2 ᐱᑕᕐ 2:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋ ᐸᒋ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ᑕᐅᒡ ᓂᑎᒥᒄ ᒐ ᐃᓯ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓂᑎᒥᒄ ᒋᑭ ᐃᓯ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ᓂᐱᔅᑎᒪᑯᒡ ᓇᔅᒡ ᒋᑭ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮

2 ᐱᑕᕐ 2:1 Iomraidhean Croise

ᐊᒃᓱᑕᔅ 15:16

ᓴᒋᓱᐅᓂᔪᐤ ᑭᔭ ᑯᔅᑕᒋᐅᓂᔪᐤ ᒋᑭ ᐅᑎᑎᑯᐅᒡ᙮ ᐊ ᐛᐸᑕᒡ ᒋᓱᐧᑲᑎᓯᐅᓂᔪᐤ, ᐅ ᑎᐸᔨᒋᒐᓱᐤ, ᒥᒄ ᓇᔅᒡ ᓇᒪ ᒋᑭ ᐸᑕᑯᓱᐅᒡ ᒧᔭᒻ ᐊᓯᓂᔭ ᐸᑐᔅ ᒋ ᐎᒪᔅᑲᑯᑥᐛ ᒋᑦ ᐃᔨᒪ, ᐊᓂᔭ ᐃᔪᐛ ᑲ ᐱᒪᒋᐃᒥᑎ ᐃᒋᑉᑎᒡ ᐅᒡ᙮

ᒪᑎᔪᐤ 10:33

ᐊᑯ ᒪᒃ ᐊᐛᓐ ᐊ ᐃᑕᑦ ᐊᐛᔪᐛ ᐊᑲ ᑕᑈᔭᔨᒥᑦ ᓂᑭ ᐃᑕᐤ ᑭᔭ ᓂᔾ ᓄᑕᐎᔾ ᒋᒋᒋᓯᑯᒡ ᐊ ᑕᑦ, ᓇᒪ ᓂ ᒋᔅᒐᔨᒪᐤ᙮”

ᒪᑎᔪᐤ 24:11

ᒥᒐᑦ ᒥᒋ ᐅᒋᔅᒋᐛᐃᒐᓱᒡ ᒋᑭ ᑎᑯᓯᓄᐅᒡ ᒐ ᐎᔭᓯᐊᒡ ᐊᐛᔪᐛ, ᒥᒐᑦ ᒪᒃ ᐊᐛᔪᐛ ᒋᑭ ᐃᑐᑐᐛᐅᒡ ᒐᒋ ᐳᓂᔨᒋ ᐊ ᑕᑈᑎᒥᔨᒋ᙮

ᒪᑎᔪᐤ 24:24

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᒪᑎᔪᐤ 24:5

ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮

ᒪᑎᔪᐤ 7:15

“ᐃᔭᒂᒥᔅᑐᐛᐧᑯᒡ ᒥᒋ ᐅᒋᔅᒋᐛᐃᒐᓱᒡ᙮ ᒧᔭᒻ ᒪᔭᑕᓂᓯᒡ ᐃᓯᓇᑯᓱᐅᒡ ᐅᑕ ᐅᔅᒡ, ᒥᒄ ᒪᒃ ᐱᒡ ᐊᓐᑕ ᐅᐱᒪᑎᓯᐅᓄᐛᒡ ᒧᔭᒻ ᒥᐃᐧᑭᓂᒡ ᐃᑕᔨᑕᑯᓱᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:22

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᓗᒃ 12:9

ᐊᑯ ᒪᒃ ᐃᑕᒐ ᐊᐛᓐ ᐊ ᐃᑕᑦ ᐊᐛᔪᐛ ᐊᑲ ᑕᑈᔭᔨᒥᑦ, ᓂᑭ ᐃᑎᒪᔪᐛ ᑭᔭ ᒋᓴᒪᓂᑐᐤ ᐅᑦ ᐊᓐᒋᓇᒪ, ‘ᓇᒪᐎᔾ ᐊᓐ ᓂᑦ ᐃᔨᒻ᙮’

