2 ᑯᕆᓐᑎᔭᓇ 7:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒋᓴᒪᓂᑐᐤ ᑲ ᐛᐎᒋᐊᑦ ᐊᐛᔪᐛ ᐊ ᓂᑕᔨᑎᒥᔨᒋ ᓂᒋ ᒥᔽᔨᒧᐃᑯᐅᓇᓐ ᑲ ᐸᒋ ᐃᑎᓴᐛᑦ ᓂᐎᒐᐛᑭᓇᓇ ᑕᐃᑕᓴ᙮

2 ᑯᕆᓐᑎᔭᓇ 7:6 Iomraidhean Croise

ᒪᑎᔪᐤ 5:4

ᓱᐛᔨᑕᑯᓱᐅᒡ ᐊᓐᒡ ᑲ ᓂᓇᐧᑲᒋᒧᒡ ᐛᔅ ᒋᓴᒪᓂᑐᐛ ᒋᑭ ᒥᔽᔨᒧᐃᑯᐅᒡ᙮

ᒠᓐ 14:16

ᓂᑭ ᐊᔭᒥᐊᓐ ᐊ ᓂᑐᑎᒧᐅᒃ ᓄᑕᐎᔾ ᒐᒋ ᐃᑎᓴᐊᒪᑕᒄ ᒥᓐ ᑯᑎᑲ ᐊᐛᔪᐛ ᒐᒋ ᐎᒋᐃᑎᑕᑯ ᑭᔭ ᒧᔅ ᑲᒋᒡ ᒐᒋ ᑕᑦ ᐊᓐᑕ ᐊ ᑕᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:5

ᒋᓴᒪᓂᑐᐤ ᐊᓐ ᑲ ᒥᔨᐛᑦ ᓯᐱᔪᐛᓯᐅᓂᔪᐤ ᑭᔭ ᑲ ᓯᒋᒧᐛᑦ ᐊᐅᒄ ᓇᑐᑎᒧᐅᒃ ᒐᒋ ᑐᑕᑕᒄ ᒐᒋ ᒥᔪ ᐎᒐᐅᑐᐛᒄ ᐊ ᒋᔅᒋᓄᐛᐱᒪᒄ ᙭ ᑕᓐ ᐎᔾ ᑲ ᐊᐃᑎᑦ᙮

2 ᑯᕆᓐᑎᔭᓇ 7:13

ᒥᔅᑎ ᒪᒃ ᓂ ᒥᔽᔨᒧᐃᑯᐅᓇᓐ ᐊ ᒋᔅᒐᔨᑎᒪᒡ ᐅ᙮ ᐊᑐᐎᔅ ᒪᒃ ᓂᒋ ᒥᔽᔨᑕᓇᓐ ᐊ ᐛᐱᒥᒋᒡ ᓂᐎᒐᐛᑭᓇᓐ ᑕᐃᑕᔅ ᐊ ᒥᔽᔨᑕᐧᒃ᙮ ᒋ ᒥᔽᔨᑎᒻ ᑕᓐ ᑲ ᐃᓯ ᒥᔪᐧᑯᐛᒄ ᑭᔭ ᓇᒪ ᐅᒋ ᐊᔨᒪᔨᑎᒻ᙮

2 ᑯᕆᓐᑎᔭᓇ 7:14

ᓂᑲᓐ ᓂᒋ ᐎᑎᒧᐛᐤ ᑕᓐ ᐊ ᐃᓯ ᒪᒥᔽᔨᑎᒥᔨᔭᒡ᙮ ᓂᒋ ᑕᑈᑕᑯᑕᓇᑯᐱᓐ ᒪᒃ ᐊᓂᔭ ᑕᓐ ᑲ ᐃᓯ ᐎᑎᒧᐅᒋᒡ᙮ ᒧᔅ ᓂᒋ ᑕᑈᓇᓐ ᑕᓐ ᑲ ᐃᓯ ᐎᑎᒪᑕᒡ ᑭᔭ ᓂᒋ ᑕᑈᓇᓐ ᑕᓐ ᑲ ᐃᑕᒋᒧᔅᑐᐅᒋᒡ ᑕᐃᑕᔅ᙮

2 ᑯᕆᓐᑎᔭᓇ 7:7

ᓇᒪ ᒪᒃ ᒥᒄ ᐊᓐᑕ ᓂ ᐅᒋ ᒥᔽᔨᑎᒥᐃᑯᐅᓇᓐ᙮ ᑲ ᐸᑎᒪᒡ ᑭᔭ ᑕᓐ ᑲ ᐃᓯ ᐛᐎᒋᐊᒄ ᑕᐃᑕᔅ ᐊᐅᒄ ᐅ ᑭᔭ ᑲ ᒥᔽᔨᒧᐃᑯᐅᔭᒡ᙮ ᓂᒋ ᐎᑎᒪᑯᐅᓇᓐ ᓇᔅᒡ ᑕᑈ ᐊ ᐎ ᐛᐱᒥᔭᒡ ᑭᔭ ᑕᓐ ᑲ ᐃᓯ ᒥᑕᒋᔨᐛᔨᑎᒪᒄ᙮ ᒋ ᐊᔨᒧᑎᒻ ᑭᔭ ᑕᓐ ᑲ ᐃᓯ ᒪᒥᑐᓇᔨᒥᔭᒄ᙮ ᐊᑯ ᒪᒃ ᐊᑐᐎᔅ ᑲ ᒥᔽᔨᑎᒪᓐ᙮

ᐱᓕᐱᔭᓇ 2:1

᙭ ᒋ ᐃᑐᑕᑯᐛᐤ ᒐᒋ ᐊᔨᒋᑲᐳᐃᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᓴᒋᐃᑐᔭᒄ ᑭᔭ ᒐᒋ ᓯᒋᒥᑐᔭᒄ᙮ ᑲ ᐸᔭᒋᓯᑦ ᐊᒐᐧᒄ ᒋ ᐃᑐᑕᑯᐛᐤ ᒐᒋ ᒥᔪ ᐎᒐᐅᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᒋᓴᐛᑐᑕᑐᔭᒄ ᑭᔭ ᒐ ᒋᔅᑎᒪᒐᔨᒥᑐᔭᒄ᙮

1 ᑕᓴᓗᓂᔭᓇ 3:2

ᐊᑯ ᑎᒧᑎ ᑲ ᐃᑎᓴᐅᒋᒡ ᐊᓐᑕ ᐊ ᑕᐛᒄ᙮ ᐅ ᒋᐧᑲᓂᓯᓄᐤ ᓂ ᐎᒋ ᐊᑐᔅᒐᒥᑯᓇᓐ ᒋᓴᒪᓂᑐᐛ ᐊ ᐊᑐᔅᑯᐅᒥᒋᒋ ᑭᔭ ᐎᔾ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᒋᒪᑭᓄᔨᒋ ᙭ᑕ᙮ ᓂᒋ ᐃᑎᓴᐛᓇᓐ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᓱᒋᑲᐳᐛᒄ ᑕᓐ ᐊ ᐃᓯ ᑕᑈᔭᔨᒪᒄ ᙭,