2 ᒠᓐ 1:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᓂᑐᐛᐱᒥᔅᒐ ᒪᒃ ᐊᐛᓐ ᐊᑲ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᐊᑲᐎᔾ ᐱᑎᑲᐃ ᒋᒋᒡ᙮ ᐊᑲᐎᔾ ᐛᐛᒡ ᒋᑭ ᐅᒋ ᐛᒋᔭᒪᐤ᙮

2 ᒠᓐ 1:10 Iomraidhean Croise

ᒐᓂᓯᔅ 24:12

ᐊᑯ ᒂ ᐊᔭᒥᐊᑦ, “ᐅ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ ! ᐸᒋ ᒥᔨᔾ ᑭᔅᒋᐅᓐ ᒐᒋ ᒥᔅᑭᒥᒋ ᒐ ᐎᔪᑦ ᐊᐃᓯᒃ ᐊᑯ ᑭᔭ ᒐ ᑎᐱᐱᔨᒡ ᐅᓂᑐᐛᔨᑎᒧᐅᓐ ᓄᒋᒪᒻ ᐊᑉᕋᐊᒻ᙮

ᑎᐱᑦ ᐅᓂᑭᒧᐅᓇ 129:8

ᓇᒪ ᑭᔭ ᐃᔅᒋᔄᐅᒡ ᐊᓐᒡ ᑲ ᐱᒧᑕᒡ, “ᐅᒥᔽᒋᒧᐛᐅᓐ ᑎᐸᔨᒋᒐᓱᐤ ᒋᑭ ᐅᑎᑎᑯᐛᓐ: ᒋ ᒥᔽᒋᒥᑎᓇᓐ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ᙮”

ᐊᑈᔅᑕᓇᒡ 15:23

ᒥᓯᓇᐃᑭᓂᔪᐤ ᒋ ᒥᔭᑭᓄᐎᒡ ᒐ ᐃᑐᑕᒡ ᐊᓐᑕ ᐊᓐᑎᔭᑭᒡ ᐊᓐᑕ ᐅᒪᒧᐊᔭᒥᐊᐤ ᐊ ᑕᔨᒋ᙮ ᒋ ᐃᑎᔅᑕᔪᐤ ᒪᒃ ᐊᓐᑕ, “ᓂᔭᓐ ᐊᑈᔅᑕᓇᒡ, ᑭᔭ ᓂᔭᓐ ᑲ ᓂᑲᓂᔅᑭᒪᒡ ᐊᔭᒥᐊᐅᒋᐛᑉ, ᒋ ᒥᓯᓇᐊᒪᑎᓇᓐ ᒋᔨᐛᐤ ᓂᐧᑲᓂᓯᑐᒄ ᒋᔨᐛᐤ ᑲ ᑕᑈᑎᒪᒄ ᐊᑲ ᒍᐤ ᐃᑎᔅᑲᓇᓯᔭᒄ, ᒋᔨᐛᐤ ᑲ ᐎᒋᔭᒄ ᐊᓐᑕ ᐊᓐᑎᔭᑭᒡ, ᓯᕆᔭᒡ, ᑭᔭ ᓯᓕᓯᔭᒡ᙮

1 ᑯᕆᓐᑎᔭᓇ 16:22

ᐊᐛᓐ ᐊᑲ ᓴᒋᐊᒐ ᐅᑎᐸᔨᒋᒐᐛ, ᐊᑯᔅ ᒋᑭ ᐛᐛᓯᐃᑯᐤ ᒋᓴᒪᓂᑐᐛ᙮ ᑎᑯᓯᓂ ᒪ, ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 5:11

