2 ᑯᕆᓐᑎᔭᓇ 8:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᑕᐤ ᐅᑕ ᑯᑎᒃ ᒋᐧᑲᓂᓯᓄᐤ ᓇᔅᒡ ᐊ ᒥᔪ ᒋᔅᒐᔨᒥᑯᑦ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ ᑕᓐ ᐊ ᐃᓯ ᒥᔪ ᐊᐱᑎᓯᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ᙮ ᐊᐅᑯᓐ ᐅᔭ ᒐ ᐸᒋ ᐎᒐᐅᑯᑦ ᑕᐃᑕᔅ᙮

2 ᑯᕆᓐᑎᔭᓇ 8:18 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:4

ᒪᒂᒡ ᐊᓐᑕ ᓇᔅᒡ ᐊᒋ ᑯᔅᑕᑎᑯᓂᔨᒡ ᑲ ᑕᐅᒡ ᓇᒪ ᓇᔅᒡ ᐅᒋ ᒪᒥᓇᑕᔨᑎᒧᒡ ᑎᐱᔨᐛ ᐅᐱᒪᑎᓯᐅᓄᐛᐛ ᑲ ᐃᔅᐱᔅ ᒋ ᐎ ᐎᒋᐃᒡ᙮ ᓇᔅᒡ ᑕᑈ ᓂ ᓂᓇᔅᑯᒪᐅᒡ᙮ ᓇᒪ ᒥᒄ ᓂᔾ, ᒥᓯᐛ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐅᒪᒧᐊᔭᒥᐊᐛ ᓂᓇᔅᑯᒥᑯᐅᒡ᙮

1 ᑯᕆᓐᑎᔭᓇ 16:3

ᑎᑯᓯᓂᔭᓇ ᒪᒃ ᐊᓐᑕ ᐊ ᑕᔭᒄ, ᓂᑭ ᐃᑎᓴᐛᐅᒡ ᓇᐸᐅᒡ ᒋᕈᓯᓕᒥᒡ ᒐᒋ ᐃᑐᑕᒡ ᒋᓱᓇᔭᓂᒧᐛᐅᔪᐤ᙮ ᒋᔨᐛᐤ ᒋ ᓂᑐᐛᔨᒥᑎᓇᐛᐤ ᒐᒋ ᐅᑎᓇᑯᒡ ᐅᒡ ᓇᐸᐅᒡ ᐊᓐᑕ ᒐ ᐃᑎᓴᐅᒂᐤ᙮ ᓂᑭ ᒥᔭᐅᒡ ᒥᓯᓇᐃᑭᓇ ᒐ ᐃᑐᑕᒡ ᐊᓐᑕ ᒋᕈᓯᓕᒥᒡ ᐊᔭᒥᐊᐅᒋᐛᐱᒡ, ᒋᔨᐛᐤ ᐊ ᐊᔨᒧᒥᑎᑯᒡ ᑭᔭ ᐎᔨᐛᐤ ᐊᓐᒡ ᓇᐸᐅᒡ ᐊ ᐊᔨᒧᒥᒂᐤ᙮

1 ᑯᕆᓐᑎᔭᓇ 4:17

ᐊᐅᒄ ᐛᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ᐱᒪᑎᓯᐅᒡ ᙭ᑕ ᐃᔅ ᐊ ᑕᔨᒋ ᑭᔭ ᐊᓂᔭ ᐊ ᐃᓯ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ᙮

1 ᑯᕆᓐᑎᔭᓇ 7:17

ᒥᓯᐛ ᐊᐛᓐ ᒋᐸ ᐃᓯ ᐱᒪᑎᓯᐤ ᑕᓐ ᑲ ᐃᓯ ᒥᔭᑭᓄᐅᑦ ᒐᒋ ᐃᓯ ᐱᒪᑎᓯᑦ, ᐊᓂᔭ ᑭᑈ ᑲ ᐃᓯ ᐅᑎᓂᑯᑦ ᒋᓴᒪᓂᑐᐛ ᒐ ᐃᓯ ᐱᒪᑎᓯᑯᐱᓇ᙮ ᐊᐅᒄ ᐅᔭ ᐊ ᐃᓯ ᓯᒋᒥᒂᐤ ᒐᒋ ᐃᓯ ᓂᓇᑭᑐᐛᔨᑕᒡ ᒥᓯᐛ ᒪᒧᐤ ᑲ ᐊᔭᒥᐊᐛᑎᓯᒡ᙮

2 ᑯᕆᓐᑎᔭᓇ 12:18

ᑕᐃᑕᔅ ᓂᒋ ᓯᒋᒪᐤ ᒐᒋ ᒧᐱᔅᑕᑕᒄ᙮ ᒥᓐ ᑯᑎᑲ ᒋᐧᑲᓂᓯᓄᐛ ᓂᒋ ᐃᑎᓴᐛᔪᐛ ᒐᒋ ᐎᒐᐅᑯᑦ᙮ ᓱᓇᔭᔪᐤ ᐊ ᒪᒃ ᒋ ᐅᑎᓯᐤ ᑕᐃᑕᔅ ᒋᔨᐛᐤ ᐊ ᑕᐛᒄ ᐅᒋ ᐊᓂᔭ ᑲ ᒧᐱᔅᑕᑕᒄ ? ᐸᐃᒄ ᒪᔅᑭᓄᐤ ᓂᐱᒧᑕᓇᓐ ᑭᔭ ᐸᐃᑯᓄᒡ ᓂᑦ ᐃᓯ ᒪᒥᑐᓇᔨᑕᓇᓐ᙮ ᓇᒪᐎᔾ ᐊ ᐊᑯᓐ ᐊ ᐃᑕᔨᒥᔭᒡ ?

2 ᑯᕆᓐᑎᔭᓇ 2:12

ᑐᕈᐊᔅ ᐊ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ᐛᐎᑎᒧᒡ ᙭ ᐅᒥᔽᒋᒧᐅᓐ᙮ ᑲ ᐸᐱᔭᓐ ᒪᒃ ᐊᓐᑕ ᓇᔅᒡ ᒋ ᓂᔅᑐᓇᑯᓐ ᐅᑎᐸᔨᒋᒐᐤ ᓴᔅ ᐊᒋ ᐊᔭᔅᑯᔅᑕᑯᐱᓇ ᐊᓐᑕ ᒐᒋ ᑭᒐᔅᒋᒧᐅᒡ᙮

2 ᑯᕆᓐᑎᔭᓇ 8:19

ᑭᔭ ᐅᒪᒧᐊᔭᒥᐊᐛ ᒋ ᐃᑕᔨᒥᑯᐤ ᒐᒋ ᐎᒐᐎᔨᒥᑦ ᐊ ᐃᑐᑐᐅᒋᒡ ᐊᓐᒡ ᑲ ᒋᔅᑎᒪᑎᓯᒡ ᑲ ᑕᑈᑕᒡ ᐊᓂᔭ ᒋᐱᔅᑎᓂᒐᐅᓄᐛᐅᔪᐤ᙮ ᐅᑎᐸᔨᒋᒐᐤ ᒪᒃ ᓂ ᐎ ᒋᔅᒐᔨᑎᒥᐊᓇᓐ ᐅ ᑲ ᐃᑐᑎᒪᒡ᙮ ᐊᑯᑕ ᒐ ᓄᒂᒡ ᐊ ᐎ ᐎᒋᐃᐛᔭᒡ᙮