2 ᐱᑕᕐ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

2 ᐱᑕᕐ 1:3 Iomraidhean Croise

ᑎᐱᑦ ᐅᓂᑭᒧᐅᓇ 110:3

ᒋᑦ ᐃᔨᒥᒡ ᒋᑭ ᓇᐊᔨᑎᒧᒡ ᑲᔅᒋᐅᐎ ᒋᓯᑲᒥᒡ, ᐊ ᒥᔪᓇᑯᐃᑯᒡ ᐸᔭᒋᓯᐅᓂᔪᐤ, ᐊᐛᔅᑕ ᐃᔅᐱᔅ ᐊ ᒐᒋᓴᐸᔭᒡ: ᒋᑦ ᐊᔭᓐ ᐊ ᐊᑯᓯᐸᔭᒡ ᒋᑦ ᐅᔅᒋᓂᒋᐅᓐ᙮

ᑎᐱᑦ ᐅᓂᑭᒧᐅᓇ 84:11

ᐛᔅ ᑎᐸᔨᒋᒐᓱᐤ ᒋᓴᒪᓂᑐᐤ ᐱᓯᒧᐅᐤ ᑭᔭ ᐊᒂᓇᐅᓱᐛᑭᓂᐅᐤ: ᑎᐸᔨᒋᒐᓱᐤ ᒋᑭ ᒥᔨᐛᐤ ᒥᔪᐧᑲᒐᐅᓂᔪᐤ ᑭᔭ ᒋᔅᑕᔨᑕᑯᓱᐅᓂᔪᐤ: ᓇᒪ ᒐᒂᔪᐤ ᑲ ᒥᔽᓯᔨᒡ ᒋᑭ ᒋᓴᑎᓂᒧᐛᐤ ᐊᓂᔭᔪᐛ ᑯᐃᔅᒄ ᑲ ᐱᒧᑕᔨᒋ᙮

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:24

ᒋᔭᓄᐤ ᔅᒋ ᑕᑈᑎᑯᓄᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᓇᒪ ᒪᒃ ᒥᒄ ᓂᔭᓐ ᒍᐤ ᑲ ᐃᑎᔅᑲᓇᓯᔭᒡ ᓂ ᐅᒋ ᑕᑈᑎᑯᓇᓐ ᑭᔭ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᔅᒋ ᑕᑈᑎᑯᐛᐤ᙮

1 ᑯᕆᓐᑎᔭᓇ 1:9

ᑯᐃᔅᒄ ᐃᑐᐤ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᑲ ᑕᑈᑎᑕᒄ ᒐᒋ ᐎᒐᐅᒪᑯ ᐅᑯᓴ ᐊᐅᑯᔪᐛ ᐅᔭ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮

2 ᑯᕆᓐᑎᔭᓇ 12:9

ᐊᑯ ᒂ ᐸᒋ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ᐃᓯᑦ᙮ ᐊᑯ ᒪᒃ ᒧᔅ ᐸᒋ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ᒥᔽᔨᑎᒪᓐ ᐊ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐃᐱᓯᔭᓇ 4:4

ᒥᓯᐛ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᑭᔭ ᒥᒄ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ᙮ ᐸᐃᑯᓐ ᑭᔭ ᐊᔅᐸᔨᒧᐅᓐ, ᐊᓂᔭ ᒋᓴᒪᓂᑐᐤ ᑲ ᒥᔨᑕᒄ ᐃᔅᐱ ᑲ ᐅᑎᓂᑕᒄ᙮

ᐱᓕᐱᔭᓇ 3:8

ᓇᒪ ᒪᒃ ᒥᒄ ᐊᓂᔭᔪᐛ ᒐᒂᔪᐛ ᑲ ᐊᔨᒧᑎᒪᓐ ᓂ ᐅᒋ ᐛᐱᓇᓐ᙮ ᒥᓯᐛ ᑯᑎᒡ ᒐᒂᓐ ᓇᒪ ᓇᔅᒡ ᓂᑦ ᐊᐱᑕᔨᑎᒥᐃᑯᓐ ᐊᔅᐱᔅ ᐊᑐᐎᔅ ᐃᑕᔨᑕᒂᒡ ᐊ ᒋᔅᒐᔨᒥᒃ ᙭ ᒋᓴᔅ ᑕᑈ ᐊ ᐅᑎᐸᔨᒋᒐᒥᔭᓐ᙮ ᐎᔾ ᐅᒋ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᒥᓯᐛ ᐅᔭ ᒐᒂᔪᐛ, ᐛᐱᓇᓱᐅᓐ ᓂᑦ ᐃᑕᔨᑎᒥᐃᑯᓐ ᐅᔭ ᒐᒂᔪᐛ, ᐎᔾ ᒐᒋ ᐎᒐᐅᒃ,

