2 ᑯᕆᓐᑎᔭᓇ 9:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓇᒪ ᐊᑎᓇᔅᒡ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᐊ ᐱᔅᑎᓂᒐᓄᒡ ᐊᓐᑕ ᐊ ᐅᒋ ᐎᒋᐊᑭᓄᐎᒡ ᐊᓐᒡ ᑲ ᑕᑈᑕᒡ ᒍᑎᔭᒡ ᑲ ᑕᒡ᙮

2 ᑯᕆᓐᑎᔭᓇ 9:1 Iomraidhean Croise

ᒐᓂᓯᔅ 27:42

ᐃᔪᒡ ᒋ ᐸᑎᒧᒡ ᐃᓴᐅᐛ ᐊ ᐎ ᓂᐸᐃᔨᒋ ᒐᑭᐸ, ᐊᑯ ᒂ ᓂᑐᐛᐱᒪᒡ ᑭᔭ ᐛᑎᒧᐛᒡ ᕋᐸᑲᔨᒋ᙮ ᕋᐸᑲ ᒋ ᐎᓴᒪᐤ ᒐᑭᐸ ᑭᔭ ᒂ ᐃᑕᑦ, “ᒋᒧᑦ ᐎᑎᐸᒪᓱᐤ ᒋᐧᑲᓂᔅ ᑭᔭ ᒋ ᐎ ᓂᐸᐃᒄ᙮

ᑎᐱᑦ ᐅᓂᑭᒧᐅᓇ 45:1

ᓂᑕᐃ ᒥᑐᓇᔨᑎᒧᒪᑭᓐ ᒥᔪ ᒐᒂᓐ: ᓂᑦ ᐊᔨᒧᑕᓐ ᐊᓂᔭ ᑲᒋ ᐅᓯᑕᔨᓐ ᒋᓴᐅᒋᒪᐤ ᐅᒡ: ᓂᑕᔨᔾ ᐃᓯᓇᑯᓐ ᒧᔭᒻ ᐅᒥᓯᓇᐃᑭᓇᔅᒄ ᐅᒥᓯᓇᐃᒐᐤ ᑲ ᐊᔭᔅᑯᐎᑦ᙮

ᒪᑎᔪᐤ 22:31

ᐊᑯ ᒪᒃ ᐊᓐ ᐎ ᒐ ᐅᓂᔅᑲᒡ ᐊᓐᒡ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᑕᒄ ᒋᓴᒪᓂᑐᐤ, ᒥᓐ ᒐ ᐅᓂᔅᑲᔨᒋ ᒥᓯᐛ ᐊᓂᔭ ᑲ ᐳᓂᐱᒪᑎᓯᔨᒋ᙮

ᐊᑈᔅᑕᓇᒡ 24:17

“ᒥᒐᑐᐤ ᐱᐳᓇ ᓇᒪ ᓂ ᐅᒋ ᑕᓐ ᐊᓐᑕ ᒋᕈᓯᓕᒥᒡ᙮ ᐃᔅᐱ ᒪᒃ ᑲᐤ ᑲ ᑎᑯᓯᓂᔭᓐ ᐊᓐᑕ, ᓂᒋ ᐸᑕᐛᐅᒡ ᓂᑦ ᐃᔨᒥᒡ ᐱᔅᑎᓂᒐᐅᓂᔪᐤ ᐊᒋ ᒥᔭᑭᓄᔨᒋ ᐊᓂᔭ ᑲ ᒋᔅᑎᒪᑎᓯᔨᒋ, ᑭᔭ ᐊᔪᐤ ᓂᒋ ᓇᒋ ᐊᔭᒥᐊᓐ ᒐᒋ ᒥᑐᔅᑕᐊᒧᐅᒃ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:28

ᐊᓐᒡ ᒍᐤ ᑲ ᐃᑎᔅᑲᓇᓯᒡ ᒋ ᐊᑐᐛᔨᑎᒧᒡ ᒥᔽᒋᒧᐅᓂᔪᐤ᙮ ᐊᑯᑕ ᐛᒋ ᓄᑯᓂᔨᒡ ᐊ ᐛᐧᑲᑕᒡ ᒋᓴᒪᓂᑐᐛ᙮ ᒐᒋ ᐱᒪᒋᐅᔭᒄ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐛᒋ ᐃᔅᐱᔨᒡ ᐅ᙮ ᐃᔭᐱᒡ ᒪᒃ ᓴᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮ ᐛᔅ ᐅᑦ ᐊᓂᔅᒐ ᐛᐧᑯᒪᑭᓂᔪᐛ ᐊᓐᑕ ᐃᔅ ᐅᑕᒡ ᒋ ᐅᑎᓇᐤ ᒐᒋ ᐅᑦ ᐃᔨᒥᑦ᙮ ᐊᑯ ᒪᒃ ᐊᓄᒡ ᑕᐱᔨᐛᐅᓯᑦ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:13