ᒥᓐ ᒪᒃ ᐸᐃᒂᐤ ᓂᑭ ᒥᓯᓇᐊᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᐛᓐᒋ ᑲ ᐊᔨᒧᒥᒂᐤ᙮ ᐊᑲᐎᔾ ᐎᒐᐛᑭᓂᒄ ᐊᐛᓐ ᐊ ᐃᔅᒋᔄᑦ ᐊ ᑕᑈᔭᔨᒪᑦ ᒋᓴᓴ, ᒥᓯᐛ ᓂᓇᐧᑯᐤ ᐎᓂᓱᐅᓂᒡ ᐊ ᐃᓯ ᐱᒪᑎᓯᒂ, ᐊ ᒧᔅᑕᓂᒪᒐᒂ ᒐᒂᔪᐛ ᑭᔭ ᒪᒃ ᐊ ᐊᔭᒥᐊᔅᑐᐛᒂ ᒥᓂᑐᐧᑲᓇ ᑭᔭ ᒪᒃ ᓂᑎᒥᒄ ᐊ ᐃᑕᒋᒪᒂ ᐊᐛᔪᐛ, ᑭᔭ ᒪᒃ ᐊ ᐎᒋᐸᒂ ᑭᔭ ᒪᒃ ᐊ ᐎᒋ ᑲᒐᒧᑎᒂ᙮ ᐊᑲᐎᔾ ᐛᐛᒡ ᐎᒋᒥᒋᓱᒪᐧᒃ ᐊᐛᓐ ᐅᔭ ᐊ ᐃᑕᑎᓯᑦ᙮

2 ᑕᓴᓗᓂᔭᓇ 3:14

ᐊᐛᓐ ᐊᑕᒂ ᐊᓐᑕ ᐊ ᑕᔭᒄ ᐊᑲ ᐎ ᓂᓇᐃᑕᐧᒃ ᑕᓐ ᑲ ᐃᓯ ᒥᓯᓇᐊᒪᑕᒡ ᒋᔅᒋᓯᑐᑐᐛᐧᒄ᙮ ᐊᑲᐎᔾ ᐊᐱᑕᔨᒪᐧᒄ ᑭᔭ ᒐ ᓯᓴᒂᔨᒧᑦ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

ᑕᐃᑕᔅ 3:10

ᑕᒐ ᐊᐛᓐ ᒧᔅ ᐊ ᐃᑐᑐᐛᑦ ᒐᒋ ᒥᒋᐱᔨᒋ ᐅᒪᒧᐊᔭᒥᐊᐛ ᑭᔭ ᒐᒋ ᐃᑐᑐᐛᑦ ᒐᒋ ᑎᐸᓂᐱᔨᒋ, ᐎᑎᒧᐤ ᐸᐃᒂᐤ ᑭᔭ ᒪᒃ ᓂᔄᐤ ᒐᒋ ᐳᓂᑦ ᐊᓂᔭ ᐊ ᐃᑎᑦ᙮ ᐊᑲ ᒪᒃ ᓂᑐᑕᔅᒐ ᐊᑯᔅ ᐊᑲ ᐱᒪᐃᒻ᙮

2 ᒠᓐ 1:11

ᐛᔅ ᐊᓐ ᐊᐛᓐ ᑲ ᐛᒋᔭᒪᑦ ᐊᓂᔭᔪᐛ ᓂᑎᒥᒄ ᑲ ᐃᓯ ᒋᔅᑯᑎᒪᒐᔨᒋ, ᐎᒋᐊᐤ ᐊ ᒥᒋᑐᑎᒥᔨᒋ᙮

3 ᒠᓐ 1:10

ᑎᑯᓯᓄᐅᒐ ᐊᓐᑕ ᐊ ᑕᐛᒄ, ᓇᔅᒡ ᓂᑭ ᐛᐎᑎᒺᓐ ᑕᓐ ᐊᓐ ᐊ ᐃᑎᑦ, ᓂᑎᒥᒄ ᐊ ᐃᑕᒋᒥᔨᒥᑦ᙮ ᓇᒪ ᒪᒃ ᒥᒄ ᐊᓂᔭ ᐃᑐᐤ᙮ ᓇᒪ ᒥᔽᔨᑎᒻ ᒐᒋ ᐱᑎᑲᐊᑭᓄᔨᒋ ᐊᓂᔭᔪᐛ ᒋᐧᑲᓂᓯᓄᐛ ᑲ ᐱᐸᒧᑕᔨᒋ ᒥᔽᒋᒧᐅᓂᔪᐤ᙮ ᒋᑕᐊᒧᐛᐤ ᐊᓂᔭᔪᐛ ᐊᐛᔪᐛ ᑲ ᐱᑎᑲᐊᔨᒋ ᐅᔭ ᑭᔭ ᐃᒐᑎᓴᐛᐤ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᐅᒡ᙮