ᐱᓕᐱᔭᓇ 4:8

ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐊ ᒥᓯᓇᐊᒪᑎᑯᒡ, ᐸᐃᒄ ᒥᓐ ᒐᒂᓐ ᒋᑭ ᐎᑎᒪᑎᓇᐛᐤ, ᓱᒃ ᒧᓯᓇᐤ ᒪᒥᑐᓇᔨᑎᒧᒄ ᐊᓂᔭᔪᐛ ᒐᒂᔪᐛ ᑲ ᒥᔽᓯᔨᒋ, ᐊᓂᔭᔪᐛ ᑲ ᒪᒥᒋᐃᐛᒋ, ᒧᔭᒻ ᒐᒂᓐ ᐊ ᑯᐃᔅᑯᓇᒂᒡ, ᒐᒂᓐ ᐊ ᒋᔅᑕᔨᑕᒂᒡ, ᑭᔭ ᑯᐃᔅᒄ ᐃᑐᐅᓐ, ᐸᔭᒋ ᐱᒪᑎᓯᐅᓐ, ᒐᒂᓐ ᐊ ᓇᐊᔨᑎᒥᐃᐛᒡ ᑭᔭ ᒐᒂᓐ ᐊ ᒥᔪ ᐛᐎᑕᑭᓄᐅᒡ᙮

ᑯᓚᓯᔭᓇ 1:16

ᐛᔅ ᙭ ᐅᒋ, ᒋᓴᒪᓂᑐᐤ ᒥᓯᐛ ᒐᒂᔪᐛ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ ᐊ ᑎᑯᓂᔨᒋ ᒋ ᐅᓯᑕᐤ, ᐊᓂᔭᔪᐛ ᒐᒂᔪᐛ ᐊ ᓄᑯᓂᔨᒋ ᑭᔭ ᐊᓂᔭᔪᐛ ᐊᑲ ᓄᑯᓂᔨᒋ᙮ ᒋ ᐅᓯᐊᐤ ᑭᔭ ᒥᓯᐛ ᑲ ᐅᒋᒪᐎᔨᒋ ᐊᒐᒂ, ᑭᔭ ᐊᓂᔭᔪᐛ ᐊᐛᔪᐛ ᑲ ᐅᒋᒪᐎᔨᒋ, ᑭᔭ ᒥᓯᐛ ᑲ ᑎᐸᔨᒋᒐᔨᒋ᙮ ᒥᓯᐛ ᒐᒂᔪᐛ ᙭ ᐊ ᑕᑦ ᒋ ᐅᒋ ᐅᓯᑕᑭᓄᐅᔪᐛ ᑭᔭ ᐎᔾ ᒋ ᐅᓯᑎᒧᐛᑭᓄᐤ᙮

1 ᑕᓴᓗᓂᔭᓇ 2:12

ᓱᒃ ᔅᒋ ᐊᓯᒋᒥᑎᓇᓐ᙮ ᔅᒋ ᒥᔽᔨᒧᐃᑎᓇᓐ ᑭᔭ ᔅᒋ ᓯᒋᒥᑎᓇᓐ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᓯ ᐱᒪᑎᓯᓇᓄᐎᒡ᙮ ᐛᔅ ᐎᔾ ᒋᓴᒪᓂᑐᐤ ᒋ ᐎᓴᒥᑯᐛᐤ ᒐᒋ ᐎᒋᐃᐛᔭᒄ ᐊᓐᑕ ᑲ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓂᒡ᙮

1 ᑕᓴᓗᓂᔭᓇ 4:7

ᐛᔅ ᑕᐸ ᒋ ᐅᒋ ᑕᑈᑎᑯᓄᐤ ᒋᓴᒪᓂᑐᐤ ᐎᓂᓱᐛᑎᓯᐅᓂᒡ ᒐᒋ ᐃᓯ ᐱᒪᑎᓯᐛᐧᒄ᙮ ᐸᔭᒋᓯᐅᓂᒡ ᒋ ᓂᑐᐛᔨᒥᑯᓄᐤ ᒐᒋ ᐃᓯ ᐱᒪᑎᓯᐛᐧᒄ᙮

