2 ᐱᑕᕐ 2:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᓂᔭ ᒪᒃ ᒐ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ᐃᑕᒋᒧᔅᑕᑕᑯᒡ ᒐ ᐅᒋ ᐎ ᐃᑕᐱᒋᐃᑕᑯᒡ ᒐᒋ ᐅᒋ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ᐊᔭᔅᑯᔅᑕᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᑭᔭ ᒧᔅ ᒋ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ᓂᓱᐅᓇᑎᓯᒡ᙮

2 ᐱᑕᕐ 2:3 Iomraidhean Croise

ᑎᐱᑦ ᐅᓂᑭᒧᐅᓇ 18:44

ᐃᔅᐱ ᐸᑐᑥᐛ, ᓂᑭ ᓂᓇᐃᑕᑯᒡ, ᒪᓐᑕᐅᒡ ᓂᑭ ᑕᑈᑎᑯᒡ᙮

ᑎᐱᑦ ᐅᓂᑭᒧᐅᓇ 66:3

ᐃᑎᐧᒄ ᒋᓴᒪᓂᑐᐤ, “ᑕᑈ ᒋ ᑯᔅᑕᑎᑯᓯᓐ ᒋᑦ ᐊᑐᔅᒐᐅᓂᒡ ! ᐊᔅᐱᔅ ᒋᔅᑕᔨᑕᒂᒡ ᒋᑭᔅᒋᐅᓐ ᐊᓐᒡ ᑲ ᐛᐧᑲᑎᔅᒡ ᒋᑭ ᐅᒋ ᐱᑎᐱᔅᑕᒂᒡ᙮

ᑎᐱᑦ ᐅᓂᑭᒧᐅᓇ 81:15

ᑲ ᐛᐧᑲᑕᒡ ᒋᓴᒪᓂᑐᐛ ᒋᑭ ᒋ ᐱᑕᐱᔅᑕᐛᐸᓐᒡ: ᒪᒃ ᐎᔨᐛᐤ ᐅᒋᓯᑲᒧᐛᐤ ᑲᒋᒡ ᒋᐸ ᒋ ᐊᔭᑕᐛᑯᐱᓐ᙮

ᒪᑎᔪᐤ 23:14

ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ᙮ ᓇᔅᒡ ᒋ ᐎ ᑯᐃᔅᑯᓇᑯᐃᓱᓇᐛᐤ ᐊᓐ ᐅᒋ ᓇᐅᔅ ᐊ ᐊᔭᒥᐊᔭᒄ, ᒥᒄ ᒪᒃ ᐊᓐᑕ ᐊ ᐅᑎᓂᒺᒄ ᒪᓐ ᑲ ᐸᐃᑯᓯᒡ ᐃᔎᐅᒡ ᑕᓐ ᐊ ᐃᓯ ᑎᐱᔨᐛᐅᓯᒡ ᐊᑯᑕ ᐊ ᓄᒂᒡ ᒋᒋᐛ ᑕᓐ ᐊ ᐃᑕᔨᑕᑯᓯᔭᒄ᙮ ᐅ ᒪᒃ ᑲ ᐃᓯ ᐃᑐᑎᒪᒄ ᐊᑐᐎᔅ ᒋᔨᐛᐤ ᒋᑭ ᐛᐛᓯᐃᑯᓇᐛᐤ᙮”

ᓗᒃ 18:8

ᒋ ᐎᑎᒪᑎᓇᐛᐤ, ᒐᔅᑎᓇᑕᔨᑕᑯᓂᔪᐤ ᐎᐱᒡ ᒐ ᒋᔅᐸᐛᑕᑦ᙮ ᐊᑯ ᒪᒃ, ᐃᔪᐤ ᐅᑯᓯᓴᓐ ᒋᑭ ᒥᔅᑯᐛᐤ ᑲᑭᔭ ᐊᐛᔪᐛ ᐊ ᑕᑈᔭᔨᒥᑯᑦ ᐃᔅᐱ ᒥᓐ ᑎᑯᓯᓂᒐ ᐅᑕ ᐊᔅᒋᒡ ?”