ᓗᒃ 21:8

ᒋᓴᔅ ᒪᒃ ᒋ ᐃᑕᐤ, “ᐃᔭᒂᒥᒄ ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮ ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ᐊᐅᒄ ᓂᔾ ᙭᙮ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮ ᑭᔭ ᒋᑭ ᐃᔅᒋᔄᐅᒡ, ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᐊᑲᐎᔾ ᒪᒃ ᒋᑭ ᐅᒋ ᓇᓴᐛᐛᐅᒡ ᐅᒡ᙮

ᓗᒃ 6:26

ᐃᔭᒂ ᒋᔨᐛᐤ ᑲ ᒥᔽᒋᒥᑯᐅᔭᒄ, ᐛᔅ ᐊᓐᒡ ᑲ ᒥᔽᒋᒥᑕᑯᒡ, ᐊᓂᔭᐧᑲ ᒪᒃ ᐅᑕᐎᐛᐛ, ᐊᐅᑯᓐ ᒧᔭᒻ ᑲ ᐃᓯ ᒥᔽᒋᒪᔨᒋ ᒥᒋ ᐅᒋᔅᒋᐛᐃᒐᓱᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:18

ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮

1 ᑯᕆᓐᑎᔭᓇ 11:19

ᔭᐃᑕᔾ ᒂᔄᓐ ᓂᑐᐛᔨᑕᑯᓂᔨᒐ ᒐᒋ ᑎᒂᒡ ᑎᐸᓂᐱᔪᐅᓐ ᐃᔭᒄ ᒐᒋ ᓂᔅᑐᓇᑯᓯᒡ ᑕᓐ ᐊᓐᒡ ᑎᔭᑈᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮

1 ᑯᕆᓐᑎᔭᓇ 6:20

ᐛᔅ ᒐᒂᔪᐤ ᒋ ᐃᓯ ᑎᐸᔨᒐᐤ ᒐᒋ ᐊᔭᐅᔅᒃ᙮ ᐊᐱᒋᑕ ᒋᔪᐤ ᒋᓴᒪᓂᑐᐤ ᒐᒋ ᒋᔅᑕᔨᑕᑯᐃᑦ᙮

1 ᑯᕆᓐᑎᔭᓇ 7:23

ᒥᔅᑎ ᒋ ᐃᔅᐱᔨᑯᐤ ᙭ ᐎᔾ ᒐᒋ ᑎᐸᔨᒥᔅᒃ᙮ ᐊᑲᐎᔾ ᒪᒃ ᐱᔅᑎᓂᒧᐤ ᓇᐸᐤ ᒐᒋ ᑎᐸᔨᒥᔅᒃ᙮

ᑲᓚᓯᔭᓇ 2:4

ᒥᒄ ᒪᒃ ᒋ ᑕᐅᒡ ᓇᐸᐅᒡ ᒋᒧᑦ ᐊᒋ ᐸᒋ ᐱᑕᐱᔪᐅᒡ ᐊᓐᑕ ᐊ ᐃᑕᐅᒋᑦ ᒧᔭᒻ ᐊ ᑕᑈᔭᔨᒪᒡ ᑭᔭ ᐎᔨᐛᐤ ᒋᓴᓴ ᐊ ᐃᑎᒡ᙮ ᓂᒋ ᐎ ᓇᓂᑐ ᒋᔅᒐᔨᒥᑯᓇᓂᒡ ᑕᓐ ᐊ ᐃᓯ ᑎᐸᒋᒥᒋᒋ ᒋᓴᔅ ᙭ᑕ ᐊ ᐎᒐᐅᒥᒋᒋ, ᐊᓐ ᑲ ᐊᐱᐧᑯᓂᔨᒥᑦ᙮ ᐊᔪᐅᒄ ᐅᔭ ᑲ ᐃᑎᒡ ᐊᒋ ᐎ ᐃᑐᑐᐎᒥᒡ ᑲᐤ ᒐᒋ ᒪᒋᒂᐱᐧᑲᑎᑯᔭᒡ ᐎᓱᐛᐅᓐ᙮

