2 ᑯᕆᓐᑎᔭᓇ 6:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑎᑯᓐ ᐊ ᐃᓯ ᒥᓯᒪᔨᑎᒪᒡ᙮ ᐃᔭᐱᒡ ᒪᒃ ᓂ ᒥᔽᔨᑕᓇᓐ᙮ ᓇᒪ ᓂ ᐛᔪᑎᓯᓇᓐ᙮ ᐃᔭᐱᒡ ᒪᒃ ᓂ ᐃᑐᑐᐛᓇᓂᒡ ᐊᐛᓐᒋ ᒐᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ᙮ ᐊᑎ ᐊᑲ ᒐᒂᓐ ᑎᐱᔨᐛᐅᓯᔭᒡ, ᐃᔭᐱᒡ ᒥᓯᐛ ᒐᒂᓐ ᐊ ᑎᐱᔨᐛᐅᓯᔭᒡ ᓂᑦ ᐃᓯᓇᑯᓯᓇᓐ᙮

2 ᑯᕆᓐᑎᔭᓇ 6:10 Iomraidhean Croise

ᑎᐱᑦ ᐅᓂᑭᒧᐅᓇ 84:11

ᐛᔅ ᑎᐸᔨᒋᒐᓱᐤ ᒋᓴᒪᓂᑐᐤ ᐱᓯᒧᐅᐤ ᑭᔭ ᐊᒂᓇᐅᓱᐛᑭᓂᐅᐤ: ᑎᐸᔨᒋᒐᓱᐤ ᒋᑭ ᒥᔨᐛᐤ ᒥᔪᐧᑲᒐᐅᓂᔪᐤ ᑭᔭ ᒋᔅᑕᔨᑕᑯᓱᐅᓂᔪᐤ: ᓇᒪ ᒐᒂᔪᐤ ᑲ ᒥᔽᓯᔨᒡ ᒋᑭ ᒋᓴᑎᓂᒧᐛᐤ ᐊᓂᔭᔪᐛ ᑯᐃᔅᒄ ᑲ ᐱᒧᑕᔨᒋ᙮

ᒪᑎᔪᐤ 5:12

ᒥᔽᔨᑎᒧᒄ ᐛᔅ ᒋᑭ ᒥᓴᐤ ᒋᑎᐸᐊᒪᑯᓯᐅᓄᐛᐤ ᑕᓐ ᐊ ᐃᓯ ᑭᓄᐛᔨᑕᒂᒡ ᐊᓐᑕ ᒋᒋᒋᓯᑯᒡ᙮ ᐛᔅ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᒋᐊᑭᓄᐎᒡ ᐊᓐᒡ ᐅᒋᔅᒋᐛᐃᒐᓱᒡ ᐊᓐᑕ ᐅᑕᒡ᙮”

ᒪᑎᔪᐤ 5:4

ᓱᐛᔨᑕᑯᓱᐅᒡ ᐊᓐᒡ ᑲ ᓂᓇᐧᑲᒋᒧᒡ ᐛᔅ ᒋᓴᒪᓂᑐᐛ ᒋᑭ ᒥᔽᔨᒧᐃᑯᐅᒡ᙮

ᓗᒃ 6:21

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᓄᑕᐧᑭᑕᔭᒄ ᐊᓄᒡ, ᐛᔅ ᒋᑭ ᒋᔅᐳᐃᑯᓇᐛᐤ᙮ ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᒪᔭᒄ ᐊᓄᒡ, ᐛᔅ ᒋᑭ ᐸᐱᓇᐛᐤ᙮

ᒠᓐ 16:22

ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”

ᐊᑈᔅᑕᓇᒡ 16:25

ᒐᑲᑦ ᒋ ᐊᐱᑕᑎᐱᔅᑲᔨᒐ ᐊᑯ ᑲ ᐊᔭᒥᐊᒡ ᑈᓪ ᑭᔭ ᓴᓂᔅ ᑭᔭ ᐊ ᓂᑭᒧᔅᑐᐛᒡ ᒋᓴᒪᓂᑐᐛ, ᐊᓐᒡ ᒪᒃ ᑯᑎᑭᒡ ᑲ ᒪᑯᓇᑭᓄᐅᒡ ᒥᒄ ᒋ ᓂᑐᑐᐛᐅᒡ᙮