2 ᑕᓴᓗᓂᔭᓇ 2:14

ᒋᓴᒪᓂᑐᐤ ᔅᒋ ᐅᑎᓂᑯᐛᐤ ᒐᒋ ᑕᑈᑎᒪᒄ ᑕᑈᐅᓐ ᐃᔅᐱ ᑲ ᐎᑎᒪᑕᒡ ᒥᔽᒋᒧᐅᓐ᙮ ᔅᒋ ᐅᑎᓂᑯᐛᐤ ᒐᒋ ᐊᔭᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮

1 ᑎᒧᑎ 4:8

ᑎᑯᓂᔪᐤ ᑭᑈ ᑕᓐ ᐊ ᐃᓯ ᐎᒋᐃᑯᑦ ᐊᐛᓐ ᐊ ᓴᓴᐅᐱᔪᐅᑦ᙮ ᐊᑯ ᒪᒃ ᐊᓐ ᐊᐛᓐ ᓱᒃ ᒧᔅ ᑲ ᐎ ᓂᓇᐃᑎᒪᐊᑦ ᒋᓴᒪᓂᑐᐛ ᐊᔪᐅᒄ ᐅᔭ ᐊᑐᐎᔅ ᒐ ᐎᒋᐃᑯᑦ ᐊᓄᒡ ᐅᑕ ᐊ ᐱᒪᑎᓯᑦ ᑭᔭ ᐊᓐᑕ ᐃᔅ ᓂᔅᑕᒥᒡ᙮

2 ᑎᒧᑎ 1:9

ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ ᑭᔭ ᔅᒋ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ᐊᑐᔅᒐᐛᐧᒄ ᐅᔭ ᐛᒋ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ᐎᔭᔨᑎᒻ ᐅᔭ ᒐ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ᑕᔨᒋ ᐅᒡ᙮

ᐃᑉᕈᐛ 1:3

ᐊᓐ ᐅᑯᓯᓯᒪᐤ ᐊ ᑕᑦ ᐊᑯᑕ ᐛᒋ ᒋᔅᒐᔨᑕᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐅᑯᓯᓯᒪᐤ ᓇᔅᒡ ᓂᔅᐱᑐᐛᐤ ᑕᓐ ᐊ ᐃᑕᔨᑕᑯᓯᔨᒋ᙮ ᐎᔾ ᐅᑯᓯᓯᒪᐤ ᐅᒋᒪᐧᑲᑎᒻ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᐃᔅᐱᒥᒡ ᐊ ᑎᑯᓂᔨᒡ᙮ ᐅᑦ ᐃᔨᒧᐅᓐ ᑲ ᓱᒐᔨᑕᑯᓂᔨᒡ ᐅᒋ ᐅᒋᒪᐧᑲᑎᒻ ᒥᓯᐛ ᐅᔭ᙮ ᒋ ᐱᔅᑕᔨᒥᑎᓱᐤ ᒐᒋ ᓂᐸᐊᑭᓄᐅᑦ ᒐᒋ ᐅᒋ ᐸᔭᒋᐊᑭᓄᔨᒋ ᐊᐛᔪᐛ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᐃᔅᐱ ᑲ ᒋᔅᑕᑦ ᐅᔭ ᑲ ᐃᓯ ᐱᔅᑕᔨᒥᑎᓱᑦ ᐊᑯ ᒂ ᐅᑎᓇᑭᓄᐅᑦ ᐊᓐᑕ ᐅᒥᔪᓂᔨᒡ ᒋᓴᒪᓂᑐᐛ ᐊ ᑕᔨᒋ ᐊᓂᔭ ᒪᐅᒡ ᐊ ᐃᔅᐸᔨᑕᑯᓯᔨᒋ ᒋᒋᒋᓯᑯᒡ᙮

