2 ᑯᕆᓐᑎᔭᓇ 5:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯ ᒪᒃ ᒥᒄ ᐊ ᐃᑎᔭᐧᒄ ᒋᑦ ᐃᑎᓇᓄᐤ ᒐᒋ ᓇᐊᔨᑎᒪᐊᐧᒄ ᐅᑎᐸᔨᒋᒐᐤ ᒪᒂᒡ ᐅᑕ ᐊ ᐱᒪᑎᓯᔭᐧᒄ ᒪᒃ ᐊᓐᑕ ᐊ ᑕᑦ ᑕᔭᒂ᙮

2 ᑯᕆᓐᑎᔭᓇ 5:9 Iomraidhean Croise

ᒐᓂᓯᔅ 4:7

ᓇᒪ ᒋᔅᒐᔨᑕᓐ ᐊ, ᐃᑐᑎᒥᓇ ᐊ ᒥᔽᒡ ᒋᑭ ᐸᐱᒂᔨᓐ ? ᒥᒄ ᓇᑭᑐᐛᔨᑕ ᐛᔅ ᐊᑲ ᐃᑐᑎᒥᓇ ᐊ ᒥᔽᒡ, ᒧᔭᒻ ᒥᒋᒥᓂᑐᐅᒡ ᐃᓯᓇᒂᓐ ᒥᒋᑥᐅᓐ ᓇᔅᒡ ᐊ ᐸᓱᓇᑯᓯᑦ, ᓇᓂᑐᐛᔨᑎᒻ ᒐᒋ ᑎᐸᔨᒥᔅᒃ᙮ ᓇᔅᒡ ᒋᐸ ᐎ ᓱᒋᓯᓐ ᒐᒋ ᓴᑯᑕᔨᓐ ᐅ ᑯᒂᒋᐃᐛᐅᓐ᙮”

ᒠᓐ 6:27

ᐊᑲᐎᔾ ᐊᑐᔅᒐᒄ ᒥᒄ ᐊ ᐎ ᐱᐧᑯᑎᒪᓱᔭᒄ ᒥᒋᒻ ᐊᓐ ᒐ ᐃᔭᔪᐛᒡ, ᐃᔭᐱᒡ ᐎ ᐱᐧᑯᑎᒪᓱᒃ ᐊᓐ ᒥᒋᒻ ᑲᒋᒡ ᒐ ᑎᒂᒡ᙮ ᐃᔪᐤ ᐅᑯᓯᓴᓐ ᒋᑭ ᒥᔨᑯᐛᐤ ᒥᒋᒥᔪᐤ ᒐ ᐊᑲ ᓂᑕ ᐅᒋ ᔭᔪᓂᔨᒡ᙮ ᐛᔅ ᒋᓴᒪᓂᑐᐤ ᐅᑕᐎᒪᐤ ᒋ ᓄᑯᑕᐤ ᑕᑈ ᐊ ᓇᐊᔨᒪᑦ᙮”

ᐊᑈᔅᑕᓇᒡ 10:35

ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐃᔪᐛ ᐅᒡ ᐊᓂᔭ ᑲ ᓇᓂᒋᔅᑕᑯᑦ ᑭᔭ ᑲ ᐃᑐᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᐊᐅᑯᓂ ᐛᑎᓇᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:18

ᐊᓐ ᒪᒃ ᐊᐛᓐ ᑲ ᐊᑐᔅᑯᐛᑦ ᙭ᑕ ᐅᔭ ᐊ ᐃᓯ ᐱᒪᑎᓯᑦ ᒋᓴᒪᓂᑐᐛ ᓇᐊᔨᑎᒥᐊᐤ᙮ ᑭᔭ ᒋᑭ ᒋᔅᑕᔨᒥᑯᐤ ᑯᑎᑲ ᐊᐛᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:8

ᐛᔅ ᒪᒂᒡ ᐊ ᐱᒪᑎᓯᔭᐧᒄ ᐅᑎᐸᔨᒋᒐᐤ ᒋᐸ ᒋᔅᑕᔨᑕᑯᐊᓄᐤ᙮ ᑭᔭ ᐃᔅᐱ ᓂᐱᔭᒂ ᐎᔾ ᒋᑭ ᒋᔅᑕᔨᑕᑯᐊᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:20

ᒧᔅ ᓂᒋ ᐃᑕᔨᑕᓐ ᐊᓐᑕ ᐊᔅᒄ ᐊᑲ ᐅᒋ ᐊᔨᒧᑎᒧᐛᑭᓄᐎᒡ ᐊᐛᓐᒋ ᒋᓴᔅ ᙭ᑕ ᐊᑯᑕ ᒥᒄ ᐊᓐᑕ ᒐ ᐛᐎᑎᒪᓐ ᒥᔽᒋᒧᐅᓐ᙮ ᓇᒪ ᓂ ᐅᒋ ᐎ ᐃᑐᑕᓐ ᐊᓐᑕ ᑯᑎᒃ ᐊᐛᓐ ᓴᔅ ᐊᒋ ᒋᒋᐱᔨᑕᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ᙮

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 5:6

ᐊᐅᒄ ᒪᒃ ᐛᒋ ᒧᔅ ᓱᒋᑕᐊᔭᐧᒄ᙮ ᒋ ᒋᔅᒐᔨᑕᓇᓄᐤ ᒐ ᐃᔅᐱᔅ ᐃᑕᐛᒂ ᐅᑕ ᒋᔪᓇᒡ ᓇᒪ ᒋ ᑕᓇᓄᐤ ᐊᓐᑕ ᐊ ᑕᑦ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 5:8