ᑲᓚᓯᔭᓇ 3:13

᙭ ᔅᒋ ᓇᑕᒪᑭᓄᐤ ᑕᓐ ᑲ ᐃᓯ ᓂᓱᐅᓇᒋᒥᑯᔭᐧᒄ ᐎᓱᐛᐅᓂᒡ ᐅᒡ ᐊᑯ ᐎᔾ ᒥᔅᑯᒡ ᑲ ᓂᓱᐅᓇᒋᒪᑭᓄᐅᑦ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊᐛᓐ ᒥᔅᑎᑯᒡ ᑲ ᐊᑯᔭᑭᓄᐅᑦ ᓂᓱᐅᓇᒋᒥᑯᐤ ᒋᓴᒪᓂᑐᐛ᙮

ᑲᓚᓯᔭᓇ 4:17

ᓇᔅᒡ ᑕᑈ ᒋ ᐎ ᓇᐊᔨᑎᒥᐃᑯᐛᐅᒡ ᐊᓐᒡ ᐃᔭᒡ ᑲ ᐃᓯ ᒋᔅᑯᑎᒪᒐᒡ᙮ ᒥᒄ ᒪᒃ ᑎᑯᓂᔪᐤ ᑕᓐ ᐊ ᐃᓯ ᐊᑲ ᒧᔭᒻ ᐃᑕᔨᑕᑯᓂᔨᒡ ᑕᓐ ᐛ ᐃᑎᒡ᙮ ᒋ ᐎ ᐃᑐᑕᑯᐛᐅᒡ ᒐ ᐊᑲ ᒋ ᐊᐱᑕᔨᒥᔭᒄ ᓂᔾ, ᐎᔨᐛᐤ ᐃᔭᐱᒡ ᒐᒋ ᓂᑐᑐᐛᑯᒡ᙮

ᑲᓚᓯᔭᓇ 5:20

ᑭᔭ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᑭᔭ ᒪᒥᑕᐛᑎᓯᐅᓂᔪᐤ ᐊ ᒥᑯᔅᑲᒋᑲᐧᒄ᙮ ᐅᔭ ᐊ ᐃᓯ ᐱᒪᑎᓯᒡ ᐊᐛᓐᒋ ᐛᐧᑲᑕᔨᒥᑐᐅᒡ, ᒪᒥᒋᐱᔨᐧᑲᑕᑐᐅᒡ, ᓇᔅᒡ ᑕᑈ ᐎᒋ ᐛᐅᑕᔨᒪᐅᒡ ᐊᐛᔪᐛ, ᐊᐧᑯᔪᐛᓱᐅᒡ, ᑭᔭ ᒧᔅ ᐎ ᓇᓂᑲᓇᔨᑕᑯᐃᓱᐅᒡ᙮ ᑕᑎᐸᓂᐱᔭᐊᐅᒡ ᐊᐛᔪᐛ ᑭᔭ ᑎᐸᓂᐃᓱᐅᒡ ᐎᔨᐛᐤ ᑕᓐ ᐛ ᐃᑎᒡ ᒐᒋ ᐃᑎᒡ᙮

ᐃᐱᓯᔭᓇ 1:7

ᐛᔅ ᙭ ᑲ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

ᐱᓕᐱᔭᓇ 3:19

ᐊᔅᒄ ᒋᑭ ᓂᒋᔅᑭᒧᒡ ᐅᓇᒋᐃᐛᐅᓂᔪᐤ᙮ ᑕᓐ ᐊ ᐃᓯ ᓂᑐᐛᔨᑎᒧᒥᑭᓂᔨᒋ ᐎᔪᐛᐛ ᐊᐅᒄ ᒋᒋᐛ ᓂᔭᑭᑐᐛᔨᑎᒥᐃᑯᒡ᙮ ᒥᔽᔨᑎᒥᐃᑯᐅᒡ ᑕᓐ ᐊ ᐃᑎᒡ᙮ ᒋᒧᔅᑕᓇᔭᔨᑎᒧᒡ ᒪᒃ ᐊᓂᔭ ᐃᑐᐅᓇ᙮ ᒥᒄ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ ᐊᔪᐅᒄ ᒥᒄ ᒥᔭᒥᑐᓇᔨᑎᒥᐃᑯᒡ᙮

