2 ᑯᕆᓐᑎᔭᓇ 7:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑲᐎᔾ ᐃᒐᓂᓇᓐ᙮ ᑕᐸ ᓂ ᐅᒋ ᐅᓂᑐᑐᐛᓇᓐ ᐊᐛᓐ᙮ ᓇᒪ ᓂ ᐅᒋ ᓂᓱᐅᓇᒋᐊᓇᓐ ᐊᐛᓐ ᑭᔭ ᓇᒪ ᓂ ᐅᒋ ᐎᔭᓯᐊᓇᓐ ᐊᐛᓐ᙮

2 ᑯᕆᓐᑎᔭᓇ 7:2 Iomraidhean Croise

ᒪᑎᔪᐤ 10:14

ᐊᑯ ᒪᒃ ᐅᑎᑎᒪᒂ ᐅᑕᓇᐤ ᑭᔭ ᒪᒃ ᒥᒋᐛᑉ ᐊᑲ ᒪᒃ ᐎ ᐱᑎᑲᐃᑯᔭᒂ ᑭᔭ ᒪᒃ ᐊᑲ ᐎ ᓂᑐᑕᑯᐅᔭᒂ, ᓂᑭᑎᒥᒄ ᐊᓐ ᐅᑕᓇᐤ ᑭᔭ ᒪᒃ ᐊᓐ ᒥᒋᐛᑉ ᐊᑯ ᒐ ᐸᐳᓯᑕᓯᒧᔭᒄ᙮

ᒪᑎᔪᐤ 10:40

“ᐊᐛᓐ ᐊ ᐱᑎᑲᐃᑕᒄ ᓂᔾ ᑭᔭ ᓂᐱᑎᑲᐃᒄ, ᐊ ᐱᑎᑲᐃᑦ ᒪᒃ ᐅᑎᓇᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮

ᓗᒃ 10:8

“ᑭᔭ ᐅᑎᑎᒪᒂ ᐅᑕᓇᐤ ᐊ ᐱᑎᑲᐃᑯᐅᔭᒄ, ᐊᑯᑕ ᐊᓐᑕ ᑕᒄ᙮ ᒥᒋᒄ ᑕᓐ ᐊ ᐃᓯ ᐎᔍᑯᐅᔭᒄ᙮

ᐊᑈᔅᑕᓇᒡ 20:33

ᒋ ᒋᔅᒐᔨᑕᓇᐛᐤ ᐊᑲ ᓂᑕ ᐅᒋ ᒧᔅᑕᓂᒧᒃ ᐊᐛᓐ ᐅᓱᓇᔭᓂᒻ ᒪᒃ ᐅᑦ ᐊᐱᒋᑕᐅᓇ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:18

ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 11:16

ᒥᓐ ᓂᑭ ᐃᔅᒋᔄᓐ, ᐊᑲᐎᔾ ᐃᑕᔨᒥᒄ ᐊ ᒋᔎ ᐃᔨᒥᔭᓐ᙮ ᒧᔭᒻ ᒪᒃ ᒋᔎ ᐃᔨᒧᐤ ᐊ ᐃᑕᔨᒧᐛᒂ ᐱᔅᑎᓂᒄ ᐊᐱᓯᔅ ᒐᒋ ᐊᔨᒧᒥᓱᔭᓐ᙮

2 ᑯᕆᓐᑎᔭᓇ 11:9

ᐊᑎ ᒪᒃ ᓇᓂᑯᑎᓂᔾ ᐊᒋ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ, ᓇᒪ ᐃᔭᐱᒡ ᒋ ᐅᒋ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᓂᒋ ᐎᒋᐃᑯᓇᓂᒡ ᐊᒋ ᒥᔨᒥᒡ ᑕᓐ ᑲ ᐃᓯ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ᓂᑐᐛᔨᑎᒪᑎᓇᓐ ᒐᒂᓐ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