ᓗᒃ 20:20

ᐊᑯ ᒥᒄ ᑲ ᓂᓇᑭᑐᐛᔨᑕᒡ ᒐ ᐃᔅᐱᔅ ᒥᔪᐱᔨᒡ ᒐᒋ ᒪᑯᓇᒡ᙮ ᒋ ᐃᑎᓴᐛᐅᒡ ᒪᒃ ᓇᐸᐛ ᐊᓐᑕ ᒋᓴᔅ ᐊ ᑕᔨᒋ ᒪᒪᒡ ᒐᒋ ᐃᓯ ᑯᒂᒋᒪᔨᒋ, ᐊ ᐎ ᓇᓂᑐᒥᔅᑯᒺᒡ ᒐᒋ ᐃᔅᒋᔄᔨᒋ ᒐᒂᔪᐤ ᒐᒋ ᐅᒋ ᒪᑯᓇᒡ᙮ ᐊᑯ ᒪᒃ ᒋ ᒪᑯᓇᑥᐛ ᐊᑯ ᐊᓐᑕ ᒋᐸ ᐃᑐᑕᐊᐅᒡ ᕈᒻ ᒋᓴᐅᒋᒪᐛ ᐊ ᑕᔨᒋ, ᐊᓂᔭ ᒋᐸ ᑎᐸᔅᑯᓂᑯᔪᐛ᙮

ᓗᒃ 22:47

ᒪᒂᒡ ᒪᒃ ᐊ ᐃᔨᒥᑦ ᒋᓴᔅ ᒋ ᐅᒋ ᑎᑯᓯᓂᔪᐛ ᐊᐛᔪᐛ ᐊ ᒥᒐᑐᑕᔨᒋ᙮ ᐸᐃᒄ ᒪᒃ ᐊᓂᔭᔪᐛ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ, ᒍᑎᔅ ᑲ ᐃᓯᓂᐧᑲᓱᔨᒋ, ᒋ ᐸᒋ ᓂᑲᓄᑕᔪᐛ ᒂ ᓇᑎᑯᑦ ᐊᑯ ᒂ ᓱᐛᔨᒥᑯᑦ᙮

ᒠᓐ 2:16

ᒋ ᐃᑕᐤ ᒪᒃ ᐊᓂᔭ ᐱᔭᓯᓴ ᑲ ᐊᑕᐛᒐᔨᒋ, “ᒪᒋᒄ ᓇᑕ ᐎᐎᑕᐊᐧᑯᒡ ᐊᓐᒡ᙮ ᓄᑕᐎᔾ ᐅᔭ ᐎᒡ, ᓇᒪᔭᐤ ᐅ ᐊᑕᐛᐅᒋᐛᑉ᙮ ᐊᑯᓐ ᐊᑯ ᐃᔅᐱᔅ ᐊ ᑕᐛᒄ ᒐᒂᓐ ᐅᑕ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:18

ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮

1 ᑕᓴᓗᓂᔭᓇ 2:5

ᓴᒐᔾ ᔅᒋ ᐃᔨᒥᐃᑎᓇᓐ ᐊᑲ ᐅᒋ ᓂᑐᐛᔨᑎᒪᑕᒡ ᒐᒂᓐ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐅ᙮ ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᔭᒡ ᐅ ᑲ ᐃᔅᒋᔄᔭᒡ᙮

1 ᑕᓴᓗᓂᔭᓇ 5:3

ᒪᒂᒡ ᐃᔅᒋᔄᑥᐛ ᐊᐛᓐᒋ, “ᒥᓯᐛ ᒐᒂᓐ ᒥᔪᐱᔪᐤ, ᓇᒪ ᑎᑯᓐ ᒐᒋ ᓴᒋᓯᔭᐧᒄ,” ᓯᔅᒋᑯᒡ ᒋᑭ ᒥᔅᑎ ᓂᓇᐧᑲᑕᔨᒧᐅᒡ᙮ ᒧᔭᒻ ᐊ ᐃᔅᐱᔅ ᓯᔅᒋᑯᒡ ᐊ ᒧᓯᐅᑦ ᐃᔎᐤ ᐃᔅᐱ ᒐ ᐛᐱᒪᐅᓱᑦ ᐊᐅᑯᓐ ᒐ ᐃᔅᐱᔅ ᓯᔅᒋᑯᒡ ᒥᔅᑎ ᓂᓇᐧᑲᑕᔨᒧᒡ ᐊᐛᓐᒋ᙮ ᓇᒪ ᒪᒃ ᒋᑭ ᐃᑐᐅᒡ ᒐ ᐊᑲ ᓂᓇᐧᑲᑕᔨᒧᒡ᙮