ᑯᓚᓯᔭᓇ 2:18

ᐊᑲᐎᔾ ᒋᑭ ᐅᒋ ᓇᐊᔨᒪᐛᐅᒡ ᐊᓐᒡ ᐊᐛᓐᒋ ᐃᔭᒡ ᑲ ᐃᑎᒡ ᐊ ᑎᐱᑕᔨᒥᓱᒡ ᑭᔭ ᐊᓐᒋᓇ ᑲ ᐊᔭᒥᐊᔅᑐᐛᒡ ᒐᒋ ᐎᔭᓯᒥᑕᑯᒡ ᐊ ᐎ ᐊᔭᔭᒄ ᒋᑲᓂᔪᐅᓄᐛᐤ᙮ ᐊᐅᑯᓐᒡ ᐅᒡ ᓇᔅᒡ ᑕᑈ ᐱᒋᔎᐅᐃᑯᒡ ᑕᓐ ᐊ ᐃᓯ ᐛᐸᑕᒡ ᐛᐸᑎᔨᐛᐅᓇ᙮ ᓇᒪ ᒪᒃ ᐊᐱᑕᔨᑕᑯᓂᔪᐤ ᐊᓂᔭ ᑕᓐ ᐊ ᐃᓯ ᐊᔨᒧᑕᒡ, ᐛᔅ ᒥᒄ ᐊ ᐃᓯ ᒪᒥᑐᓇᔨᑕᑭᓄᔨᒋ ᐅᑕ ᐊᔅᒋᒡ ᐊᐅᑯᓐ ᐱᓯᒄ ᐊ ᐃᓯ ᒪᒥᑐᓇᔨᑕᒡ᙮

ᑯᓚᓯᔭᓇ 2:8

ᐊᑲᐎᔾ ᒪᒃ ᐊᐛᓐ ᒋᑭ ᐅᒋ ᐎᔭᓯᒥᑯᐛᐤ ᐊᓂᔭ ᐅᒋ ᑕᓐ ᐊ ᐃᓯ ᓂᑎᒥᒄ ᒋᔅᑯᑎᒪᒐᑦ, ᐛᔅ ᐊᓂᔭ ᑕᓐ ᐊ ᐃᓯ ᑕᑈᑕᐧᒃ ᓇᐸᐛ ᒋ ᐊᓱᐤ ᒋᔅᑯᑎᒪᒐᔪᐛ᙮ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ ᐎᔨᐛᐤ ᐊ ᑕᒡ ᐅᒋᐱᔪᐤ᙮ ᓇᒪ ᙭ᑕ ᐊ ᑕᔨᒋ ᐅᒋᐱᔨᔪᐤ᙮

1 ᑎᒧᑎ 5:8

ᐛᔅ ᒧᔭᒻ ᐊᐛᓐ ᐊᑲ ᓇᔅᒡ ᐛ ᐛᐎᒋᐊᒂ ᑎᐱᔨᐛ ᐎᐧᑲᓂᓴ ᑭᔭ ᐊᓂᔭᔪᐛ ᐊᓐᑕ ᑎᐱᔨᐛ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᓇᔅᒡ ᐊᑲ ᑕᑈᑕᐧᒃ ᑕᑈᐅᓂᔪᐤ ᐃᓯᓇᑯᓱᐤ ᐅᔭ ᐊ ᐃᑎᑦ᙮ ᐊᑐᐎᔅ ᐎᔾ ᓇᒪ ᒧᔭᒻ ᐃᑐᐤ ᐃᔅᐱᔅ ᐊᓂᔭ ᐊᑲ ᑕᑈᑎᒥᔨᒋ᙮