ᑕᑈ ᒪᒃ ᒋᐸ ᓱᒋᑕᐊᓇᓄᐤ ᐛᔅ ᐃᐛᒃ ᒋᐸ ᒥᔽᔨᑕᓇᓄᐤ ᓂᑭᑎᒪᐧᒄ ᐅᔭ ᒋᔭᓄᐛ ᑭᔭ ᒋᐸ ᑕᓇᓄᐤ ᐊᓐᑕ ᐊ ᑕᑦ ᐅᑎᐸᔨᒋᒐᐤ᙮

ᐃᐱᓯᔭᓇ 1:6

ᐃᑕᔨᑕᑯᓂᔪᐤ ᒪᒃ ᒐᒋ ᒪᒥᒋᒪᑭᓄᐅᑦ ᐊ ᒋᔅᑕᔨᑕᑯᓂᔨᒡ ᑕᓐ ᐊᔅᐱᔅ ᓱᐛᔨᒥᑕᐧᒄ᙮ ᒪᒥᒋᒪᑕᐤ ᓴᒐᔾ ᐊᒋ ᒥᔨᑕᐧᒄ ᐅᑯᓴ ᓇᔅᒡ ᑲ ᓴᒋᐊᑦ᙮

ᑯᓚᓯᔭᓇ 1:10

ᐊᑯ ᒪᒃ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ᙮ ᒧᔅ ᒋᑭ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ᙮

ᑯᓚᓯᔭᓇ 1:29

ᒐᒋ ᐃᑐᑎᒪᓐ ᒪᒃ ᐅ ᓂ ᐅᔅᑯᐎᓐ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ᙮ ᐊᓂᔭ ᓱᒐᔨᑕᑯᓱᐅᓂᔪᐤ ᐊ ᐃᓯ ᒥᔨᑦ ᙭ ᓄᑕᐱᒋᐅᓐ᙮ ᓇᔅᒡ ᒪᒃ ᐛᔅ ᓄᑯᓂᔪᐤ ᐊᓂᔭ ᓱᒐᔨᑕᑯᓱᐅᓂᔪᐤ ᒪᒂᒡ ᐊᓐᑕ ᐊ ᐊᑐᔅᒐᐅᒡ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

1 ᑕᓴᓗᓂᔭᓇ 4:11

ᓴᔅ ᐅᑕ ᔅᒋ ᐎᑎᒪᑎᓇᓐ ᑕᓐ ᒋᐸ ᐃᑎᓇᐛᐤ, ᓱᒃ ᑯᒋᑕᒄ ᒐᒋ ᒋᔭᒪᐛᑎᓯᔭᒄ᙮ ᐊᑲᐎᔾ ᐅᑎᒪᐱᒪᐧᑯᒡ ᑕᓐ ᐊ ᐃᑎᒡ ᑯᑎᑭᒡ ᐊᐛᓐᒋ᙮ ᑭᔭ ᓱᒃ ᐊᑐᔅᒐᒄ᙮

1 ᑎᒧᑎ 4:10

ᐊᐅᒄ ᒪᒃ ᐛᒋ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ᐃᑕᐱᑎᓯᔭᐧᒄ ᐊᑎ ᐊ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ᐱᒪᑎᓯᑦ, ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ᐱᒪᒋᐊᑦ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ᙮

ᐃᑉᕈᐛ 12:28

ᐊᐅᒄ ᒪᒃ ᐅᔭ ᒋᐸ ᐅᒋ ᓂᓇᔅᑯᒪᓄᐤ ᒋᓴᒪᓂᑐᐤ ᐊ ᒥᔨᑕᐧᒄ ᒋᓴᐅᒋᒪᐅᓂᔪᐤ ᐊᓐ ᐊᑲ ᓂᑕ ᒐᒋ ᐃᑐᑕᑭᓄᐅᒡ ᒐᒋ ᐊᒋᐱᔨᒡ᙮ ᐊᑯ ᒪᒃ ᐊᔭᒥᐊᔅᑐᐛᑕᐤ ᐊᓂᔭ ᐎᔾ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐊᔭᒥᐊᔅᑐᐛᐧᒄ ᑭᔭ ᒐᒋ ᒥᔪ ᐊᑐᔅᑯᐅᐛᐧᒄ ᓇᔅᒡ ᐊ ᒋᔅᑕᔨᒪᐧᒄ᙮

ᐃᑉᕈᐛ 4:11

ᐊᑯ ᒪᒃ ᓱᒃ ᑯᒋᑕᑕᐤ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᓱᒃ ᐃᔭᒂᒥᑕᐤ ᒐ ᐊᑲ ᒋ ᓄᑕᔅᑭᒪᐧᒄ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᐊᑲ ᓂᓇᐃᑐᐛᒂ ᒋᓴᒪᓂᑐᐤ ᒋᑭ ᓄᑕᔅᑲᓇᓄᐤ ᐊᓐᑕ ᒐᒋ ᐱᒐᔭᐧᒄ ᒧᔭᒻ ᐊᓂᔭᐧᑲ ᐃᔅᕋᐃᓪ ᐃᔪᒡ ᐊᓐᑕ ᐸᒋ ᐅᑕᒡ ᑲ ᐃᓯ ᓄᑕᔅᑲᒡ᙮

2 ᐱᑕᕐ 3:14

ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ᐊᓱᐛᐸᑎᒪᒄ ᐊᓐ ᐊ ᒋᓯᑲᒡ, ᒥᒄ ᐊ ᐃᔅᐱᔅ ᒋ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ᙮ ᓱᒃ ᒋᑭ ᐎ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ᑕᔭᒄ᙮