1 ᑎᒧᑎ 3:3

ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮

1 ᑎᒧᑎ 3:8

ᑭᔭ ᐊᓐᒡ ᑲ ᐎᒋᐃᐛᒡ ᑕᓐ ᐊ ᐃᓯ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ᓴᒋᑕᐅᒡ ᓱᓇᔭᔪᐤ᙮

1 ᑎᒧᑎ 6:5

ᐅᒡ ᒪᒃ ᑲ ᒪᒥᒋᐱᔨᑕᒡ ᓇᒪ ᒋᔅᒐᔨᑎᒧᒡ ᑕᑈᐅᓂᔪᐤ ᑭᔭ ᓇᒪ ᑯᐃᔅᒄ ᒋ ᐃᓯ ᓂᔅᑐᑎᒧᒡ ᑕᑈᐅᓂᔪᐤ᙮ ᑭᔭ ᐃᑕᔨᑎᒧᒡ ᐊ ᒋᓴᒪᓂᑐᐛᑎᓯᓇᓄᐎᒡ ᐊᑯᑕ ᒐᒋ ᐅᒋ ᐅᑎᓯᒡ᙮

ᑕᐃᑕᔅ 1:11

ᐃᑕᔨᑕᑯᓂᔪᐤ ᒪᒃ ᒐᒋ ᒋᐱᒋᐊᑭᓄᐎᒡ ᐅᔭ ᐊ ᐃᓯ ᐎᑎᒪᒐᒡ ᐛᔅ ᒥᒋᐱᔨᐊᐎᒡ ᐊᐛᔪᐛ ᐊ ᒋᔅᑯᑎᒧᐛᒡ ᐊᓂᔭ ᒐᒂᔪᐤ ᐊᑲ ᒋᐸ ᐅᒋ ᒋᔅᑯᑎᒧᐛᐅᒡ ᒥᒄ ᐊᓂᔭ ᐊ ᐎ ᐅᓱᓇᔭᓂᒥᐧᑲᓱᒡ ᐅᒡ᙮

ᑕᐃᑕᔅ 1:7

ᐊᓐ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ, ᓇᒪ ᒋᐸ ᐅᒋ ᒥᒋᑐᑎᒻ ᐊᓐᑕ ᒐᒋ ᐅᒋ ᐊᑕᒪᔨᒪᑭᓄᐅᑦ ᒐᒂᔪᐤ, ᐛᔅ ᒋᓴᒪᓂᑐᐛ ᐊᑐᔅᑯᐛᐤ᙮ ᓇᒪ ᒋᒋᐛ ᒋᐸ ᐅᒋ ᐃᑕᔨᒥᓱᐤ, ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ, ᑭᔭ ᓇᒪ ᒋᐸ ᐅᒋ ᐎᒋᐸᐤ, ᑭᔭ ᓇᒪ ᒋᐸ ᐅᒋ ᐊᐧᑯᔪᐛᓱᐤ, ᑭᔭ ᓇᒪ ᒋᐸ ᐅᒋ ᓴᒋᑕᐤ ᓱᓇᔭᔪᐤ᙮

1 ᐱᑕᕐ 2:8

ᐊᑯ ᒪᒃ ᒥᓐ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅ ᐊᓯᓂᔾ ᒋᑭ ᐱᓱᔅᑭᒧᐛᐤ ᑭᔭ ᐊᐅᒄ ᑲ ᒥᒐᐱᔅᒋᓯᑦ ᐊᓯᓂᔾ ᒐ ᐸᒋᓯᒪᑦ ᐊᐛᔪᐛ᙮ ᐱᓱᔅᑯᐛᐅᒡ ᐅᔭ ᐊᓯᓂᔭ ᐛᔅ ᓇᒪ ᐅᒋ ᓂᓇᐃᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᐅᒄ ᒪᒃ ᐅᔭ ᒐ ᐅᒋ ᐛᐛᓯᐊᑭᓄᐎᒡ ᐛᔅ ᓴᔅ ᐊᐅᑯᓐ ᑲ ᐃᓯ ᐎᔭᔨᑎᒥᔨᒋ ᒋᓴᒪᓂᑐᐛ ᒐ ᐃᑐᑕᑯᒡ᙮

