2 ᑯᕆᓐᑎᔭᓇ 7:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐛᔅ ᒧᔭᒻ ᐊ ᐃᑐᑕᑕᐧᒄ ᒋᓴᒪᓂᑐᐤ ᒐᒋ ᒥᓯᒪᔨᑎᒥᐃᑯᔭᐧᒄ ᒋᒥᒋᑐᑎᒧᐅᓄᐛ ᐊᑯᑕ ᐛᒋ ᒂᔅᒋᓂᑭᓄᐅᒋ ᒋᑕᐃᓄᐛ ᑭᔭ ᐊ ᐊᑎ ᐱᒪᒋᐅᔭᐧᒄ, ᓇᒪ ᒪᒃ ᑕᐤ ᐊᐛᓐ ᒐᒋ ᒥᑕᒋᔨᐛᔨᑕᐧᒃ ᐊᒋ ᐱᒪᒋᐊᑭᓄᐅᑦ᙮ ᐊᔅᒋᔪᐤ ᒥᓯᒪᔨᑎᒧᐅᓐ ᒪᒃ ᓂᐳᐅᓂᒡ ᐃᑐᑕᐃᐛᒥᑭᓐ᙮

2 ᑯᕆᓐᑎᔭᓇ 7:10 Iomraidhean Croise

ᒐᓂᓯᔅ 30:1

ᐃᔅᐱ ᒐᔅᒐᔨᑕᐧᒃ ᕋᐃᒍᓪ ᐊᑲ ᒋ ᓂᑕᐅᒋᐃᒪᑦ ᒐᑭᐸ ᐅᑦ ᐊᐛᓯᒥᔪᐛ, ᒋ ᐅᑕᔨᒪᐤ ᐎᐧᑲᓂᓴ ᓕᐊᔨᒋ᙮ ᒂ ᐃᑕᑦ ᒐᑭᐸ᙮ “ᐸᒋ ᒥᔾ ᐊᐛᓯᒡ ᑭᔭ ᒪᒃ ᓂᑭ ᐳᓂᐱᒪᑎᓯᓐ !”

ᑎᐱᑦ ᐅᓂᑭᒧᐅᓇ 38:18

ᐛᔅ ᓂᑭ ᐎᑕᓐ ᓂᒥᒐᑎᓯᐅᓐ; ᓂᑭ ᒥᑕᒋᔨᐛᓯᓐ ᑲ ᐃᓯ ᒥᒋᑐᑎᒪᓐ᙮

ᒪᑎᔪᐤ 26:75

ᐊᑯ ᐱᑕᕐ ᒂ ᒋᔅᒋᓯᑦ ᑕᓐ ᑲ ᐃᑎᑯᑦ ᒋᓴᓴ, “ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ ᐊᓄᒡ ᑲ ᒋᓯᑲᒡ ᓂᔍᐤ ᒋᑭ ᐃᔅᒋᔄᓐ ᐊᑲ ᒋᔅᒐᔨᒥᔨᓐ᙮” ᐊᑯ ᒪᒃ ᒂ ᐎᐎᑦ ᒂ ᒪᑦ, ᓱᒃ ᐊ ᒪᑦ᙮

ᓗᒃ 15:10

ᐊᑯ ᒥᓐ ᒋᓴᔅ ᒂ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ᒥᔽᔨᑕᐧᒃ ᐊᓐ ᐃᔎᐤ ᐊᒋ ᒥᔅᑯᐛᑦ ᐊᓂᔭ ᑲ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ᒂᔅᑲᑎᓯᔨᒋ᙮”

ᓗᒃ 18:13

“ᐊᑯ ᒪᒃ ᐊᓐ ᓇᐸᐤ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ, ᐃᔅᐱ ᐊ ᐊᔭᒥᐊᑦ ᐛᔪᐎᔅ ᐊᓐᑕ ᒋ ᐅᒋᑲᐳᐤ ᐊᓐᑕ ᑲ ᓂᐳᔨᒋ ᐊᓂᔭ ᐸᕆᓯᐊ ᓇᒪ ᑭᔭ ᐛᐛᒡ ᐅᒋ ᑎᔅᑎᓴᐳᐤ ᒋᒋᒋᓯᑯᒡ ᐛᔅ ᒋ ᑯᓯᑯᑕᐊᐤ᙮ ᒋ ᐃᔅᒋᔄᐤ, ‘ᒋᓴᒪᓂᑐᐤ ᐸᒋ ᒋᔅᑎᒪᒐᔨᒥ ᐊ ᒥᒋᑐᑎᒪᓐ᙮’ ” ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ ᐃᔅᐱ ᑲᒋ ᐃᓯ ᑎᐸᒋᒧᑦ᙮

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

2 ᑯᕆᓐᑎᔭᓇ 12:21

ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮

2 ᑯᕆᓐᑎᔭᓇ 7:9

ᐊᓄᒡ ᒪᒃ ᐊᑯ ᒪᔽᔨᑎᒪᓐ᙮ ᐊᑎ ᐊᒋ ᑎᒂᒡ ᐊ ᒥᓯᒪᔨᑎᒪᒄ ᔅᒋ ᐃᑐᑕᑯᓇᐛᐤ ᐅ ᒥᓯᒪᔨᑎᒧᐅᓐ ᑕᑈ ᒐᒋ ᒥᑕᒋᔨᐛᔨᑎᒪᒄ ᒋᒥᒋᑐᑎᒧᐅᓄᐛᐛ ᑭᔭ ᒐᒋ ᒂᔅᑲᑎᓯᔭᒄ᙮ ᐛᔅ ᒋᓴᒪᓂᑐᐤ ᔅᒋ ᒥᔨᑯᐛᐤ ᐊᓂᔭ ᒥᓯᒪᔨᑎᒧᐅᓂᔪᐤ ᑭᔭ ᐊᓂᔭ ᒥᑕᒋᔨᐛᔨᑎᒧᐅᓂᔪᐤ᙮ ᓇᒪ ᒪᒃ ᒋ ᐅᒋ ᐊᐧᑯᐃᑯᓇᐛᐤ ᐊᓐ ᑲ ᐃᓯ ᒥᓯᓇᐊᒪᑎᑯᒡ᙮

ᐃᑉᕈᐛ 12:17

ᒋ ᒋᔅᒐᔨᑕᓇᐛᐤ ᒪᒃ, ᐸᑎᒪ ᐊᓐᑕ ᑲᐤ ᒋ ᓂᑐᐛᔨᑎᒻ ᐊᓂᔭ ᑕᓐ ᒋᐸ ᐃᓯ ᐊᓂᔅᒐ ᓱᐛᔨᒪᑭᓄᐤ, ᒥᒄ ᒪᒃ ᓇᒪ ᐅᒋ ᓂᔅᑯᒥᑯᐤ ᐅᑕᐎᔭ᙮ ᓇᒪ ᓇᔅᒡ ᐅᒋ ᒐᒂᔪᐤ ᐅᒋ ᐃᑐᐤ ᒐᒋ ᒂᔅᒋᓇᐧᒃ ᐊᓂᔭ ᑕᓐ ᑲ ᐃᑎᑦ ᐊᑎ ᑭᔭ ᓇᔅᒡ ᐊᒋ ᒥᒪᑐᐛᑦ ᐅᑕᐎᔭ᙮ ᐃᔭᒂᒥᒄ ᒐ ᐊᑲ ᒋ ᐃᔅᐱᔭᒄ ᒋᔨᐛᐤ᙮