1 ᐱᑕᕐ 1:15

ᐸᔭᒋᓯᐤ ᐊᓐ ᑲ ᑕᑈᑎᑕᒄ ᑭᔭ ᒋᔨᐛᐤ ᒪᒃ ᐸᔭᒋᓯᒄ ᒥᓯᐛ ᐊ ᐃᓯ ᐱᒪᑎᓯᔭᒄ᙮

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

1 ᐱᑕᕐ 2:21

ᐛᔅ ᐊᐅᒄ ᐛᒋ ᐎᓴᒥᑯᐅᔭᒄ, ᐊᓂᔭ ᙭ ᐊᒋ ᐛᐎᓯᒐᔨᑎᒥᐊᑭᓄᐅᑦ ᔅᒋ ᓂᑭᑎᒪᑯᐛᐤ ᒐᒂᔪᐤ ᒐ ᒋᔅᒋᓄᐛᐸᑎᒺᒄ, ᒐᒋ ᑕᑕᐸᐊᒺᒄ ᑕᓐᑕ ᑲ ᐊᑎ ᐱᒧᑕᑦ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮

1 ᐱᑕᕐ 3:9

ᐊᑲᐎᔾ ᔭᐃᑕᔾ ᐎ ᑎᐸᐊᒪᓱ ᐊᐛᓐ ᐊ ᐅᓂᑐᑕᔅᒃ ᒪᒃ ᐊ ᒪᒥᐊᔭᔨᒥᔅᒃ᙮ ᐃᔭᐱᒡ ᐅᔅᑕ ᒥᔪᑐᑎᒧᐤ ᑭᔭ ᐊᔭᒥᑐᐤ ᒐᒋ ᓱᐛᔨᒥᑯᑦ ᒋᓴᒪᓂᑐᐛ, ᐛᔅ ᐊᐅᒄ ᐅ ᑲ ᐃᓯ ᐃᑕᔨᑕᑭᓄᐅᒡ ᒋᐱᒪᑎᓯᐅᓐ ᒐᒋ ᐃᓯᓇᒂᒡ᙮ ᐊᑯᑕ ᒐᒋ ᐅᒋ ᐊᓂᔅᒐ ᒥᑭᐎᔨᓐ ᓱᐛᔨᒋᒐᐅᓐ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

2 ᐱᑕᕐ 1:10

ᐊ ᒪᒥᑐᓇᔨᑎᒪᒄ ᒪᒃ ᒥᓯᐛ ᐅ ᑲ ᐃᓯ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ, ᓱᒃ ᐊᑐᐎᔅ ᑯᒋᑕᒄ ᑕᑈ ᒐᒋ ᓄᒂᒡ, ᑕᑈ ᒐᒋ ᓂᔅᑐᓇᒂᒡ ᒋᐱᒪᑎᓯᐅᓄᐛᒡ ᐊᒋ ᐎᔭᔨᒥᑕᒄ ᒋᓴᒪᓂᑐᐤ ᑭᔭ ᐊ ᑎᑯᓂᔨᒡ ᑕᓐ ᑲ ᐃᓯ ᑕᑈᑎᑕᒄ ᒐᒋ ᐃᑕᐱᑎᓱᐛᒄ᙮ ᐛᔅ ᒧᔭᒻ ᐅ ᑎᔭᒂ, ᓇᒪ ᓂᑕ ᒋᑭ ᐅᒋ ᐸᒋᓯᓇᐛᐤ ᒋᑕᑈᑎᒧᐅᓄᐛᒡ ᐅᒡ᙮

2 ᐱᑕᕐ 1:2

ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ ᒋᑭ ᐎ ᐊᔭᒋᑎᒪᑯᐅᓇᐛᐤ ᐊᓐ ᐅᒋ ᐊ ᒋᔅᒐᔨᒪᒄ ᒋᓴᒪᓂᑐᐤ ᑭᔭ ᒋᓴᔅ ᒋᑎᐸᔨᒋᒐᓯᒥᓄᐤ᙮