1 ᐱᑕᕐ 5:2

ᒥᔪ ᑭᓄᐛᔨᒪᑯ ᐊᓂᔭ ᐃᔪᐛ ᒋᓴᒪᓂᑐᐤ ᑲ ᒥᔨᑕᒄ ᒐᒋ ᓂᑲᓂᔅᑯᐅᒪᑯ ᒧᔭᒻ ᑲᒋ ᐃᓯ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ ᐊᓐ ᑲ ᑭᓄᒪᔭᑕᓂᓱᐛᑦ᙮ ᒥᔪ ᑭᓄᐛᔨᒪᑯ ᒧᔭᒻ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᑭᓄᐛᔨᒪᑯ᙮ ᐊᑲᐎᔾ ᒧᔭᒻ ᐊᐃᓴᒡ ᑲ ᐃᑐᑕᐧᒃ ᐊᐛᓐ ᒐᒂᔪᐤ ᒋᑭ ᐅᒋ ᐃᓯᓇᑯᓯᓇᐛᐤ ᐅ ᑕᓐ ᐊ ᐃᑕᐱᑎᓯᔭᒄ᙮ ᐃᑐᑎᒧᒄ ᒋᑦ ᐊᑐᔅᒐᐅᓄᐛᐤ ᓇᒪᐎᔾ ᒥᒄ ᐊ ᑭᓄᐛᐸᑎᒪᒄ ᑕᓐ ᒐ ᐃᓯ ᐅᑎᓯᔭᒄ ᒪᒃ ᓇᔅᒡ ᐊ ᐃᑕᔨᑎᒥᐃᑯᔭᒄ ᑕᓐ ᒐᒋ ᐃᓯ ᐎᒋᐊᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᓇᑭᑐᐛᔨᒪᑯᒡ᙮

2 ᐱᑕᕐ 1:16

ᑕᐸ ᓇᒪᐎᔾ ᐎ ᐊᒋ ᐅᓯᑕᑭᓄᐅᒋ ᑎᐸᒋᒧᐅᓇ ᑲ ᐊᐱᒋᑕᔭᒡ ᐃᔅᐱ ᑲ ᐎ ᒋᔅᒐᔨᑎᒥᐃᑕᒡ ᑕᑈ ᒐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᓱᐧᑲᑎᓯᐅᓂᒡ᙮ ᓂᔭᓐ ᐛᔅ ᑎᐱᔨᐛ ᓂᔅᒋᓯᑯᓇᒡ ᓂᒋ ᐛᐱᒪᓇᓐ ᐊ ᒋᔅᑕᔨᑕᑯᐊᑭᓄᐅᑦ᙮

2 ᐱᑕᕐ 2:1

ᒋ ᐸᒋ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ᑕᐅᒡ ᓂᑎᒥᒄ ᒐ ᐃᓯ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓂᑎᒥᒄ ᒋᑭ ᐃᓯ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ᓂᐱᔅᑎᒪᑯᒡ ᓇᔅᒡ ᒋᑭ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮

2 ᐱᑕᕐ 2:9

ᒐᔅᑎᓇᔅ ᑭᔅᒋᑕᐤ ᒋᓴᒪᓂᑐᐤ ᒐᒋ ᐎᐧᑯᒋᐊᑦ ᐅᑯᐃᔅᑯᑕᑎᓯᐛ ᑕᓐ ᐊ ᐃᓯ ᓂᒋᔅᑭᒥᔨᒋ ᑭᔭ ᓂᓇᑭᑐᐛᔨᑎᒥᐃᑯᐤ ᐛᔅ ᒋᓴᒪᓂᑐᐤ ᑕᓐ ᐊ ᐃᓯ ᒥᒐᑎᓯᓇᓄᐎᒡ ᐊ ᒋᔅᒐᔨᑕᐧᒃ ᐸᐃᒂᐤ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᒐ ᑎᐸᔅᑯᓇᑦ᙮