ᐃᔅᐱᔅ ᓄᑕᐱᑥᐛ ᐊᓐᒡ ᑲ ᑕᑈᑕᒡ ᒐᒂᔪᐤ ᒥᔭᐧᑯᒡ ᑕᓐ ᐊ ᐃᓯ ᓄᑕᐱᔨᒡ᙮ ᒧᔅ ᒐ ᐎ ᐱᑎᑲᐊᑯᒡ ᐊᐛᓐᒋ ᐊᑲ ᐊ ᑎᑯᓂᔨᒡ ᐊᓐᑕ ᒐ ᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:31

ᓂᑐᑎᒪᒄ ᒐᒋ ᑭᓄᐛᔨᒥᑯᐅᔭᓐ ᑕᓐ ᒐ ᐎ ᐃᓯ ᓂᑎᒥᒄ ᐃᑐᑐᐅᒡ ᐊᓐᒡ ᐊᑲ ᑕᑈᑕᒡ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ᙮ ᓂᑐᑎᒪᒄ ᑭᔭ ᐊᓐᒡ ᑲ ᑕᑈᑕᒡ ᒋᕈᓯᓕᒥᒡ ᐊ ᑕᒡ ᒐᒋ ᓇᐊᔨᑎᒥᐃᑯᒡ ᐊᓂᔭ ᑕᓐ ᒐ ᐃᑐᑎᒧᐅᒂᐤ᙮

ᑲᓚᓯᔭᓇ 2:10

ᒥᒄ ᐸᐃᒄ ᒐᒂᔪᐤ ᓂᒋ ᐱᑯᓴᔨᒥᑯᓇᓂᒡ᙮ ᓂᒋ ᓂᑐᐛᔨᒥᑯᓇᓂᒡ ᒐᒋ ᐛᐎᒋᐃᒥᒋᒋ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ ᑲ ᒋᔅᑎᒪᑎᓯᔨᒋ᙮ ᐊᐅᒄ ᒪᒃ ᐅ ᓇᔅᒡ ᑲ ᐃᑕᔨᑎᒥᐃᑯᔭᓐ ᒐᒋ ᐃᑎᔭᓐ᙮

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

1 ᑕᓴᓗᓂᔭᓇ 5:1

ᓂᐧᑲᓂᓯᑐᒄ, ᓇᒪ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᑕᓐ ᐊᓂᔭ ᐊ ᒋᓯᑲᔨᒡ ᑭᔭ ᑕᓐ ᒐ ᐃᔅᐱᔅ ᒋᓯᑲᔨᒡ ᒐ ᑎᑯᓯᐧᒃ ᐅᑎᐸᔨᒋᒐᐤ᙮

1 ᒠᓐ 2:27

ᒥᒄ ᒪᒃ ᙭ ᔅᒋ ᑐᒥᔅᑯᓂᑯᐛᐤ ᐅᑦ ᐊᒐᒂ᙮ ᐊ ᐊᔭᐅᒪᑯ ᒪᒃ ᐅᔭ ᐅᑦ ᐊᒐᒂ, ᓇᒪ ᒋ ᓂᑐᐛᔨᒪᐛᐤ ᑯᑎᒃ ᐊᐛᓐ ᒐᒋ ᒋᔅᑯᑎᒪᑕᒄ᙮ ᐛᔅ ᐅᔭ ᙭ ᐅᑦ ᐊᒐᒂ ᐊᐅᒄ ᒐ ᒋᔅᑯᑎᒪᑕᒄ ᒥᓯᐛ ᒐᒂᔪᐤ, ᒧᔅ ᒪᒃ ᑕᑈᒥᑭᓂᔪᐤ ᐊᓂᔭ ᐊ ᐃᓯ ᒋᔅᑯᑎᒪᒐᑦ, ᓇᒪ ᑭᑭᒋᔭᒥᑭᓂᔪᐤ᙮ ᓂᓇᐃᑐᐛᐧᒄ ᑕᓐ ᐊ ᐃᓯ ᒋᔅᑯᑎᒪᑕᒄ ᐊᒐᐧᒄ ᑭᔭ ᐎᒐᐛᐧᒄ ᙭᙮