔅᑯᑕᒡ᙮

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:21

ᓇᒪ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ, ᐊᓂᔭᔪᐛ ᒋᒋᐛ ᐅᑎᐧᑯᓇ ᐊᓐᑕ ᒥᔅᑎᑯᒡ ᑲ ᐃᓯ ᑭᓄᐛᐱᒪᑭᓄᔨᒋ᙮ ᒋᑦ ᐃᑕᔨᑕᓐ ᐊ ᒪᒃ ᒋᔾ ᒐ ᒥᓇᒋᐃᔅᒃ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

2 ᐱᑕᕐ 2:11

ᐊᓐᒋᓐᒡ ᒪᒃ ᐎ, ᐊᑎ ᐊ ᐃᔅᐱᔅ ᐊᑐᐎᔅ ᓱᐧᑲᑎᓯᒡ ᑭᔭ ᐊ ᐃᔅᐱᔅ ᐊᑐᐎᔅ ᓱᒐᔨᑕᑯᓯᒡ, ᐃᔭᐱᒡ ᓇᒪᐎᔾ ᒋᐧᑲᒧᐛᐅᒡ ᐊ ᒪᒥᓯᒪᒡ ᐊᓂᔭ ᓂᑎᒥᒄ ᑲ ᐃᓯ ᒋᔅᑯᑎᒪᒐᔨᒋ ᐅᑎᔅᑯᐤ ᐅᑎᐸᔨᒋᒐᐤ ᐊ ᑕᔨᒋ᙮

2 ᐱᑕᕐ 2:5

ᑭᔭ ᐊᓂᔭ ᓂᔅᑎᒻ ᐊᔅᒋᔪᐤ ᓇᒪ ᐅᒋ ᒥᓇᒋᑕᐤ ᒋᓴᒪᓂᑐᐤ᙮ ᐊᐅᑯᓐ ᑲ ᐃᓯ ᐊᔅᒋᐳᑕᑦ ᑲ ᐃᔅᐱᔅ ᐛᓴ ᒋ ᒥᒐᑎᓯᓇᓄᐎᒡ ᐊᓐᑕ ᐊᓂᔭ ᒪᒂᒡ᙮ ᒥᒄ ᔭᓇᐤ ᐊᐛᔪᐛ ᒋ ᐱᒪᒋᐊᐤ, ᐊᐅᒄ ᐅ ᓄᐛ ᐊᓐ ᑲ ᐊᔨᒧᑕᐧᒃ ᒐᒋ ᑯᐃᔅᒄ ᐃᑕᑎᓯᓇᓄᐎᒡ ᑭᔭ ᐊᓂᔭ ᓂᔄᐅᑕᒡ ᐊ ᑕᒡ ᐊᓐᑕ ᐊ ᐸᐃᑯᔅᑲᓇᓯᑦ᙮

2 ᐱᑕᕐ 2:9

ᒐᔅᑎᓇᔅ ᑭᔅᒋᑕᐤ ᒋᓴᒪᓂᑐᐤ ᒐᒋ ᐎᐧᑯᒋᐊᑦ ᐅᑯᐃᔅᑯᑕᑎᓯᐛ ᑕᓐ ᐊ ᐃᓯ ᓂᒋᔅᑭᒥᔨᒋ ᑭᔭ ᓂᓇᑭᑐᐛᔨᑎᒥᐃᑯᐤ ᐛᔅ ᒋᓴᒪᓂᑐᐤ ᑕᓐ ᐊ ᐃᓯ ᒥᒐᑎᓯᓇᓄᐎᒡ ᐊ ᒋᔅᒐᔨᑕᐧᒃ ᐸᐃᒂᐤ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᒐ ᑎᐸᔅᑯᓇᑦ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮

ᒍᑦ 1:13

ᒧᔭᒻ ᑭᔅᑭᓂᒡ ᐎᓂᐸᑯᒡ ᒪᒂᒡ ᓇᔅᒡ ᐊ ᒥᔅᑎᔪᑎᒡ, ᐊᐅᑯᓐ ᐊ ᐃᓯ ᐱᔅᑕᐅᑕᒧᒡ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ᓴᒂᔨᑕᑯᓂᔨᒡ ᑎᐱᔨᐛ ᐅᒥᒋᑐᑎᒧᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᒥᒄ ᓂᑎᒥᒄ ᑲ ᐃᓯ ᐱᐸᒥᐱᔨᒡ, ᐊᐅᑯᓐ ᐊ ᐃᓯᓇᑯᓯᒡ᙮ ᑎᑯᓂᔪᐤ ᒪᒃ ᐊᓐᑕ ᒪᐅᒡ ᐛᑲᔅᑕᔭᔨᒡ ᐊ ᐊᔭᔅᑯᔅᑎᒪᑯᒡ ᒋᓴᒪᓂᑐᐛ ᑲᒋᒡ ᒐ ᑕᒡ᙮

ᒍᑦ 1:6

ᒋᔅᒋᓯᑐᑐᐛᐧᑯᒡ ᑭᔭ ᐊᓐᒡ ᐊᓐᒋᓐᒡ ᐊᑲ ᐅᒋ ᓂᓇᑭᑐᐛᔨᑕᒡ ᑕᓐ ᑲ ᐃᔅᐱᔅ ᒥᔭᑭᓄᐎᒡ ᑎᐸᔨᒋᒐᐅᓂᔪᐤ ᑭᔭ ᑲ ᓂᑭᑕᒡ ᐊᓐᑕ ᑲ ᐱᔅᑎᓇᑭᓄᐎᒡ ᒐᒋ ᑕᒡ᙮ ᒪᒂᒡ ᑲᒋᒡ ᐃᓴᒂᔭᐱᔭ ᒪᒋᒂᐱᐧᑲᓱᒡ ᐊᓐᑕ ᑕᒥᒡ ᓇᔅᒡ ᐊ ᐅᑲᔅᑕᔭᔨᒡ᙮ ᐊᑯᑕ ᒐᐸᐅᑯᒡ ᒋᓴᒪᓂᑐᐤ ᐸᑐᔅ ᐅᑎᒋᐱᔨᒐ ᐊᓂᔭ ᓇᔅᒡ ᒐᔅᑕᔨᑕᑯᓂᔨᒡ ᐊ ᒋᓯᑲᔨᒡ ᒐ ᑎᐸᔅᑯᓇᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 20:10

ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ᐎᔭᓯᒪᑦ ᐅᔭ ᐊᐛᔪᐛ, ᑲ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ᐛᐱᓇᑭᓄᐅᑦ ᐊᓐᑕ ᐊ ᐃᔎᑕᔨᒡ ᒐᒂᔪᐤ ᐊ ᐎᔄᐛᐸᑕᔨᒡ ᓇᔅᒡ ᐊ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ᐛᐱᓇᑭᓄᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᒋ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ᐎᓯᒐᔨᑎᒧᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