ᒍᑦ 1:11

ᑕᑈ ᒋᑭ ᐊᒂᒡ ᒥᒋᐱᔪᐅᒡ᙮ ᒧᔭᒻ ᐊᓂᔭ ᑲᐃᓇ ᑲ ᐃᑎᔨᒋ ᐊᐅᑯᓐ ᐊ ᐃᑎᒡ᙮ ᒋ ᐱᔅᑕᔨᒥᓱᐅᒡ ᒧᔭᒻ ᐊᓂᔭ ᐸᓚᒻ ᑲ ᐃᓯ ᒥᒋᑐᑎᒥᔨᒋ ᒐᒋ ᐃᓯ ᒥᒋᑐᑕᒡ ᒥᒄ ᓱᓇᔭᔪᐤ ᐊ ᐎ ᒪᐅᒋᑎᒪᓱᒡ᙮ ᑭᔭ ᒧᔭᒻ ᐊᓂᔭ ᑯᕋ ᑲ ᐃᓯ ᓱᒐᔨᒧᔨᒋ, ᐊᐅᑯᓐ ᐊ ᐃᓯ ᓱᒐᔨᒧᒡ᙮ ᐊᐅᑯᓐ ᒪᒃ ᐊ ᐃᓯ ᓂᓱᐅᓇᑎᓯᒡ ᑭᔭ ᐎᔨᐛᐤ᙮

ᒍᑦ 1:15

ᒥᓯᐛ ᐊᐛᔪᐛ ᒐᒋ ᑎᐸᔅᑯᓇᑦ᙮ ᒋᑭ ᑎᑯᓯᓐ ᒐᒋ ᓂᓱᐅᓇᒋᒪᑦ ᒥᓯᐛ ᐅᒥᒋᑥᐛ ᐊᑲ ᒋᓴᒪᓂᑐᐛᑎᓯᔨᒋ ᐊᓂᔭᔪᐛ ᐅᒋ ᐊᒋ ᐃᑐᑎᒥᔨᒋ ᒥᓯᐛ ᑕᓐ ᐊ ᐃᓯ ᒪᔭᑎᓂᔨᒡ᙮ ᒋᑭ ᑎᐸᔅᑯᓇᐤ ᑭᔭ ᐅᔭ ᓇᐸᐛ ᒥᓯᐛ ᑕᓐ ᑲ ᐃᓯ ᒥᒋ ᐊᔨᒧᒪᔨᒋ ᒋᓴᒪᓂᑐᐛ᙮”

ᒍᑦ 1:16

ᒧᔅ ᒪᒥᒋ ᐃᔅᒋᔄᐅᒡ ᐅᒡ ᓇᐸᐅᒡ᙮ ᒧᔅ ᑯᑎᑲ ᐊᐛᔪᐛ ᐊᑕᒪᔨᒪᐅᒡ ᐊᑲ ᒋᐧᑲᐛᒋᐱᔨᒡ᙮ ᐱᓯᒄ ᐃᑐᑎᒧᒡ ᑕᓐ ᐊ ᐃᓯ ᒥᒋ ᓂᑐᐛᔨᑕᒡ ᒐᒋ ᐃᑎᒡ᙮ ᓇᔅᒡ ᑕᑈ ᐎ ᓂᓇᐸᐅᒧᒡ᙮ ᐊᔭᒡ ᐃᑐᐅᒡ ᐊ ᒥᔪ ᐊᔨᒧᒪᒡ ᐊᐛᔪᐛ ᒥᒄ ᐊ ᐎ ᒪᒥᔪᐱᔨᐃᓱᒡ ᒐᒋ ᐃᑎᒡ ᐊᓂᔭ ᑕᓐ ᐛ ᐃᑎᒡ᙮

ᒍᑦ 1:4

ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ᑕᒡ ᒪᒂᒡ ᐊᓐᑕ ᐊ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ᐃᑕᑎᓯᑦ ᐛᔅ ᐃᔭᐱᒡ ᒋᑭ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ᐛᐛᓯᐊᑭᓄᐎᒡ ᐅᒡ᙮

ᒍᑦ 1:7

ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ᑎᑯᓂᔨᒋ ᑲ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ᐃᑐᑎᒧᒡ᙮ ᓇᔅᒡ ᒋ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ᐃᔅᑯᑕᒡ ᑲᒋᒡ ᐊ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ᐃᔭᒂᒥᑯᔭᐧᒄ ᐅᔭ ᒐ ᐃᓯ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