2 ᐱᑕᕐ 1:5

ᐊ ᐛᐸᑎᒪᒄ ᒪᒃ ᐅ ᑲ ᐃᔅᐱᔅ ᐛᓴ ᒋ ᒥᔪᑐᑎᒪᑕᒄ, ᓱᒃ ᑯᒋᑕᒄ ᑯᐃᔅᑯᑕᑎᓯᐅᓐ ᒐᒋ ᓄᒂᒡ ᐊᓐ ᐊ ᑕᑈᑎᒪᒄ᙮ ᐊᑯ ᒪᒃ ᒋᑯᐃᔅᑯᑕᑎᓯᐅᓄᐛᒡ ᓱᒃ ᒐ ᐎ ᐊᑎ ᐊᔭᔭᒄ ᒋᔅᒐᔨᑎᒧᐅᓐ, ᐊᔭᔅᒃ ᒐ ᐎ ᒥᔪ ᒋᔅᒐᔨᒪᒄ ᒋᓴᒪᓂᑐᐤ ᑭᔭ ᐅᑦ ᐃᔨᒧᐅᓐ ᐊᔭᔅᒃ ᒐ ᐎ ᐊᑎ ᒥᔪ ᒋᔅᒐᔨᑎᒺᒄ᙮

2 ᐱᑕᕐ 1:6

ᒥᓐ ᒪᒃ ᒐᒂᓐ ᒐ ᐎ ᐊᑎ ᐊᔭᔭᒄ ᐊᐅᒄ ᐅ ᒐᒋ ᒥᔪ ᓂᓇᑭᑐᐛᔨᒥᓱᔭᒄ ᒋᐱᒪᑎᓯᐅᓄᐛᒡ᙮ ᐃᔅᐱ ᒪᒃ ᐊ ᐊᑎ ᒥᔪ ᓂᓇᑭᑐᐛᔨᒥᓱᔭᒂ, ᐊᑯ ᒐ ᐊᑎ ᓱᒋᑲᐳᐅᔅᑎᒪᒄ ᓂᓇᐧᑯᐤ ᒐᒂᓐ᙮ ᐅ ᒪᒃ ᐊ ᐊᑎ ᓱᒋᑲᐳᐅᔭᒂ, ᐊᑯ ᒐ ᐊᑎ ᒪᓂᑐᐛᑎᓯᔭᒄ᙮

2 ᐱᑕᕐ 1:8

ᐊᐅᑯᓐ ᒪᒃ ᐅᔭ ᒐᒂᔪᐤ ᐊᔭᔅᒃ ᒋᐸ ᐛᔪᐅᒡ ᐊᔭᓇᐛᐤ ᒋᐱᒪᑎᓯᐅᓄᐛᒡ᙮ ᐛᔅ ᒧᔭᒻ ᑕᑈ ᐛᔪᐅᒡ ᐊᔭᔭᒂ, ᒋᑭ ᐃᑐᑕᑯᓇᐛᐤ ᑕᑈ ᒐᒋ ᐛᔪᐅᒡ ᐊᑐᔅᑯᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐊᓂᔭ ᑕᓐ ᐊ ᐃᓯ ᒋᔅᒐᔨᒪᒄ ᒋᐱᒪᑎᓯᐅᓄᐛᒡ᙮ ᑭᔭ ᓇᔅᒡ ᑕᑈ ᒋᑭ ᒥᔪ ᐊᑐᔅᑯᐛᐛᐤ᙮

2 ᐱᑕᕐ 2:20

ᒧᔭᒻ ᑲ ᐎᐧᑯᒋᐅᐛᒂ ᐊᐛᓐᒋ ᑕᓐ ᐊ ᐃᓯ ᒥᒋᑐᑕᒐᒥᑭᓂᔨᒡ ᐅᔭ ᐊᔅᒋᔪᐤ ᐊᓂᔭ ᑕᓐ ᐊ ᐃᓯ ᒋᔅᒐᔨᒪᒡ ᒋᓴᔅ ᙭ᑕ ᐊ ᑎᐸᔨᒋᒐᔨᒋ ᑭᔭ ᐊ ᐱᒪᒋᐃᐛᔨᒋ ᒥᓐ ᒪᒃ ᑲᐤ ᐊ ᑲᒋᔅᑎᓂᑯᒡ ᑭᔭ ᐊ ᓴᐧᑯᒋᐃᑯᒡ ᐅᔭ ᒐᒂᔪᐤ ᐊᑐᐎᔅ ᐃᑕᔨᑕᑯᓂᔪᐤ ᐊᓐᑕ ᐊ ᑕᒡ ᐊᓄᒡ ᐃᔅᐱᔅ ᐎᔾ ᑕᓐᑕ ᑲ ᐸᒋ ᑕᒡ ᓂᔅᑎᒻ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