2 ᑎᒧᑎ 4:3

ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᐊᑲ ᐅᒋ ᓂᑐᑕᒡ ᐊᐛᓐᒋ ᐊᓂᔭ ᑎᔭᑈᒥᑭᓂᔨᒡ ᒋᔅᑯᑎᒪᒐᐅᓂᔪᐤ᙮ ᐃᔭᐱᒡ ᒋᑭ ᓇᓂᑐᐛᔨᒪᐅᒡ ᐊᐛᔪᐛ ᒐᒋ ᒋᔅᑯᑎᒪᑯᒡ ᐎᔨᐛᐤ ᑕᓐ ᐛ ᐃᓯ ᐸᑕᒡ᙮

ᑕᐃᑕᔅ 1:11

ᐃᑕᔨᑕᑯᓂᔪᐤ ᒪᒃ ᒐᒋ ᒋᐱᒋᐊᑭᓄᐎᒡ ᐅᔭ ᐊ ᐃᓯ ᐎᑎᒪᒐᒡ ᐛᔅ ᒥᒋᐱᔨᐊᐎᒡ ᐊᐛᔪᐛ ᐊ ᒋᔅᑯᑎᒧᐛᒡ ᐊᓂᔭ ᒐᒂᔪᐤ ᐊᑲ ᒋᐸ ᐅᒋ ᒋᔅᑯᑎᒧᐛᐅᒡ ᒥᒄ ᐊᓂᔭ ᐊ ᐎ ᐅᓱᓇᔭᓂᒥᐧᑲᓱᒡ ᐅᒡ᙮

ᑕᐃᑕᔅ 3:10

ᑕᒐ ᐊᐛᓐ ᒧᔅ ᐊ ᐃᑐᑐᐛᑦ ᒐᒋ ᒥᒋᐱᔨᒋ ᐅᒪᒧᐊᔭᒥᐊᐛ ᑭᔭ ᒐᒋ ᐃᑐᑐᐛᑦ ᒐᒋ ᑎᐸᓂᐱᔨᒋ, ᐎᑎᒧᐤ ᐸᐃᒂᐤ ᑭᔭ ᒪᒃ ᓂᔄᐤ ᒐᒋ ᐳᓂᑦ ᐊᓂᔭ ᐊ ᐃᑎᑦ᙮ ᐊᑲ ᒪᒃ ᓂᑐᑕᔅᒐ ᐊᑯᔅ ᐊᑲ ᐱᒪᐃᒻ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

1 ᐱᑕᕐ 1:8

ᐊᑎ ᐊᑲ ᓂᑕ ᐅᒋ ᐛᐱᒪᒄ ᒋᓴᔅ, ᐃᔭᐱᒡ ᒋᓴᒋᐊᐛᐤ ᑭᔭ ᐊᑎ ᐊᑲ ᐛᐱᒪᒄ ᐊᓄᒡ, ᐃᔭᐱᒡ ᔅᒋ ᑕᑈᔭᔨᒪᐛᐤ᙮ ᔅᒋ ᒧᒋᒐᔨᑕᓇᐛᐤ, ᐊᓐ ᒪᒃ ᐊ ᐃᔅᐱᔅ ᒧᒋᒐᔨᑎᒪᒄ, ᓇᒪ ᐊᓐ ᔅᒋ ᐎᑕᓇᐛᐤ ᑕᓐ ᐊᔅᐱᔅ ᒥᔽᔨᑎᒪᒄ᙮

2 ᐱᑕᕐ 2:3

ᐊᓂᔭ ᒪᒃ ᒐ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ᐃᑕᒋᒧᔅᑕᑕᑯᒡ ᒐ ᐅᒋ ᐎ ᐃᑕᐱᒋᐃᑕᑯᒡ ᒐᒋ ᐅᒋ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ᐊᔭᔅᑯᔅᑕᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᑭᔭ ᒧᔅ ᒋ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ᓂᓱᐅᓇᑎᓯᒡ᙮