ᐊᑈᔅᑕᓇᒡ 3:6

ᐊᑯ ᐱᑕᕐ ᒂ ᐃᑕᑦ, “ᓇᒪ ᓇᔅᒡ ᓂ ᑭᓄᐛᔨᑕᓐ ᓱᓇᔭᐤ ᒐᒋ ᒥᔨᑕᓐ, ᒥᒄ ᒪᒃ ᒋᑭ ᐎᒋᐃᑎᓐ ᒐᒋ ᒥᓏᑎᓯᔨᓐ᙮ ᐅᑦ ᐃᓯᓂᐧᑲᓱᐅᓂᒡ ᐅᒡ ᒋᓴᔅ ᙭ ᓇᓴᕆᑎᒡ ᑲ ᐅᒋᑦ, ᐱᓯᑯ ᒐ ᐱᒧᑕᔨᓐ᙮”

ᐊᑈᔅᑕᓇᒡ 5:41

ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:12

ᐊᓐᑕ ᑲ ᒥᒋᑐᑕᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᑯᑕ ᓇᔅᒡ ᑲ ᓱᐛᔨᒪᑦ ᒋᓴᒪᓂᑐᐤ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓂᔭ ᐊᒋ ᐸᒋᓯᓂᒡ ᐊᑯᑕ ᑭᔭ ᒋᓴᒪᓂᑐᐤ ᑲ ᐅᒋ ᒥᔅᑎ ᓱᐛᔨᒪᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒐᔅᑎᓇᑕᔨᑕᑯᓐ ᒪᒃ ᐊᑐᐎᔅ ᒐ ᒥᓴᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲᐤ ᓂᑐᐛᐱᒥᑯᒐ ᒥᓯᐛ ᒍᐤ ᐃᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:15

ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:2

ᓇᔅᒡ ᑕᑈ ᓂᑯᓱᑯᒪᒋᐅᓐ ᑭᔭ ᒧᔅ ᐱᒥᐱᔪᐤ ᓇᔅᒡ ᐊ ᒪᑯᔅᑲᑯᔭᓐ ᐊ ᒪᒥᑐᓇᔨᒥᒂᐤ ᓂᒡ ᐃᔅᕋᐃᓪ ᐃᔪᒡ᙮

1 ᑯᕆᓐᑎᔭᓇ 1:5

ᐛᔅ ᐊ ᐎᒐᐛᒄ ᙭ ᒥᓯᐛ ᒋ ᐊᑎ ᐃᓯ ᐛᔪᑎᓯᓇᐛᐤ ᒋᑦ ᐃᓯᓇᑯᓯᓇᐛᐤ, ᒋ ᐛᔪᑎᓯᐅᓇᐛᐤ ᑭᔭ ᑕᓐ ᐊ ᐃᓯ ᐃᔨᒥᔭᒄ ᑭᔭ ᐊ ᐃᓯ ᑭᒐᑕᐛᔨᑎᒪᒄ᙮

2 ᑯᕆᓐᑎᔭᓇ 2:4

ᐅᑕ ᑲ ᒥᓯᓇᐊᒪᑎᑯᒡ ᒪᒂᒡ ᓇᔅᒡ ᑕᑈ ᓂᒋ ᒥᑯᔅᑲᑕᔨᑕᓐ᙮ ᓂᒋ ᒥᓯᒥᑕᐊᓐ᙮ ᒥᔅᑎ ᑭᔭ ᓂᒋ ᐅᒋᐧᑯᐛᐱᓐ᙮ ᑕᐸ ᒋ ᐅᒋ ᐎ ᒥᓯᒪᔨᑎᒥᐃᑎᓇᐛᐤ ᐊᓐ ᑲ ᒥᓯᓇᐊᒪᑎᑯᒡ ᒥᒄ ᔅᒋ ᐎ ᒋᔅᒐᔨᑎᒥᐃᑎᓇᐛᐤ ᑕᓐ ᐊᔅᐱᔅ ᒥᔅᑎ ᓴᒋᐃᑎᑯᒡ᙮

2 ᑯᕆᓐᑎᔭᓇ 4:15

ᒋᔨᐛᐤ ᒪᒃ ᐊᐅᒄ ᐛᒋ ᐃᑐᑎᒪᒡ ᐅ᙮ ᐛᔅ ᐊᔭᔅᒃ ᐊ ᒋᔅᒐᔨᑎᒥᐊᑭᓄᐎᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᐊᑯ ᐊᔭᔅᒃ ᒐ ᑎᑯᓂᔨᒡ ᐊ ᓂᓇᔅᑯᒪᑭᓄᐅᑦ ᒋᓴᒪᓂᑐᐤ ᑭᔭ ᐊ ᒋᔅᑕᒋᒪᑭᓄᐅᑦ᙮