ᐱᓕᐱᔭᓇ 2:29

ᐛᐸᑎᔭᒄ ᐊ ᓯᒋᔭᔭᐱᒧᔭᒄ ᒧᔭᒻ ᐊ ᐃᑎᒡ ᑲ ᑕᑈᐅᒐᔨᒪᒡ ᐅᑎᐸᔨᒋᒐᐛ ᐎᔭᐱᒥᑐᑥᐎ᙮ ᐃᔭᒂᐤ ᒋᐸ ᐃᑕᔨᒪᐛᐅᒡ ᒥᓯᐛ ᐊᐛᓐᒋ ᐊ ᐃᑕᔨᑕᑯᓯᒡ, ᐎᔾ ᐊ ᐃᑕᔨᑕᑯᓯᑦ᙮

ᑯᓚᓯᔭᓇ 4:10

ᐊᕆᔅᑕᕐᑲᔅ ᑭᔭ ᐎᔾ ᒋᐸᐛᑭᓄᐤ ᐅᑕ ᑲ ᒋᐸᐅᑯᐅᒡ᙮ ᒋ ᐛᒋᔭᒥᑯᐛᐤ ᑭᔭ ᐎᔾ᙮ ᑭᔭ ᒪᕐᒃ ᒋ ᐛᒋᔭᒥᑯᐛᐤ᙮ ᐸᕐᓇᐸᔅ ᐅᔭ ᐎᐧᑲᓂᓴ᙮ ᓴᔅ ᔅᒋ ᐎᑎᒪᑯᓇᐛᐤ ᒐ ᒥᔪᐧᑯᐛᒄ ᒪᕐᒃ ᐅᑎᑎᑕᒂ᙮

1 ᑕᓴᓗᓂᔭᓇ 2:10

ᒋᓴᒪᓂᑐᐤ ᒋᔅᒐᔨᑎᒻ ᑭᔭ ᒋᔨᐛᐤ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᒋ ᐸᔭᒋ ᐱᒪᑎᓯᔭᒡ, ᑕᓐ ᑲ ᐃᓯ ᒋ ᑯᐃᔅᑯᑕᑎᓯᔭᒡ ᑭᔭ ᐊᑲ ᐅᒋ ᑎᒂᒡ ᒐᒋ ᐊᑕᒪᔨᑕᑯᓯᔭᒡ ᒐᒋ ᒥᒋᐱᒪᑎᓯᔭᒡ ᒪᒂᒡ ᐊᓐᑕ ᒋᔨᐛᐤ ᑲ ᑕᑈᑎᒪᒄ ᒥᔽᒋᒧᐅᓐ ᐊ ᑕᔭᒄ ᑲ ᑕᔭᒡ᙮

ᐸᐃᓕᒪᓐ 1:12

ᐊᑯ ᒪᒃ ᑲᐤ ᐊ ᐃᑎᓴᐅᒃ ᐊᓐᑕ ᐊ ᑕᐅᑦ᙮ ᒥᒄ ᒪᒃ ᐎ ᒋᔅᒐᔨᑕ ᓇᔅᒡ ᐊ ᒥᒐᔨᑎᒪᓐ ᐊ ᐱᔅᑎᓂᒃ᙮

ᐸᐃᓕᒪᓐ 1:17

ᑕᑈ ᓂᐎᒐᐛᑭᓐ ᐊ ᐃᑕᔨᒧᐅᓇ ᒥᒄ ᐃᓯ ᐱᑎᑲᐃ ᒧᔭᒻ ᓂᔾ ᒋᐸ ᐃᑐᑐᐅᓐ ᓂᑐᐛᐱᒥᑕᓐ᙮

2 ᒠᓐ 1:10

ᓂᑐᐛᐱᒥᔅᒐ ᒪᒃ ᐊᐛᓐ ᐊᑲ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᐊᑲᐎᔾ ᐱᑎᑲᐃ ᒋᒋᒡ᙮ ᐊᑲᐎᔾ ᐛᐛᒡ ᒋᑭ ᐅᒋ ᐛᒋᔭᒪᐤ᙮