1 ᒠᓐ 2:26

ᒋ ᒥᓯᓇᐊᒪᑎᓇᐛᐤ ᐊ ᐊᔨᒧᑎᒪᑎᑯᒡ ᐊᓐᒡ ᑲ ᐎ ᐎᔭᓯᒥᑕᑯᒡ᙮

1 ᒠᓐ 4:1

ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ᑕᑈᑐᐛᐛᐤ᙮ ᐃᔭᒂ ᓂᑐ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ᐅᒋᔅᒋᐛᐃᒐᓱᒡ᙮

ᒍᑦ 1:18

ᔅᒋ ᐃᑎᑯᐛᐅᒡ, “ᐅᑎᒋᐱᔨᒂᐛ ᒪᔅᑕᔾ ᐊ ᒋᓯᑲᒋ, ᒋᑭ ᑕᐅᒡ ᓇᐸᐅᒡ ᐊ ᒪᔭᔨᒥᑕᑯᒡ, ᒥᒄ ᑕᓐ ᐊ ᐃᓯ ᓂᑎᒥᒄ ᐃᑕᔨᑕᒡ ᒐᒋ ᐃᑎᒡ ᐊᓂᔭ ᐊᑲ ᒋᓴᒪᓂᑐᐛᑎᓯᒡ, ᐊᐅᑯᓐ ᒐ ᐃᑎᒡ᙮”

ᒍᑦ 1:4

ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ᑕᒡ ᒪᒂᒡ ᐊᓐᑕ ᐊ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ᐃᑕᑎᓯᑦ ᐛᔅ ᐃᔭᐱᒡ ᒋᑭ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ᐛᐛᓯᐊᑭᓄᐎᒡ ᐅᒡ᙮

ᒋᔅᒐᔨᑕᑯᑕᒐᐅᓐ 13:14

ᐊᓐᒡ ᒪᒃ ᐊᐛᓐᒋ ᐊᓐᑕ ᐊᔅᒋᒡ ᐊ ᑕᒡ ᒋ ᐎᔭᓯᐃᑯᐅᒡ ᐅᔭ ᑲ ᐃᓯ ᐱᔅᑎᓇᑭᓄᔨᒋ ᐅᔭ ᒥᒋ ᐊᐛᓯᓴ ᒐᒋ ᒪᒥᔅᑲᒡ ᑎᔨᒋ ᐊ ᑭᓄᐛᐱᒥᑯᔨᒋ ᐊᓂᔭ ᑯᑎᑲ ᒥᒋ ᐊᐛᓯᓴ᙮ ᐊᓐᒡ ᐊᐛᓐᒋ ᐊᔅᒋᒡ ᑲ ᑕᒡ ᒋ ᐃᑎᑯᐅᒡ ᐊᓂᔭ ᓂᓱ ᐊ ᑕᔨᒋ ᒥᒋ ᐊᐛᓯᓴ ᒐᒋ ᐅᓯᐊᒡ ᒥᓂᑐᐧᑲᓇ ᐊ ᒋᔅᑕᔨᑕᑯᐊᒡ ᐊᓂᔭ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑎᑯᔨᒋ ᓂᑐᐱᔪᐅ-ᒧᐧᑯᒪᓂᔪᐤ ᒥᒄ ᒪᒃ ᐃᔭᐱᒡ ᐊᒋ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 2:13