2 ᑯᕆᓐᑎᔭᓇ 4:7

ᒧᔭᒻ ᐊᓯᔅᒍᐤ ᐊᑐᒋᐸᓇ ᒋᓴᒪᓂᑐᐤ ᒐᒋ ᐊᐱᒋᑕᑦ ᐊᐅᑯᓐ ᐊ ᐃᓯᓇᑯᓯᔭᒡ᙮ ᐊᑯᑕ ᐊᓐᑕ ᐊ ᑎᑯᓂᔨᒡ ᐅᒋᔅᑕᔨᑕᑯᓱᐅᓐ ᒐᒋ ᒋᔅᒐᔨᑕᑭᓄᐎᒡ ᐎᔾ ᐊ ᑕᑦ ᐊ ᐅᒋᒥᑲᒡ ᐅ ᒪᐅᒡ ᑲ ᓱᒐᔨᑕᒂᒡ ᓱᐧᑲᑎᓯᐅᓐ ᑲ ᐊᔭᔭᒡ, ᓇᒪ ᐎ ᓂᔭᓐ ᐊ ᑕᔭᒡ ᐅᒋᒥᑭᓐ᙮

2 ᑯᕆᓐᑎᔭᓇ 8:9

ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮

ᐃᐱᓯᔭᓇ 3:16

ᐊᓂᔭ ᐊ ᐛᔪᐅᒡ ᐊᔭᑦ ᒋᓴᒪᓂᑐᐤ ᐊᓐᑕ ᒋᒋᒋᓯᑯᒡ ᑕᓐ ᒐᒋ ᐃᓯ ᓱᐛᔨᒪᑦ ᐊᐛᔪᐛ ᓇᓂᑐᑎᒧᐛᐤ ᒐᒋ ᒥᔨᑕᒄ ᒥᔅᑯᓯᐅᓂᔪᐤ ᐅᑦ ᐊᒐᒂ ᐊ ᑕᔨᒋ ᐊ ᐅᒋᐱᔨᒡ᙮ ᐛᔅ ᒋᓴᒪᓂᑐᐤ ᐅᑦ ᐊᒐᒂ ᐊᐅᒄ ᒐᒋ ᐃᑐᑕᑕᒄ ᒐᒋ ᓱᒋᑲᐳᐅᐛᒄ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᐱᓕᐱᔭᓇ 2:17

ᒂᔄᓐ ᓂᑭ ᓂᐸᐃᑯᐅᓐ᙮ ᐊᑯ ᒪᒃ ᐊᓐ ᑕᐱᔅᑯᓐ ᒥᓯᐛ ᐊᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᐊᑎ ᓂᐸᐃᑯᐅᔭᓇ ᓂᑭ ᒥᔽᔨᑕᓐ ᑭᔭ ᑕᐱᔅᑯᓐ ᒋᑭ ᒥᔽᔨᑕᓇᓄᐤ ᐛᔅ ᐊᐅᑯᐤ ᒐ ᐅᒋ ᐃᔭᐱᒡ ᐱᔅᑎᓂᒧᐛᒄ ᒋᓴᒪᓂᑐᐤ ᑕᓐ ᐊ ᐃᓯ ᑕᑈᔭᔨᒪᒄ᙮

ᐱᓕᐱᔭᓇ 4:4

ᒧᔅ ᒥᔽᔨᑎᒧᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᒥᓐ ᒪᒃ ᒋᑦ ᐃᑎᓇᐛᐤ, “ᒥᔽᔨᑎᒧᒄ !”

ᑯᓚᓯᔭᓇ 1:24

ᓂ ᒥᔽᔨᑕᓐ ᒪᒃ ᐊ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ᐊᔭᒥᐊᐛᑎᓯᒡ, ᙭ ᐎᔪᐤ᙮

ᑯᓚᓯᔭᓇ 3:16

ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮

1 ᑕᓴᓗᓂᔭᓇ 1:6

ᑕᓐ ᑲ ᐃᓯ ᐛᐱᒥᔭᒡ ᐊ ᐃᑕᑎᓯᔭᒡ ᐊᐅᑯᓐ ᑭᔭ ᒋᔨᐛᐤ ᒂ ᐊᑎ ᐃᑕᑎᓯᔭᒄ᙮ ᐊᑯ ᒪᒃ ᐊᔪᐤ ᐅᑎᐸᔨᒋᒐᐤ ᒂ ᐊᑎ ᓂᔅᐱᑐᐛᒄ᙮ ᐊᑎ ᒪᒃ ᓇᔅᒡ ᐊᒋ ᓂᓇᐧᑲᒋᐃᑯᔭᒄ ᐃᔭᐱᒡ ᔅᒋ ᐃᑐᑕᑯᐛᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᒧᒋᒐᔨᑎᒪᒄ ᐊ ᐅᑎᓂᒪᓱᔭᒄ ᒥᔽᒋᒧᐅᓐ᙮