ᓂ ᒋᔅᒐᔨᑕᓐ ᐊᓐᑕ ᐛᒋᔭᒄ, ᐊᓐᑕ ᐊ ᐅᒋᒪᐅᑦ ᒥᒋᒥᓂᑐᐤ᙮ ᐊᑎ ᒪᒃ ᐊᓐᑕ ᐊ ᐎᒋᔭᒄ ᐃᔭᐱᒡ, ᓇᒪ ᒋ ᐳᓂᓇᐛᐤ ᐊ ᑕᑈᔭᔨᒥᔭᒄ᙮ ᓇᒪ ᒋ ᐅᒋ ᒋᐛᑲᐳᔅᑐᓇᐛᐤ ᐊᑎ ᐊᓐᑕ ᒪᒂᒡ ᑲ ᓂᐸᐊᑭᓄᐅᑦ ᐊᓂᔭ ᑲ ᓇᓴᐅᑦ ᐊᓐᑎᐸᔅ, ᐊᓐ ᑯᐃᔅᒄ ᑲᒋ ᐃᓯ ᑎᐸᒋᒥᑦ᙮ ᐊᓐᑕ ᐛᒋᔭᒄ, ᐊᑯᑕ ᑲ ᓂᐸᐊᑭᓄᐅᑦ, ᐊᓐᑕ ᒥᒋᒥᓂᑐᐤ ᐛᒋᑦ᙮

ᒋᔅᒐᔨᑕᑯᑕᒐᐅᓐ 2:9

ᓂ ᒋᔅᒐᔨᑕᓐ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᔭᒄ᙮ ᓂ ᒋᔅᒐᔨᑕᓐ ᐊ ᒋᔅᑎᒪᑎᓯᔭᒄ ᒥᒄ ᒪᒃ ᐃᔭᐱᒡ ᒋ ᐛᔪᑎᓯᓇᐛᐤ᙮ ᓂ ᒋᔅᒐᔨᑕᓐ ᑕᓐ ᐊᔅᐱᔅ ᒥᒋ ᐊᔨᒧᒥᑕᑯᒡ ᐊᓐᒡ ᒍᐤ ᓂᑦ ᐃᑎᔅᑲᓇᓯᓇᓐ ᑲ ᐃᔅᒋᔄᒡ, ᐊᑲ ᒪᒃ ᒍᐤ ᐃᑎᔅᑲᓇᓯᒡ᙮ ᒥᒋᒥᓂᑐᐤ ᐊ ᑕᔨᒋ ᐅᒋᐅᒡ ᐊᓐᒡ᙮

ᒋᔅᒐᔨᑕᑯᑕᒐᐅᓐ 3:8

ᒋ ᒋᔅᒐᔨᒥᑎᓇᐛᐤ ᑕᓐ ᐊ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᐊᑲ ᓇᔅᒡ ᒋᔅᒐᔨᒥᑯᔭᒄ᙮ ᐃᔭᐱᒡ ᒪᒃ ᔅᒋ ᓂᓇᐃᑐᓇᐛᐤ ᑕᓐ ᑲ ᐃᑎᓱᒥᑎᑯᒡ ᑭᔭ ᓇᒪ ᒋ ᐅᒋ ᐳᓂᓇᐛᐤ ᐊ ᑕᑈᔭᔨᒥᔭᒄ᙮ ᔅᒋ ᔪᑕᓂᒪᑎᓇᐛᐤ ᒪᒃ ᒋᐱᔎᐤ ᐊᑲ ᐊᐛᓐ ᒐᒋ ᒋᐸᐛᑦ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮

ᒋᔅᒐᔨᑕᑯᑕᒐᐅᓐ 6:10

ᒋ ᒋᔄᐛᐅᒡ ᒪᒃ ᐊ ᑕᑈᒡ, “ᓂᑎᐸᔨᒋᒐᓯᒥᓇᓐ ᑲ ᓱᐧᑲᑎᓯᔨᓐ, ᑲ ᐸᔭᒋᓯᔨᓐ, ᑲ ᒋᔅᑕᔨᑕᑯᓯᔨᓐ ᒐᒋ ᑕᑈᐅᒐᔨᒥᑯᔨᓐ᙮ ᑕᐃᔅᐱ ᒐ ᑎᐸᔅᑯᓂᑥᐤ ᐊᓐᒡ ᐊᓐᑕ ᐊᔅᒋᒡ ᐊ ᑕᒡ ᑲ ᓂᐸᐃᔨᒥᒡ ? ᑕᐃᔅᐱ ᒐ ᑎᐸᐊᑥᐤ ᐊᓐᒡ ᑲ ᓂᐸᐃᔨᒥᒡ ?”