1 ᑕᓴᓗᓂᔭᓇ 5:16

ᒧᔅ ᒥᔽᔨᑎᒧᒄ᙮

1 ᑎᒧᑎ 4:8

ᑎᑯᓂᔪᐤ ᑭᑈ ᑕᓐ ᐊ ᐃᓯ ᐎᒋᐃᑯᑦ ᐊᐛᓐ ᐊ ᓴᓴᐅᐱᔪᐅᑦ᙮ ᐊᑯ ᒪᒃ ᐊᓐ ᐊᐛᓐ ᓱᒃ ᒧᔅ ᑲ ᐎ ᓂᓇᐃᑎᒪᐊᑦ ᒋᓴᒪᓂᑐᐛ ᐊᔪᐅᒄ ᐅᔭ ᐊᑐᐎᔅ ᒐ ᐎᒋᐃᑯᑦ ᐊᓄᒡ ᐅᑕ ᐊ ᐱᒪᑎᓯᑦ ᑭᔭ ᐊᓐᑕ ᐃᔅ ᓂᔅᑕᒥᒡ᙮

1 ᑎᒧᑎ 6:18

ᐎᑎᒧᐅᒡ ᐊᓐᒡ ᑲ ᐛᔪᑎᓯᒡ ᒐᒋ ᒥᔪᑐᑎᒪᒐᒡ, ᒥᔪᑐᑎᒪᒐᐅᓂᒡ ᒐᒋ ᐃᓯ ᐛᔪᑎᓯᒡ, ᒐᒋ ᐃᓯᓇᑯᓯᒡ ᓇᔅᒡ ᑲ ᒥᔽᔨᑕᒡ ᐊ ᒥᔨᐛᒡ ᑭᔭ ᓇᔅᒡ ᒐᒋ ᐛᒋᐱᔨᒡ ᒐᒋ ᑕᑥᐅᓂᒧᐛᒡ ᐊᐛᔪᐛ ᑕᓐ ᐊ ᐃᓯ ᐊᔭᒡ᙮

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

1 ᐱᑕᕐ 4:13

ᐃᔭᐱᒡ ᒋᐸ ᒥᔽᔨᑕᓇᐛᐤ ᐊ ᐎᒋᐃᐛᔭᒄ ᑕᓐ ᑲ ᐃᓯ ᐛᐎᓯᒐᔨᑎᒥᐊᑭᓄᐅᑦ ᙭, ᐊᑯ ᒪᒃ ᒐ ᓴᑭᔅᒋᓇᔅᑲᑯᔭᒄ ᒥᔽᔨᑎᒧᐅᓐ ᐃᔅᐱ ᐸᒋ ᓄᑯᑕᑭᓄᔨᒐ ᐅᒋᔅᑕᔨᑕᑯᓱᐅᓐ᙮

ᒋᔅᒐᔨᑕᑯᑕᒐᐅᓐ 2:9

ᓂ ᒋᔅᒐᔨᑕᓐ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᔭᒄ᙮ ᓂ ᒋᔅᒐᔨᑕᓐ ᐊ ᒋᔅᑎᒪᑎᓯᔭᒄ ᒥᒄ ᒪᒃ ᐃᔭᐱᒡ ᒋ ᐛᔪᑎᓯᓇᐛᐤ᙮ ᓂ ᒋᔅᒐᔨᑕᓐ ᑕᓐ ᐊᔅᐱᔅ ᒥᒋ ᐊᔨᒧᒥᑕᑯᒡ ᐊᓐᒡ ᒍᐤ ᓂᑦ ᐃᑎᔅᑲᓇᓯᓇᓐ ᑲ ᐃᔅᒋᔄᒡ, ᐊᑲ ᒪᒃ ᒍᐤ ᐃᑎᔅᑲᓇᓯᒡ᙮ ᒥᒋᒥᓂᑐᐤ ᐊ ᑕᔨᒋ ᐅᒋᐅᒡ ᐊᓐᒡ᙮

ᒋᔅᒐᔨᑕᑯᑕᒐᐅᓐ 21:7

ᐊᐅᒄ ᐅᔭ ᒐ ᐃᓯ ᐊᓂᔅᒐ ᒥᔨᒃ ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ᙮ ᑭᔭ ᓂᔾ ᓂᑭ ᐅᒋᓴᒪᓂᑐᒥᑐᑕᒄ ᑭᔭ ᐎᔾ ᒐ ᐅᑦ ᐊᐛᓯᒥᑐᑐᐅᒃ᙮